§6.764ΑΘ. χειροτονείτω δὲ πᾶς πάντα·
아테네인: 모든 사람은 모든 관직 선출에 대해 표결해야 합니다.
ὁ δὲ μὴ ʼθέλων, ἐὰν εἰσαγγελθῇ πρὸς τοὺς ἄρχοντας, ζημιούσθω πεντήκοντα δραχμαῖς πρὸς τῷ κακὸς εἶναι δοκεῖν.
표결하기를 원치 않는 자는, 만일 관리들에게 고발당한다면, 나쁜 사람으로 여겨지는 것에 더하여 50드라크마의 벌금을 부과받아야 합니다.
ἴτω δʼ εἰς ἐκκλησίαν καὶ τὸν κοινὸν σύλλογον ὁ βουλόμενος, ἐπάναγκες δʼ ἔστω τῷ τῶν δευτέρων καὶ πρώτων τιμημάτων, δέκα δραχμαῖς ζημιουμένῳ ἐὰν μὴ παρὼν ἐξετάζηται τοῖς συλλόγοις·
민회와 공동 집회에는 원하는 자가 가야 하지만, 제2등급과 제1등급의 재산 등급의 자들에게는 의무적이어야 하니, 만일 집회들에 참석해 있는 것이 확인되지 않는다면 100드라크마의 벌금을 부과받게 됩니다.
τρίτῳ δὲ τιμήματι καὶ τῷ τετάρτῳ μὴ ἐπάναγκες, ἀλλὰ ἀζήμιος ἀφείσθω, ἐὰν μή τι παραγγείλωσιν οἱ ἄρχοντες πᾶσιν ἔκ τινος ἀνάγκης συνιέναι.
그러나 제3등급과 제4등급에게는 의무적이지 않으며, 관리들이 어떤 필요에 의해 모두가 모이도록 명령하지 않는 한, 벌금 없이 면제되어야 합니다.
τοὺς δὲ δὴ ἀγορανόμους τὸν περὶ τὴν ἀγορὰν κόσμον διαταχθέντα ὑπὸ νόμων φυλάττειν, καὶ ἱερῶν καὶ κρηνῶν ἐπιμελεῖσθαι τῶν κατʼ ἀγοράν, ὅπως μηδὲν ἀδικῇ μηδείς, τὸν ἀδικοῦντα δὲ κολάζειν, πληγαῖς μὲν καὶ δεσμοῖς δοῦλον καὶ ξένον, ἐὰν δʼ ἐπιχώριος ὤν τις περὶ τὰ τοιαῦτα ἀκοσμῇ, μέχρι μὲν ἑκατὸν δραχμῶν νομίσματος αὐτοὺς εἶναι κυρίους διαδικάζοντας, μέχρι δὲ διπλασίου τούτου κοινῇ μετὰ ἀστυνόμων ζημιοῦν δικάζοντας τῷ ἀδικοῦντι.
그리고 시장감들은 법률에 의해 규정된 시장에 관한 질서를 수호하고, 시장에 있는 신전들과 샘들을 관리하여, 누구도 불의를 저지르지 않도록 하고, 불의를 저지르는 자를 처벌해야 합니다. 노예와 이방인에게는 매질과 결박으로 처벌하되, 만일 현지 주민인 어떤 자가 이러한 일들에 관하여 질서를 어지럽힌다면, 100드라크마의 금액까지는 그들 스스로가 심리하여 처벌할 권한을 가지며, 이것의 두 배까지의 금액에 대해서는 시감들과 공동으로 심리하여 불의를 저지른 자에게 벌금을 부과해야 합니다.
τὰ αὐτὰ δὲ καὶ ἀστυνόμοις ἔστω ζημιώματά τε καὶ κολάσεις ἐν τῇ ἑαυτῶν ἀρχῇ, μέχρι μὲν μνᾶς αὐτοὺς ζημιοῦντας, τὴν διπλασίαν δὲ μετὰ ἀγορανόμων.
시감들에게도 자신들의 관할 내에서 동일한 벌금과 처벌이 적용되어야 하니, 그들 스스로는 한 므나까지 벌금을 부과하고, 그 두 배의 금액은 시장감들과 공동으로 부과해야 합니다.
μουσικῆς δὲ τὸ μετὰ τοῦτο καὶ γυμναστικῆς ἄρχοντας καθίστασθαι πρέπον ἂν εἴη, διττοὺς ἑκατέρων, τοὺς μὲν παιδείας αὐτῶν ἕνεκα, τοὺς δὲ ἀγωνιστικῆς.
이 다음에 이어지는 것은 음악과 체육의 관리들을 임명하는 것이 적절할 터인데, 각각 두 종류씩이니, 한쪽은 그것들의 교육을 위한 자들이고, 다른 쪽은 경쟁을 위한 자들입니다.
παιδείας μὲν βούλεται λέγειν ὁ νόμος γυμνασίων καὶ διδασκαλείων ἐπιμελητὰς κόσμου καὶ παιδεύσεως ἅμα καὶ τῆς περὶ ταῦτα ἐπιμελείας τῶν φοιτήσεών τε πέρι καὶ οἰκήσεων ἀρρένων καὶ θηλειῶν κορῶν, ἀγωνίας δέ, ἔν τε τοῖς γυμνικοῖς καὶ περὶ τὴν μουσικὴν ἀθλοθέτας ἀθληταῖς, διττοὺς αὖ τούτους, περὶ μουσικὴν μὲν ἑτέρους, περὶ ἀγωνίαν δʼ ἄλλους.
교육에 대해 법이 말하고자 하는 바는 체육관들과 학교들의 관리자들인데, 이들은 남녀 아이들의 등교 및 기거에 관하여 질서와 교육, 그리고 이 일들에 대한 관리를 동시에 담당합니다. 경쟁에 관해서는 체육 경기들과 음악에서 경기자들을 위한 심판들인데, 이들 또한 두 종류로, 한쪽은 음악에 관한 자들이고, 다른 쪽은 체육 경쟁에 관한 자들입니다.
ἀγωνιστικῆς μὲν οὖν ἀνθρώπων τε καὶ ἵππων τοὺς αὐτούς, μουσικῆς δὲ ἑτέρους μὲν τοὺς περὶ μονῳδίαν τε καὶ μιμητικήν, οἷον ῥαψῳδῶν καὶ κιθαρῳδῶν καὶ αὐλητῶν καὶ πάντων τῶν τοιούτων ἀθλοθέτας ἑτέρους πρέπον ἂν εἴη γίγνεσθαι, τῶν δὲ περὶ χορῳδίαν ἄλλους.
그리하여 체육 경쟁에 관해서는 사람과 말의 경기를 동일한 자들이 담당하되, 음악에 관해서는 독창 및 모방, 예컨대 랍소도스나 키타라 독창자, 아울로스 연주자 및 그 모든 이들에 관한 심판들은 다른 자들이 되는 것이 적절할 터이고, 합창에 관한 심판들은 또 다른 자들이어야 합니다.
πρῶτον δὴ περὶ τὴν τῶν χορῶν παιδιὰν παίδων τε καὶ ἀνδρῶν καὶ θηλειῶν κορῶν ἐν ὀρχήσεσι καὶ τῇ τάξει τῇ ἁπάσῃ γιγνομένῃ μουσικῇ τοὺς ἄρχοντας αἱρεῖσθαί που χρεών·
우선 첫째로, 아이들과 성인 남성들, 그리고 소녀들의 춤을 동반한 합창 놀이와, 행해지는 모든 음악적 질서에 관하여 관리들을 선출해야 합니다.
§6.765ΑΘ. ἱκανὸς δὲ εἷς ἄρχων αὐτοῖς, μὴ ἔλαττον τετταράκοντα γεγονὼς ἐτῶν.
아테네인: 그들에게는 마흔 살보다 적지 않은 한 명의 관리로 충분합니다.
ἱκανὸς δὲ καὶ περὶ μονῳδίαν εἷς, μὴ ἔλαττον ἢ τριάκοντα γεγονὼς ἐτῶν, εἰσαγωγεύς τε εἶναι καὶ τοῖς ἁμιλλωμένοις τὴν διάκρισιν ἱκανῶς ἀποδιδούς.
독창에 관해서도 서른 살보다 적지 않은 한 명으로 충분하니, 그는 경연자를 도입하는 자가 되고, 경쟁하는 자들에게 충분히 판정을 내려주는 자가 되어야 합니다.
τὸν δὴ χορῶν ἄρχοντα καὶ διαθετῆρα αἱρεῖσθαι χρὴ τοιόνδε τινὰ τρόπον.
합창의 관리자이자 조직자는 다음과 같은 방식으로 선출해야 합니다.
ὅσοι μὲν φιλοφρόνως ἐσχήκασι περὶ τὰ τοιαῦτα, εἰς τὸν σύλλογον ἴτωσαν, ἐπιζήμιοι ἐὰν μὴ ἴωσιν—τούτου δὲ οἱ νομοφύλακες κριταί—τοῖς δʼ ἄλλοις, ἐὰν μὴ βούλωνται, μηδὲν ἐπάναγκες ἔστω.
이러한 일들에 애정을 가진 자들은 모두 집회에 가야 하며, 가지 않을 경우 벌금을 물게 됩니다. ㅡ 이에 대해서는 법률 수호자들이 판단자가 됩니다. ㅡ 그러나 다른 이들에게는, 원치 않는다면 전혀 의무가 되지 않도록 하십시오.
καὶ τὴν προβολὴν δὴ τὸν αἱρούμενον ἐκ τῶν ἐμπείρων ποιητέον, ἔν τε τῇ δοκιμασίᾳ κατηγόρημα ἓν τοῦτʼ ἔστω καὶ ἀπηγόρημα, τῶν μὲν ὡς ἄπειρος ὁ λαχών, τῶν δʼ ὡς ἔμπειρος·
그리고 추천을 할 때 선출하는 자는 경험이 있는 자들 중에서 해야 하며, 심사에서는 한편으로는 추첨된 자가 '경험이 없다'는 고발이, 다른 한편으로는 '경험이 있다'는 옹호가 한 가지 요건이 되어야 합니다.
ὃς δʼ ἂν εἷς ἐκ προχειροτονηθέντων δέκα λάχῃ, δοκιμασθείς, τὸν ἐνιαυτὸν τῶν χορῶν ἀρχέτω κατὰ νόμον.
그리고 미리 거수표결로 뽑힌 열 명 중에서 추첨된 한 명이 심사를 거친 후에 법률에 따라 그 한 해 동안 합창을 관할해야 합니다.
κατὰ ταὐτὰ δὲ τούτοις καὶ ταύτῃ ὁ λαχὼν τὸν ἐνιαυτὸν ἐκεῖνον τῶν ἀφικομένων εἰς κρίσιν μονῳδιῶν τε καὶ συναυλιῶν ἀρχέτω, εἰς τοὺς κριτὰς ἀποδιδοὺς ὁ λαχὼν τὴν κρίσιν.
이들과 동일한 방식과 경로에 의해, 추첨된 자가 그 한 해 동안 심사에 붙여진 독창 및 합주를 관할해야 하며, 추첨된 자는 심판들에게 그 심사를 넘겨야 합니다.
μετὰ δὲ ταῦτα χρεὼν ἀγωνίας ἀθλοθέτας αἱρεῖσθαι τῆς περὶ τὰ γυμνάσια ἵππων τε καὶ ἀνθρώπων ἐκ τῶν τρίτων τε καὶ ἔτι τῶν δευτέρων τιμημάτων·
이 일들 후에, 체육관들과 말 및 사람에 관한 경쟁의 심판들을 제3등급과 또한 제2등급의 재산 등급 중에서 선출해야 합니다.
εἰς δὲ τὴν αἵρεσιν ἔστω μὲν ἐπάναγκες τοῖς τρισὶν πορεύεσθαι τιμήμασι, τὸ σμικρότατον δὲ ἀζήμιον ἀφείσθω.
선출을 위해 집회에 가는 것은 세 재산 등급의 자들에게는 의무적이어야 하되, 가장 낮은 등급은 벌금 없이 면제되어야 합니다.
τρεῖς δʼ ἔστωσαν οἱ λαχόντες, τῶν προχειροτονηθέντων μὲν εἴκοσι, λαχόντων δὲ ἐκ τῶν εἴκοσι τριῶν, οὓς ἂν καὶ ψῆφος ἡ τῶν δοκιμαζόντων δοκιμάσῃ·
미리 거수표결로 뽑힌 스무 명 중에서 추첨된 세 명이 임명되어야 하니, 이 스무 명 중에서 추첨된 세 명에 대해 심사하는 자들의 투표가 승인해야 합니다.
ἐὰν δέ τις ἀποδοκιμασθῇ καθʼ ἡντιναοῦν ἀρχῆς λῆξιν καὶ κρίσιν, ἄλλους ἀνθαιρεῖσθαι κατὰ ταὐτὰ καὶ τὴν δοκιμασίαν ὡσαύτως αὐτῶν πέρι ποιεῖσθαι.
만일 누군가가 어떤 관직 취임 및 심사에서 부적격 판정을 받는다면, 동일한 방식에 따라 다른 자가 대신 선출되어야 하며, 그들에 대한 심사 역시 마찬가지로 행해져야 합니다.
λοιπὸς δὲ ἄρχων περὶ τὰ προειρημένα ἡμῖν ὁ τῆς παιδείας ἐπιμελητὴς πάσης θηλειῶν τε καὶ ἀρρένων.
우리가 앞서 말한 일들에 관해 남아있는 관리자는 소녀들과 소년들의 모든 교육을 관리하는 사람입니다.
εἷς μὲν δὴ καὶ ὁ τούτων ἄρξων ἔστω κατὰ νόμους, ἐτῶν μὲν γεγονὼς μὴ ἔλαττον ἢ πεντήκοντα, παίδων δὲ γνησίων πατήρ, μάλιστα μὲν ὑέων καὶ θυγατέρων, εἰ δὲ μή, θάτερα·
이들을 법률에 따라 다스릴 자 역시 한 명이어야 하니, 쉰 살보다 적지 않은 나이여야 하고, 서출이 아닌 친자식의 아버지여야 하며, 가급적이면 아들과 딸 모두의, 그렇지 않다면 어느 한쪽의 아버지여야 합니다.
διανοηθήτω δὲ αὐτός τε ὁ προκριθεὶς καὶ ὁ προκρίνων ὡς οὖσαν ταύτην τὴν ἀρχὴν τῶν ἐν τῇ πόλει ἀκροτάτων ἀρχῶν πολὺ μεγίστην.
그리고 선출된 자 자신과 선출하는 자 모두 이 관직이 도시의 가장 높은 관직들 중에서도 단연코 가장 중대한 것이라고 명심해야 합니다.