§12.55.1κατὰ δὲ τὴν Ἑλλάδα Λέσβιοι μὲν ἀπέστησαν ἀπὸ τῶν Ἀθηναίων·
그리스에서는 레스보스인들이 아테네인들로부터 이탈했다.
ἐνεκάλουν γὰρ αὐτοῖς, ὅτι βουλομένων συνοικίζειν πάσας τὰς κατὰ τὴν Λέσβον πόλεις εἰς τὴν Μυτιληναίων πόλιν διεκώλυσαν.
왜냐하면 그들이 레스보스섬의 모든 도시를 뮈틸레네 도시로 통합하기를 원했을 때 아테네인들이 이를 방해했다고 그들을 비난했기 때문이다.
§12.55.2διὸ καὶ πρὸς Λακεδαιμονίους ἀποστείλαντες πρεσβευτὰς καὶ συμμαχίαν συνθέμενοι συνεβούλευον τοῖς Σπαρτιάταις ἀντέχεσθαι τῆς κατὰ θάλατταν ἡγεμονίας· πρὸς ταύτην δὲ τὴν ἐπιβολὴν ἐπηγγείλαντο πολλὰς τριήρεις εἰς τὸν πόλεμον παρέξεσθαι.
그리하여 그들은 라케다이몬인들에게 사절을 보내고 동맹을 맺은 뒤, 스파르타인들에게 해상 패권을 차지하라고 권고했으며, 이 기획에 대해 전쟁을 위해 많은 삼단노선을 제공하겠다고 약속했다.
§12.55.3ἀσμένως δὲ τῶν Λακεδαιμονίων ὑπακουσάντων καὶ περὶ τὴν κατασκευὴν τῶν τριήρων γινομένων, Ἀθηναῖοι φθάσαντες αὐτῶν τὴν παρασκευὴν παραχρῆμα δύναμιν ἐξέπεμψαν εἰς τὴν Λέσβον, πληρώσαντες ναῦς τετταράκοντα καὶ στρατηγὸν προχειρισάμενοι Κλεινιππίδην.
라케다이몬인들이 기꺼이 응하여 삼단노선 건조에 착수하자, 아테네인들은 그들의 준비보다 한발 앞서 즉시 레스보스로 군대를 파견했는데, 40척의 배를 가득 채우고 장군으로 클레이니피데스를 지명했다.
οὗτος δὲ προσλαβόμενος βοήθειαν παρὰ τῶν συμμάχων κατέπλευσεν εἰς Μυτιλήνην.
그는 동맹국들로부터 지원군을 얻어 뮈틸레네로 항해했다.
§12.55.4γενομένης δὲ ναυμαχίας οἱ μὲν Μυτιληναῖοι λειφθέντες συνεκλείσθησαν εἰς πολιορκίαν, τῶν δὲ Λακεδαιμονίων ψηφισαμένων βοηθεῖν τοῖς Μυτιληναίοις καὶ παρασκευαζομένων στόλον ἀξιόλογον, ἔφθασαν Ἀθηναῖοι ναῦς ἄλλας σὺν ὁπλίταις χιλίοις ἀποστείλαντες εἰς Λέσβον.
해전이 일어나자 뮈틸레네인들은 패하여 포위망 속에 갇히게 되었고, 라케다이몬인들이 뮈틸레네인들을 원조하기로 의결하고 주목할 만한 함대를 준비하고 있을 때, 아테네인들은 다른 배들과 함께 1,000명의 중장보병을 레스보스로 파견하여 선수를 쳤다.
§12.55.5τούτων δʼ ἡγούμενος Πάχης ὁ Ἐπικλήρου καταντήσας εἰς τὴν Μυτιλήνην, καὶ τὴν προϋπάρχουσαν δύναμιν παραλαβών, περιετείχισε τὴν πόλιν καὶ συνεχεῖς προσβολὰς ἐποιεῖτο οὐ μόνον κατὰ γῆν, ἀλλὰ καὶ κατὰ θάλατταν.
이들을 이끄는 에피클레로스의 아들 파케스는 뮈틸레네에 도착하여 기존의 군대를 인수한 뒤, 도시 주위에 성벽을 둘러싸고 육지뿐만 아니라 바다에서도 끊임없이 공격을 가했다.
§12.55.6Λακεδαιμόνιοι δὲ ἐξαπέστειλαν εἰς τὴν Μυτιλήνην τριήρεις μὲν τετταράκοντα πέντε καὶ στρατηγὸν Ἀλκίδαν, εἰς δὲ τὴν Ἀττικὴν εἰσέβαλον μετὰ τῶν συμμάχων·
라케다이몬인들은 뮈틸레네로 45척의 삼단노선과 장군 알키다스를 파견했고, 동맹국들과 함께 아티카를 침공했다.
ἐπελθόντες δὲ τοὺς παραλελειμμένους τόπους τῆς Ἀττικῆς καὶ δῃώσαντες τὴν χώραν ἐπανῆλθον εἰς τὴν οἰκείαν.
아티카의 아직 피해를 입지 않은 지역들을 습격하여 그 땅을 황폐화시킨 뒤 본국으로 돌아갔다.
§12.55.7Μυτιληναῖοι δὲ τῇ σιτοδείᾳ καὶ τῷ πολέμῳ πιεζόμενοι καὶ στασιάζοντες πρὸς ἀλλήλους, καθʼ ὁμολογίαν παρέδωκαν τὴν πόλιν τοῖς πολιορκοῦσιν.
뮈틸레네인들은 식량 부족과 전쟁으로 고통받고 서로 내분을 겪던 끝에, 협정에 따라 도시를 포위 공격자들에게 인도했다.
§12.55.8ἐν δὲ ταῖς Ἀθήναις τοῦ δήμου βουλευομένου πῶς χρὴ προσενέγκασθαι τοῖς Μυτιληναίοις, Κλέων ὁ δημαγωγός, ὠμὸς ὢν τὸν τρόπον καὶ βίαιος, παρώξυνε τὸν δῆμον, ἀποφαινόμενος δεῖν τοὺς Μυτιληναίους αὐτοὺς μὲν ἡβηδὸν ἅπαντας ἀποκτεῖναι, τέκνα δὲ καὶ γυναῖκας ἐξανδραποδίσασθαι.
아테네에서는 민중이 뮈틸레네인들을 어떻게 대우해야 할지 심의하고 있었는데, 성품이 잔혹하고 난폭한 선동가 클레온이 민중을 부추기며, 뮈틸레네인들 중 군인 연령의 성인 남성을 모두 죽이고 아이들과 여성들은 노예로 삼아야 한다고 주장했다.
§12.55.9τέλος δὲ πεισθέντων τῶν Ἀθηναίων κατὰ τὴν γνώμην τε τοῦ Κλέωνος ψηφισαμένων, ἀπεστάλησαν εἰς τὴν Μυτιλήνην οἱ τὰ δοχθέντα τῷ δήμῳ δηλώσοντες τῷ στρατηγῷ.
결국 아테네인들이 설득되어 클레온의 의견에 따라 의결하자, 민중이 결정한 바를 장군에게 알릴 자들이 뮈틸레네로 파견되었다.
§12.55.10τοῦ δὲ Πάχητος ἀναγνόντος τὸ ψήφισμα ἦλθεν ἐναντίον τῷ προτέρῳ ἕτερον.
파케스가 결의문을 읽었을 때, 이전의 것과 반대되는 또 다른 결의문이 도착했다.
ὁ δὲ Πάχης γνοὺς τὴν μετάνοιαν τῶν Ἀθηναίων ἐχάρη, καὶ τοὺς Μυτιληναίους συναγαγὼν εἰς ἐκκλησίαν ἀπέλυσε τῶν ἐγκλημάτων, ἅμα δὲ καὶ τῶν μεγίστων φόβων.
파케스는 아테네인들의 번복을 알고 기뻐하며, 뮈틸레네인들을 민회로 소집하여 고발로부터, 동시에 가장 큰 공포로부터 풀어주었다.
Ἀθηναῖοι δὲ τῆς Μυτιλήνης τὰ τείχη περιελόντες τὴν Λέσβον ὅλην πλὴν τῆς Μηθυμναίων χώρας κατεκληρούχησαν.
아테네인들은 뮈틸레네의 성벽을 허물고 메튐나인의 영토를 제외한 레스보스섬 전체를 분할했다.
ἡ μὲν οὖν Λεσβίων ἀπόστασις ἀπʼ Ἀθηναίων τοιοῦτον ἔσχε τὸ τέλος.
그리하여 레스보스인들의 아테네로부터의 이탈은 이와 같은 결말을 맺었다.