§11.7.1γενομένης δὲ μάχης καρτερᾶς, καὶ τῶν μὲν βαρβάρων θεατὴν ἐχόντων τῆς ἀρετῆς τὸν βασιλέα, τῶν δὲ Ἑλλήνων μιμνησκομένων τῆς ἐλευθερίας καὶ παρακαλουμένων ὑπὸ τοῦ Λεωνίδου πρὸς τὸν ἀγῶνα, θαυμαστὸν συνέβαινε γίνεσθαι τὸν κίνδυνον.
격렬한 전투가 벌어졌는데, 한편으로 야만인들은 왕을 자신들의 용맹함을 지켜보는 목격자로 두었고, 다른 한편으로 그리스인들은 자유를 기억하며 레오니다스의 격려를 받아 싸움에 임했기에, 이 싸움은 놀라운 양상으로 치달았다.
§11.7.2συστάδην γὰρ οὔσης τῆς μάχης καὶ τῶν πληγῶν ἐκ χειρὸς γινομένων, ἔτι δὲ τῆς συστάσεως πεπυκνωμένης, ἐπὶ πολὺν χρόνον ἰσόρροπος ἦν ἡ μάχη.
전투가 육탄전으로 벌어지고 직접 손으로 타격이 가해졌으며 밀집 대형이 더욱 빽빽했기에, 오랫동안 전투는 한 치의 양보도 없이 팽팽했다.
τῶν δʼ Ἑλλήνων ὑπερεχόντων ταῖς ἀρεταῖς καὶ τῷ μεγέθει τῶν ἀσπίδων, μόγις ἐνέδωκαν οἱ Μῆδοι·
그리스인들이 용맹함과 방패의 크기에서 우세를 보였기에 메디아인들은 겨우 후퇴했다.
πολλοὶ μὲν γὰρ αὐτῶν ἔπεσον, οὐκ ὀλίγοι δὲ κατετραυματίσθησαν.
왜냐하면 그들 중 많은 이가 쓰러졌고, 적지 않은 이가 부상을 입었기 때문이다.
τοῖς δὲ Μήδοις ἐπιτεταγμένοι Κίσσιοι καὶ Σάκαι κατʼ ἀρετὴν ἐπίλεκτοι διεδέξαντο τὴν μάχην, καὶ νεοχμοὶ πρὸς διαπεπονημένους συμβαλόντες ὀλίγον μὲν χρόνον ὑπέμενον τὸν κίνδυνον, κτεινόμενοι δʼ ὑπὸ τῶν περὶ τὸν Λεωνίδην καὶ βιασθέντες ὑπεχώρησαν·
메디아인들의 뒤편에 배치되었던, 용맹함으로 엄선된 키시아인들과 사카인들이 전투를 이어받았다. 그들은 지치지 않은 생력군으로서 피로에 지친 그리스인들과 맞닥뜨려 짧은 시간 동안은 위험을 견뎌냈으나, 레오니다스를 둘러싼 이들에게 살육당하고 압도되어 퇴각했다.
§11.7.3ἀσπίσι γὰρ καὶ πέλταις μικραῖς οἱ βάρβαροι χρώμενοι κατὰ μὲν τὰς εὐρυχωρίας ἐπλεονέκτουν, εὐκίνητοι γινόμενοι, κατὰ δὲ τὰς στενοχωρίας τοὺς μὲν πολεμίους οὐκ εὐχερῶς ἐτίτρωσκον, συμπεφραγμένους καὶ μεγάλαις ἀσπίσι σκεπαζομένους ὅλον τὸ σῶμα, αὐτοὶ δὲ διὰ τὰς κουφότητας τῶν σκεπαστηρίων ὅπλων ἐλαττούμενοι πυκνοῖς τραύμασι περιέπιπτον.
야만인들은 작은 방패나 가벼운 표적용 방패를 사용했기에 넓은 공간에서는 움직임이 민첩하여 우세를 점했으나, 좁은 공간에서는 밀집 대형을 유지한 채 온몸을 큰 방패로 가린 적들을 쉽게 부상입히지 못했고, 그들 스스로는 방어용 무장의 가벼움으로 인해 열세에 처해 수많은 상처를 입게 되었기 때문이다.
§11.7.4τέλος δὲ ὁ Ξέρξης ὁρῶν πάντα μὲν τὸν περὶ τὰς παρόδους τόπον νεκρῶν ἐστρωμένον, τοὺς δὲ βαρβάρους οὐχ ὑπομένοντας τὰς τῶν Ἑλλήνων ἀρετάς, προσέπεμψε τοὺς τῶν Περσῶν ἐπιλέκτους, ὀνομαζομένους ἀθανάτους καὶ δοκοῦντας ταῖς ἀνδραγαθίαις πρωτεύειν τῶν συστρατευομένων.
마침내 크세르크세스는 통로 주변의 모든 곳이 시체로 뒤덮이고 야만인들이 그리스인들의 용맹함을 견뎌내지 못하는 것을 보고, '불사대'라 불리며 종군하는 자들 중 무공이 으뜸이라고 여겨지던 페르시아인들의 정예 부대를 전방으로 보냈다.
ὡς δὲ καὶ οὗτοι βραχὺν ἀντιστάντες χρόνον ἔφυγον, τότε μὲν τῆς νυκτὸς ἐπιλαβούσης διελύθησαν, παρὰ μὲν τοῖς βαρβάροις πολλῶν ἀνῃρημένων, παρὰ δὲ τοῖς Ἕλλησιν ὀλίγων πεπτωκότων.
그러나 이들 역시 짧은 시간 동안 저항하다가 도망치자, 밤이 찾아옴으로써 전투는 중단되었는데, 야만인 측에서는 많은 이가 목숨을 잃은 반면 그리스인 측에서는 불과 몇 명만이 전사했다.