§11.9.1ἀκούσαντες δʼ οἱ Ἕλληνες συνήδρευσαν περὶ μέσας νύκτας καὶ ἐβουλεύοντο περὶ τῶν ἐπιφερομένων κινδύνων.
그리스인들은 이 소식을 듣고 밤중에 회의를 열어 다가오는 위험에 대해 논의했다.
ἔνιοι μὲν οὖν ἔφασαν δεῖν παραχρῆμα καταλιπόντας τὰς παρόδους διασώζεσθαι πρὸς τοὺς συμμάχους· ἀδύνατον γὰρ εἶναι τοῖς μείνασι τυχεῖν σωτηρίας·
이에 어떤 이들은 즉시 길목을 버리고 동맹군에게로 도망쳐 몸을 보존해야 한다고 주장했으니, 남은 자들이 구원을 얻는 것은 불가능하기 때문이라는 이유였다.
Λεωνίδης δὲ ὁ βασιλεὺς τῶν Λακεδαιμονίων φιλοτιμούμενος αὑτῷ τε δόξαν περιθεῖναι μεγάλην καὶ τοῖς Σπαρτιάταις, προσέταξε τοὺς μὲν ἄλλους Ἕλληνας ἅπαντας ἀπιέναι καὶ σώζειν ἑαυτούς, ἵνα κατὰ τὰς ἄλλας μάχας συναγωνίζωνται τοῖς Ἕλλησιν, αὐτοὺς δὲ τοὺς Λακεδαιμονίους ἔφησε δεῖν μένειν καὶ τὴν φυλακὴν τῶν παρόδων μὴ λιπεῖν·
그러나 라케다이몬인의 왕 레오니다스는 자신과 스파르타인들에게 커다란 명성을 안겨주기를 열망하여, 다른 모든 그리스인에게는 다른 전투에서 그리스인들과 함께 싸울 수 있도록 떠나서 스스로를 구하라고 명령했다.
πρέπειν γὰρ τοὺς ἡγουμένους τῆς Ἑλλάδος ὑπὲρ τῶν πρωτείων ἀγωνιζομένους ἀποθνήσκειν ἑτοίμως.
반면 라케다이몬인 자신들은 머물러야 하며 길목의 수비를 버려서는 안 된다고 말했으니, 그리스의 지도자들은 으뜸가는 명예를 위해 싸우며 기꺼이 죽는 것이 합당하기 때문이라는 이유였다.
§11.9.2εὐθὺς οὖν οἱ μὲν ἄλλοι πάντες ἀπηλλάγησαν, ὁ δὲ Λεωνίδης μετὰ τῶν πολιτῶν ἡρωικὰς πράξεις καὶ παραδόξους ἐπετελέσατο.
그리하여 즉시 다른 이들은 모두 떠나갔으나, 레오니다스는 시민들과 함께 영웅적이고도 놀라운 위업을 완수했다.
ὀλίγων δʼ ὄντων Λακεδαιμονίων, Θεσπιεῖς γὰρ μόνους παρακατέσχε, καὶ τοὺς σύμπαντας ἔχων οὐ πλείους τῶν πεντακοσίων, ἕτοιμος ἦν ὑποδέξασθαι τὸν ὑπὲρ τῆς Ἑλλάδος θάνατον.
라케다이몬인들의 수는 적었으나—그는 테스피아이인들만을 곁에 남겨두어 전체를 합쳐도 오백 명이 넘지 않는 군세를 거느리고 있었다—그는 그리스를 위해 죽음을 맞이할 준비가 되어 있었다.
§11.9.3μετὰ δὲ ταῦτα οἱ μὲν μετὰ τοῦ Τραχινίου Πέρσαι περιελθόντες τὰς δυσχωρίας ἄφνω τοὺς περὶ τὸν Λεωνίδην ἀπέλαβον εἰς τὸ μέσον, οἱ δʼ Ἕλληνες τὴν μὲν σωτηρίαν ἀπογνόντες, τὴν δʼ εὐδοξίαν ἑλόμενοι, μιᾷ φωνῇ τὸν ἡγούμενον ἠξίουν ἄγειν ἐπὶ τοὺς πολεμίους, πρὶν ἢ γνῶναι τοὺς Πέρσας τὴν τῶν ἰδίων περίοδον.
이후 트라키스인과 함께한 페르시아인들이 험로를 우회하여 별안간 레오니다스 일행을 포위하자, 그리스인들은 살아남기를 단념하고 영광스러운 명성을 선택하여, 페르시아인들이 자기 군대의 우회 완료를 알아차리기 전에 일제히 한 목소리로 지도자에게 적들을 향해 진격해 줄 것을 요구했다.
§11.9.4Λεωνίδης δὲ τὴν ἑτοιμότητα τῶν στρατιωτῶν ἀποδεξάμενος, τούτοις παρήγγειλε ταχέως ἀριστοποιεῖσθαι, ὡς ἐν ᾅδου δειπνησομένους·
레오니다스는 병사들의 준비된 기세를 받아들이고, 그들에게 하데스에서 저녁을 먹을 사람들처럼 신속히 아침을 먹으라고 명령했다.
αὐτὸς δʼ ἀκολούθως τῇ παραγγελίᾳ τροφὴν προσηνέγκατο, νομίζων οὕτω δυνήσεσθαι πολὺν χρόνον ἰσχύειν καὶ φέρειν τὴν ἐν τοῖς κινδύνοις ὑπομονήν.
그 자신도 명령에 따라 음식을 섭취했는데, 그렇게 함으로써 오랫동안 힘을 유지하고 위험 속에서 인내를 감당할 수 있을 것이라 생각했기 때문이었다.
ἐπεὶ δὲ συντόμως ἀναλαβόντες αὑτοὺς ἕτοιμοι πάντες ὑπῆρξαν, παρήγγειλε τοῖς στρατιώταις εἰσπεσόντας εἰς τὴν παρεμβολὴν φονεύειν τοὺς ἐντυγχάνοντας καὶ ἐπʼ αὐτὴν ὁρμῆσαι τὴν τοῦ βασιλέως σκηνήν.
그들이 신속히 전열을 가다듬고 모두가 준비를 마치자, 그는 병사들에게 진영으로 돌격하여 마주치는 자들을 살육하고 왕의 천막 그 자체를 향해 돌진하라고 명령했다.