§11.68.1οἱ δὲ Συρακόσιοι τὸ μὲν πρῶτον μέρος τῆς πόλεως κατελάβοντο τὴν ὀνομαζομένην Τύχην, ἐκ ταύτης δὲ ὁρμώμενοι πρεσβευτὰς ἀπέστειλαν εἰς Γέλαν καὶ Ἀκράγαντα καὶ Σελινοῦντα, πρὸς δὲ τούτοις εἰς Ἱμέραν καὶ πρὸς τὰς τῶν Σικελῶν πόλεις τὰς ἐν τῇ μεσογείῳ κειμένας, ἀξιοῦντες κατὰ τάχος συνελθεῖν καὶ συνελευθερῶσαι τὰς Συρακούσας.
한편, 시라쿠사 인들은 먼저 티케라 불리는 도시의 한 구역을 점령했고, 이곳을 거점으로 삼아 겔라, 아크라가스, 셀리누스에 사절을 파견했으며, 이에 더하여 히메라 및 내륙에 위치한 시켈로이 인들의 여러 도시에도 사절을 보내어 신속히 결집하여 시라쿠사를 함께 해방해 줄 것을 요청했다.
§11.68.2πάντων δὲ προθύμως ὑπακουόντων, καὶ συντόμως ἀποστειλάντων τῶν μὲν πεζοὺς καὶ ἱππεῖς στρατιώτας, τῶν δὲ ναῦς μακρὰς κεκοσμημένας εἰς ναυμαχίαν, ταχὺ συνήχθη δύναμις ἀξιόχρεως τοῖς Συρακοσίοις.
모든 이들이 기꺼이 응하여 신속하게 군대를 보내주었는데, 어떤 이들은 보병과 기병을, 다른 이들은 해전에 대비해 의장을 갖춘 전함을 보내주었으므로, 시라쿠사 인들에게 충분한 규모의 강력한 군세가 신속히 결집되었다.
διὸ καὶ τὰς ναῦς καταρτίσαντες οἱ Συρακόσιοι καὶ τὴν πεζὴν δύναμιν ἐκτάξαντες, ἑτοίμους ἑαυτοὺς ἀπέδειξαν καὶ πεζῇ καὶ κατὰ θάλατταν διαγωνίζεσθαι.
그리하여 시라쿠사 인들도 배를 단장하고 육상 군대를 정렬시켜 육상과 해상 모두에서 결전을 치를 준비가 되었음을 나타냈다.
§11.68.3ὁ δὲ Θρασύβουλος ἐγκαταλειπόμενος ὑπὸ τῶν συμμάχων καὶ τὰς ἐλπίδας ἐν αὐτοῖς ἔχων τοῖς μισθοφόροις, τῆς μὲν Ἀχραδινῆς καὶ τῆς Νήσου κύριος ἦν, τὸ δὲ λοιπὸν μέρος τῆς πόλεως κατεῖχον οἱ Συρακόσιοι.
반면, 동맹군에게 버림받고 용병들에게만 희망을 걸고 있던 트라시불로스는 아크라디네와 '섬'을 장악하고 있었고, 도시의 나머지 부분은 시라쿠사 인들이 점거하고 있었다.
μετὰ δὲ ταῦτα ὁ μὲν Θρασύβουλος ταῖς ναυσὶν ἐπιπλεύσας ἐπὶ τοὺς πολεμίους, καὶ λειφθεὶς τῇ ναυμαχίᾳ, συχνὰς μὲν τριήρεις ἀπέβαλε, ταῖς δʼ ἄλλαις κατέφυγεν εἰς τὴν Νῆσον.
그 뒤 트라시불로스는 함대를 이끌고 적들을 공격했으나, 해전에서 패배하여 많은 삼열란선을 잃고 남은 배들을 이끌고 '섬'으로 도망쳤다.
§11.68.4ὁμοίως δὲ καὶ τὴν πεζὴν δύναμιν προαγαγὼν ἐκ τῆς Ἀχραδινῆς καὶ παραταξάμενος ἐν τοῖς προαστείοις ἡττήθη, καὶ πολλοὺς ἀποβαλὼν ἠναγκάσθη πάλιν εἰς τὴν Ἀχραδινὴν ἀποχωρῆσαι.
마찬가지로 그도 육상 군대를 아크라디네에서 진출시켜 교외에 포진시켰으나 패배했고, 많은 군사를 잃고 다시 아크라디네로 후퇴할 수밖에 없었다.
τέλος δὲ ἀπογνοὺς τὴν τυραννίδα διεπρεσβεύσατο πρὸς τοὺς Συρακοσίους, καὶ συνθέμενος τὰ πρὸς αὐτοὺς ὑπόσπονδος ἀπῆλθεν εἰς Λοκρούς.
결국 참주정을 유지하는 것을 단념한 그는 시라쿠사 인들에게 사절을 보내 협상했고, 그들과 합의를 맺은 뒤 휴전 협정에 따라 안전하게 로크리로 떠났다.
§11.68.5οἱ δὲ Συρακόσιοι τοῦτον τὸν τρόπον ἐλευθερώσαντες τὴν πατρίδα τοῖς μὲν μισθοφόροις συνεχώρησαν ἀπελθεῖν ἐκ τῶν Συρακουσῶν, τὰς δὲ ἄλλας πόλεις τὰς τυραννουμένας ἢ φρουρὰς ἐχούσας ἐλευθερώσαντες ἀποκατέστησαν ταῖς πόλεσι τὰς δημοκρατίας.
이러한 방식으로 조국을 해방한 시라쿠사 인들은 용병들에게 시라쿠사에서 떠날 것을 허락했고, 참주의 지배를 받거나 수비대가 주둔하고 있던 다른 도시들을 해방하여 그 도시들에 민주정을 회복시켜 주었다.
§11.68.6ἀπὸ δὲ τούτων τῶν χρόνων εἰρήνην ἔχουσα πολλὴν ἐπίδοσιν ἔλαβε πρὸς εὐδαιμονίαν, καὶ διεφύλαξε τὴν δημοκρατίαν ἔτη σχεδὸν ἑξήκοντα μέχρι τῆς Διονυσίου τυραννίδος.
이 시기부터 이 국가는 평화를 누리며 번영을 향해 크게 발전했고, 디오니시오스의 참주정이 시작될 때까지 거의 60년 동안 민주정을 지켜냈다.
§11.68.7Θρασύβουλος δὲ καλῶς θεμελιωθεῖσαν βασιλείαν παραλαβών, διὰ τὴν ἰδίαν κακίαν αἰσχρῶς ἀπέβαλε τὴν ἀρχήν, καὶ φυγὼν εἰς Λοκροὺς ἐνταῦθα τὸν λοιπὸν χρόνον ἰδιωτεύων κατεβίωσεν.
반면 트라시불로스는 튼튼하게 기초가 다져진 왕권을 물려받았음에도 자신의 사악함 때문에 수치스럽게 지배권을 잃었고, 로크리로 망명하여 그곳에서 남은 생애를 한 평민으로 보냈다.
§11.68.8ἅμα δὲ τούτοις πραττομένοις ἐν τῇ Ῥώμῃ τότε πρώτως κατεστάθησαν δήμαρχοι τέτταρες, Γάιος Σικίνιος καὶ Λεύκιος Νεμετώριος, πρὸς δὲ τούτοις Μάρκος Δουίλλιος καὶ Σπόριος Ἀκίλιος.
이러한 일들이 행해지던 와중에, 로마에서는 당시에 최초로 네 명의 호민관이 임명되었는데, 가이우스 시키니우스와 루키우스 네메토리우스, 그리고 여기에 더해 마르쿠스 두일라우스와 스푸리우스 아킬리우스였다.