§8.846ΑΘ. περὶ δὲ συγκομιδῆς τῶν ὡραίων ἁπάντων, ἐξέστω τῷ βουλομένῳ τὸ ἑαυτοῦ διὰ παντὸς τόπου κομίζεσθαι, ὅπῃπερ ἂν ἢ μηδὲν μηδένα ζημιοῖ ἢ τριπλάσιον αὐτὸς κέρδος τῆς τοῦ γείτονος ζημίας κερδαίνῃ, τούτων δὲ ἐπιγνώμονας τοὺς ἄρχοντας γίγνεσθαι, καὶ τῶν ἄλλων ἁπάντων ὅσα τις ἂν ἑκὼν ἄκοντα βλάπτῃ βίᾳ ἢ λάθρᾳ, αὐτὸν ἢ τῶν αὐτοῦ τι, διὰ τῶν αὑτοῦ κτημάτων, πάντα τὰ τοιαῦτα τοῖς ἄρχουσιν ἐπιδεικνὺς τιμωρείσθω, μέχρι τριῶν μνῶν ὄντος τοῦ βλάβους·
ΑΘ. 그리고 가을 작물 전체의 운반에 관해서는, 원하는 자는 누구든 타인에게 아무런 피해도 주지 않거나, 혹은 이웃이 입은 피해의 세 배에 달하는 이익을 스스로 얻는 방식이라면, 어느 곳을 통해서든 자신의 물건을 운반하는 것이 허용되도록 합시다. 그리고 관리들이 이 일들의 판정자가 되어야 하며, 누군가가 고의로 상대방의 뜻에 반하여 폭력이나 비밀리에 자기가 소유한 토지를 통과하여 상대방 자신이나 그의 소유물에 피해를 입히는 다른 모든 일에 대해서도 그러해야 하니, 피해자는 이 모든 경우를 관리들에게 제시하고 피해액이 3미나 이하인 한 배상을 청구하도록 하시오.
ἐὰν δʼ ἔγκλημά τῳ μεῖζον ἄλλῳ πρὸς ἄλλον γίγνηται, πρὸς τὰ κοινὰ δικαστήρια φέρων τὴν δίκην τιμωρείσθω τὸν ἀδικοῦντα.
만약 누군가가 다른 사람에 대해 그보다 더 큰 고발을 하게 된다면, 공공 재판소로 소송을 가져가서 잘못을 저지른 자를 처벌하도록 합시다.
ἐὰν δέ τις τῶν ἀρχόντων δοκῇ μετʼ ἀδίκου γνώμης κρίνειν τὰς ζημίας, τῶν διπλασίων ὑπόδικος ἔστω τῷ βλαφθέντι·
만약 관리 중 누군가가 부정한 의도를 가지고 손해를 재판한 것으로 보인다면, 피해자에게 두 배의 액수로 소송을 당해야 할 것이오.
τὰ δὲ αὖ τῶν ἀρχόντων ἀδικήματα εἰς τὰ κοινὰ δικαστήρια ἐπανάγειν τὸν βουλόμενον ἑκάστων τῶν ἐγκλημάτων.
또한 관리들의 부정행위에 대해서는 원하는 자가 누구든 각각의 고발에 대해 공공 재판소로 이송할 수 있도록 합시다.
μυρία δὲ ταῦτα ὄντα καὶ σμικρὰ νόμιμα, καθʼ ἃ δεῖ τὰς τιμωρίας γίγνεσθαι, λήξεών τε πέρι δικῶν καὶ προσκλήσεων καὶ κλητήρων, εἴτʼ ἐπὶ δυοῖν εἴτʼ ἐφʼ ὁπόσων δεῖ καλεῖσθαι, καὶ πάντα ὁπόσα τοιαῦτά ἐστιν, οὔτʼ ἀνομοθέτητα οἷόν τʼ εἶναι γέροντός τε οὐκ ἄξια νομοθέτου, νομοθετούντων δʼ αὐτὰ οἱ νέοι πρὸς τὰ τῶν πρόσθεν νομοθετήματα ἀπομιμούμενοι, σμικρὰ πρὸς μεγάλα, καὶ τῆς ἀναγκαίας αὐτῶν χρείας ἐμπείρως ἴσχοντες, μέχριπερ ἂν πάντα ἱκανῶς δόξῃ κεῖσθαι·
처벌이 이루어져야 하는 기준이 되는 이 수없이 많고 자잘한 규정들, 즉 소송의 제기와 소환 및 소환 증인에 관한 것, 두 명 앞에서 소환해야 하는지 혹은 몇 명 앞에서 소환해야 하는지, 그리고 그와 같은 모든 일들에 대해서는, 법률로 제정하지 않을 수도 없고 동시에 나이 든 입법자가 제정하기에는 걸맞지 않은 것들이오. 오히려 젊은이들이 이전의 입법들을 모방하여 큰 것에 작은 것을 견주어 보며, 그것들의 불가피한 쓰임새를 경험을 통해 파악하면서 법으로 제정하고, 모든 것이 충분히 정비되었다고 여겨질 때까지 계속해야 할 것이오.
τότε δὲ ἀκίνητα ποιησάμενοι, ζώντων τούτοις ἤδη χρώμενοι μέτρον ἔχουσι.
그리고 그때 이것들을 변경 불가능한 것으로 만들고, 이후로는 이것들을 사용하며 살아감으로써 자신들의 기준을 지녀야 할 것이오.
τὸ δὲ τῶν ἄλλων δημιουργῶν ποιεῖν χρὴ κατὰ τόδε.
다른 장인들의 일에 관해서는 다음과 같이 처리해야 하오.
πρῶτον μὲν ἐπιχώριος μηδεὶς ἔστω τῶν περὶ τὰ δημιουργικὰ τεχνήματα διαπονούντων, μηδὲ οἰκέτης ἀνδρὸς ἐπιχωρίου.
첫째로, 수공업 기술에 종사하는 자들 중에는 토착민이 아무도 없어야 하며, 토착민의 하인도 없어야 하오.
τέχνην γὰρ ἱκανήν, πολλῆς ἀσκήσεως ἅμα καὶ μαθημάτων πολλῶν δεομένην, κέκτηται πολίτης ἀνὴρ τὸν κοινὸν τῆς πόλεως κόσμον σῴζων καὶ κτώμενος, οὐκ ἐν παρέργῳ δεόμενον ἐπιτηδεύειν·
시민인 사람은 국가의 공공의 질서를 유지하고 획득한다는, 많은 훈련과 많은 배움을 동시에 필요로 하는 충분한 기술을 이미 소유하고 있으며, 이를 부업으로 삼아 종사해서는 안 되기 때문이오.
δύο δὲ ἐπιτηδεύματα ἢ δύο τέχνας ἀκριβῶς διαπονεῖσθαι σχεδὸν οὐδεμία φύσις ἱκανὴ τῶν ἀνθρωπίνων, οὐδʼ αὖ τὴν μὲν αὐτὸς ἱκανὸς ἀσκεῖν, τὴν δὲ ἄλλον ἀσκοῦντα ἐπιτροπεύειν.
인간의 어떠한 천성도 두 가지 직업이나 두 가지 기술을 정확하게 연마하기에는 거의 불가능하며, 스스로 한 가지를 충분히 연마하면서 다른 한 가지를 연마하는 다른 사람을 감독할 수도 없소.
§8.847ΑΘ. τοῦτʼ οὖν ἐν πόλει ὑπάρχον δεῖ πρῶτον γίγνεσθαι·
ΑΘ. 그러므로 국가에는 우선 이것이 전제되어 있어야 하오.
μηδεὶς χαλκεύων ἅμα τεκταινέσθω, μηδʼ αὖ τεκταινόμενος χαλκευόντων ἄλλων ἐπιμελείσθω μᾶλλον ἢ τῆς αὑτοῦ τέχνης, πρόφασιν ἔχων ὡς πολλῶν οἰκετῶν ἐπιμελούμενος ἑαυτῷ δημιουργούντων, εἰκότως μᾶλλον ἐπιμελεῖται διʼ ἐκείνων διὰ τὸ τὴν πρόσοδον ἐκεῖθεν αὑτῷ πλείω γίγνεσθαι τῆς αὑτοῦ τέχνης, ἀλλʼ εἷς μίαν ἕκαστος τέχνην ἐν πόλει κεκτημένος ἀπὸ ταύτης ἅμα καὶ τὸ ζῆν κτάσθω.
아무도 대장장이 일을 하면서 동시에 목수 일을 해서는 안 되며, 또한 목수 일을 하면서 자기 밑에서 일하는 많은 종들을 관리한다는 핑계로, 그곳에서 나오는 수입이 자신의 본업 기술에서 나오는 수입보다 많기 때문에 그들을 통해 다른 대장장이 일을 하는 자들을 관리하는 데 집중하고 본업 기술을 소홀히 해서는 안 되오. 오히려 국가 안에서 각자는 오직 한 가지 기술만을 소유하고 이로부터 생계를 유지해야 할 것이오.
τοῦτον δὴ τὸν νόμον ἀστυνόμοι διαπονούμενοι σῳζόντων, καὶ τὸν μὲν ἐπιχώριον, ἐὰν εἴς τινα τέχνην ἀποκλίνῃ μᾶλλον ἢ τὴν τῆς ἀρετῆς ἐπιμέλειαν, κολαζόντων ὀνείδεσί τε καὶ ἀτιμίαις, μέχριπερ ἂν κατευθύνωσιν εἰς τὸν αὑτοῦ δρόμον, ξένων δὲ ἄν τις ἐπιτηδεύῃ δύο τέχνας, δεσμοῖσί τε καὶ χρημάτων ζημίαις καὶ ἐκβολαῖς ἐκ τῆς πόλεως κολάζοντες, ἀναγκαζόντων ἕνα μόνον ἀλλὰ μὴ πολλοὺς εἶναι.
시가 관리관들은 이 법률을 준수하고 유지해야 하며, 토착민 중 누군가가 덕성의 추구보다 어떤 기술로 치우친다면, 자신의 올바른 길로 돌아올 때까지 비난과 명예 상실로 그를 처벌해야 하오. 반면 이방인 중 누군가가 두 가지 기술에 종사한다면, 구금과 벌금 그리고 국가 추방으로 처벌하여, 여러 기술이 아닌 오직 한 가지 기술에만 종사하도록 강제해야 할 것이오.
μισθῶν δὲ αὐτοῖς πέρι καὶ τῶν ἀναιρέσεων τῶν ἔργων, καὶ ἐάν τις αὐτοὺς ἕτερος ἢ ʼκεῖνοί τινα ἄλλον ἀδικῶσι, μέχρι δραχμῶν πεντήκοντα ἀστυνόμοι διαδικαζόντων, τὸ δὲ πλέον τούτου τὰ κοινὰ δικαστήρια διακρινόντων κατὰ νόμον.
그들의 임금과 작업의 인수, 그리고 타인이 그들에게 피해를 입히거나 그들이 타인에게 피해를 입히는 경우에 대해서는 50드라크마까지는 시가 관리관들이 심리하고, 이를 초과하는 금액에 대해서는 공공 재판소가 법률에 따라 판결해야 하오.
τέλος δὲ ἐν τῇ πόλει μηδένα μηδὲν τελεῖν μήτε ἐξαγομένων χρημάτων μήτʼ εἰσαγομένων·
마지막으로, 국가에서는 수출되는 물품에 대해서나 수입되는 물품에 대해서나 아무도 아무런 세금도 내지 않도록 해야 하오.
λιβανωτὸν δὲ καὶ ὅσα πρὸς θεοὺς τὰ τοιαῦτα ἐστὶν ξενικὰ θυμιάματα, καὶ πορφύραν καὶ ὅσα βαπτὰ χρώματα, μὴ φερούσης τῆς χώρας, ἢ περί τινα ἄλλην τέχνην δεομένην ξενικῶν τινων εἰσαγωγίμων μηδενὸς ἀναγκαίου χάριν μήτε τις ἀγέτω, μήτε αὖ τῶν ἐν τῇ χώρᾳ ἀναγκαίων ἐμμένειν ἐξαγέτω·
그러나 유향이나 신들을 향한 이와 같은 외국산 향료, 그리고 보라색 염료와 염색된 색소들처럼 국토에서 생산되지 않는 것들이나, 혹은 아무런 불가피한 필요성도 없이 외국산 수입품을 필요로 하는 다른 기술에 관한 것에 대해서는 아무도 수입해서는 안 되며, 반대로 국토 내에 머물러야 할 불가피한 필수품을 수출해서도 안 되오.
τούτων δʼ αὖ πάντων ἐπιγνώμονας εἶναι καὶ ἐπιμελητὰς τῶν νομοφυλάκων, πέντε ἀφαιρεθέντων τῶν πρεσβυτέρων, τοὺς ἑξῆς δώδεκα.
이 모든 일들에 관해서는 법의 수호자들 중 가장 나이 많은 다섯 명을 제외하고, 그다음 순서인 열두 명이 판정자이자 감독자가 되어야 하오.
περὶ δὲ ὅπλων καὶ ὅσα περὶ τὸν πόλεμον ἅπαντα ὄργανα, ἐάν τινος ἢ τέχνης εἰσαγωγίμου δέῃ γίγνεσθαι ἢ φυτοῦ ἢ μεταλλευτικοῦ κτήματος ἢ δεσμευτικοῦ ἢ ζῴων τινῶν ἕνεκα τῆς τοιαύτης χρείας, ἵππαρχοι καὶ στρατηγοὶ τούτων ἔστωσαν κύριοι εἰσαγωγῆς τε καὶ ἐξαγωγῆς, διδούσης τε ἅμα καὶ δεχομένης τῆς πόλεως, νόμους δὲ περὶ τούτων νομοφύλακες τοὺς πρέποντάς τε καὶ ἱκανοὺς θήσουσι·
무기와 전쟁에 관한 모든 기구에 대해서, 만약 수입해야 할 기술이나 식물, 혹은 광산 소유물이나 결속용 재료, 혹은 그러한 필요를 위한 특정 동물들이 있어야 한다면, 기병대장들과 장군들이 이것들의 수입과 수출에 관한 권한을 가져야 하니, 국가가 이를 제공하는 동시에 받아들여야 하오. 그리고 법의 수호자들은 이것들에 관해 적절하고 충분한 법률을 제정해야 하오.
καπηλείαν δὲ ἕνεκα χρηματισμῶν μήτε οὖν τούτου μήτε ἄλλου μηδενὸς ἐν τῇ χώρᾳ ὅλῃ καὶ πόλει ἡμῖν γίγνεσθαι.
그러나 돈벌이를 목적으로 하는 소매업은 이것을 위해서든 다른 어떤 목적을 위해서든 우리의 영토 전체와 도시 안에서 결코 행해져서는 안 되오.
τροφῆς δὲ καὶ διανομῆς τῶν ἐκ τῆς χώρας ἐγγὺς τῆς τοῦ Κρητικοῦ νόμου ἔοικεν ὀρθότης ἄν τις γιγνομένη κατὰ τρόπον γίγνεσθαι.
국토에서 나는 산물의 공급과 분배에 관해서는, 크레타 법률에 가까운 정당성이 적절하게 실현된다면 올바르게 이루어질 것으로 보이오.
δώδεκα μὲν γὰρ δὴ μέρη τὰ πάντα ἐκ τῆς χώρας γιγνόμενα νέμειν χρεὼν πάντας, ᾗπερ καὶ ἀναλωτέα·
국토에서 나오는 모든 생산물을 열두 부분으로 나누어, 그것들이 소비되어야 하는 방식에 따라 모두가 분배해야 하기 때문이오.