§11.25.1ὁ δὲ Γέλων μετὰ τὴν νίκην τούς τε ἱππεῖς τοὺς ἀνελόντας τὸν Ἀμίλκαν δωρεαῖς ἐτίμησε καὶ τῶν ἄλλων τοὺς ἠνδραγαθηκότας ἀριστείοις ἐκόσμησε.
겔론은 승리를 거둔 후 하밀카르를 사살한 기병들을 포상하여 치하했고, 다른 이들 중 용맹하게 싸운 이들을 훈장으로 포상했다.
τῶν δὲ λαφύρων τὰ καλλιστεύοντα παρεφύλαξε, βουλόμενος τοὺς ἐν ταῖς Συρακούσαις νεὼς κοσμῆσαι τοῖς σκύλοις·
전리품 중 가장 아름다운 것들은 따로 보관해 두었는데, 이는 시라쿠사의 신전들을 그 전리품 무기들로 장식하고 싶었기 때문이었다.
τῶν δʼ ἄλλων πολλὰ μὲν ἐν Ἱμέρᾳ προσήλωσε τοῖς ἐπιφανεστάτοις τῶν ἱερῶν, τὰ δὲ λοιπὰ μετὰ τῶν αἰχμαλώτων διεμέρισε τοῖς συμμάχοις, κατὰ τὸν ἀριθμὸν τῶν συστρατευσάντων τὴν ἀναλογίαν ποιησάμενος.
다른 전리품 중 많은 것은 히메라의 가장 유명한 신전들에 못박아 걸어 두었고, 그 나머지는 포로들과 함께 동맹국들에게 분배하되, 종군한 군사들의 수에 비례하여 비율을 맞추어 나누어 주었다.
§11.25.2αἱ δὲ πόλεις εἰς πέδας κατέστησαν τοὺς διαιρεθέντας αἰχμαλώτους, καὶ τὰ δημόσια τῶν ἔργων διὰ τούτων ἐπεσκεύαζον.
여러 도시들은 분배받은 포로들에게 족쇄를 채우고, 이들을 통해 공공 토목 사업을 보수했다.
πλείστους δὲ λαβόντες Ἀκραγαντῖνοι τήν τε πόλιν αὐτῶν καὶ τὴν χώραν ἐκόσμησαν· τοσοῦτον γὰρ παρʼ αὐτοῖς τῶν ἡλωκότων ἦν τὸ πλῆθος, ὥστε πολλοὺς τῶν ἰδιωτῶν παρʼ αὐτοῖς ἔχειν δεσμώτας πεντακοσίους.
아크라가스인들은 가장 많은 포로를 얻어 자신들의 도시와 영토를 단장했는데, 그들 수하의 포로 수가 어찌나 많았던지 개인 시민들 중 많은 이들이 각각 오백 명의 죄수를 거느릴 정도였다.
συνεβάλετο γὰρ αὐτοῖς πρὸς τὸ πλῆθος τῶν αἰχμαλώτων οὐ μόνον ὅτι πολλοὺς στρατιώτας ἀπεσταλκότες ἦσαν ἐπὶ τὴν μάχην, ἀλλὰ καὶ διότι γενομένης τῆς τροπῆς πολλοὶ τῶν φευγόντων εἰς τὴν μεσόγειον ἀνεχώρησαν, μάλιστα δὲ εἰς τὴν Ἀκραγαντίνων, ὧν ἁπάντων ὑπὸ τῶν Ἀκραγαντίνων ζωγρηθέντων ἔγεμεν ἡ πόλις τῶν ἑαλωκότων.
그들에게 이처럼 포로가 많이 돌아가게 된 데에는 그들이 전투에 많은 군사를 파견했다는 사실뿐만 아니라, 패주가 일어났을 때 도망치는 이들 중 많은 수가 내륙으로, 특히 아크라가스인들의 영토로 퇴각했고, 그들 전원이 아크라가스인들에게 생포되어 도시가 포로들로 가득 차게 되었다는 사실도 기여했다.
§11.25.3πλείστων δὲ εἰς τὸ δημόσιον ἀνενεχθέντων, οὗτοι μὲν τοὺς λίθους ἔτεμνον, ἐξ ὧν οὐ μόνον οἱ μέγιστοι τῶν θεῶν ναοὶ κατεσκευάσθησαν, ἀλλὰ καὶ πρὸς τὰς τῶν ὑδάτων ἐκ τῆς πόλεως ἐκροὰς ὑπόνομοι κατεσκευάσθησαν τηλικοῦτοι τὸ μέγεθος, ὥστε ἀξιοθέατον εἶναι τὸ κατασκεύασμα, καίπερ διὰ τὴν εὐτέλειαν καταφρονούμενον.
그들 중 대다수가 공공 소유로 넘어가자, 이들은 석재를 채굴했는데, 이것들로 신들의 가장 거대한 신전들이 건설되었을 뿐만 아니라 도시로부터 물을 배출하기 위한 지하 배수로가 건설되었으니, 비록 그 비속함 때문에 경시되기는 하지만 그 건조물의 크기가 일견할 가치가 있을 만큼 거대했다.
ἐπιστάτης δὲ γενόμενος τούτων τῶν ἔργων ὁ προσαγορευόμενος Φαίαξ διὰ τὴν δόξαν τοῦ κατασκευάσματος ἐποίησεν ἀφʼ ἑαυτοῦ κληθῆναι τοὺς ὑπονόμους φαίακας.
이 공사들의 감독관이 된 파이악스라 불리는 인물은 건조물의 명성 덕분에 이 지하 배수로를 자신을 따서 ‘파이아케스’라고 부르게 만들었다.
§11.25.4κατεσκεύασαν δὲ οἱ Ἀκραγαντῖνοι καὶ κολυμβήθραν πολυτελῆ, τὴν περίμετρον ἔχουσαν σταδίων ἑπτά, τὸ δὲ βάθος πηχῶν εἴκοσι.
또한 아크라가스인들은 둘레가 7스타디온이고 깊이가 20페쿠스에 이르는 호화로운 저수지를 건설했다.
εἰς δὲ ταύτην ἐπαγομένων ποταμίων καὶ κρηναίων ὑδάτων ἰχθυοτροφεῖον ἐγένετο, πολλοὺς παρεχόμενον ἰχθῦς εἰς τροφὴν καὶ ἀπόλαυσιν·
이곳으로 강물과 샘물이 유입되어 양어장이 되었고, 식용과 유희를 위한 많은 물고기를 공급했다.
κύκνων τε πλείστων εἰς αὐτὴν καταπταμένων συνέβη τὴν πρόσοψιν αὐτῆς ἐπιτερπῆ γενέσθαι.
또한 수많은 백조가 그곳으로 날아와 내려앉았기에 저수지의 경관이 매우 아름다웠다.
ἀλλʼ αὕτη μὲν ἐν τοῖς ὕστερον χρόνοις ἀμεληθεῖσα συνεχώσθη καὶ διὰ τὸ πλῆθος τοῦ χρόνου κατεφθάρη, §11.25.5τὴν δὲ χώραν ἅπασαν ἀγαθὴν οὖσαν ἀμπελόφυτον ἐποίησαν καὶ δένδρεσι παντοίοις πεπυκνωμένην, ὥστε λαμβάνειν ἐξ αὐτῆς μεγάλας προσόδους.
그러나 이 저수지는 후대에 방치되어 흙으로 메워졌고 긴 세월이 흐르며 사라졌으나, 그들은 비옥한 영토 전체를 포도밭으로 가꾸고 온갖 나무를 빽빽이 심어 그곳으로부터 큰 수익을 얻게 만들었다.
Γέλων δὲ τοὺς συμμάχους ἀπολύσας τοὺς πολίτας ἀπήγαγεν εἰς τὰς Συρακούσας, καὶ διὰ τὸ μέγεθος τῆς εὐημερίας ἀποδοχῆς ἐτύγχανεν οὐ μόνον παρὰ τοῖς πολίταις, ἀλλὰ καὶ καθʼ ὅλην τὴν Σικελίαν·
겔론은 동맹군을 해산하고 시민들을 데리고 시라쿠사로 돌아왔으며, 이 엄청난 번영 덕분에 자기 시민들뿐만 아니라 시켈리아 전역에서 환대를 받았다.
ἐπήγετο γὰρ αἰχμαλώτων τοσοῦτο πλῆθος, ὥστε δοκεῖν ὑπὸ τῆς νήσου γεγονέναι τὴν Λιβύην ὅλην αἰχμάλωτον.
왜냐하면 그가 데려온 포로의 수가 어찌나 많았던지 리비아 전역이 섬에 의해 포로가 된 것처럼 보일 정도였기 때문이다.