§11.8.1τῇ δʼ ὑστεραίᾳ Ξέρξης μέν, παρὰ προσδοκίαν αὐτῷ τῆς μάχης λαβούσης τὸ τέλος, ἐξ ἁπάντων τῶν ἐθνῶν ἐπέλεξε τοὺς δοκοῦντας ἀνδρείᾳ καὶ θράσει διαφέρειν, καὶ πολλὰ δεηθεὶς αὐτῶν προεῖπεν, ὅτι βιασαμένοις μὲν αὐτοῖς τὴν εἴσοδον δωρεὰς ἀξιολόγους δώσει, φεύγουσι δὲ θάνατος ἔσται τὸ πρόστιμον.
이튿날 크세르크세스는 전투가 자신의 예상과 다르게 끝난 것에 대해, 모든 민족 중에서 용기와 대담함이 뛰어나다고 여겨지는 이들을 선발하였고, 그들에게 크게 간청하며 만일 힘써 입구를 돌파한다면 가치 있는 포상을 내릴 것이나, 도망치는 자에게는 죽음이 벌이 될 것이라고 미리 선포했다.
§11.8.2τούτων δὲ μετὰ μεγάλης συστροφῆς καὶ βίας ἐπιρραξάντων τοῖς Ἕλλησιν, οἱ περὶ Λεωνίδην τότε συμφράξαντες καὶ τείχει παραπλησίαν ποιησάμενοι τὴν σύστασιν ἐκθύμως ἠγωνίζοντο.
이들이 거대한 결집과 맹렬한 기세로 그리스인들에게 돌격하자, 레오니다스를 둘러싼 이들은 그때 대열을 밀착시키고 성벽과도 같은 진형을 갖추어 결사적으로 싸웠다.
ἐπὶ τοσοῦτο δὲ προέβησαν ταῖς προθυμίαις, ὥστε τοὺς εἰωθότας ἐκ διαδοχῆς μεταλαμβάνειν τῆς μάχης οὐ συνεχώρησαν, ἀλλὰ τῇ συνεχείᾳ τῆς κακοπαθείας περιγενόμενοι πολλοὺς ἀνῄρουν τῶν ἐπιλέκτων βαρβάρων.
그들은 그 열의가 대단하여 교대로 전투에 임하도록 길들여진 이들에게 교대를 허락하지 않았고, 고난의 지속을 이겨냄으로써 선발된 야만인들을 많이 쓰러뜨렸다.
§11.8.3ἐνημερεύοντες δὲ τοῖς κινδύνοις ἡμιλλῶντο πρὸς ἀλλήλους·
그들은 위험 속에서 하루 종일 머물며 서로 경쟁했다.
οἱ μὲν γὰρ πρεσβύτεροι πρὸς τὰς τῶν νέων ἀκμὰς παρεβάλλοντο, οἱ δὲ νεώτεροι πρὸς τὰς τῶν πρεσβυτέρων ἐμπειρίας τε καὶ δόξας ἡμιλλῶντο.
즉, 연장자들은 젊은이들의 왕성한 기력에 필적하고자 했고, 젊은이들은 연장자들의 경험과 명성에 대항하여 경쟁했다.
τέλος δὲ φευγόντων καὶ τῶν ἐπιλέκτων, οἱ τὴν ἐπιτεταγμένην στάσιν ἔχοντες τῶν βαρβάρων συμφράξαντες οὐκ εἴων φεύγειν τοὺς ἐπιλέκτους·
마침내 선발된 이들마저 도망치기 시작하자, 후방 대열을 맡고 있던 야만인들이 대열을 굳혀 선발된 이들이 도망치는 것을 허락하지 않았다.
διόπερ ἠναγκάζοντο πάλιν ἀναστρέφειν καὶ μάχεσθαι.
이 때문에 그들은 다시 돌아서서 싸울 수밖에 없었다.
§11.8.4ἀπορουμένου δὲ τοῦ βασιλέως καὶ νομίζοντος μηδένα τολμήσειν ἔτι μάχεσθαι, ἧκε πρὸς αὐτὸν Τραχίνιός τις τῶν ἐγχωρίων, ἔμπειρος ὢν τῆς ὀρεινῆς χώρας.
왕이 곤경에 처해 더 이상 아무도 감히 싸우려 하지 않을 것이라 생각하고 있을 때, 그 지역 주민인 어떤 트라키스인이 그에게 찾아왔는데, 그는 산악 지대에 정통한 자였다.
οὗτος τῷ Ξέρξῃ προσελθὼν ἐπηγγείλατο διά τινος ἀτραποῦ στενῆς καὶ παρακρήμνου τοὺς Πέρσας ὁδηγήσειν, ὥστε γενέσθαι τοὺς συνελθόντας αὐτῷ κατόπιν τῶν περὶ τὸν Λεωνίδην, καὶ τούτῳ τῷ τρόπῳ περιληφθέντας αὐτοὺς εἰς τὸ μέσον ῥᾳδίως ἀναιρεθήσεσθαι.
이 자는 크세르크세스에게 다가가 어떤 좁고 가파른 사잇길을 통해 페르시아인들을 안내하겠다고 약속했다. 그리하여 그와 함께 간 이들이 레오니다스 일행의 배후에 이르게 되고, 이 방법으로 그들을 포위하여 쉽게 소탕할 수 있을 것이라 했다.
§11.8.5ὁ δὲ βασιλεὺς περιχαρὴς ἐγένετο, καὶ τιμήσας δωρεαῖς τὸν Τραχίνιον συνεξέπεμψεν αὐτῷ στρατιώτας δισμυρίους νυκτός.
왕은 크게 기뻐하여 그 트라키스인에게 포상을 내리고 밤중에 군사 이만 명을 그와 함께 파견했다.
τῶν δὲ παρὰ τοῖς Πέρσαις τις ὄνομα Τυρραστιάδας, τὸ γένος ὢν Κυμαῖος, φιλόκαλος δὲ καὶ τὸν τρόπον ὢν ἀγαθός, διαδρὰς ἐκ τῆς τῶν Περσῶν παρεμβολῆς νυκτὸς ἧκε πρὸς τοὺς περὶ τὸν Λεωνίδην, καὶ τὰ περὶ τὸν Τραχίνιον ἀγνοοῦσιν ἐδήλωσεν.
한편 페르시아인들 중에 튀라스티아다스라는 이름을 가진 자가 있었는데, 그는 쿠마이 출신으로 미덕을 사랑하고 성품이 선량하여, 밤중에 페르시아 진영에서 탈출해 레오니다스 일행에게 와서 트라키스인의 일을 알지 못하던 그들에게 이를 알려주었다.