§9.869ΑΘ. καὶ ἐὰν ἀδελφὸς ἀδελφὸν ἢ ἀδελφήν, ἢ ἀδελφὴ ἀδελφὸν ἢ ἀδελφὴν θυμῷ κτείνῃ, τὰ μὲν τῶν καθαρμῶν καὶ ἀπενιαυτήσεων ὡσαύτως, καθάπερ εἴρηται τοῖς γονεῦσι καὶ τοῖς ἐκγόνοις, εἰρήσθω δεῖν γίγνεσθαι καὶ τούτοις—ὧν ἀδελφούς τε ἀδελφῶν καὶ γονέας ἐστέρηκε παίδων, τούτοις δὲ συνέστιος αὐτοῖς μηδέποτε γιγνέσθω μηδὲ κοινωνὸς ἱερῶν—ἐὰν δέ τις ἀπειθῇ, τῷ τῆς περὶ ταῦτα ἀσεβείας εἰρημένῳ νόμῳ ὑπόδικος ὀρθῶς ἂν γίγνοιτο μετὰ δίκης.
아테네인: 또한 만약 형제가 형제나 자매를, 혹은 자매가 형제나 자매를 분노로 죽였다면, 정화와 망명에 관한 규정은 부모와 자손들에 대해 말했던 것과 마찬가지로 이들에게도 동일하게 적용되어야 한다고 규정하겠소. 이때 그들이 그 형제들로부터 형제를 빼앗고 부모들로부터 자녀를 빼앗은 바로 그 사람들과 결코 한솥밥을 먹거나 성스런 의식을 함께 나누지 못하게 하시오. 만약 누군가가 이에 복종하지 않는다면, 이러한 일들에 관한 불경죄에 대해 언급된 법률에 따라 마땅히 재판을 거쳐 기소당할 것이오.
ἐὰν δʼ ἄρα τις εἰς τοσοῦτον ἀκρατὴς θυμοῦ γίγνηται πρὸς τοὺς γεννήσαντας, ὥστε μανίαις ὀργῆς τῶν γεννητόρων τολμῆσαι κτεῖναί τινα, ἐὰν μὲν ὁ τελευτήσας πρὶν τελευτῆσαι τὸν δράσαντα φόνου ἀφιῇ ἑκών, καθάπερ οἱ τὸν ἀκούσιον φόνον ἐξεργασάμενοι καθαρθείς, καὶ τἆλλα ὅσαπερ ἐκεῖνοι πράξας, καθαρὸς ἔστω, ἐὰν δὲ μὴ ἀφῇ, πολλοῖς ἔνοχος ἔστω νόμοις ὁ δράσας τι τοιοῦτον·
그러나 만약 누군가가 자신의 부모에 대해 분노를 도저히 참지 못하게 되어, 분노의 광기로 부모 중 한 사람을 감히 죽이기에 이르렀을 때, 만약 죽은 자가 숨을 거두기 전에 자발적으로 행위자를 살인죄에서 방면해 준다면, 비자발적인 살인을 저지른 자들과 마찬가지로 정화되고 그들이 행한 다른 모든 일들을 행한 뒤에 정화된 상태가 되도록 하시오. 그러나 만약 방면하지 않는다면, 그러한 짓을 저지른 자는 많은 법률에 걸리게 될 것이오.
καὶ γὰρ αἰκίας δίκαις ταῖς ἐσχάταις ἔνοχος ἂν γίγνοιτο καὶ ἀσεβείας ὡσαύτως καὶ ἱεροσυλίας, τὴν τοῦ γεννητοῦ ψυχὴν συλήσας, ὥστʼ εἴπερ οἷόν τʼ ἦν τὸ πολλάκις ἀποθνῄσκειν τὸν αὐτόν, καὶ τὸν πατροφόνον ἢ μητροκτόνον, ἐξεργασάμενον θυμῷ τοῦτο, δικαιότατον θανάτων πολλῶν ἦν τυγχάνειν.
왜냐하면 그는 극형에 처해질 폭행죄의 소추에 직면할 것이며, 마찬가지로 불경죄와 성물절도죄에도 처해질 것이기 때문인데, 이는 부모의 목숨을 강탈했기 때문이오. 그리하여 만약 한 사람이 여러 번 죽는 것이 가능하다면, 분노로 이 일을 저지른 부친 살해자나 모친 살해자는 여러 번의 사형에 처해지는 것이 가장 공정할 것이오.
ᾧ γὰρ μόνῳ οὐδʼ ἀμυνομένῳ θάνατον, μέλλοντι ὑπὸ τῶν γονέων τελευτήσεσθαι, παρέξει νόμος οὐδεὶς κτεῖναι τὸν πατέρα ἢ μητέρα, τοὺς εἰς φῶς τὴν ἐκείνου φύσιν ἀγαγόντας, ἀλλʼ ὑπομείναντα τὰ πάντα πάσχειν πρίν τι δρᾶν τοιοῦτον νομοθετήσει, πῶς τούτῳ δίκης γε ἄλλως προσῆκον τυγχάνειν ἂν γίγνοιτο ἐν νόμῳ;
왜냐하면, 설령 부모에 의해 죽임에 직면하여 자신을 방어하기 위한 때일지라도, 자신의 생명을 세상에 태어나게 해 준 아버지를 죽이거나 어머니를 죽이는 것을 허용하는 법률은 단 하나도 없으며, 오히려 그러한 짓을 행하기 전에 모든 고통을 견뎌내도록 입법할 것이기 때문이오. 그렇다면 이러한 자에게 법률 안에서 사형 외에 다른 어떤 형벌이 내려지는 것이 합당하겠소?
κείσθω δὴ τῷ πατέρα ἢ μητέρα ἀποκτείναντι θυμῷ θάνατος ἡ ζημία.
그러므로 분노로 아버지를 죽이거나 어머니를 죽인 자에게는 사형을 그 형벌로 정하도록 하시오.
ἀδελφὸς δὲ ἂν ἀδελφὸν κτείνῃ ἐν στάσεσι μάχης γενομένης ἤ τινι τρόπῳ τοιούτῳ, ἀμυνόμενος ἄρχοντα χειρῶν πρότερον, καθάπερ πολέμιον ἀποκτείνας ἔστω καθαρός, καὶ ἐὰν πολίτης πολίτην, ὡσαύτως, ἢ ξένος ξένον.
또한 만약 형제가 내란의 전투 중이거나 그와 유사한 방식으로, 먼저 손을 댄 자를 방어하기 위해 형제를 죽였다면, 적을 죽인 것과 마찬가지로 정화된 상태가 되도록 하시오. 그리고 시민이 시민을, 혹은 외국인이 외국인을 죽인 경우에도 마찬가지로 하시오.
ἐὰν δὲ ἀστὸς ξένον ἢ ξένος ἀστὸν ἀμυνόμενος κτείνῃ, κατὰ ταὐτὰ ἔστω τοῦ καθαρὸς εἶναι.
또한 만약 시민이 외국인을, 혹은 외국인이 시민을 방어하기 위해 죽였다면, 마찬가지의 조건으로 정화된 상태가 되도록 하시오.
καὶ ἐὰν δοῦλος δοῦλον, ὡσαύτως·
그리고 노예가 노예를 죽인 경우에도 마찬가지로 하시오.
ἐὰν δὲ αὖ δοῦλος ἐλεύθερον ἀμυνόμενος ἀποκτείνῃ, καθάπερ ὁ κτείνας πατέρα, τοῖς αὐτοῖς ἔνοχος ἔστω νόμοις.
그러나 만약 노예가 자유인을 방어하기 위해 죽였다면, 아버지를 죽인 자와 마찬가지로 동일한 법률의 처벌을 받도록 하시오.
ὃ δὲ περὶ τῆς ἀφέσεως εἴρηται φόνου πατρί, ταὐτὸν τοῦτο ἔστω περὶ ἁπάσης τῶν τοιούτων ἀφέσεως, ἐὰν ὁστισοῦν ὁτῳοῦν ἀφιῇ τοῦτο ἑκών, ὡς ἀκουσίου γεγονότος τοῦ φόνου, οἵ τε καθαρμοὶ γιγνέσθωσαν τῷ δράσαντι καὶ ἐνιαυτὸς εἷς ἔστω τῆς ἐκδημίας ἐν νόμῳ.
또한, 아버지에 의한 살인죄의 방면에 대해 언급된 바는, 이러한 모든 방면에 대해서도 동일하게 적용되도록 하시오. 즉, 누구든지 다른 누군가에 대해 살인이 비자발적으로 일어났다는 이유로 자발적으로 방면해 준다면, 행위자에 대한 정화 의식이 행해지도록 하고 법에 따라 일 년 동안 국외로 망명하게 하시오.
καὶ τὰ μὲν δὴ βίαιά τε καὶ ἀκούσια καὶ κατὰ τὸν θυμὸν γιγνόμενα περὶ φόνους μετρίως εἰρήσθω·
그리하여 폭력적이고 비자발적이며 분노에 의해 발생하는 살인에 관한 일들은 이쯤에서 적당히 말해두기로 합시다.
τὰ δὲ περὶ τὰ ἑκούσια καὶ κατʼ ἀδικίαν πᾶσαν γιγνόμενα τούτων πέρι καὶ ἐπιβουλῆς διʼ ἥττας ἡδονῶν τε καὶ ἐπιθυμιῶν καὶ φθόνων, ταῦτα μετʼ ἐκεῖνα ἡμῖν λεκτέον.
한편, 자발적이고 온갖 부정의로 인해 발생하는 살인, 그리고 쾌락과 욕망, 질투에 굴복하여 사전에 계획된 살인에 관해서는 이다음에 우리가 논해야 할 것이오.
ΚΛ. ὀρθῶς λέγεις.
클레이니아스: 옳은 말씀이십니다.