§5.747ΑΘ. πρὸς δὲ τούτοις οὐδʼ ἐκεῖνα φοβητέα, δείσαντα τὴν δόξασαν ἂν γίγνεσθαι σμικρολογίαν, ἄν τις προστάττῃ πάντα ὁπόσʼ ἂν σκεύη κτῶνται, μηδὲν ἄμετρον αὐτῶν ἐᾶν εἶναι, καὶ κοινῷ λόγῳ νομίσαντα πρὸς πάντα εἶναι χρησίμους τὰς τῶν ἀριθμῶν διανομὰς καὶ ποικίλσεις, ὅσα τε αὐτοὶ ἐν ἑαυτοῖς ποικίλλονται καὶ ὅσα ἐν μήκεσι καὶ ἐν βάθεσι ποικίλματα, καὶ δὴ καὶ ἐν φθόγγοις καὶ κινήσεσι ταῖς τε κατὰ τὴν εὐθυπορίαν τῆς ἄνω καὶ κάτω φορᾶς καὶ τῆς κύκλῳ περιφορᾶς·
아테네인: 이뿐만 아니라, 시민들이 소유하는 모든 기구에 대하여 그 어느 것도 규격 없이 방치해서는 안 된다고 누군가 명령한다 하더라도, 그것이 너무 세세해 보일 수 있다는 두려움 때문에 그 일을 두려워해서는 안 됩니다. 오히려 일반적인 원칙으로서 수의 분배와 그 다양한 응용이 모든 것에 유용하다는 점을 명심해야 합니다. 수 자체가 그 자체 내에서 다양하게 변화하는 것들과, 길이와 깊이에서의 변화들, 그리고 참으로 음향이나, 위아래의 직선 운동 및 원운동과 같은 운동에서의 변화들에 이르기까지 말입니다.
πρὸς γὰρ ταῦτα πάντα δεῖ βλέψαντα τόν γε νομοθέτην προστάττειν τοῖς πολίταις πᾶσιν εἰς δύναμιν τούτων μὴ ἀπολείπεσθαι τῆς συντάξεως.
입법자는 이 모든 것을 주시하고, 모든 시민에게 힘이 닿는 데까지 이러한 수의 조직에서 뒤처지지 않도록 명령해야 하기 때문입니다.
πρός τε γὰρ οἰκονομίαν καὶ πρὸς πολιτείαν καὶ πρὸς τὰς τέχνας πάσας ἓν οὐδὲν οὕτω δύναμιν ἔχει παίδειον μάθημα μεγάλην, ὡς ἡ περὶ τοὺς ἀριθμοὺς διατριβή·
왜냐하면 가정 관리나 국가 경영, 그리고 모든 기술에 있어서, 수에 관한 전념만큼 교육적 학습으로서 큰 힘을 지니는 것은 다른 어느 하나도 없기 때문입니다.
τὸ δὲ μέγιστον, ὅτι τὸν νυστάζοντα καὶ ἀμαθῆ φύσει ἐγείρει καὶ εὐμαθῆ καὶ μνήμονα καὶ ἀγχίνουν ἀπεργάζεται, παρὰ τὴν αὑτοῦ φύσιν ἐπιδιδόντα θείᾳ τέχνῃ.
그리고 가장 중요한 것은, 그것이 태생적으로 둔하고 무지한 자를 일깨워, 배움이 빠르고 기억력이 좋으며 총명한 자로 만들어 주며, 신적인 기술에 의해 자신의 본래 성품을 넘어서 발전하게 한다는 점입니다.
ταῦτα δὴ πάντα, ἐὰν μὲν ἄλλοις νόμοις τε καὶ ἐπιτηδεύμασιν ἀφαιρῆταί τις τὴν ἀνελευθερίαν καὶ φιλοχρηματίαν ἐκ τῶν ψυχῶν τῶν μελλόντων αὐτὰ ἱκανῶς τε καὶ ὀνησίμως κτήσεσθαι, καλὰ τὰ παιδεύματα καὶ προσήκοντα γίγνοιτʼ ἄν·
이 모든 학습은, 만일 다른 법률과 일상적 관행을 통해, 이것들을 충분하고도 유익하게 습득하려는 사람들의 영혼으로부터 비천함과 재물욕을 제거할 수 있다면, 아름답고도 합당한 것이 될 것입니다.
εἰ δὲ μή, τὴν καλουμένην ἄν τις πανουργίαν ἀντὶ σοφίας ἀπεργασάμενος λάθοι, καθάπερ Αἰγυπτίους καὶ Φοίνικας καὶ πολλὰ ἕτερα ἀπειργασμένα γένη νῦν ἔστιν ἰδεῖν ὑπὸ τῆς τῶν ἄλλων ἐπιτηδευμάτων καὶ κτημάτων ἀνελευθερίας, εἴτε τις νομοθέτης αὐτοῖς φαῦλος ἂν γενόμενος ἐξηργάσατο τὰ τοιαῦτα εἴτε χαλεπὴ τύχη προσπεσοῦσα εἴτε καὶ φύσις ἄλλη τις τοιαύτη.
그러나 그렇지 않다면, 지혜 대신에 소위 교활함이라는 것을 자신도 모르게 만들어 내게 될 것입니다. 마치 에지프토스인들과 포이니케인들, 그리고 그 밖의 많은 다른 성품으로 만들어진 민족들이 다른 관행과 재산의 비천함으로 인해 오늘날 그와 같은 상태가 된 것을 볼 수 있는 것처럼 말입니다. 그것은 그들에게 어떤 나쁜 입법자가 나타나 그러한 결과를 만들어 냈거나, 혹은 가혹한 운명이 닥쳤거나, 아니면 그와 같은 어떤 다른 본성 때문일 것입니다.
καὶ γάρ, ὦ Μέγιλλέ τε καὶ Κλεινία, μηδὲ τοῦθʼ ἡμᾶς λανθανέτω περὶ τόπων ὡς οὐκ εἰσὶν ἄλλοι τινὲς διαφέροντες ἄλλων τόπων πρὸς τὸ γεννᾶν ἀνθρώπους ἀμείνους καὶ χείρους, οἷς οὐκ ἐναντία νομοθετητέον·
그리고 메길로스여, 클레이니아스여, 장소에 관해서도 다음과 같은 점을 간과해서는 안 됩니다. 즉, 더 훌륭한 인간들과 더 못한 인간들을 길러내는 데 있어서 어떤 장소들이 다른 장소들과 크게 다르다는 사실을 말입니다. 그러한 곳들에 대해서는 반대되는 방식으로 법을 제정해서는 안 됩니다.
οἱ μέν γέ που διὰ πνεύματα παντοῖα καὶ διʼ εἱλήσεις ἀλλόκοτοί τέ εἰσιν καὶ ἐναίσιοι αὐτῶν, οἱ δὲ διʼ ὕδατα, οἱ δὲ καὶ διʼ αὐτὴν τὴν ἐκ τῆς γῆς τροφήν, ἀναδιδοῦσαν οὐ μόνον τοῖς σώμασιν ἀμείνω καὶ χείρω, ταῖς δὲ ψυχαῖς οὐχ ἧττον δυναμένην πάντα τὰ τοιαῦτα ἐμποιεῖν, τούτων δʼ αὖ πάντων μέγιστον διαφέροιεν ἂν τόποι χώρας ἐν οἷς θεία τις ἐπίπνοια καὶ δαιμόνων λήξεις εἶεν, τοὺς ἀεὶ κατοικιζομένους ἵλεῳ δεχόμενοι καὶ τοὐναντίον.
참으로 어떤 곳들은 온갖 바람과 일조 때문에 기이하거나 혹은 길하고, 어떤 곳들은 물 때문에, 그리고 어떤 곳들은 땅에서 나는 음식 그 자체 때문에 그러합니다. 그 음식은 육체에 더 좋고 나쁜 것을 제공할 뿐만 아니라, 영혼에도 그와 같은 모든 성질을 불어넣는 힘에 있어서 조금도 뒤지지 않기 때문입니다. 그리고 이 모든 것 중에서도 가장 큰 차이를 만드는 것은 신적인 영감이나 다이몬들의 영역이 존재하는 국토의 장소들이며, 그곳들은 그곳에 정착하려는 이들을 자비롭게 맞이하거나 혹은 그 반대로 대합니다.
οἷς ὅ γε νοῦν ἔχων νομοθέτης, ἐπισκεψάμενος ὡς ἄνθρωπον οἷόν τʼ ἐστὶν σκοπεῖν τὰ τοιαῦτα, οὕτω πειρῷτʼ ἂν τιθέναι τοὺς νόμους.
지각 있는 입법자라면 인간으로서 관찰할 수 있는 한 이러한 것들을 살핀 뒤에, 그에 맞추어 법률을 제정하려고 시도해야 할 것입니다.
ὃ δὴ καὶ σοὶ ποιητέον, ὦ Κλεινία·
클레이니아스여, 이것이야말로 그대 또한 해야 할 일입니다.
πρῶτον τρεπτέον ἐπὶ τὰ τοιαῦτα μέλλοντί γε κατοικίζειν χώραν.
국토에 사람들을 정착시키려는 자는 마땅히 첫째로 이러한 일들로 눈을 돌려야 합니다.
ΚΛ. ἀλλʼ, ὦ ξένε Ἀθηναῖε, λέγεις τε παγκάλως ἐμοί τε οὕτως ποιητέον.
클레이니아스: 참으로, 아테네의 객인이여, 그대의 말씀은 지극히 훌륭하며, 나 또한 그렇게 해야만 하겠습니다.