§7.812ΑΘ. καὶ πρῶτον μὲν τοὺς διδασκάλους αὐτοὺς ἀναγκάζειν μανθάνειν καὶ ἐπαινεῖν, οὓς δʼ ἂν μὴ ἀρέσκῃ τῶν διδασκάλων, μὴ χρῆσθαι τούτοις συνεργοῖς, οὓς δʼ ἂν τῷ ἐπαίνῳ συμψήφους ἔχῃ, τούτοις χρώμενον, τοὺς νέους αὐτοῖς παραδιδόναι διδάσκειν τε καὶ παιδεύειν.
ΑΘ.：그리고 우선 교사들 자신에게 이것들을 배우고 찬동하도록 강제해야 하며, 교사들 중에서 이것들이 마음에 들지 않는 이들은 협력자로 사용하지 말고, 반면에 찬동에 동의하는 이들을 사용하여, 청소년들을 그들에게 넘겨주어 가르치고 교육하게 해야 합니다.
οὗτός μοι μῦθος ἐνταῦθα καὶ οὕτω τελευτάτω, περὶ γραμματιστῶν τε εἰρημένος ἅμα καὶ γραμμάτων.
나에게 있어 글방 교사들과 글자에 관해 동시에 말해진 이야기는 여기에서 그리고 이렇게 끝맺도록 합시다.
ΚΛ. κατὰ μὲν τὴν ὑπόθεσιν, ὦ ξένε, ἔμοιγε οὐ φαινόμεθα ἐκτὸς πορεύεσθαι τῶν ὑποτεθέντων λόγων·
ΚΛ.：전제에 관해서라면, 이방인이여, 적어도 제게는 우리가 설정된 논의 밖으로 나아가고 있는 것처럼 보이지 않습니다.
εἰ δὲ τὸ ὅλον κατορθοῦμεν ἢ μή, χαλεπὸν ἴσως διισχυρίζεσθαι.
하지만 우리가 전체적으로 성공하고 있는지 여부는 아마도 강력하게 주장하기 어려울 것입니다.
ΑΘ. τότε γάρ, ὦ Κλεινία, τοῦτό γʼ αὐτὸ ἔσται καταφανέστερον, ὡς εἰκός, ὅταν, ὃ πολλάκις εἰρήκαμεν, ἐπὶ τέλος ἀφικώμεθα πάσης τῆς διεξόδου περὶ νόμων.
ΑΘ.：클레이니아스여, 왜냐하면 우리가 자주 말했듯이, 우리가 법에 관한 모든 탐구의 끝에 도달했을 때 바로 이 일 자체가 당연히 더 분명해질 것이기 때문입니다.
ΚΛ. ὀρθῶς.
ΚΛ.：올바르십니다.
ΑΘ. ἆρʼ οὖν οὐ μετὰ τὸν γραμματιστὴν ὁ κιθαριστὴς ἡμῖν προσρητέος;
ΑΘ.：그렇다면 글방 교사 다음으로 수금 교사에 대해 언급해야 하지 않겠습니까?
ΚΛ. τί μήν;
ΚΛ.：당연히 그렇지 않겠습니까?
ΑΘ. τοῖς κιθαρισταῖς μὲν τοίνυν ἡμᾶς δοκῶ τῶν ἔμπροσθεν λόγων ἀναμνησθέντας τὸ προσῆκον νεῖμαι τῆς τε διδασκαλίας ἅμα καὶ πάσης τῆς περὶ τὰ τοιαῦτα παιδεύσεως.
ΑΘ.：그러므로 수금 교사들에게는 우리가 이전의 논의들을 상기하여, 교수와 더불어 그러한 것들에 관한 교육 전체에서 합당한 몫을 분배해야 한다고 생각합니다.
ΚΛ. ποίων δὴ πέρι λέγεις;
ΚΛ.：도대체 어떤 것들에 관해 말씀하시는 것입니까?
ΑΘ. ἔφαμεν, οἶμαι, τοὺς τοῦ Διονύσου τοὺς ἑξηκοντούτας ᾠδοὺς διαφερόντως εὐαισθήτους δεῖν γεγονέναι περί τε τοὺς ῥυθμοὺς καὶ τὰς τῶν ἁρμονιῶν συστάσεις, ἵνα τὴν τῶν μελῶν μίμησιν τὴν εὖ καὶ τὴν κακῶς μεμιμημένην, ἐν τοῖς παθήμασιν ὅταν ψυχὴ γίγνηται, τά τε τῆς ἀγαθῆς ὁμοιώματα καὶ τὰ τῆς ἐναντίας ἐκλέξασθαι δυνατὸς ὤν τις, τὰ μὲν ἀποβάλλῃ, τὰ δὲ προφέρων εἰς μέσον ὑμνῇ καὶ ἐπᾴδῃ ταῖς τῶν νέων ψυχαῖς, προκαλούμενος ἑκάστους εἰς ἀρετῆς ἕπεσθαι κτῆσιν συνακολουθοῦντας διὰ τῶν μιμήσεων.
ΑΘ.：우리는 디오니소스의 예순 살 된 가창자들이 리듬과 하모니의 구성에 관해 각별히 감수성이 뛰어나야 한다고 말했던 것 같습니다. 그것은 혼이 감정 상태에 있을 때, 훌륭하게 모방된 가락의 모방과 나쁘게 모방된 모방, 즉 선한 자의 모상과 그 반대자의 모상을 가려낼 수 있게 되어, 한편은 물리치고 다른 한편은 대중 앞에 내놓아 노래하며 청소년들의 혼에 불러주어, 모방을 통해 청소년들 각자가 덕의 획득을 따라오도록 권유하기 위함이었습니다.
ΚΛ. ἀληθέστατα λέγεις.
ΚΛ.：가장 참된 말씀을 하십니다.
ΑΘ. τούτων τοίνυν δεῖ χάριν τοῖς φθόγγοις τῆς λύρας προσχρῆσθαι, σαφηνείας ἕνεκα τῶν χορδῶν, τόν τε κιθαριστὴν καὶ τὸν παιδευόμενον, ἀποδιδόντας πρόσχορδα τὰ φθέγματα τοῖς φθέγμασι·
ΑΘ.：그러므로 이것들을 위해 수금의 소리를 이용해야 하는데, 현의 명료함을 위해 수금 교사와 교육받는 이 모두 노래 목소리를 현의 소리에 일치시켜 내야 합니다.
τὴν δʼ ἑτεροφωνίαν καὶ ποικιλίαν τῆς λύρας, ἄλλα μὲν μέλη τῶν χορδῶν ἱεισῶν, ἄλλα δὲ τοῦ τὴν μελῳδίαν συνθέντος ποιητοῦ, καὶ δὴ καὶ πυκνότητα μανότητι καὶ τάχος βραδυτῆτι καὶ ὀξύτητα βαρύτητι σύμφωνον καὶ ἀντίφωνον παρεχομένους, καὶ τῶν ῥυθμῶν ὡσαύτως παντοδαπὰ ποικίλματα προσαρμόττοντας τοῖσι φθόγγοις τῆς λύρας, πάντα οὖν τὰ τοιαῦτα μὴ προσφέρειν τοῖς μέλλουσιν ἐν τρισὶν ἔτεσιν τὸ τῆς μουσικῆς χρήσιμον ἐκλήψεσθαι διὰ τάχους.
하지만 수금의 이음다성(헤테로포니)과 다양함, 즉 현이 다른 가락들을 내거나 가락을 작곡한 시인과 다른 가락을 내는 것, 그리고 특히 빽빽함과 성김, 빠름과 느림, 고음과 저음이 조화되거나 반향을 일으키게 하는 것, 마찬가지로 온갖 종류의 리듬의 장식을 수금의 소리에 맞추는 것 등, 이러한 모든 것을 3년 안에 음악의 유용한 부분을 신속하게 학습하려는 이들에게 도입해서는 안 됩니다.
τὰ γὰρ ἐναντία ἄλληλα ταράττοντα δυσμάθειαν παρέχει, δεῖ δὲ ὅτι μάλιστα εὐμαθεῖς εἶναι τοὺς νέους·
왜냐하면 상반되는 것들이 서로를 교란시키는 것은 학습을 어렵게 만들지만, 청소년들은 가능한 한 학습하기 쉬워야 하기 때문입니다.
τὰ γὰρ ἀναγκαῖα οὐ σμικρὰ οὐδʼ ὀλίγα αὐτοῖς ἐστι προστεταγμένα μαθήματα, δείξει δὲ αὐτὰ προϊὼν ὁ λόγος ἅμα τῷ χρόνῳ.
그들에게는 필수적이고 결코 작지도 적지도 않은 학습 과제들이 부과되어 있으며, 논의가 진행됨에 따라 시간과 더불어 그것들이 밝혀질 것입니다.
§7.813ΑΘ. ἀλλὰ ταῦτα μὲν οὕτω περὶ τῆς μουσικῆς ἡμῖν ὁ παιδευτὴς ἐπιμελείσθω·
ΑΘ.：음악에 관해서는 우리의 교육자가 그와 같이 보살피도록 합시다.
τὰ δὲ μελῶν αὐτῶν αὖ καὶ ῥημάτων, οἷα τοὺς χοροδιδασκάλους καὶ ἃ δεῖ διδάσκειν, καὶ ταῦτα ἡμῖν ἐν τοῖς πρόσθεν διείρηται πάντα, ἃ δὴ καθιερωθέντα ἔφαμεν δεῖν, ταῖς ἑορταῖς ἕκαστα ἁρμόττοντα, ἡδονὴν εὐτυχῆ ταῖς πόλεσιν παραδιδόντα ὠφελεῖν.
다른 한편 가락 자체와 가사에 관해, 어떤 합창 교사에게 무엇을 가르치게 해야 할지에 대해서는, 이전에 우리에 의해 이미 모두 구별되어 규정되었습니다. 즉 그것들은 신성시되어 각각의 축제에 합당하게 맞추어지고, 도시들에 행운 어린 즐거움을 선사하여 유익을 주어야 한다고 우리는 말했던 것입니다.
ΚΛ. ἀληθῆ καὶ ταῦτα διείρηκας.
ΚΛ.：그 일 역시 당신은 참되게 구별하여 규정하셨습니다.
ΑΘ. ἀληθέστατα τοίνυν.
ΑΘ.：참으로 그러합니다.
καὶ ταῦθʼ ἡμῖν παραλαβὼν ὁ περὶ τὴν μοῦσαν ἄρχων αἱρεθεὶς ἐπιμελείσθω μετὰ τύχης εὐμενοῦς, ἡμεῖς δὲ ὀρχήσεώς τε πέρι καὶ ὅλης τῆς περὶ τὸ σῶμα γυμναστικῆς πρὸς τοῖς ἔμπροσθεν εἰρημένοις ἀποδῶμεν·
그리고 이것들을 이어받아, 뮤즈에 관해 선출된 관직자가 호의적인 운명과 함께 그것들을 보살피도록 하고, 우리는 무용과 몸에 관한 체육 전체에 대해 이전에 말해진 것에 덧붙여 규정합시다.
καθάπερ μουσικῆς τὸ διδασκαλικὸν ὑπόλοιπον ὂν ἀπέδομεν, ὡσαύτως ποιῶμεν καὶ γυμναστικῆς.
음악에 관해 교수에 관한 남은 부분을 규정했듯이, 체육에 대해서도 똑같이 합시다.
τοὺς γὰρ παῖδάς τε καὶ τὰς παῖδας ὀρχεῖσθαι δὴ δεῖ καὶ γυμνάζεσθαι μανθάνειν·
소년들과 소녀들 모두 참으로 무용을 배우고 체육을 해야 하기 때문입니다.
ἦ γάρ;
그렇지 않습니까?
ΚΛ. ναί.
ΚΛ.：그렇습니다.
ΑΘ. τοῖς μὲν τοίνυν παισὶν ὀρχησταί, ταῖς δὲ ὀρχηστρίδες ἂν εἶεν πρὸς τὸ διαπονεῖν οὐκ ἀνεπιτηδειότερον.
ΑΘ.：그렇다면 소년들에게는 남성 무용수가, 소녀들에게는 여성 무용수가 훈련에 종사하는 편이 덜 부적절하지(더 합당하지) 않을 것입니다.
ΚΛ. ἔστω δὴ ταύτῃ.
ΚΛ.：그렇게 합시다.
ΑΘ. πάλιν δὴ τὸν τὰ πλεῖστα ἕξοντα πράγματα καλῶμεν, τὸν τῶν παίδων ἐπιμελητήν, ὃς τῶν τε περὶ μουσικὴν τῶν τε περὶ γυμναστικὴν ἐπιμελούμενος οὐ πολλὴν ἕξει σχολήν.
ΑΘ.：그러면 가장 많은 일을 맡게 될 사람을 다시 부릅시다, 즉 아이들의 관리관(교육장)을 말입니다. 그는 음악에 관한 일과 체육에 관한 일을 모두 보살피기 때문에 많은 여가가 없을 것입니다.
ΚΛ. πῶς οὖν δυνατὸς ἔσται πρεσβύτερος ὢν τοσούτων ἐπιμελεῖσθαι;
ΚΛ.：그렇다면 연로한 그가 어떻게 그토록 많은 일들을 보살필 수 있겠습니까?
ΑΘ. ῥᾳδίως, ὦ φίλε.
ΑΘ.：쉬운 일이라네, 친구여.
ὁ νόμος γὰρ αὐτῷ δέδωκεν καὶ δώσει προσλαμβάνειν εἰς ταύτην τὴν ἐπιμέλειαν τῶν πολιτῶν ἀνδρῶν καὶ γυναικῶν οὓς ἂν ἐθέλῃ, γνώσεται δὲ οὓς δεῖ, καὶ βουλήσεται μὴ πλημμελεῖν εἰς ταῦτα, αἰδούμενος ἐμφρόνως καὶ γιγνώσκων τῆς ἀρχῆς τὸ μέγεθος, λογισμῷ τε συνὼν ὡς εὖ μὲν τραφέντων καὶ τρεφομένων τῶν νέων πάντα ἡμῖν κατʼ ὀρθὸν πλεῖ, μὴ δέ—οὔτʼ εἰπεῖν ἄξιον οὔθʼ ἡμεῖς λέγομεν ἐπὶ καινῇ πόλει τοὺς σφόδρα φιλομαντευτὰς σεβόμενοι.
법이 그에게 이 보살핌을 위해 시민들 중 남녀를 불문하고 그가 원하는 사람들을 조력자로 채용하도록 허락해 주었고 또 허락해 줄 것이기 때문이라네. 그는 누구를 채용해야 할지 알 것이고, 이 일에 과오를 범하지 않기를 원할 것이네. 왜냐하면 그는 현명하게 두려워하고 그 직무의 중대함을 인식하고 있으며, 청소년들이 잘 길러지고 길러지고 있다면 우리의 모든 일이 올바른 돛을 달고 항해할 것이나, 그렇지 않다면——새로운 도시에서 열렬히 신탁을 숭상하는 이들을 존중하는 우리로서는, 말할 가치도 없고 입에 담지도 않겠지만——이라는 추론을 늘 품고 있기 때문이라네.
πολλὰ μὲν οὖν ἡμῖν καὶ περὶ τούτων εἴρηται, τῶν περὶ τὰς ὀρχήσεις καὶ περὶ πᾶσαν τὴν τῶν γυμνασίων κίνησιν·
실로 이러한 일들, 즉 무용과 체육의 모든 운동에 대해서는 이미 우리에 의해 많은 것이 말해졌네.
γυμνάσια γὰρ τίθεμεν καὶ τὰ περὶ τὸν πόλεμον ἅπαντα τοῖς σώμασι διαπονήματα τοξικῆς τε καὶ πάσης ῥίψεως καὶ πελταστικῆς καὶ πάσης ὁπλομαχίας καὶ διεξόδων τακτικῶν καὶ ἁπάσης πορείας στρατοπέδων καὶ στρατοπεδεύσεων καὶ ὅσα εἰς ἱππικὴν μαθήματα συντείνει.
우리는 체육으로서 몸을 위한 전쟁에 관한 모든 훈련, 즉 궁술과 모든 투척, 투석전 및 경기병전, 모든 중장보병 전투, 전술적 이동, 군대의 모든 행군 및 진영 형성, 그리고 기병술에 관련된 모든 과목을 규정하기 때문이네.