§11.86.1ἐπʼ ἄρχοντος δʼ Ἀθήνησιν Ἀρίστωνος Ῥωμαῖοι μὲν κατέστησαν ὑπάτους Κόιντον Φάβιον Οὐιβουλανὸν καὶ Λεύκιον Κορνήλιον Κουριτῖνον.
아테네에서 아리스톤이 아르콘일 때, 로마 인들은 퀸투스 파비우스 비불라누스와 루키우스 코르넬리우스 쿠리티누스를 집정관으로 세웠다.
ἐπὶ δὲ τούτων Ἀθηναίοις καὶ Πελοποννησίοις πενταετεῖς ἐγένοντο σπονδαί, Κίμωνος τοῦ Ἀθηναίου συνθεμένου ταύτας.
이들의 집정기 동안 아테네 인들과 펠로폰네소스 인들 사이에 5년간의 휴전 조약이 맺어졌는데, 이는 아테네 인 키몬이 협상하여 타결한 것이었다.
§11.86.2κατὰ δὲ τὴν Σικελίαν Ἐγεσταίοις καὶ Λιλυβαίταις ἐνέστη πόλεμος περὶ χώρας τῆς πρὸς τῷ Μαζάρῳ ποταμῷ·
시켈리아에서는 에게스타 인들과 릴리바이온 인들 사이에 마자로스 강 부근의 땅을 둘러싸고 전쟁이 일어났다.
γενομένης δὲ μάχης ἰσχυρᾶς συνέβη πολλοὺς παρʼ ἀμφοτέροις ἀναιρεθῆναι καὶ τῆς φιλοτιμίας μὴ λῆξαι τὰς πόλεις.
격렬한 전투가 벌어진 끝에, 양측 모두에서 많은 이들이 전사하고 두 도시가 반목을 그치지 않는 결과가 초래되었다.
§11.86.3μετὰ δὲ τὴν πολιτογραφίαν τὴν ἐν ταῖς πόλεσι γενομένην καὶ τὸν ἀναδασμὸν τῆς χώρας, πολλῶν εἰκῇ καὶ ὡς ἔτυχε πεπολιτογραφημένων, ἐνόσουν αἱ πόλεις καὶ πάλιν εἰς πολιτικὰς στάσεις καὶ ταραχὰς ἐνέπιπτον·
여러 도시에서 시민권 부여와 토지 재분배가 행해진 후, 많은 이들이 무작위로 그리고 무분별하게 시민으로 등록되었기 때문에, 도시들은 병들고 다시금 내부 분쟁과 혼란 속으로 빠져들었다.
μάλιστα δὲ τὸ κακὸν ἐπεπόλασεν ἐν ταῖς Συρακούσαις.
특히 이 폐해는 시라쿠사이에서 가장 극심하게 널리 퍼졌다.
§11.86.4Τυνδαρίδης γάρ τις τοὔνομα, θράσους καὶ τόλμης γέμων ἄνθρωπος, τὸ μὲν πρῶτον πολλοὺς τῶν πενήτων ἀνελάμβανε, καὶ σωματοποιῶν τούτους ἑαυτῷ πρὸς τυραννίδα ἑτοίμους ἐποίει δορυφόρους.
틴다리데스라는 이름의 오만하고 대담무쌍한 인물이 있었는데, 그는 처음에는 많은 빈민들을 자기편으로 끌어들였고, 이들을 조직화하여 자기를 위해 참주정을 세울 준비가 된 호위병으로 만들었다.
μετὰ δὲ ταῦτα ἤδη φανερὸς ὢν ὅτι δυναστείας ὀρέγεται, θανάτου κρίσιν ὑποσχὼν κατεδικάσθη.
그 후 그가 지배권을 갈망하고 있음이 이미 명백해졌을 때, 그는 사형에 처해질 재판을 받아 유죄 판결을 받았다.
§11.86.5ἀπαγομένου δὲ εἰς τὸ δεσμωτήριον οἱ πολυωρηθέντες ὑπʼ αὐτοῦ συνεστράφησαν καὶ τοῖς ἀπάγουσι τὰς χεῖρας ἐπέφερον.
그가 감옥으로 압송될 때 그에게서 후한 대접을 받았던 자들이 결탁하여 압송하는 자들에게 손을 대어 폭행을 가했다.
ταραχῆς δὲ γενομένης κατὰ τὴν πόλιν, συνεστράφησαν οἱ χαριέστατοι τῶν πολιτῶν, καὶ τοὺς νεωτερίσαντας συναρπάσαντες ἅμα τῷ Τυνδαρίδῃ ἀνεῖλον.
시내에 혼란이 일어났을 때 가장 훌륭한 시민들이 결탁하여, 반란을 도모한 자들을 틴다리데스와 함께 붙잡아 처형했다.
πλεονάκις δὲ τούτου γινομένου, καὶ τῶν ἀνδρῶν τυραννίδος ἐπιθυμούντων, ὁ δῆμος ἐπηνέχθη μιμήσασθαι τοὺς Ἀθηναίους, καὶ νόμον θεῖναι παραπλήσιον τῷ παρʼ ἐκείνοις γεγραμμένῳ περὶ ὀστρακισμοῦ.
이러한 일이 빈번하게 일어나고 사람들이 참주정을 갈망하자, 민중은 아테네 인들을 모방하여 그들 사이에 제정된 도편 추방에 관한 법과 유사한 법을 제정하기에 이르렀다.