§11.5.1Ξέρξης δὲ μετὰ τὸν ἐξετασμὸν τῶν δυνάμεων προῆγε μετὰ παντὸς τοῦ στρατεύματος, καὶ μέχρι μὲν Ἀκάνθου πόλεως τῇ πεζῇ στρατιᾷ πορευομένῳ συμπαρέπλει πᾶς ὁ στόλος, ἐκεῖθεν δὲ κατὰ τὸν διορυχθέντα τόπον διεκομίσθησαν εἰς τὴν ἑτέραν θάλατταν συντόμως καὶ ἀσφαλῶς.
크세르크세스는 군대를 검열한 후 전 군사와 함께 전진했다. 아칸토스 시에 이르기까지는 육군으로 행군하는 그를 따라 전체 함대가 나란히 항해했으나, 그곳에서부터는 운하를 파낸 곳을 통해 빠르고 안전하게 반대편 바다로 건너갔다.
§11.5.2ὡς δʼ ἧκεν ἐπὶ τὸν Μηλιακὸν κόλπον, ἐπύθετο τοὺς πολεμίους προκατειληφέναι τὰς παρόδους.
그가 말리아코스만에 이르렀을 때, 적들이 통로들을 선점했다는 사실을 알게 되었다.
διόπερ ἐνταῦθα προσαναλαβὼν τὴν δύναμιν μετεπέμψατο τοὺς ἀπὸ τῆς Εὐρώπης συμμάχους, οὐ πολὺ λείποντας τῶν εἴκοσι μυριάδων, ὥστʼ ἔχειν αὐτὸν τοὺς σύμπαντας οὐκ ἐλάττους τῶν ἑκατὸν μυριάδων χωρὶς τῆς ναυτικῆς δυνάμεως.
그리하여 그곳에서 군대를 재정비하며 유럽의 동맹군을 소집했는데, 그 수는 20만 명에 육박했다. 결과적으로 그는 해군을 제외하고도 총 100만 명을 밑돌지 않는 군세를 거느리게 되었다.
§11.5.3ὁ δὲ σύμπας ὄχλος τῶν τε ἐν ταῖς μακραῖς ναυσὶν ὄντων καὶ τῶν τὴν ἀγορὰν καὶ τὴν ἄλλην παρασκευὴν κομιζόντων οὐκ ἐλάττων ἦν τῶν προειρημένων, ὥστε μηδὲν θαυμαστὸν εἶναι τὸ λεγόμενον ὑπὲρ τοῦ πλήθους τῶν ὑπὸ Ξέρξου συναχθέντων·
군선에 탄 자들과 보급품 및 기타 물자를 운반하는 자들의 전체 무리는 앞서 언급한 자들의 수보다 적지 않았으니, 크세르크세스가 집결시킨 무리의 수효에 대해 전해지는 바는 전혀 놀라울 것이 없다.
φασὶ γὰρ τοὺς ἀενάους ποταμοὺς διὰ τὴν τοῦ πλήθους συνέχειαν ἐπιλιπεῖν, τὰ δὲ πελάγη τοῖς τῶν νεῶν ἱστίοις κατακαλυφθῆναι.
쉬지 않고 흐르는 강물도 그 엄청난 무리가 계속해서 마셔 대는 바람에 말라 버렸고, 넓은 바다는 배들의 돛으로 뒤덮였다고 전하기 때문이다.
μέγισται μὲν οὖν δυνάμεις τῶν εἰς ἱστορικὴν μνήμην παραδεδομένων αἱ μετὰ Ξέρξου γενόμεναι παραδέδονται.
그리하여 역사적 기록으로 전해지는 군세 중에서 크세르크세스와 함께한 군세가 가장 거대한 것으로 전해져 온다.
§11.5.4τῶν δὲ Περσῶν κατεστρατοπεδευκότων παρὰ τὸν Σπερχειὸν ποταμόν, ὁ μὲν Ξέρξης ἀπέστειλεν ἀγγέλους εἰς τὰς Θερμοπύλας, τοὺς ἅμα μὲν κατασκεψομένους τίνα διάνοιαν ἔχουσι περὶ τοῦ πρὸς αὐτὸν πολέμου·
페르시아군이 스페르케이오스 강가에 진을 쳤을 때, 크세르크세스는 델모필레로 사절들을 파견했다. 이는 한편으로는 그들이 자신과의 전쟁에 대해 어떤 생각인지 정찰하기 위함이었고, 다른 한편으로는 그들에게 이렇게 전하라고 지시하기 위함이었다.
προσέταξε δʼ αὐτοῖς παραγγέλλειν,ὅτι βασιλεὺς Ξέρξης κελεύει τὰ μὲν ὅπλα πάντας ἀποθέσθαι, αὐτοὺς δὲ ἀκινδύνους εἰς τὰς πατρίδας ἀπιέναι καὶ συμμάχους εἶναι Περσῶν·
즉, '왕 크세르크세스는 모두가 무기를 버리고 안전하게 조국으로 돌아가 페르시아인의 동맹이 될 것을 명령한다'는 것이었다.
καὶ ταῦτα πράξασιν αὐτοῖς ἐπηγγείλατο δώσειν χώραν τοῖς Ἕλλησι πλείω καὶ βελτίω τῆς νῦν ὑπʼ αὐτῶν κατεχομένης.
그리고 그리스인들이 이 명령을 따르면, 현재 그들이 점유하고 있는 땅보다 더 넓고 좋은 땅을 주겠다고 약속했다.
§11.5.5οἱ δὲ περὶ τὸν Λεωνίδην ἀκούσαντες τῶν ἀγγέλων ἀπεκρίναντο, ὅτι καὶ συμμαχοῦντες τῷ βασιλεῖ χρησιμώτεροι μετὰ τῶν ὅπλων ἔσονται καὶ πολεμεῖν ἀναγκαζόμενοι μετὰ τούτων γενναιότερον ὑπὲρ τῆς ἐλευθερίας ἀγωνιοῦνται·
레오니다스와 그 주변 인물들은 사절들의 말을 듣고 이렇게 대답했다. 왕과 동맹을 맺더라도 무기를 가지고 있는 편이 더 유용할 것이며, 싸움을 강요받더라도 이를 지닌 채 자유를 위해 더 용맹하게 싸울 수 있을 것이라고 했다.
περὶ δὲ τῆς χώρας ἣν ὑπισχνεῖται δώσειν, ὅτι πάτριόν ἐστι τοῖς Ἕλλησι μὴ διὰ κακίαν, ἀλλὰ διʼ ἀρετὴν κτᾶσθαι χώραν.
또한 그가 주겠다고 약속한 땅에 관해서는, 비겁함이 아니라 미덕을 통해 땅을 얻는 것이 그리스인들의 조상 대대로 내려오는 관습이라고 답했다.