§12.12.1πρῶτον μὲν γὰρ τοῖς μητρυιὰν ἐπαγομένοις κατὰ τῶν ἰδίων τέκνων ἔθηκε πρόστιμον τὸ μὴ γίνεσθαι συμβούλους τούτους τῇ πατρίδι, νομίζων τοὺς κακῶς περὶ τῶν ἰδίων τέκνων βουλευσαμένους καὶ συμβούλους κακοὺς ἔσεσθαι τῇ πατρίδι.
첫째로, 그는 친자식들 위에 계모를 들여오는 자들에게 그들이 조국의 고문이 되지 못한다는 벌을 부과했다. 자신의 자식들에 대해 잘못된 결정을 내린 자는 조국에 대해서도 나쁜 고문이 될 것이라고 생각했기 때문이다.
ἔφη γὰρ τοὺς μὲν πρῶτον γήμαντας καὶ ἐπιτυχόντας δεῖν εὐημεροῦντας καταπαύειν, τοὺς δὲ ἀποτυχόντας τῷ γάμῳ καὶ πάλιν ἐν τοῖς αὐτοῖς ἁμαρτάνοντας ἄφρονας δεῖν ὑπολαμβάνεσθαι.
그는 첫 번째로 결혼하여 성공한 자들은 행복할 때 그쳐야 하며, 결혼에 실패하고도 다시 동일한 실수를 저지르는 자들은 어리석은 자들로 여겨져야 한다고 말했기 때문이다.
§12.12.2τοὺς δʼ ἐπὶ συκοφαντίᾳ καταγνωσθέντας προσέταξε περιπατεῖν ἐστεφανωμένους μυρίκῃ, ὅπως ἐν πᾶσι τοῖς πολίταις φαίνωνται τὸ πρωτεῖον τῆς πονηρίας περιπεποιημένοι.
또한 무고죄로 유죄 판결을 받은 자들에게는 위류 관을 쓰고 걸어 다닐 것을 명했다. 모든 시민들 사이에서 그들이 사악함의 으뜸을 차지했음이 드러나도록 하기 위함이었다.
διὸ καί τινας ἐπὶ τούτῳ τῷ ἐγκλήματι καταδικασθέντας τὸ μέγεθος τῆς ὕβρεως οὐκ ἐνεγκόντας ἑκουσίως ἑαυτοὺς ἐκ τοῦ ζῆν μεταστῆσαι.
이 때문에 이 혐의로 유죄 판결을 받은 이들 중 일부는 그 수치스러움의 크기를 견디지 못하고 스스로 목숨을 끊기도 했다.
οὗ συντελεσθέντος ἐφυγαδεύθη πᾶς ἐκ τῆς πόλεως ὁ συκοφαντεῖν εἰωθώς, καὶ τὸ πολίτευμα μακάριον εἶχε βίον τῆς τοιαύτης κακίας ἀπηλλαγμένον.
이것이 실행되자 무고를 일삼던 자들이 모두 도시에서 추방되었고, 국가는 그러한 악덕에서 벗어나 행복한 삶을 누렸다.
§12.12.3ἔγραψε δὲ ὁ Χαρώνδας καὶ περὶ τῆς κακομιλίας νόμον ἐξηλλαγμένον καὶ τοῖς ἄλλοις νομοθέταις παρεωραμένον.
카론다스는 또한 나쁜 교제에 관해서도 독특하고 다른 입법자들에 의해 간과되었던 법률을 제정했다.
ὑπολαβὼν γὰρ τοὺς ἀγαθοὺς ἄνδρας ἐνίοτε διὰ τὴν πρὸς τοὺς πονηροὺς φιλίαν καὶ συνήθειαν διαστρέφεσθαι τὰ ἤθη πρὸς κακίαν, καὶ τὴν φαυλότητα καθάπερ λοιμικὴν νόσον ἐπινέμεσθαι τὸν βίον τῶν ἀνθρώπων καὶ νοσοποιεῖν τὰς ψυχὰς τῶν ἀρίστων·
그는 선한 사람들이 때로는 악한 사람들과의 우정과 친교 때문에 그 성품이 사악함으로 비뚤어지며, 악덕이 마치 전염병처럼 인간의 삶을 잠식하고 가장 뛰어난 이들의 영혼을 병들게 한다고 생각했기 때문이다.
κατάντης γὰρ ἡ πρὸς τὸ χεῖρον ὁδός, ῥᾳδίαν ἔχουσα τὴν ὁδοιπορίαν·
더 나쁜 쪽으로 향하는 길은 내리막길이어서 걷기가 수월하기 때문이다.
διὸ καὶ τῶν μετρίων πολλοὶ τοῖς ἤθεσιν, ὑπούλοις ἡδοναῖς δελεασθέντες, εἰς ἐπιτηδεύσεις χειρίστας περιώκειλαν·
이 때문에 성품이 평범한 이들 중 많은 이들이 숨겨진 쾌락에 유혹당해 가장 나쁜 관행으로 빠져들었다.
ταύτην οὖν τὴν διαφθορὰν ἀναστεῖλαι βουλόμενος ὁ νομοθέτης ἀπηγόρευσε τῇ τῶν πονηρῶν φιλίᾳ τε καὶ συνηθείᾳ χρήσασθαι, καὶ δίκας ἐποίησε κακομιλίας, καὶ προστίμοις μεγάλοις ἀπέτρεψε τοὺς ἁμαρτάνειν μέλλοντας.
그리하여 입법자는 이러한 타락을 막고자 악한 자들과 우정과 친교를 맺는 것을 금지했고, 나쁜 교제에 대한 소송을 마련했으며, 무거운 벌금으로 죄를 지으려는 자들을 제지했다.
§12.12.4ἔγραψε δὲ καὶ ἕτερον νόμον πολὺ τούτου κρείττονα καὶ τοῖς παλαιοτέροις αὐτοῦ νομοθέταις ἠμελημένον·
그는 또한 이것보다 훨씬 더 훌륭하고 그보다 오래된 입법자들에게 소홀히 여겨졌던 다른 법률을 제정했다.
ἐνομοθέτησε γὰρ τῶν πολιτῶν τοὺς υἱεῖς ἅπαντας μανθάνειν γράμματα, χορηγούσης τῆς πόλεως τοὺς μισθοὺς τοῖς διδασκάλοις.
즉, 시민의 아들들 모두가 읽고 쓰기를 배우도록 입법했으며, 교사들의 급여는 도시가 지원하도록 한 것이다.
ὑπέλαβε γὰρ τοὺς ἀπόρους τοῖς βίοις, ἰδίᾳ μὴ δυναμένους διδόναι μισθούς, ἀποστερήσεσθαι τῶν καλλίστων ἐπιτηδευμάτων.
그는 생계가 곤궁하여 개인적으로 급여를 줄 수 없는 자들이 가장 아름다운 배움의 기회를 박탈당하게 될 것이라고 생각했기 때문이다.