§13.100.1οἱ δʼ Ἀθηναῖοι διώξαντες ἐφʼ ἱκανὸν τοὺς ἡττημένους πάντα τὸν σύνεγγυς τόπον τῆς θαλάττης ἐπλήρωσαν νεκρῶν καὶ ναυαγίων.
한편 아테네인들은 패배한 자들을 상당한 거리 동안 추격한 후, 근처의 바다 온 곳을 시신과 난파선 잔해로 가득 채웠다.
μετὰ δὲ ταῦτα τῶν στρατηγῶν οἱ μὲν ᾤοντο δεῖν τοὺς τετελευτηκότας ἀναιρεῖσθαι διὰ τὸ χαλεπῶς διατίθεσθαι τοὺς Ἀθηναίους ἐπὶ τοῖς ἀτάφους περιορῶσι τοὺς τετελευτηκότας, οἱ δʼ ἔφασαν δεῖν ἐπὶ τὴν Μιτυλήνην πλεῖν καὶ τὴν ταχίστην λῦσαι τὴν πολιορκίαν.
그 후 장군들 중 일부는, 아테네인들이 매장하지 않은 채 버려두는 자들에 대해 가혹하게 대한다는 이유로 전사자들을 수습해야 한다고 생각했고, 다른 이들은 미틸레네로 항해하여 가장 신속히 포위를 풀어야 한다고 주장했다.
§13.100.2ἐπεγενήθη δὲ καὶ χειμὼν μέγας, ὥστε σαλεύεσθαι τὰς τριήρεις, καὶ τοὺς στρατιώτας διά τε τὴν ἐκ τῆς μάχης κακοπάθειαν καὶ διὰ τὸ μέγεθος τῶν κυμάτων ἀντιλέγειν πρὸς τὴν ἀναίρεσιν τῶν νεκρῶν.
그러나 큰 폭풍우가 몰아닥쳐 삼단노선들이 크게 흔들렸고, 군사들은 전투로 인한 피로와 파도의 거대함 때문에 전사자 수습에 반대했다.
§13.100.3τέλος δὲ τοῦ χειμῶνος ἐπιτείνοντος οὔτε ἐπὶ τὴν Μιτυλήνην ἔπλευσαν οὔτε τοὺς τετελευτηκότας ἀνείλαντο, βιασθέντες δὲ ὑπὸ τῶν πνευμάτων εἰς Ἀργινούσας κατέπλευσαν.
결국 폭풍우가 거세지자, 그들은 미틸레네로 항해하지도 못하고 전사자들을 수습하지도 못한 채, 바람에 떠밀려 아르기누사이로 입항했다.
ἀπώλοντο δὲ ἐν τῇ ναυμαχίᾳ τῶν μὲν Ἀθηναίων ναῦς εἴκοσι πέντε καὶ τῶν ἐν αὐταῖς οἱ πλεῖστοι, τῶν δὲ Πελοποννησίων ἑπτὰ πρὸς ταῖς ἑβδομήκοντα·
이 해전에서 아테네측은 스물다섯 척의 배와 그 안에 있던 대부분의 사람들을 잃었고, 펠로폰네소스측은 일흔일곱 척을 잃었다.
§13.100.4διόπερ τοσούτων νεῶν καὶ τῶν ἐν αὐταῖς γεγενημένων ἀνδρῶν ἀπολωλότων ἐπλήσθη τῆς Κυμαίων καὶ Φωκαέων ἡ παραθαλάττιος χώρα νεκρῶν καὶ ναυαγίων.
그리하여 이토록 많은 배와 그 안에 타고 있던 사람들이 소실되었기에, 키메인들과 포카이아인들의 연안 지역은 시신과 난파선 잔해로 가득 찼다.
§13.100.5ὁ δὲ τὴν Μιτυλήνην πολιορκῶν Ἐτεόνικος πυθόμενός τινος τὴν τῶν Πελοποννησίων ἧτταν, τὰς μὲν ναῦς εἰς Χίον ἔπεμψε, τὴν δὲ πεζὴν δύναμιν αὐτὸς ἔχων εἰς τὴν Πυρραίων πόλιν ἀπεχώρησεν,οὖσαν σύμμαχον·
한편 미틸레네를 포위하고 있던 에테오니코스는 어떤 이로부터 펠로폰네소스인들의 패배 소식을 전해 듣자, 배들은 키오소로 보내고, 자신은 육상 전력을 이끌고 동맹국이었던 피라인들의 도시로 퇴각했다.
ἐδεδοίκει γάρ, μήποτε τῷ στόλῳ πλευσάντων τῶν Ἀθηναίων ἐπʼ αὐτοὺς καὶ τῶν ἐκ τῆς πόλεως ἐπεξελθόντων κινδυνεύσῃ τὴν δύναμιν ἀποβαλεῖν ἅπασαν.
아테네인들이 함대를 이끌고 자신들을 향해 항해해 오고 도시 안의 사람들이 출격할 경우, 전군을 잃을 위험에 처할까 두려워했기 때문이다.
§13.100.6οἱ δὲ τῶν Ἀθηναίων στρατηγοὶ πλεύσαντες εἰς Μιτυλήνην καὶ τὸν Κόνωνα μετὰ τῶν τεσσαράκοντα νεῶν παραλαβόντες εἰς Σάμον κατέπλευσαν, κἀκεῖθεν ὁρμώμενοι τὴν τῶν πολεμίων χώραν ἐπόρθουν.
아테네의 장군들은 미틸레네로 항해하여 코논과 그의 마흔 척의 배를 합류시킨 뒤 사모스로 입항했고, 그곳을 기점으로 삼아 적들의 영토를 약탈했다.
§13.100.7μετὰ δὲ ταῦτα οἱ περὶ τὴν Αἰολίδα καὶ τὴν Ἰωνίαν καὶ τὰς νήσους τὰς συμμαχούσας Λακεδαιμονίοις συνῆλθον εἰς Ἔφεσον, καὶ βουλευομένοις αὐτοῖς ἔδοξεν ἀποστέλλειν εἰς Σπάρτην καὶ Λύσανδρον αἰτεῖσθαι ναύαρχον·
그 후 아이올리스와 이오니아, 그리고 라케다이몬인들과 동맹을 맺고 있던 섬들의 주민들이 에페소스에 모였고, 그들이 논의한 결과 스파르타로 사절을 보내 리산드로스를 해군총사령관으로 임명해 달라고 요청하기로 결의했다.
οὗτος γὰρ ἔν τε τῷ τῆς ναυαρχίας χρόνῳ κατωρθωκὼς ἦν πολλὰ καὶ ἐδόκει διαφέρειν στρατηγίᾳ τῶν ἄλλων.
왜냐하면 그는 해군총사령관 임기 동안 많은 성공을 거두었으며, 장수로서의 역량에서 타인들보다 탁월하다고 여겨졌기 때문이다.
§13.100.8οἱ δὲ Λακεδαιμόνιοι νόμον ἔχοντες δὶς τὸν αὐτὸν μὴ πέμπειν, καὶ τὸ πάτριον ἔθος μὴ θέλοντες καταλύειν, Ἄρακον μὲν εἵλοντο ναύαρχον, τὸν δὲ Λύσανδρον ἰδιώτην αὐτῷ συνεξέπεμψαν, προστάξαντες ἀκούειν ἅπαντα τούτου.
하지만 라케다이몬인들은 동일한 인물을 두 번 보내지 않는 법을 가지고 있었고, 조상 대대의 관습을 폐지하기를 원치 않았기에, 아라코스를 해군총사령관으로 선출하되 리산드로스를 평민 신분으로 그와 함께 파견하며, 아라코스에게 그의 말을 모두 따르도록 명령했다.
οὗτοι μὲν ἐκπεμφθέντες ἐπὶ τὴν ἡγεμονίαν ἔκ τε τῆς Πελοποννήσου καὶ παρὰ τῶν συμμάχων τριήρεις ἤθροιζον ὅσας ἠδύναντο πλείστας.
이들은 지휘권을 위임받아 파견된 후, 펠로폰네소스와 동맹국들로부터 가능한 한 많은 삼단노선들을 긁어모았다.