§11.53.1μετὰ δὲ ταῦτα Ἀθήνησι μὲν ἦρχε Χάρης, ἐν Ῥώμῃ δὲ ὕπατοι καθειστήκεσαν Τίτος Μινούνιος καὶ Γάιος Ὁράτιος Πολύειδος, ἤχθη δὲ παρʼ Ἠλείοις Ὀλυμπιὰς ἑβδομηκοστὴ καὶ ἑβδόμη, καθʼ ἣν ἐνίκα στάδιον Δάνδης Ἀργεῖος.
이 일 후에 아테네에서는 카레스가 아르콘이 되었고, 로마에서는 티투스 미누키우스와 가이우스 호라티우스 폴리에이도스가 집정관으로 취임하였으며, 엘리스인들에 의해 제77회 올림피아 제전이 개최되어 아르고스의 단데스가 스타디온 경기에서 우승하였다.
ἐπὶ δὲ τούτων κατὰ μὲν τὴν Σικελίαν Θήρων ὁ Ἀκραγαντίνων δυνάστης ἐτελεύτησεν ἄρξας ἔτη δέκα καὶ ἕξ, τὴν δὲ ἀρχὴν διεδέξατο Θρασυδαῖος ὁ υἱός.
이들의 임기 동안, 시켈리아에서는 아크라가스인들의 지배자 테론이 16년 동안 다스린 후에 세상을 떠났고, 그의 아들 트라시다이오스가 그 권력을 계승하였다.
§11.53.2ὁ μὲν οὖν Θήρων τὴν ἀρχὴν ἐπιεικῶς διῳκηκώς, καὶ ζῶν μεγάλης ἀποδοχῆς ἐτύγχανε παρὰ τοῖς πολίταις καὶ τελευτήσας ἡρωικῶν ἔτυχε τιμῶν, ὁ δὲ υἱὸς αὐτοῦ καὶ ζῶντος ἔτι τοῦ πατρὸς βίαιος ἦν καὶ φονικὸς καὶ τελευτήσαντος ἦρχε τῆς πατρίδος παρανόμως καὶ τυραννικῶς.
테론은 지배권을 온건하게 행사하였기에, 살아생전에도 시민들에게 큰 경애를 받았고 죽어서도 영웅에 걸맞은 영예를 얻었으나, 그의 아들은 부친이 살아있을 때부터 이미 폭력적이고 살인적이었으며, 부친의 사후에는 조국을 불법적이고 참주적인 방식으로 지배하였다.
§11.53.3διὸ καὶ ταχέως ἀπιστηθεὶς ὑπὸ τῶν ὑποτεταγμένων διετέλεσεν ἐπιβουλευόμενος καὶ βίον ἔχων μισούμενον·
그리하여 그는 신하들로부터 빠르게 신뢰를 잃고 항상 음모의 대상이 되어 미움받는 삶을 이어갔다.
ὅθεν ταχέως τῆς ἰδίας παρανομίας οἰκείαν ἔσχε τὴν τοῦ βίου καταστροφήν.
이로 인해 그는 곧 자신의 불법에 걸맞은 비참한 최후를 맞이하게 되었다.
μετὰ γὰρ τὴν τοῦ πατρὸς Θήρωνος τελευτὴν πολλοὺς μισθοφόρους ἀθροίσας καὶ τῶν Ἀκραγαντίνων καὶ Ἱμεραίων προσκαταλέξας, τοὺς ἅπαντας ἤθροισεν ὑπὲρ τοὺς δισμυρίους ἱππεῖς καὶ πεζούς.
부친 테론이 사망한 후, 그는 많은 용병을 모으고 아크라가스인들과 히메라인들 중에서 추가로 군사를 모집하여, 기병과 보병을 합쳐 총합 2만 명이 넘는 군세를 모았다.
§11.53.4μετὰ δὲ τούτων μέλλοντος αὐτοῦ πολεμεῖν τοῖς Συρακοσίοις, Ἱέρων ὁ βασιλεὺς παρασκευασάμενος δύναμιν ἀξιόλογον ἐστράτευσεν ἐπὶ τὸν Ἀκράγαντα.
그가 이들을 이끌고 시라쿠사인들과 전쟁을 벌이려 하자, 히에론 왕은 상당한 규모의 군대를 이끌고 아크라가스로 진군하였다.
γενομένης δὲ μάχης ἰσχυρᾶς πλεῖστοι παραταξαμένων Ἑλλήνων πρὸς Ἕλληνας ἔπεσον.
격렬한 전투가 벌어져, 그리스인들끼리 전열을 갖추어 맞붙은 자들 중 아주 많은 수가 전사하였다.
§11.53.5τῇ μὲν οὖν μάχῃ ἐπροτέρησαν οἱ Συρακόσιοι, κατεκόπησαν δὲ τῶν μὲν Συρακοσίων εἰς δισχιλίους, τῶν δὲ ἄλλων ὑπὲρ τοὺς τετρακισχιλίους.
전투 자체에서는 시라쿠사인들이 우세를 점했으나, 시라쿠사인 측에서도 약 2,000명이 전사하였고, 상대측에서는 4,000명이 넘는 자들이 전사하였다.
μετὰ δὲ ταῦτα Θρασυδαῖος μὲν ταπεινωθεὶς ἐξέπεσεν ἐκ τῆς ἀρχῆς, καὶ φυγὼν εἰς Μεγαρεῖς τοὺς Νισαίους καλουμένους, ἐκεῖ θανάτου καταγνωσθεὶς ἐτελεύτησεν·
그 후 트라시다이오스는 세력이 위축되어 권좌에서 쫓겨났고, 니사이아인이라 불리는 메가라인들에게로 도망쳤으나 그곳에서 사형 선고를 받고 사망하였다.
οἱ δʼ Ἀκραγαντῖνοι κομισάμενοι τὴν δημοκρατίαν, διαπρεσβευσάμενοι πρὸς Ἱέρωνα τῆς εἰρήνης ἔτυχον.
반면 아크라가스인들은 민주정을 회복하고 히에론에게 사절을 보내 평화 조약을 맺었다.
§11.53.6κατὰ δὲ τὴν Ἰταλίαν Ῥωμαίοις πρὸς Οὐηιεντανοὺς ἐνστάντος πολέμου μεγάλη μάχη συνέστη περὶ τὴν ὀνομαζομένην Κρεμέραν.
한편 이탈리아에서는 로마인들과 베이엔테스인들 사이에 전쟁이 일어나, 크레메라라고 불리는 곳 근처에서 큰 전투가 벌어졌다.
τῶν δὲ Ῥωμαίων ἡττηθέντων συνέβη πολλοὺς αὐτῶν πεσεῖν, ὧν φασί τινες τῶν συγγραφέων καὶ τοὺς Φαβίους τοὺς τριακοσίους, συγγενεῖς ἀλλήλων ὄντας καὶ διὰ τοῦτο μιᾷ περιειλημμένους προσηγορίᾳ.
로마인들이 패배하여 그들 중 많은 이들이 전사했는데, 역사가들 중 일부는 그 전사자들 가운데 300명의 파비우스 일족도 포함되어 있었다고 말하며, 이들은 서로 친척 관계여서 하나의 이름으로 통칭되던 자들이었다.
ταῦτα μὲν οὖν ἐπράχθη κατὰ τοῦτον τὸν ἐνιαυτόν.
이리하여 이 일들이 이 해에 일어났다.