§12.65.1τούτου δὲ τοῦ ἔτους διελθόντος Ἀθήνησι μὲν ἦν ἄρχων Ἴσαρχος, ἐν δὲ τῇ Ῥώμῃ καθειστήκεσαν ὕπατοι Τίτος Κοΐντιος καὶ Γάιος Ἰούλιος, παρὰ δὲ Ἠλείοις Ὀλυμπιὰς ἤχθη ἐνάτη καὶ ὀγδοηκοστή, καθʼ ἣν ἐνίκα στάδιον Σύμμαχος τὸ δεύτερον.
이 해가 지나자 아테네에서는 이사르코스가 아르콘이었고, 로마에서는 티투스 퀸티우스와 가이우스 율리우스가 집정관으로 취임해 있었으며, 엘리스인들 사이에서는 제89회 올림피아 제전이 개최되어 거기서 쉼마코스가 단거리 경주에서 두 번째로 우승했다.
ἐπὶ δὲ τούτων Ἀθηναῖοι στρατηγὸν καταστήσαντες Νικίαν τὸν Νικηράτου, καὶ παραδόντες αὐτῷ τριήρεις μὲν ἑξήκοντα, ὁπλίτας δὲ τρισχιλίους, προσέταξαν πορθῆσαι τοὺς Λακεδαιμονίων συμμάχους.
이들의 임기 동안 아테네인들은 니케라토스의 아들 니키아스를 장군으로 임명하고, 그에게 삼열조선 60척과 중장보병 3,000명을 넘겨주며 라케다이몬인들의 동맹국들을 약탈하라고 명령했다.
§12.65.2οὗτος δʼ ἐπὶ πρώτην τὴν Μῆλον πλεύσας τήν τε χώραν ἐδῄωσε καὶ τὴν πόλιν ἐφʼ ἱκανὰς ἡμέρας ἐπολιόρκησεν·
그는 먼저 멜로스 섬으로 항해하여 그 영토를 황폐화하고 상당한 날 동안 도시를 포위했다.
αὕτη γὰρ μόνη τῶν Κυκλάδων νήσων διεφύλαττε τὴν πρὸς Λακεδαιμονίους συμμαχίαν, ἄποικος οὖσα τῆς Σπάρτης.
왜냐하면 키클라데스 제도 중에서 이 섬만이 스파르타의 식민 도시로서 라케다이몬인들과의 동맹 관계를 고수하고 있었기 때문이다.
§12.65.3ὁ δὲ Νικίας, γενναίως ἀμυνομένων τῶν Μηλίων οὐ δυνάμενος ἑλεῖν τὴν πόλιν, ἀπέπλευσεν εἰς Ὠρωπὸν τῆς Βοιωτίας.
그러나 니키아스는 멜로스인들이 용맹하게 방어했기 때문에 도시를 함락할 수 없었으므로, 보이오티아의 오로포스로 회항했다.
ἐνταῦθα δὲ τὰς ναῦς ἀπολιπὼν παρῆλθεν εἰς τὴν τῶν Ταναγραίων χώραν μετὰ τῶν ὁπλιτῶν, καὶ κατέλαβεν ἐνταῦθα δύναμιν ἑτέραν Ἀθηναίων, ἧς ἐστρατήγει Ἱππόνικος ὁ Καλλίου.
그곳에 배들을 남겨두고 그는 중장보병들과 함께 타나그라인들의 영토로 진격하여, 그곳에서 칼리아스의 아들 히포니코스가 지휘하던 다른 아테네 군대와 합류했다.
§12.65.4συνελθόντων δὲ εἰς ταὐτὸ τῶν στρατοπέδων ἀμφοτέρων, οὗτοι μὲν ἐπεπορεύοντο τὴν χώραν πορθοῦντες, τῶν δὲ Θηβαίων ἐκβοηθούντων συνάψαντες αὐτοῖς μάχην οἱ Ἀθηναῖοι καὶ πολλοὺς ἀνελόντες ἐνίκησαν.
두 군세가 같은 곳에 모이자, 그들은 영토를 약탈하며 진격했으나, 테베인들이 구원을 위해 출격하자 아테네인들은 그들과 전투를 벌여 승리를 거두고 많은 자를 죽였다.
§12.65.5μετὰ δὲ τὴν μάχην οἱ μεθʼ Ἱππονίκου στρατιῶται τὴν εἰς Ἀθήνας ἐπάνοδον ἐποιήσαντο, Νικίας δὲ παρελθὼν ἐπὶ τὰς ναῦς παρέπλευσεν ἐπὶ τὴν Λοκρίδα, καὶ τὴν παραθαλάττιον χώραν πορθήσας προσελάβετο παρὰ τῶν συμμάχων τριήρεις τετταράκοντα, ὥστε τὰς πάσας ἔχειν αὐτὸν ναῦς ἑκατόν·
전투가 끝난 뒤 히포니코스 휘하의 군사들은 아테네로 귀환했으나, 니키아스는 배로 돌아가 로크리스 지방으로 연안 항해를 하며 연안 영토를 약탈하고, 동맹국들로부터 삼열조선 40척을 추가로 받아 총 100척의 배를 보유하게 되었다.
καταλέξας δὲ καὶ πεζοὺς στρατιώτας οὐκ ὀλίγους, καὶ δύναμιν ἀξιόλογον συστησάμενος, ἔπλευσεν ἐπὶ τὴν Κόρινθον.
그는 또한 적잖은 보병들을 징집하고 주목할 만한 군세를 조직하여 코린토스로 항해했다.
§12.65.6ἀποβιβάσαντος δʼ αὐτοῦ τοὺς στρατιώτας, καὶ τῶν Κορινθίων ἀντιταχθέντων, οἱ Ἀθηναῖοι δυσὶ μάχαις ἐνίκησαν καὶ πολλοὺς τῶν πολεμίων ἀνελόντες τρόπαιον ἔστησαν.
그가 군사들을 상륙시키고 코린토스인들이 맞서 전열을 갖추자, 아테네인들은 두 차례의 전투에서 승리했고, 많은 적을 죽인 뒤 전승기념비를 세웠다.
ἐτελεύτησαν δʼ ἐν τῇ μάχῃ τῶν Ἀθηναίων εἰς ὀκτώ, τῶν δὲ Κορινθίων πλείους τῶν τριακοσίων.
이 전투에서 아테네인 측에서는 약 8명이 사망했고, 코린토스인 측에서는 300명 이상이 사망했다.
§12.65.7ὁ δὲ Νικίας πλεύσας εἰς Κρομμυῶνα τήν τε χώραν ἐδῄωσε καὶ τὸ φρούριον ἐχειρώσατο.
니키아스는 크롬뮈온으로 항해하여 그 영토를 황폐화하고 요새를 함락했다.
εὐθὺς δʼ ἐπαναζεύξας καὶ τειχίσας φρούριον ἐν τῇ Μεθώνῃ, φυλακὴν κατέλιπε τὴν τὸ χωρίον ἅμα φυλάξουσαν καὶ τὴν ἐγγὺς χώραν δῃώσουσαν·
그리고 즉시 다시 출발하여 메토네에 요새를 쌓고, 그곳을 지키는 동시에 인근 영토를 약탈할 수비대를 남겨두었다.
αὐτὸς δὲ τὴν παραθαλάττιον πορθήσας ἐπανῆλθεν εἰς τὰς Ἀθήνας.
자신은 연안 지역을 약탈한 뒤 아테네로 돌아왔다.
§12.65.8μετὰ δὲ ταῦτα ἐπὶ Κύθηρα ναῦς ἀπέστειλαν ἑξήκοντα καὶ δισχιλίους ὁπλίτας, ὧν εἶχε τὴν στρατηγίαν Νικίας μετʼ ἄλλων τινῶν.
이 일들이 있은 뒤, 아테네인들은 키테라 섬으로 배 60척과 중장보병 2,000명을 파견했는데, 니키아스가 다른 이들과 함께 그 지휘를 맡았다.
οὗτος δὲ στρατεύσας ἐπὶ τὴν νῆσον καὶ προσβολὰς ποιησάμενος παρέλαβε τὴν πόλιν καθʼ ὁμολογίαν.
그는 이 섬으로 출정하여 공격을 감행한 뒤 협정에 의해 도시를 인도받았다.
ἐν δὲ τῇ νήσῳ καταλιπὼν φρουρὰν ἐξέπλευσεν εἰς τὴν Πελοπόννησον καὶ τὴν παραθαλάττιον χώραν ἐδῄωσε.
섬에 수비대를 남겨둔 뒤 그는 펠로폰네소스 쪽으로 출항하여 연안 영토를 황폐화했다.
§12.65.9καὶ Θυρέας μὲν κειμένας ἐν τοῖς μεθορίοις τῆς Λακωνικῆς καὶ τῆς Ἀργείας ἐκπολιορκήσας ἐξηνδραποδίσατο καὶ κατέσκαψε, τοὺς δʼ ἐν αὐτῇ κατοικοῦντας Αἰγινήτας καὶ τὸν φρούραρχον Τάνταλον Σπαρτιάτην ζωγρήσας ἀπήγαγεν εἰς τὰς Ἀθήνας.
또한 그는 라코니카와 아르고리스의 경계에 위치한 튀레아를 포위 공격하여 함락시킨 뒤 주민들을 노예로 삼고 도시를 철저히 파괴했으며, 그곳에 거주하던 아이기나인들과 스파르타인 수비대장 탄탈로스를 생포하여 아테네로 끌고 갔다.
οἱ δὲ Ἀθηναῖοι τὸν μὲν Τάνταλον δήσαντες ἐφύλαττον μετὰ τῶν ἄλλων αἰχμαλώτων καὶ τοὺς Αἰγινήτας.
아테네인들은 탄탈로스를 포박하여 다른 포로들과 함께 감시 하에 두었고, 아이기나인들에 대해서도 그렇게 했다.