§9.858ΑΘ. τὸ μηδεμίαν ἀνάγκην εἶναι νομοθετεῖν, ἀλλʼ αὐτοὺς ἐν σκέψει γενομένους περὶ πάσης πολιτείας πειρᾶσθαι κατιδεῖν τό τε ἄριστον καὶ τὸ ἀναγκαιότατον, τίνα τρόπον ἂν γιγνόμενον γίγνοιτο.
아테네인: 입법해야 할 아무런 필연성도 없고, 오히려 우리 스스로 국제 전체에 대한 고찰에 들어가, 가장 훌륭한 것과 가장 필요한 것이 어떤 방식으로 실현될 수 있을지를 알아내려고 노력할 수 있다는 점이오.
καὶ δὴ καὶ τὸ νῦν ἔξεστιν ἡμῖν, ὡς ἔοικεν, εἰ μὲν βουλόμεθα, τὸ βέλτιστον σκοπεῖν, εἰ δὲ βουλόμεθα, τὸ ἀναγκαιότατον περὶ νόμων·
그리고 실제로 지금 우리에게는, 원한다면 가장 훌륭한 것을 고찰하고, 원한다면 법률에 관해 가장 필요한 것을 고찰하는 일이 가능한 것처럼 보이오.
αἱρώμεθα οὖν πότερον δοκεῖ.
그러니 둘 중 어느 쪽이 좋은지 선택합시다.
ΚΛ. γελοίαν, ὦ ξένε, προτιθέμεθα τὴν αἵρεσιν, καὶ ἀτεχνῶς ὥσπερ κατεχομένοις νομοθέταις ὅμοιοι γιγνοίμεθʼ ἂν ὑπὸ μεγάλης τινὸς ἀνάγκης ἤδη νομοθετεῖν, ὡς οὐκέτʼ ἐξὸν εἰς αὔριον·
클레이니아스: 이방인이여, 우리가 제시하는 선택은 우스꽝스러운 것이오. 마치 내일이면 더 이상 허용되지 않는 것처럼 어떤 커다란 필연성에 쫓겨 지금 당장 입법해야만 하는 입법자들과 완전히 비슷해질 테니 말이오.
ἡμῖν δʼ—εἰπεῖν σὺν θεῷ—ἔξεστι, καθάπερ ἢ λιθολόγοις ἢ καί τινος ἑτέρας ἀρχομένοις συστάσεως, παραφορήσασθαι χύδην ἐξ ὧν ἐκλεξόμεθα τὰ πρόσφορα τῇ μελλούσῃ γενήσεσθαι συστάσει, καὶ δὴ καὶ κατὰ σχολὴν ἐκλέξασθαι.
하지만 우리에게는 — 신의 도움과 함께 말하자면 — 마치 석공들이나 다른 구조물의 건설을 시작하는 자들처럼, 앞으로 만들어질 구조물에 적합한 것들을 골라내기 위해 잡다한 재료들을 무더기로 모아두고, 또한 여유를 가지고 골라내는 일이 허용되어 있소.
τιθῶμεν οὖν ἡμᾶς νῦν εἶναι μὴ τοὺς ἐξ ἀνάγκης οἰκοδομοῦντας, ἀλλὰ τοὺς ἐπὶ σχολῆς ἔτι τὰ μὲν παρατιθεμένους, τὰ δὲ συνιστάντας·
그러므로 우리는 지금 어쩔 수 없이 집을 짓는 자들이 아니라, 한가로이 어떤 재료들은 곁에 두고 다른 재료들은 조립해 나가는 자들이라고 가정합시다.
ὥστε ὀρθῶς ἔχει τὰ μὲν ἤδη τῶν νόμων λέγειν ὡς τιθέμενα, τὰ δʼ ὡς παρατιθέμενα.
그리하여 법률 중 일부는 이미 제정되고 있는 것으로 말하고, 다른 일부는 곁에 예비해 두는 것으로 말하는 것이 옳소.
ΑΘ. γένοιτο γοῦν ἄν, ὦ Κλεινία, κατὰ φύσιν μᾶλλον ἡμῖν ἡ σύνοψις τῶν νόμων.
아테네인: 클레이니아스여, 아무튼 그렇게 함으로써 우리에게 법률들에 대한 조망이 더 자연스럽게 될 것이오.
ἴδωμεν γὰρ οὖν, ὦ πρὸς θεῶν, τὸ τοιόνδε περὶ νομοθετῶν.
그렇다면 신들의 이름으로, 입법자들에 관해 다음과 같은 점을 살펴봅시다.
ΚΛ. τὸ ποῖον δή;
클레이니아스: 그것이 대체 어떤 점이오?
ΑΘ. γράμματα μέν που καὶ ἐν γράμμασιν λόγοι καὶ ἄλλων εἰσὶ πολλῶν ἐν ταῖς πόλεσιν γεγραμμένοι, γράμματα δὲ καὶ τὰ τοῦ νομοθέτου καὶ λόγοι.
아테네인: 나라들 안에는 다른 많은 이들의 글과 글 속의 말들이 기록되어 있을 텐데, 입법자의 글과 말 역시 기록된 글과 말이오.
ΚΛ. πῶς γὰρ οὔ;
클레이니아스: 어찌 그렇지 않겠소?
ΑΘ. πότερον οὖν τοῖς μὲν τῶν ἄλλων συγγράμμασιν, ποιητῶν καὶ ὅσοι ἄνευ μέτρων καὶ μετὰ μέτρων τὴν αὑτῶν εἰς μνήμην συμβουλὴν περὶ βίου κατέθεντο συγγράψαντες, προσέχωμεν τὸν νοῦν, τοῖς δὲ τῶν νομοθετῶν μὴ προσέχωμεν;
아테네인: 그렇다면 다른 사람들의 저술, 즉 시인들이나 운율이 있든 없든 삶에 대한 자신들의 조언을 기억에 남기기 위해 저술하여 기록해 둔 모든 이들의 글에는 주의를 기울이면서, 입법자들의 글에는 주의를 기울이지 말아야 하겠소?
ἢ πάντων μάλιστα;
아니면 모든 것 중에서 가장 주의를 기울여야 하겠소?
ΚΛ. πολύ γε.
클레이니아스: 훨씬 더 그래야지요.
ΑΘ. ἀλλὰ δῆτα οὐ χρὴ τὸν νομοθέτην μόνον τῶν γραφόντων περὶ καλῶν καὶ ἀγαθῶν καὶ δικαίων συμβουλεύειν, διδάσκοντα οἷά τέ ἐστι καὶ ὡς ἐπιτηδευτέον αὐτὰ τοῖς μέλλουσιν εὐδαίμοσιν ἔσεσθαι;
아테네인: 하지만 진정으로, 글을 쓰는 자들 중에서 입법자야말로 아름답고 좋고 올바른 것들에 관해 조언하며, 그것들이 어떤 것이고 행복해지려는 자들이 어떻게 그것들을 실천해야 하는지 가르쳐야 마땅하지 않겠소?
ΚΛ. καὶ πῶς οὔ;
클레이니아스: 당연히 그렇겠지요.
ΑΘ. ἀλλὰ αἰσχρὸν δὴ μᾶλλον Ὁμήρῳ τε καὶ Τυρταίῳ καὶ τοῖς ἄλλοις ποιηταῖς περὶ βίου τε καὶ ἐπιτηδευμάτων κακῶς θέσθαι γράψαντας, Λυκούργῳ δὲ ἧττον καὶ Σόλωνι καὶ ὅσοι δὴ νομοθέται γενόμενοι γράμματα ἔγραψαν;
아테네인: 그렇다면 호메로스나 티르타이오스, 그리고 다른 시인들이 삶과 행실에 관해 나쁘게 규정하여 글을 쓴 것은 더 수치스럽고, 리쿠르고스나 솔론, 그리고 입법자가 되어 글을 쓴 모든 이들이 그렇게 한 것은 덜 수치스러운 일이겠소?
§9.859ΑΘ. ἢ τό γε ὀρθόν, πάντων δεῖ γραμμάτων τῶν ἐν ταῖς πόλεσι τὰ περὶ τοὺς νόμους γεγραμμένα φαίνεσθαι διαπτυττόμενα μακρῷ κάλλιστά τε καὶ ἄριστα, τὰ δὲ τῶν ἄλλων ἢ κατʼ ἐκεῖνα συνεπόμενα, ἢ διαφωνοῦντα αὐτοῖς εἶναι καταγέλαστα;
아테네인: 아니면 올바른 방향은, 성읍들에 있는 모든 글 중에서 법률에 관해 기록된 것들이 펼쳐 보였을 때 단연코 가장 아름답고 훌륭한 것으로 보여야 하며, 다른 이들의 글은 그것에 따르거나, 혹은 그것과 불협화음을 이루어 가소로운 것이어야 하겠소?
οὕτω διανοώμεθα περὶ νόμων δεῖν γραφῆς γίγνεσθαι ταῖς πόλεσιν, ἐν πατρός τε καὶ μητρὸς σχήμασι φιλούντων τε καὶ νοῦν ἐχόντων φαίνεσθαι τὰ γεγραμμένα, ἢ κατὰ τύραννον καὶ δεσπότην τάξαντα καὶ ἀπειλήσαντα γράψαντα ἐν τοίχοις ἀπηλλάχθαι;
성읍들을 위한 법률들의 기록은 이와 같아야 한다고, 즉 기록된 것들이 사랑하고 지성을 지닌 아버지와 어머니의 모습으로 나타나야지, 명령하고 협박하며 벽에다 써 붙이고는 떠나 버리는 참주나 주인과 같아서는 안 된다고 생각해야 하지 않겠소?
σκοπῶμεν οὖν δὴ καὶ τὰ νῦν ἡμεῖς πότερα ταύτῃ πειρώμεθα λέγειν διανοηθέντες περὶ νόμων, εἴτʼ οὖν δυνάμεθα εἴτε μή, ἀλλʼ οὖν τό γε πρόθυμον παρεχόμενοι·
그러므로 우리 역시 지금 법률에 관해 그렇게 생각하면서 말하려고 노력하고 있는지, 즉 우리가 그것을 할 능력이 있든 없든 간에, 적어도 우리의 열의를 보여주면서 고찰해 봅시다.
καὶ κατὰ ταύτην τὴν ὁδὸν ἰόντες, ἂν ἄρα τι καὶ δέῃ πάσχειν, πάσχωμεν.
그리고 이 길을 가면서, 설령 어떤 고난을 겪어야 한다 해도 기꺼이 겪읍시다.
ἀγαθὸν δʼ εἴη τε, καὶ ἂν θεὸς ἐθέλῃ, γίγνοιτʼ ἂν ταύτῃ.
그것이 좋은 일이기를 바라며, 신께서 원하신다면 이 길에서 실현될 것이오.
ΚΛ. καλῶς εἴρηκας, ποιῶμέν τε ὡς λέγεις.
클레이니아스: 훌륭한 말씀이오, 그대가 말하는 대로 합시다.
ΑΘ. διασκεπτέον ἄρα πρῶτον, ὥσπερ ἐπεχειρήσαμεν, ἀκριβῶς τὸν περὶ τῶν τε ἱεροσυλούντων καὶ κλοπῆς πάσης πέρι καὶ ἀδικημάτων συμπάντων, καὶ οὐ δυσχεραντέον εἰ μεταξὺ νομοθετοῦντες τὰ μὲν ἔθεμεν, τῶν δʼ ἔτι διασκοποῦμεν πέρι·
아테네인: 그렇다면 먼저, 우리가 시도했던 것처럼, 신전 약탈자들에 관한 법률과 모든 도둑질에 관한 법률, 그리고 모든 범죄에 관한 법률을 정밀하게 고찰해야 하며, 입법하는 도중에 어떤 것들은 이미 규정했고 어떤 것들은 아직 상세히 고찰하는 중이라 해서 언짢아해서는 안 되오.
νομοθέται γὰρ γιγνόμεθα ἀλλʼ οὐκ ἐσμέν πω, τάχα δὲ ἴσως ἂν γενοίμεθα.
우리는 입법자가 되어 가고 있는 것이지 아직 입법자인 것은 아니며, 어쩌면 조만간 그렇게 될지도 모르기 때문이오.
εἰ δὴ δοκεῖ περὶ ὧν εἴρηκα ὡς εἴρηκα σκοπεῖσθαι, σκοπώμεθα.
만약 내가 말한 방식대로 내가 말한 것들에 대해 고찰하는 것이 좋다고 생각된다면, 고찰해 봅시다.
ΚΛ. παντάπασι μὲν οὖν.
클레이니아스: 전적으로 동감하오.
ΑΘ. περὶ δὴ καλῶν καὶ δικαίων συμπάντων πειρώμεθα κατιδεῖν τὸ τοιόνδε, ὅπῃ ποτὲ ὁμολογοῦμεν νῦν καὶ ὅπῃ διαφερόμεθα ἡμεῖς τε ἡμῖν αὐτοῖς, οἳ δὴ φαῖμεν ἂν προθυμεῖσθαί γε, εἰ μηδὲν ἄλλο, διαφέρειν τῶν πλείστων, οἱ πολλοί τε αὐτοὶ πρὸς αὑτοὺς αὖ.
아테네인: 그렇다면 모든 아름답고 올바른 것들에 관해, 다음과 같은 점을 알아내려고 노력해 봅시다. 즉, 우리는 지금 어디에서 합의하고 있으며 어디에서 어긋나고 있는지 말이오. 우리 자신들이 우리 자신들과 어긋나는 것(우리는 다른 것은 몰라도 대다수 사람들과는 다르기를 열망한다고 말할 것인데)과, 대다수 사람들이 다시 그들 자신들 사이에서 어긋나는 것 말이오.
ΚΛ. τὰς ποίας δὲ δὴ διαφορὰς ἡμῶν ἐννοηθεὶς λέγεις;
클레이니아스: 우리의 어떤 어긋남을 염두에 두고 하시는 말씀이오?
ΑΘ. ἐγὼ πειράσομαι φράζειν.
아테네인: 내가 설명해 보겠소.
περὶ δικαιοσύνης ὅλως καὶ τῶν δικαίων ἀνθρώπων τε καὶ πραγμάτων καὶ πράξεων πάντες πως συνομολογοῦμεν πάντα εἶναι ταῦτα καλά, ὥστε οὐδʼ εἴ τις διισχυρίζοιτο εἶναι τοὺς δικαίους ἀνθρώπους, ἂν καὶ τυγχάνωσιν ὄντες αἰσχροὶ τὰ σώματα, κατʼ αὐτό γε τὸ δικαιότατον ἦθος ταύτῃ παγκάλους εἶναι, σχεδὸν οὐδεὶς ἂν λέγων οὕτω πλημμελῶς δόξειε λέγειν.
정의 전반과 올바른 사람들, 사건들, 행위들에 관해, 우리 모두는 이것들이 모두 아름답다는 점에 어떻게든 동의하오. 그리하여 설령 올바른 사람들이 설사 육체적으로는 못생겼을지라도, 그들의 가장 올바른 품성 자체로 인해 이 점에서 대단히 아름답다고 누군가 주장하더라도, 그렇게 말하는 자가 잘못 말하고 있다고 여겨질 사람은 거의 없을 것이오.
ΚΛ. οὐκοῦν ὀρθῶς;
클레이니아스: 그렇다면 그것이 올바르지 않겠소?
ΑΘ. ἴσως·
아테네인: 아마도 그렇겠지요.
ἴδωμεν δὲ ὡς, εἰ πάντʼ ἐστὶν καλὰ ὅσα δικαιοσύνης ἔχεται, τῶν πάντων τοι καὶ τὰ παθήματα ἡμῖν ἐστιν, σχεδὸν τοῖς ποιήμασιν ἴσα.
하지만 정의에 속하는 모든 것이 아름답다면, 그 모든 것 중에서 우리의 겪음 역시 행함과 거의 대등한 것인지 살펴봅시다.
ΚΛ. τί οὖν δή;
클레이니아스: 그것이 대체 무슨 뜻이오?
ΑΘ. ποίημα μέν, ὅπερ ἂν ᾖ δίκαιον, σχεδὸν ὅσονπερ ἂν τοῦ δικαίου κοινωνῇ, κατὰ τοσοῦτον καὶ τοῦ καλοῦ μετέχον ἐστί.
아테네인: 행해진 일은 그것이 올바른 한, 거의 그것이 정의에 참여하는 만큼 아름다움에도 참여하고 있소.
ΚΛ. τί μήν;
클레이니아스: 당연히 그렇겠지요.