§11.74.1ἐπʼ ἄρχοντος δʼ Ἀθήνησι Κόνωνος ἐν Ῥώμῃ, τὴν ὕπατον ἀρχὴν εἶχον Κόιντος Φάβιος Οὐιβουλανὸς καὶ Τιβέριος Αἰμίλιος Μάμερκος.
아테네에서 코논이 아르콘으로 있을 때, 로마에서는 퀸투스 파비우스 위불라누스와 티베리우스 에밀리우스 마메르쿠스가 집정관직을 맡고 있었다.
ἐπὶ δὲ τούτων Ἀρταξέρξης μὲν ὁ βασιλεὺς τῶν Περσῶν κατέστησε στρατηγὸν ἐπὶ τὸν πρὸς Αἰγυπτίους πόλεμον Ἀχαιμένην τὸν Δαρείου μὲν υἱόν, ἑαυτοῦ δὲ θεῖον·
이들의 재임기 동안 페르시아인들의 왕 아르타크세르크세스는 이집트인들을 상대로 한 전쟁의 장군으로 다레이오스의 아들이자 자신의 삼촌인 아카이메네스를 임명했다.
τούτῳ δὲ παραδοὺς στρατιωτῶν ἱππέων τε καὶ πεζῶν ὑπὲρ τὰς τριάκοντα μυριάδας προσέταξε καταπολεμῆσαι τοὺς Αἰγυπτίους. §11.74.2οὗτος μὲν οὖν ἐπειδὴ κατήντησεν εἰς Αἴγυπτον, κατεστρατοπέδευσε πλησίον τοῦ Νείλου, καὶ τὴν δύναμιν ἐκ τῆς ὁδοιπορίας ἀναλαβὼν παρεσκευάζετο τὰ πρὸς τὴν μάχην·
그리고 그에게 30만이 넘는 기병과 보병 군대를 위임하며 이집트인들을 쳐부수라고 명령했다. 그리하여 그는 이집트에 도착하자 나일강 근처에 진을 치고, 행군으로 지친 군대의 피로를 회복시키며 전투를 준비했다.
οἱ δʼ Αἰγύπτιοι συνηθροικότες ἐκ τῆς Λιβύης καὶ τῆς Αἰγύπτου τὴν δύναμιν, ἀνέμενον τὴν παρὰ τῶν Ἀθηναίων συμμαχίαν. §11.74.3καταπλευσάντων δὲ τῶν Ἀθηναίων εἰς τὴν Αἴγυπτον μετὰ διακοσίων νεῶν, καὶ μετὰ τῶν Αἰγυπτίων παραταξαμένων πρὸς τοὺς Πέρσας, ἐγένετο μάχη καρτερά.
한편 이집트인들은 리비아와 이집트에서 군대를 모아놓고 아테네인들의 동맹군을 기다리고 있었다. 아테네인들이 200척의 배를 이끌고 이집트에 도착하여 이집트인들과 함께 페르시아인들을 상대로 진을 치자 치열한 전투가 벌어졌다.
καὶ μέχρι μέν τινος οἱ Πέρσαι τοῖς πλήθεσι προέχοντες ἐπλεονέκτουν, μετὰ δὲ ταῦτα τῶν Ἀθηναίων βιασαμένων καὶ τοὺς καθʼ ἑαυτοὺς τεταγμένους τρεψαμένων καὶ πολλοὺς ἀναιρούντων, τὸ λοιπὸν πλῆθος τῶν βαρβάρων πρὸς φυγὴν ὥρμησε. §11.74.4πολλοῦ δὲ κατὰ τὴν φυγὴν γενομένου φόνου, τὸ τελευταῖον οἱ μὲν Πέρσαι τὸ πλέον μέρος τῆς δυνάμεως ἀποβαλόντες κατέφυγον ἐπὶ τὸ καλούμενον Λευκὸν τεῖχος, οἱ δʼ Ἀθηναῖοι ταῖς ἰδίαις ἀνδραγαθίαις νίκημα περιπεποιημένοι συνεδίωξαν τοὺς βαρβάρους εἰς τὸ προκείμενον χωρίον, καὶ οὐκ ἀφίσταντο τῆς πολιορκίας. §11.74.5Ἀρταξέρξης δὲ πυθόμενος τὴν τῶν ἰδίων ἧτταν, τὸ μὲν πρῶτον ἀπέστειλέ τινας τῶν φίλων μετὰ πολλῶν χρημάτων εἰς τὴν Λακεδαίμονα, καὶ τοὺς Λακεδαιμονίους ἠξίου πόλεμον ἐξενεγκεῖν τοῖς Ἀθηναίοις, νομίζων οὕτω τοὺς ἐν Αἰγύπτῳ νικῶντας Ἀθηναίους ἀποπλεύσειν εἰς τὰς Ἀθήνας βοηθήσοντας τῇ πατρίδι· §11.74.6τῶν δὲ Λακεδαιμονίων οὔτε χρήματα δεξαμένων οὔτε ἄλλως προσεχόντων τοῖς ὑπὸ Περσῶν ἀξιουμένοις ἀπογνοὺς τὴν ἀπὸ τῶν Λακεδαιμονίων βοήθειαν ὁ Ἀρταξέρξης ἄλλας δυνάμεις παρεσκευάζετο·
얼마 동안은 페르시아인들이 수적 우세를 바탕으로 승기를 잡았으나, 그 후 아테네인들이 힘으로 밀어붙여 자신들 앞에 배치된 적들을 패퇴시키고 많은 이들을 살해하자, 야만인들의 나머지 무리는 도망치기 시작했다. 도주 과정에서 많은 살육이 일어났고, 마침내 페르시아인들은 군대의 대부분을 잃고 ‘하얀 성벽’이라 불리는 곳으로 도망쳤다. 반면 아테네인들은 자신들의 용맹함으로 승리를 거두고 야만인들을 앞서 언급한 장소까지 추격하여 포위를 풀지 않았다. 아르타크세르크세스는 아군의 패배를 전해 듣고, 처음에는 많은 돈과 함께 몇몇 친구들을 라케다이몬으로 보내 라케다이몬인들이 아테네인들에게 전쟁을 선포할 것을 요구했다. 그렇게 하면 이집트에서 승리를 거두고 있는 아테네인들이 조국을 구원하기 위해 아테네로 배를 타고 돌아갈 것이라고 생각했기 때문이다. 그러나 라케다이몬인들이 돈을 받지도 않고 페르시아인들의 요구에 전혀 귀를 기울이지도 않자, 아르타크세르크세스는 라케다이몬인들로부터의 원조를 단념하고 다른 군대를 준비했다.
ἐπιστήσας δὲ αὐτοῖς ἡγεμόνας Ἀρτάβαζον καὶ Μεγάβυζον, ἄνδρας ἀρετῇ διαφέροντας, ἐξέπεμψε πολεμήσοντας τοῖς Αἰγυπτίοις.
그리고 탁월한 능력을 가진 인물들인 아르타바조스와 메가비조스를 그 군대의 지휘관으로 세워 이집트인들과 싸우도록 파견했다.