§13.51.1τῶν δὲ Ἀθηναίων περὶ ταῦτα γινομένων Μίνδαρος ὁ τῶν Λακεδαιμονίων ἀφηγούμενος αὐτὸς μὲν πρὸς Ἀλκιβιάδην ὑπὲρ τῶν ἀφελκομένων νεῶν διηγωνίζετο, Κλέαρχον δὲ τὸν Σπαρτιάτην μετὰ μέρους τῶν Πελοποννησίων ἀπέστειλε πρὸς τοὺς περὶ Θρασύβουλον·
아테네인들이 이 일들에 매달려 있는 동안, 라케다이몬인들의 지휘관인 민다루스는 자신은 끌려가는 함선들을 둘러싸고 알키비아데스와 맞서 치열하게 싸우는 한편, 스파르타인 클레아르코스를 펠로폰네소스인들의 일부와 함께 트라시불로스의 일행에게 보냈다.
συναπέστειλε δʼ αὐτῷ καὶ τοὺς παρὰ Φαρναβάζῳ στρατευομένους μισθοφόρους.
또한 그와 함께 파르나바조스 밑에서 복무하던 용병들도 함께 보냈다.
§13.51.2ὁ δὲ Θρασύβουλος μετὰ τῶν ἐπιβατῶν καὶ τῶν τοξοτῶν τὸ μὲν πρῶτον εὐρώστως ὑπέστη τοὺς πολεμίους, καὶ πολλοὺς μὲν ἀνεῖλεν, οὐκ ὀλίγους δὲ καὶ τῶν ἰδίων ἑώρα πίπτοντας·
트라시불로스는 해병 및 궁수들과 함께 처음에는 강인하게 적을 막아내며 많은 자들을 죽였으나, 자신의 부하들도 적지 않게 쓰러지는 것을 보고 있었다.
τῶν δὲ μετὰ τοῦ Φαρναβάζου μισθοφόρων κυκλούντων τοὺς Ἀθηναίους καὶ τῷ πλήθει πανταχόθεν περιχεομένων, ἐπεφάνη Θηραμένης τούς τε ἰδίους καὶ τοὺς μετὰ Χαιρέου ἄγων πεζούς.
그러나 파르나바조스와 함께한 용병들이 아테네인들을 포위하고 그 수적인 우세로 사방에서 밀려들 때, 테라메네스가 자신의 부하들과 카이레아스가 이끄는 보병들을 데리고 나타났다.
§13.51.3οἱ δὲ μετὰ τοῦ Θρασυβούλου καταπεπονημένοι καὶ τὰς τῆς σωτηρίας ἐλπίδας ἀπεγνωκότες πάλιν ἐξαίφνης ταῖς ψυχαῖς διηγείροντο τηλικαύτης βοηθείας παραγεγενημένης.
트라시불로스와 함께 있던 자들은 지칠 대로 지쳐 살아남을 희망을 버린 상태였으나, 이토록 커다란 구원군이 도달하자 돌연 다시금 정신을 떨쳐 일어났다.
§13.51.4ἐπὶ πολὺν δὲ χρόνον καρτερᾶς μάχης γενομένης, τὸ μὲν πρῶτον οἱ τοῦ Φαρναβάζου μισθοφόροι φεύγειν ἤρξαντο, καὶ τὸ συνεχὲς ἀεὶ τῆς τάξεως παρερρήγνυτο·
오랫동안 치열한 전투가 이어졌는데, 처음에는 파르나바조스의 용병들이 도망치기 시작하여 대열의 결속이 끊임없이 무너졌다.
τέλος δὲ οἱ Πελοποννήσιοι μετὰ Κλεάρχου καταλειφθέντες καὶ πολλὰ δράσαντες καὶ παθόντες ἐξεώσθησαν.
결국 클레아르코스와 함께 남겨진 펠로폰네소스인들은 많은 해를 끼치고 또 입은 끝에 격퇴당했다.
§13.51.5τούτων δὲ καταπεπονημένων οἱ περὶ τὸν Θηραμένην ὥρμησαν τοῖς μετʼ Ἀλκιβιάδου κινδυνεύσασι βοηθῆσαι.
이들이 압도당하자, 테라메네스의 일행은 위기에 처해 있던 알키비아데스의 부하들을 돕기 위해 급히 나아갔다.
συνδραμουσῶν δὲ τῶν δυνάμεων εἰς ἕνα τόπον, ὁ μὲν Μίνδαρος οὐ κατεπλάγη τὴν ἔφοδον τῶν περὶ Θηραμένην, ἀλλὰ διελόμενος τοὺς Πελοποννησίους τοῖς μὲν ἡμίσεσιν ἀπήντα τοῖς ἐπιοῦσι, τοὺς δʼ ἡμίσεις αὐτὸς ἔχων, καὶ δεόμενος ἑκάστου μὴ καταισχῦναι τὸ τῆς Σπάρτης ἀξίωμα, καὶ ταῦτα πεζομαχοῦντας, ἀντετάχθησαν τοῖς περὶ τὸν Ἀλκιβιάδην.
군대들이 한곳으로 집중되었을 때, 민다루스는 테라메네스 일행의 돌격을 보고도 기죽지 않고 펠로폰네소스인들을 둘러 나누어, 절반으로는 밀려드는 자들을 맞서게 하고, 자신은 나머지 절반을 거느리고 각자에게 스파르타의 명예를 더럽히지 말 것을 간청하며, 더구나 육상 전투를 치르고 있음을 상기시키면서 알키비아데스 일행에 맞서 대열을 정비했다.
§13.51.6περὶ δὲ τῶν νεῶν ἡρωικὴν συστησάμενος μάχην, καὶ πρὸ πάντων αὐτὸς κινδυνεύων, πολλοὺς μὲν ἀνεῖλε τῶν ἀντιτεταγμένων, τὸ δὲ τελευταῖον ἀξίως τῆς πατρίδος ἀγωνισάμενος ὑπὸ τῶν περὶ τὸν Ἀλκιβιάδην ἀνῃρέθη.
그는 함선들을 두고 영웅적인 전투를 치렀고, 누구보다도 먼저 몸소 위험에 맞서며 대적하는 자들을 많이 죽였으나, 마지막에는 조국에 부끄럽지 않게 싸운 끝에 알키비아데스 일행에 의해 전사했다.
τούτου δὲ πεπτωκότος οἵ τε Πελοποννήσιοι καὶ πάντες οἱ σύμμαχοι συνέδραμον καὶ καταπλαγέντες εἰς φυγὴν ὥρμησαν.
그가 전사하자 펠로폰네소스인들과 모든 동맹군은 한데 모였으나, 공포에 사로잡혀 일제히 도망치기 시작했다.
§13.51.7οἱ δʼ Ἀθηναῖοι μέχρι μέν τινος ἐπεδίωξαν τοὺς πολεμίους, πυνθανόμενοι δὲ τὸν Φαρνάβαζον μετὰ πολλῆς ἵππου κατὰ σπουδὴν ἐπειγόμενον, ἀνέκαμψαν ἐπὶ τὰς ναῦς, καὶ τὴν μὲν πόλιν παρέλαβον, δύο δὲ τρόπαια κατέστησαν ἀφʼ ἑκατέρας νίκης, τὸ μὲν τῆς ναυμαχίας ἐν τῇ νήσῳ τῇ Πολυδώρου καλουμένῃ, τὸ δὲ τῆς πεζομαχίας οὗ τὴν τροπὴν ἐποιήσαντο τὴν πρώτην.
아테네인들은 얼마간 적들을 추격했으나, 파르나바조스가 수많은 기병을 거느리고 급히 오고 있다는 소식을 듣고는 함선으로 퇴각하여 도시를 장악했다. 그리고 각각의 승리에 대해 두 개의 전승비를 세웠으니, 하나는 '폴리도로스의 섬'이라 불리는 섬에 세운 해전 전승비였고, 다른 하나는 처음으로 적을 패주시킨 곳에 세운 육상전 전승비였다.
§13.51.8οἱ μὲν οὖν ἐν τῇ πόλει Πελοποννήσιοι καὶ πάντες οἱ διαφυγόντες ἐκ τῆς μάχης ἔφυγον ἐπὶ τὸ τοῦ Φαρναβάζου στρατόπεδον·
그리하여 도시 안에 있던 펠로폰네소스인들과 전투에서 탈출한 모든 자들은 파르나바조스의 진영으로 피신했다.
οἱ δὲ τῶν Ἀθηναίων στρατηγοὶ τῶν τε νεῶν ἁπασῶν ἐγκρατεῖς ἐγενήθησαν καὶ πολλοὺς μὲν αἰχμαλώτους, ἀναρίθμητον δὲ πλῆθος λαφύρων ἤθροισαν, ὡς ἂν δύο δυνάμεις ἅμα τηλικαύτας νενικηκότες.
한편 아테네의 장군들은 모든 함선을 장악했고, 수많은 포로와 헤아릴 수 없이 많은 전리품을 거두어들였으니, 이는 그들이 그토록 거대한 두 군대를 동시에 격파했기 때문이었다.