§7.810ΑΘ. εἰς μὲν γράμματα παιδὶ δεκετεῖ σχεδὸν ἐνιαυτοὶ τρεῖς, λύρας δὲ ἅψασθαι τρία μὲν ἔτη καὶ δέκα γεγονόσιν ἄρχεσθαι μέτριος ὁ χρόνος, ἐμμεῖναι δὲ ἕτερα τρία.
ΑΘ.：한편 문자에 관해서는 열 살 된 아이에게 대략 3년이 (적당한 기간이며), 다른 한편 수금을 접하는 것은 열세 살이 된 이들이 시작하기에 적절한 시기이며, 다시 또 다른 3년 동안 거기에 머무는(계속 배우는) 것입니다.
καὶ μήτε πλείω τούτων μήτʼ ἐλάττω πατρὶ μηδʼ αὐτῷ, φιλομαθοῦντι μηδὲ μισοῦντι, περὶ ταῦτα ἐξέστω μείζω μηδὲ ἐλάττω διατριβὴν ποιεῖσθαι παράνομον·
그리고 아버지에게도, 배움을 좋아하든 싫어하든 아이 자신에게도, 이것들에 관해 그보다 더 많거나 적은 시간을 법에 어긋나게 보내는 일은 허용되어서는 안 됩니다.
ὁ δὲ μὴ πειθόμενος ἄτιμος τῶν παιδείων ἔστω τιμῶν, ἃς ὀλίγον ὕστερον ῥητέον.
이에 따르지 않는 자는 교육적인 영예를 박탈당해야 마땅한데, 그 영예들에 대해서는 조금 뒤에 언급되어야 할 것입니다.
μανθάνειν δὲ ἐν τούτοις τοῖς χρόνοις δὴ τί ποτε δεῖ τοὺς νέους καὶ διδάσκειν αὖ τοὺς διδασκάλους, τοῦτο αὐτὸ πρῶτον μάνθανε.
그런데 이 기간 동안 청소년들이 도대체 무엇을 배워야 하며, 다른 한편 교사들은 무엇을 가르쳐야 하는지, 우선 이 일 자체를 배우십시오.
γράμματα μὲν τοίνυν χρὴ τὸ μέχρι τοῦ γράψαι τε καὶ ἀναγνῶναι δυνατὸν εἶναι διαπονεῖν·
우선 문자에 관해서는 읽고 쓸 수 있게 되는 단계까지 힘써 공부해야 합니다.
πρὸς τάχος δὲ ἢ κάλλος ἀπηκριβῶσθαί τισιν, οἷς μὴ φύσις ἐπέσπευσεν ἐν τοῖς τεταγμένοις ἔτεσιν, χαίρειν ἐᾶν.
하지만 규정된 해 동안 본성이 (그 방향으로) 재촉하지 않은 이들에게, 속도나 아름다움에 있어 정밀하게 다듬는 일은 내버려 두어야 합니다.
πρὸς δὲ δὴ μαθήματα ἄλυρα ποιητῶν κείμενα ἐν γράμμασι, τοῖς μὲν μετὰ μέτρων, τοῖς δʼ ἄνευ ῥυθμῶν τμημάτων, ἃ δὴ συγγράμματα κατὰ λόγον εἰρημένα μόνον, τητώμενα ῥυθμοῦ τε καὶ ἁρμονίας, σφαλερὰ γράμμαθʼ ἡμῖν ἐστιν παρά τινων τῶν πολλῶν τοιούτων ἀνθρώπων καταλελειμμένα·
다른 한편으로 문자로 기록되어 있고 수금을 수반하지 않는 시인들의 배움들에 관해서라면, 어떤 것들은 운율을 동반하고 어떤 것들은 리듬의 구분을 결여하고 있어서, 리듬과 하모니가 박탈된 채 오직 말로만 일컬어지는 이른바 저작들인데, 이것들은 그러한 허다한 부류의 사람들 중 일부에 의해 남겨진 것으로서 우리에게 위험한 문헌들입니다.
οἷς, ὦ πάντων βέλτιστοι νομοφύλακες, τί χρήσεσθε;
이것들을 두고, 오 모든 이들 중 가장 훌륭한 수법관들이여, 당신들은 어떻게 처분하겠습니까?
ἢ τί ποθʼ ὑμῖν ὁ νομοθέτης χρῆσθαι προστάξας ὀρθῶς ἂν τάξειε;
혹은 입법자가 당신들에게 그것들을 어떻게 다루라고 명령해야 올바르게 규정하는 것이 되겠습니까?
καὶ μάλα ἀπορήσειν αὐτὸν προσδοκῶ.
저로서는 그 역시 대단히 곤경에 처할 것이라 예상합니다.
ΚΛ. τί ποτε τοῦτο, ὦ ξένε, φαίνῃ πρὸς σαυτὸν ὄντως ἠπορηκὼς λέγειν;
ΚΛ.：이방인이여, 이것이 도대체 무슨 일입니까? 당신은 자기 자신에 대해 진정으로 곤경에 처한 듯이 말하는 것처럼 보입니다만.
ΑΘ. ὀρθῶς ὑπέλαβες, ὦ Κλεινία.
ΑΘ.：클레이니아스여, 올바르게 짚으셨습니다.
πρὸς δὲ δὴ κοινωνοὺς ὑμᾶς ὄντας περὶ νόμων ἀνάγκη τό τε φαινόμενον εὔπορον καὶ τὸ μὴ φράζειν.
하지만 법에 관해 동반자인 당신들에게는 쉬워 보이는 일이나 그렇지 않은 일이나 모두 말해주는 것이 필연적입니다.
ΚΛ. τί οὖν;
ΚΛ.：그렇다면 무엇입니까?
τί περὶ τούτων νῦν καὶ ποῖόν τι πεπονθὼς λέγεις;
이것들에 관해 지금 당신은 무엇을, 어떤 상태가 되어서 말씀하시는 것입니까?
ΑΘ. ἐρῶ δή·
ΑΘ.：말씀드리지요.
στόμασι γὰρ πολλάκις μυρίοις ἐναντία λέγειν οὐδαμῶς εὔπορον.
참으로 무수한 사람들의 입에 반대되는 것을 말하기란 결코 쉽지 않기 때문입니다.
ΚΛ. τί δέ;
ΚΛ.：하지만 왜 그렇습니까?
σμικρὰ καὶ ὀλίγα δοκεῖ σοι τὰ ἔμπροσθεν ἡμῖν εἰρημένα περὶ νόμων κεῖσθαι τοῖς πολλοῖς ὑπεναντία;
이전에 우리가 법에 관해 말해 둔 것들이 다수 대중의 생각에 대립한다는 점이 당신에게는 작고 사소한 일로 보입니까?
ΑΘ. καὶ μάλα ἀληθὲς τοῦτό γε λέγεις·
ΑΘ.：참으로 지당한 말씀입니다.
κελεύεις γὰρ δή με, ὡς ἐμοὶ φαίνεται, τῆς αὐτῆς ὁδοῦ ἐχθοδοποῦ γεγονυίας πολλοῖς—ἴσως δʼ οὐκ ἐλάττοσιν ἑτέροις προσφιλοῦς·
내게 보이기로는, 많은 이들에게는 증오의 대상이 되었으나 아마도 그 못지않게 많은, 설령 더 적다 하더라도 결코 더 뒤떨어지지 않는 다른 이들에게는 친근할 바로 그 동일한 길을 가라고 당신이 내게 권하고 있기 때문입니다.
εἰ δὲ ἐλάττοσιν, οὔκουν χείροσί γε—μεθʼ ὧν διακελεύῃ με παρακινδυνεύοντά τε καὶ θαρροῦντα τὴν νῦν ἐκ τῶν παρόντων λόγων τετμημένην ὁδὸν τῆς νομοθεσίας πορεύεσθαι μηδὲν ἀνιέντα.
당신은 그런 이들과 함께 내가 위험을 무릅쓰고 용기를 내어, 현재의 논의들로부터 개척된 이 입법의 길을 한 걸음도 물러서지 않고 걸어가라고 권유하는 것입니다.
ΚΛ. τί μήν;
ΚΛ.：그렇고말고요.
§7.811ΑΘ. οὐ τοίνυν ἀνίημι.
ΑΘ.：그렇다면 저도 물러서지 않겠습니다.
λέγω μὴν ὅτι ποιηταί τε ἡμῖν εἰσίν τινες ἐπῶν ἑξαμέτρων πάμπολλοι καὶ τριμέτρων καὶ πάντων δὴ τῶν λεγομένων μέτρων, οἱ μὲν ἐπὶ σπουδήν, οἱ δʼ ἐπὶ γέλωτα ὡρμηκότες, ἐν οἷς φασι δεῖν οἱ πολλάκις μυρίοι τοὺς ὀρθῶς παιδευομένους τῶν νέων τρέφειν καὶ διακορεῖς ποιεῖν, πολυηκόους τʼ ἐν ταῖς ἀναγνώσεσιν ποιοῦντας καὶ πολυμαθεῖς, ὅλους ποιητὰς ἐκμανθάνοντας·
참으로 내가 말하고자 하는 바는 이것입니다. 우리에게는 6보격이나 3보격, 그리고 이른바 모든 운율의 시인들이 아주 많이 있고, 어떤 이들은 진지한 일에, 어떤 이들은 웃음거리에 열중하고 있습니다. 무수한 대중은 바로 이들의 저작을 통해 올바르게 교육받는 청소년들을 길러내고 포만감을 느끼게 해야 한다고 말합니다. 즉 독서를 통해 그들을 널리 들은 자이자 박식한 자로 만들고, 시인들의 작품 전체를 통째로 암기하게 함으로써 말입니다.
οἱ δὲ ἐκ πάντων κεφάλαια ἐκλέξαντες καί τινας ὅλας ῥήσεις εἰς ταὐτὸν συναγαγόντες, ἐκμανθάνειν φασὶ δεῖν εἰς μνήμην τιθεμένους, εἰ μέλλει τις ἀγαθὸς ἡμῖν καὶ σοφὸς ἐκ πολυπειρίας καὶ πολυμαθίας γενέσθαι.
또한 다른 이들은 모든 작품에서 요약본을 뽑아내고 어떤 연설문 전체를 한데 모아서, 그것들을 기억에 담아 통째로 암기해야 한다고 말합니다, 누군가 풍부한 경험과 박식함으로부터 우리에게 훌륭하고 지혜로운 사람이 되려 한다면 말입니다.
τούτοις δὴ σὺ κελεύεις ἐμὲ τὰ νῦν παρρησιαζόμενον ἀποφαίνεσθαι τί τε καλῶς λέγουσι καὶ τί μή;
이러한 이들에 대해 당신은 이제 내가 솔직하게 털어놓으며 그들이 무엇을 잘 말하고 무엇을 그렇지 않게 말하는지 밝히라고 요구하는 것입니까?
ΚΛ. πῶς γὰρ οὔ;
ΚΛ.：당연히 그렇지 않겠습니까?
ΑΘ. τί δή ποτʼ ἂν οὖν περὶ ἁπάντων τούτων ἑνὶ λόγῳ φράζων εἴποιμʼ ἂν ἱκανόν;
ΑΘ.：그렇다면 이 모든 것들에 관해 한마디 말로 전달하면서 무엇이라고 말해야 충분하겠습니까?
οἶμαι μὲν τὸ τοιόνδε σχεδόν, ὃ καὶ πᾶς ἄν μοι συγχωρήσειεν, πολλὰ μὲν ἕκαστον τούτων εἰρηκέναι καλῶς, πολλὰ δὲ καὶ τοὐναντίον·
저로서는 대략 다음과 같다고 생각하며, 이는 누구나 제게 동의해 줄 터인데, 이들 각자가 많은 것은 훌륭하게 말했지만 다른 많은 것은 그 반대로 말했다는 점입니다.
εἰ δʼ οὕτω τοῦτʼ ἔχει, κίνδυνόν φημι εἶναι φέρουσαν τοῖς παισὶν τὴν πολυμαθίαν.
사정이 그러하다면, 박식함은 아이들에게 위험을 초래하는 것이라고 나는 주장합니다.
ΚΛ. πῶς οὖν καὶ τί παραινοίης ἂν τῷ νομοφύλακι;
ΚΛ.：그렇다면 당신은 수법관에게 어떻게, 그리고 무엇을 권고하시겠습니까?
ΑΘ. τοῦ πέρι λέγεις;
ΑΘ.：무엇에 관한 것을 말씀하십니까?
ΚΛ. τοῦ πρὸς τί παράδειγμά ποτε ἀποβλέψας ἂν τὸ μὲν ἐῴη πάντας μανθάνειν τοὺς νέους, τὸ δʼ ἀποκωλύοι.
ΚΛ.：어떤 본보기를 바라보며, 어떤 것들은 모든 청소년이 배우도록 허용하고, 다른 것들은 금지해야 하는가 하는 점에 관한 것입니다.
λέγε καὶ μηδὲν ἀπόκνει λέγων.
말씀해 주십시오, 그리고 말씀하시는 데 전혀 주저하지 마십시오.
ΑΘ. ὠγαθὲ Κλεινία, κινδυνεύω κατά γέ τινα τρόπον ηὐτυχηκέναι.
ΑΘ.：좋은 친구 클레이니아스여, 나는 어떤 면에서 운이 좋았던 것 같습니다.
ΚΛ. τοῦ δὴ πέρι;
ΚΛ.：도대체 무엇에 관해서입니까?
ΑΘ. τοῦ μὴ παντάπασι παραδείγματος ἀπορεῖν.
ΑΘ.：본보기가 전혀 없어서 곤란하지는 않다는 점에 관해서입니다.
νῦν γὰρ ἀποβλέψας πρὸς τοὺς λόγους οὓς ἐξ ἕω μέχρι δεῦρο δὴ διεληλύθαμεν ἡμεῖς—ὡς μὲν ἐμοὶ φαινόμεθα, οὐκ ἄνευ τινὸς ἐπιπνοίας θεῶν—ἔδοξαν δʼ οὖν μοι παντάπασι ποιήσει τινὶ προσομοίως εἰρῆσθαι.
왜냐하면 지금, 우리가 아침부터 지금까지 나누어 온 논의들을 바라보건대——내 생각에는 우리가 신들의 어떤 영감 없이는 그렇게 하지 못한 것 같습니다만——어쨌든 나에게는 그것들이 온전히 어떤 시문과 매우 유사하게 말해진 것처럼 보였기 때문입니다.
καί μοι ἴσως οὐδὲν θαυμαστὸν πάθος ἐπῆλθε, λόγους οἰκείους οἷον ἁθρόους ἐπιβλέψαντι μάλα ἡσθῆναι·
그리고 나에게는 어쩌면 전혀 이상할 것 없는 감정이 일어났으니, 우리 자신의 논의들을 마치 한데 모아놓은 것처럼 바라보며 크게 기뻐한 일입니다.
τῶν γὰρ δὴ πλείστων λόγων οὓς ἐν ποιήμασιν ἢ χύδην οὕτως εἰρημένους μεμάθηκα καὶ ἀκήκοα, πάντων μοι μετριώτατοί γε εἶναι κατεφάνησαν καὶ προσήκοντες τὰ μάλιστα ἀκούειν νέοις.
참으로 내가 시가 속에서나 혹은 그렇게 산문으로 일컬어진 것으로서 배우고 들어온 극히 많은 논의들 중에서, 이것들이 나에게는 다른 모든 것보다 가장 절도 있고 청소년들이 듣기에 가장 적합한 것으로 드러났기 때문입니다.
τῷ δὴ νομοφύλακί τε καὶ παιδευτῇ παράδειγμα οὐκ ἂν ἔχοιμι, ὡς οἶμαι, τούτου βέλτιον φράζειν, ἢ ταῦτά τε διδάσκειν παρακελεύεσθαι τοῖσι διδασκάλοις τοὺς παῖδας, τά τε τούτων ἐχόμενα καὶ ὅμοια, ἂν ἄρα που περιτυγχάνῃ ποιητῶν τε ποιήματα διεξιὼν καὶ γεγραμμένα καταλογάδην ἢ καὶ ψιλῶς οὕτως ἄνευ τοῦ γεγράφθαι λεγόμενα, ἀδελφά που τούτων τῶν λόγων, μὴ μεθιέναι τρόπῳ μηδενί, γράφεσθαι δέ·
그리하여 수법관이자 교육자인 이에게, 내 생각에 이보다 더 좋은 본보기를 제시할 수는 없을 것 같습니다. 즉 교사들에게 아이들에게 이 내용들을 가르치라고 권고하는 것, 그리고 이것들과 밀착해 있고 유사한 것들을 가르치게 하는 것 말입니다. 만일 그가 시인들의 시를 검토하거나 산문으로 기록된 것, 혹은 기록되지 않은 채 오직 입으로만 그렇게 말해지는 것을 접하게 될 때, 그것들이 어쩌면 이 논의들과 형제격인 것이라면, 결코 어떤 방식으로든 놓아주지 말고 기록해 두어야 합니다.