§9.870ΑΘ. πάλιν δὴ πρῶτον περὶ τῶν τοιούτων εἰς δύναμιν εἴπωμεν ὁπόσα ἂν εἴη.
아테네인: 다시 먼저, 그러한 일들에 관하여 가능한 한 어떤 종류들이 있을 수 있는지 말해봅시다.
τὸ μὲν δὴ μέγιστον ἐπιθυμία κρατοῦσα ψυχῆς ἐξηγριωμένης ὑπὸ πόθων·
가장 중대한 것은 갈망들에 의해 야만화된 영혼을 지배하는 욕망이오.
τοῦτο δʼ ἐστὶν μάλιστα ἐνταῦθα οὗ πλεῖστός τε καὶ ἰσχυρότατος ἵμερος ὢν τυγχάνει τοῖς πολλοῖς, ἡ τῶν χρημάτων τῆς ἀπλήστου καὶ ἀπείρου κτήσεως ἔρωτας μυρίους ἐντίκτουσα δύναμις διὰ φύσιν τε καὶ ἀπαιδευσίαν τὴν κακήν.
그리고 이것은 대부분의 사람들에게 가장 많고 가장 강력한 열망이 존재하는 영역, 즉 천성과 잘못된 무교육으로 인해 재물의 탐욕스럽고 끝없는 획득에 대한 무수한 애착을 낳는 힘에서 특히 발견되오.
τῆς δὲ ἀπαιδευσίας ἡ τοῦ κακῶς ἐπαινεῖσθαι πλοῦτον αἰτία φήμη πρὸς τῶν Ἑλλήνων τε καὶ βαρβάρων·
그리고 이 무교육의 원인은 그리스인들과 이방인들 사이에서 부가 잘못 칭송받는 평판에 있소.
πρῶτον γὰρ τῶν ἀγαθῶν αὐτὸ προκρίνοντες, τρίτον ὄν, τούς τʼ ἐπιγιγνομένους λωβῶνται καὶ ἑαυτούς.
왜냐하면 그들은 부를 좋은 것들의 첫째 자리에 놓아 선택하지만, 그것은 실제로는 세 번째인 것이며, 그들은 후손들과 자기 자신들을 모두 망치고 있기 때문이오.
τὸ γὰρ ἀληθὲς λέγεσθαι περὶ τοῦ πλούτου κατὰ πόλεις πάσας πάντων κάλλιστον καὶ ἄριστον, ὡς ἕνεκα σώματός ἐστι, καὶ σῶμα ψυχῆς ἕνεκα·
왜냐하면 모든 나라에서 부에 관해 말해지는 진실은 가장 아름답고 훌륭한 것인데, 즉 부는 몸을 위한 것이고, 몸은 영혼을 위한 것이라는 점이오.
ἀγαθῶν μὲν οὖν ὄντων ὧν ἕνεκα ὁ πλοῦτος εἶναι πέφυκε, τρίτον ἂν εἴη μετὰ σώματος ἀρετὴν καὶ ψυχῆς.
그러므로 부가 본성상 존재하기 위한 목적이 되는 좋은 것들이 있다면, 부는 몸과 영혼의 덕에 이어 세 번째가 될 것이오.
διδάσκαλος οὖν ἂν ὁ λόγος οὗτος γίγνοιτο ὡς οὐ χρὴ πλουτεῖν ζητεῖν τὸν εὐδαίμονα ἐσόμενον, ἀλλὰ δικαίως πλουτεῖν καὶ σωφρόνως·
따라서 이 논증은 행복해지려는 자가 부유해지기를 구해서는 안 되며, 정의롭고 절제 있게 부유해져야 함을 가르치는 자가 될 것이오.
καὶ φόνοι οὕτως οὐκ ἂν γίγνοιντο ἐν πόλεσιν φόνοις δεόμενοι καθαίρεσθαι.
그렇게 된다면 나라들 안에서 살인을 정화하기 위해 또 다른 살인을 필요로 하는 살인들이 일어나지 않을 것이오.
νῦν δέ, ὅπερ ἀρχόμενοι τούτων εἴπομεν, ἓν μὲν τοῦτʼ ἐστὶ καὶ μέγιστον ὃ ποιεῖ φόνου ἑκουσίου τὰς μεγίστας δίκας.
하지만 실제로는, 우리가 이 일들을 시작할 때 말했듯이, 이것(부에 대한 욕망)이야말로 자발적 살인에 대해 가장 무거운 형벌을 내리게 만드는 첫 번째이자 가장 중대한 요인이오.
δεύτερον δὲ φιλοτίμου ψυχῆς ἕξις, φθόνους ἐντίκτουσα, χαλεποὺς συνοίκους μάλιστα μὲν αὐτῷ τῷ κεκτημένῳ τὸν φθόνον, δευτέροις δὲ τοῖς ἀρίστοις τῶν ἐν τῇ πόλει.
두 번째 요인은 명예를 중시하는 영혼의 성향이며, 이는 질투를 낳는데, 이 질투는 그것을 소유한 사람 자신에게 가장 고통스러운 동거인이며, 두 번째로는 나라의 가장 훌륭한 사람들에게도 그러하오.
τρίτον δὲ οἱ δειλοὶ καὶ ἄδικοι φόβοι πολλοὺς δὴ φόνους εἰσὶν ἐξειργασμένοι, ὅταν ᾖ τῳ πραττόμενα ἢ πεπραγμένα ἃ μηδένα βούλονταί σφισιν συνειδέναι γιγνόμενα ἢ γεγονότα·
세 번째로, 비겁하고 부정의한 두려움이 참으로 많은 살인을 저질렀는데, 이는 누군가에게 행해지고 있거나 이미 행해진 일들 중 아무도 알지 못하기를 바라는 일이 있을 때이오.
τοὺς οὖν τούτων μηνυτὰς ἀναιροῦσι θανάτοις, ὅταν ἄλλῳ μηδενὶ δύνωνται τρόπῳ.
그리하여 그들은 다른 방법이 없을 때, 이러한 일들을 고발하는 자들을 죽여 없애는 것이오.
τούτων δὴ πάντων πέρι προοίμια μὲν εἰρημένα ταῦτʼ ἔστω, καὶ πρὸς τούτοις, ὃν καὶ πολλοὶ λόγον τῶν ἐν ταῖς τελεταῖς περὶ τὰ τοιαῦτα ἐσπουδακότων ἀκούοντες σφόδρα πείθονται, τὸ τῶν τοιούτων τίσιν ἐν Ἅιδου γίγνεσθαι, καὶ πάλιν ἀφικομένοις δεῦρο ἀναγκαῖον εἶναι τὴν κατὰ φύσιν δίκην ἐκτεῖσαι, τὴν τοῦ παθόντος ἅπερ αὐτὸς ἔδρασεν, ὑπʼ ἄλλου τοιαύτῃ μοίρᾳ τελευτῆσαι τὸν τότε βίον.
이 모든 일들에 관해, 서론으로서 이 정도를 말해둡시다. 그리고 이들에 더하여, 신비의식에서 이러한 일들에 진지하게 몰두하는 많은 이들이 듣고 강하게 확신하는 가르침도 있소. 즉, 그러한 자들에 대한 응징이 저승에서 행해지며, 다시 이곳으로 돌아왔을 때 자연의 섭리에 따른 벌, 즉 자신이 행했던 것과 똑같은 일을 당하고, 다른 사람에 의해 그와 같은 운명으로 그 당시의 생을 마감해야 하는 벌을 필연적으로 치러야 한다는 가르침이오.
§9.871ΑΘ. πειθομένῳ μὲν δὴ καὶ πάντως φοβουμένῳ ἐξ αὐτοῦ τοῦ προοιμίου τὴν τοιαύτην δίκην οὐδὲν δεῖ τὸν ἐπὶ τούτῳ νόμον ὑμνεῖν, ἀπειθοῦντι δὲ νόμος ὅδε εἰρήσθω τῇ γραφῇ·
아테네인: 서론 자체로부터 설득되어 그러한 벌을 전적으로 두려워하는 자에게는 이 일에 관한 법률을 읊어줄 필요가 전혀 없으나, 복종하지 않는 자를 위해서는 다음의 법률이 성문법으로 규정되도록 합시다.
ὃς ἂν ἐκ προνοίας τε καὶ ἀδίκως ὁντιναοῦν τῶν ἐμφυλίων αὐτόχειρ κτείνῃ, πρῶτον μὲν τῶν νομίμων εἰργέσθω, μήτε ἱερὰ μήτε ἀγορὰν μήτε λιμένας μήτε ἄλλον κοινὸν σύλλογον μηδένα μιαίνων, ἐάντε τις ἀπαγορεύῃ τῷ δράσαντι ταῦτα ἀνθρώπων καὶ ἐὰν μή—ὁ γὰρ νόμος ἀπαγορεύει καὶ ἀπαγορεύων ὑπὲρ πάσης τῆς πόλεως ἀεὶ φαίνεταί τε καὶ φανεῖται —ὁ δὲ μὴ ἐπεξιὼν δέον, ἢ μὴ προαγορεύων εἴργεσθαι, τῶν ἐντὸς ἀνεψιότητος, πρὸς ἀνδρῶν τε καὶ γυναικῶν προσήκων τῷ τελευτήσαντι, πρῶτον μὲν τὸ μίασμα εἰς αὑτὸν καὶ τὴν τῶν θεῶν ἔχθραν δέχοιτο, ὡς ἡ τοῦ νόμου ἀρὰ τὴν φήμην προτρέπεται, τὸ δὲ δεύτερον ὑπόδικος τῷ ἐθέλοντι τιμωρεῖν ὑπὲρ τοῦ τελευτήσαντος γιγνέσθω.
누구든지 고의로 또한 부정의하게 자기 부족민 중 누구라도 제 손으로 죽인 자는, 우선 관습적인 권리로부터 배제되도록 하고, 성소나 광장, 항구, 그 밖의 어떤 공동 집회도 더럽히지 못하게 하시오. 사람들이 그 행위자에게 이것들을 금하든 금하지 않든 상관없소. 왜냐하면 법이 이를 금하고 있으며, 금하면서 온 나라를 위해 항상 나타나고 또 나타날 것이기 때문이오. 한편, 고발해야 함에도 고발하지 않거나 배제를 선고하지 않는 자로서, 죽은 자와 이종촌(사촌) 관계 안에 있는 친족(남계와 여계 모두를 포함하여)은, 첫째로 그 더러움을 자신에게 받아들이고 신들의 적의를 감수해야 하오. 법의 저주가 그 고발을 촉구하고 있기 때문이오. 그리고 둘째로, 죽은 자를 위해 복수하고자 하는 누구에게든 기소당할 처지에 놓이게 하시오.
ὁ δὲ ἐθέλων τιμωρεῖν, τῶν τε ἐπὶ τούτοις λουτρῶν φυλακῆς πέρι καὶ ὅσων ἂν ἑτέρων ὁ θεὸς περὶ ταῦτα νόμιμα παραδῷ, πάντα ἀποτελῶν, καὶ τὴν πρόρρησιν προαγορεύων, ἴτω ἀναγκάζων τὸν δράσαντα ὑπέχειν τὴν τῆς δίκης πρᾶξιν κατὰ νόμον.
그리고 복수하고자 하는 자는 이 일들에 관한 목욕의 감시 및 신이 이 일들에 대해 전해 준 그 밖의 모든 관습적 규정들을 완수하고 선고를 내린 뒤, 행위자에게 법에 따라 재판의 집행을 받도록 강제하기 위해 나아가야 하오.
ταῦτα δὲ ὅτι μὲν γίγνεσθαι χρεών ἐστι διά τινων ἐπευχῶν καὶ θυσιῶν θεοῖς τισιν οἷς τῶν τοιούτων μέλει, φόνους μὴ γίγνεσθαι κατὰ πόλεις, ῥᾴδιον ἀποφαίνεσθαι νομοθέτῃ·
이러한 일들이 나라들에서 살인이 일어나지 않도록 하기 위해 그러한 일들을 주관하는 신들에 대한 어떤 기도와 희생을 통해 행해져야 한다는 것은 입법자가 밝히기 쉬운 일이오.
τίνες δʼ εἰσὶν οἱ θεοὶ καὶ τίς ὁ τρόπος τῶν τοιούτων δικῶν τῆς εἰσαγωγῆς ὀρθότατα πρὸς τὸ θεῖον ἂν γιγνόμενος εἴη, νομοφύλακες μετʼ ἐξηγητῶν καὶ μάντεων καὶ τοῦ θεοῦ νομοθετησάμενοι, τὰς δίκας εἰσαγόντων ταύτας.
그러나 그 신들이 누구이며 그러한 재판을 도입하는 가장 올바른 방식이 신적인 것에 대해 어떻게 이루어져야 하는지는, 법수호관들이 해석관들과 예언자들, 그리고 신과 함께 입법한 뒤에 이러한 재판들을 도입하도록 하시오.
δικαστὰς δὲ αὐτῶν εἶναι τοὺς αὐτοὺς οὕσπερ τοῖς τὰ ἱερὰ συλῶσιν διαδικάζειν ἐρρήθη κυρίως·
그리고 이들의 배심원은 성물절도죄를 재판할 권한이 있다고 규정된 자들과 동일한 자들로 하시오.
ὁ δὲ ὀφλὼν θανάτῳ ζημιούσθω καὶ μὴ ἐν τῇ τοῦ παθόντος χώρᾳ θαπτέσθω, ἀναιδείας ἕνεκα πρὸς τῷ ἀσεβεῖν.
그리고 유죄 판결을 받은 자는 사형에 처하도록 하고, 피해자의 땅에 묻히지 못하게 하시오. 불경죄를 저지른 데다 뻔뻔스럽기 때문이오.
φυγὼν δὲ καὶ μὴ ʼθελήσας κρίσιν ὑποσχεῖν φευγέτω ἀειφυγίαν·
한편 도망쳐서 재판을 받기를 원하지 않는 자는 영구 추방에 처하도록 하시오.
ἐὰν δέ τις ἐπιβῇ που τῶν τῆς τοῦ φονευθέντος χώρας, ὁ προστυχὼν πρῶτος τῶν οἰκείων τοῦ ἀποθανόντος ἢ καὶ τῶν πολιτῶν ἀνατὶ κτεινέτω, ἢ δήσας τοῖς ἄρχουσι τῶν τὴν δίκην κρινάντων κτεῖναι παραδότω.
만약 그가 피살자의 땅 어디든 딛는다면, 죽은 자의 친척이든 혹은 시민이든 가장 먼저 마주친 자가 무벌로 그를 죽이거나, 혹은 그를 묶어 재판의 판결을 내린 관리들에게 죽이도록 넘겨주도록 하시오.
ὁ δὲ ἐπισκηπτόμενος ἅμα καὶ κατεγγυάτω τὸν ᾧ ἂν ἐπισκήπτηται·
또한 고발하는 자는 고발하는 자를 구속함과 동시에 보증인을 세우도록 하시오.
ὁ δὲ παρεχέτω τοὺς ἐγγυητάς, ἀξιόχρεως οὓς ἂν ἡ τῶν περὶ ταῦτα δικαστῶν ἀρχὴ κρίνῃ, τρεῖς ἐγγυητὰς ἀξιόχρεως παρέξειν ἐγγυωμένους εἰς δίκην·
그리고 피고는 보증인을 제공해야 하는데, 이 일들에 관한 재판의 관청이 적격하다고 판정하는 보증인, 즉 재판에 출석할 것을 보증하는 적격한 보증인 세 명을 제공해야 하오.
ἐὰν δὲ ἢ μὴ ἐθέλῃ ἢ ἀδυνατῇ τις καθιστάναι, τὴν ἀρχὴν παραλαβοῦσαν δήσασαν φυλάττειν καὶ παρέχειν εἰς τὴν κρίσιν τῆς δίκης.
만약 누군가가 이를 세우기를 거부하거나 세울 능력이 없다면, 관청이 그의 신병을 확보해 구속하여 감시하고 재판의 판결에 출석시키도록 하시오.