§11.50.1ἐπʼ ἄρχοντος δʼ Ἀθήνησι Δρομοκλείδου Ῥωμαῖοι μὲν κατέστησαν ὑπάτους Μάρκον Φάβιον καὶ Γναῖον Μάλλιον.
아테네에서 도로모클레이데스가 아르콘으로 있을 때, 로마인들은 마르쿠스 파비우스와 그내우스 마니우스를 집정관으로 임명했다.
ἐπὶ δὲ τούτων Λακεδαιμόνιοι τὴν τῆς θαλάττης ἡγεμονίαν ἀποβεβληκότες ἀλόγως, βαρέως ἔφερον·
이들의 임기 동안에 라케다이몬인들은 바다의 패권을 터무니없이 잃은 것을 무겁게 받아들여 분개했다.
διὸ καὶ τοῖς ἀφεστηκόσιν ἀπʼ αὐτῶν Ἕλλησι χαλεπῶς ἔχοντες, ἠπείλουν ἐπιθήσειν αὐτοῖς τὴν προσήκουσαν τιμωρίαν.
그리하여 그들은 자신들로부터 이탈한 그리스인들에게 화를 내며, 그들에게 마땅한 벌을 가하겠다고 위협했다.
§11.50.2συναχθείσης δὲ τῆς γερουσίας ἐβουλεύοντο περὶ τοῦ πολέμου τοῦ πρὸς τοὺς Ἀθηναίους ὑπὲρ τῆς κατὰ θάλατταν ἡγεμονίας.
원로원이 소집되자 그들은 바다의 패권을 두고 아테네인들을 상대로 벌일 전쟁에 대해 논의했다.
§11.50.3ὁμοίως δὲ καὶ τῆς κοινῆς ἐκκλησίας συναχθείσης, οἱ μὲν νεώτεροι καὶ τῶν ἄλλων οἱ πολλοὶ φιλοτίμως εἶχον ἀνακτήσασθαι τὴν ἡγεμονίαν, νομίζοντες, ἐὰν αὐτὴν περιποιήσωνται, χρημάτων τε πολλῶν εὐπορήσειν καὶ καθόλου τὴν Σπάρτην μείζονα ποιήσεσθαι καὶ δυνατωτέραν, τούς τε τῶν ἰδιωτῶν οἴκους πολλὴν ἐπίδοσιν λήψεσθαι πρὸς εὐδαιμονίαν.
마찬가지로 민회도 소집되자, 젊은이들과 다른 많은 이들은 패권을 되찾기를 열렬히 원했다. 그들은 만약 그것을 획득한다면, 많은 자금을 얻게 되고 전반적으로 스파르타를 더 크고 강력하게 만들 수 있으며, 개인 시민들의 가정도 번영을 향해 크게 발전할 것이라고 생각했기 때문이다.
§11.50.4ἀνεμιμνήσκοντο δὲ καὶ τῆς ἀρχαίας μαντείας, ἐν ᾗ προσέταξεν αὐτοῖς ὁ θεὸς σκοπεῖν, ὅπως μὴ χωλὴν ἔχωσι τὴν ἡγεμονίαν, καὶ τὸν χρησμὸν ἔφασαν εἰς οὐδὲν ἕτερον ἢ τὸ παρὸν λέγειν·
그들은 또한 신이 그들에게 패권을 절름발이로 두지 않도록 유의하라고 명령한 옛 신탁을 떠올렸고, 그 신탁은 현재의 상황 외에 다른 어떤 것도 가리키지 않는다고 주장했다.
χωλὴν γὰρ αὐτοῖς ὑπάρξειν τὴν ἀρχήν, ἐὰν οὐσῶν δυεῖν ἡγεμονιῶν τὴν ἑτέραν ἀποβάλωσι.
왜냐하면 두 개의 패권이 있는 상황에서 그중 하나를 잃는다면, 그들의 지배는 그들에게 절름발이가 될 것이기 때문이었다.
§11.50.5πάντων δὲ σχεδὸν τῶν πολιτῶν πρὸς ταύτην τὴν ὑπόθεσιν ὡρμημένων, καὶ τῆς γερουσίας συνεδρευούσης περὶ τούτων, οὐδεὶς ἤλπισεν οὐδένα τολμήσειν συμβουλεῦσαι ἕτερόν τι.
거의 모든 시민들이 이 계획에 마음을 쏟고 있었고 원로원이 이에 대해 심의하고 있을 때, 그 누구도 다른 의견을 감히 권고하려 들리라고는 예상하지 못했다.
§11.50.6τῶν δὲ ἐκ τῆς γερουσίας τις, ὄνομα μὲν Ἑτοιμαρίδας, τὸ δὲ γένος ἀφʼ Ἡρακλέους ὢν καὶ διʼ ἀρετὴν ἀποδοχῆς τυγχάνων παρὰ τοῖς πολίταις, ἐπεχείρησε συμβουλεύειν ἐᾶν τοὺς Ἀθηναίους ἐπὶ τῆς ἡγεμονίας·
그러나 원로원의 일원 중 헤토이마리다스라는 이름을 가진 이가 있었는데, 그는 혈통상 헤라클레스의 후손이었고 그의 덕망 덕분에 시민들 사이에서 높은 신망을 얻고 있었다. 그는 아테네인들에게 패권을 그대로 두라고 권고하기 시작했다.
μὴ συμφέρειν γὰρ τῇ Σπάρτῃ τῆς θαλάττης ἀμφισβητεῖν·
스파르타가 바다에 대해 다투는 것은 이롭지 않기 때문이었다.
πρὸς παράδοξον δὲ ὑπόθεσιν εἰπεῖν εὐπορήσας λόγους ἁρμόζοντας, παρὰ τὴν προσδοκίαν ἔπεισε τὴν γερουσίαν καὶ τὸν δῆμον.
그리고 뜻밖의 제안에 대해 적절한 논거를 말하는 데 막힘이 없었기에, 예상과 달리 그는 원로원과 민중을 설득했다.
§11.50.7τέλος δὲ οἱ Λακεδαιμόνιοι κρίναντες τὸν Ἑτοιμαρίδαν συμφέροντα λέγειν ἀπέστησαν τῆς περὶ τὸν πόλεμον πρὸς τοὺς Ἀθηναίους ὁρμῆς.
결국 라케다이몬인들은 헤토이마리다스가 이로운 말을 하고 있다고 판단하여, 아테네인들을 상대로 한 전쟁에 대한 열의를 거두었다.
§11.50.8Ἀθηναῖοι δὲ τὸ μὲν πρῶτον προσεδόκων μέγαν πόλεμον ἕξειν πρὸς τοὺς Λακεδαιμονίους περὶ τῆς κατὰ θάλατταν ἡγεμονίας, καὶ διὰ τοῦτο τριήρεις κατεσκεύαζον πλείους καὶ χρημάτων πλῆθος ἐπορίζοντο καὶ τοῖς συμμάχοις ἐπιεικῶς προσεφέροντο·
한편 아테네인들은 처음에는 바다의 패권을 두고 라케다이몬인들과 큰 전쟁을 치르게 될 것이라고 예상했고, 이 때문에 더 많은 삼단노선을 건조하고 많은 자금을 마련하였으며 동맹국들에게 관대하게 대했다.
ὡς δὲ τὰ δοχθέντα τοῖς Λακεδαιμονίοις ἐπύθοντο, τοῦ μὲν φόβου τοῦ κατὰ τὸν πόλεμον ἀπελύθησαν, περὶ δὲ τὴν αὔξησιν τῆς ἰδίας πόλεως ἠσχολοῦντο.
하지만 그들은 라케다이몬인들의 결정을 알게 되자 전쟁에 대한 공포에서 벗어났고, 자신들의 도시를 성장시키는 일에 전념하게 되었다.