§5.728ΑΘ. οὐδέ γε ὁπόταν χρήματά τις ἐρᾷ κτᾶσθαι μὴ καλῶς, ἢ μὴ δυσχερῶς φέρῃ κτώμενος, δώροις ἄρα τιμᾷ τότε τὴν αὑτοῦ ψυχήν—παντὸς μὲν οὖν λείπει—τὸ γὰρ αὐτῆς τίμιον ἅμα καὶ καλὸν ἀποδίδοται σμικροῦ χρυσίου·
아테네인: 또한 누군가가 옳지 못한 방식으로 재물을 얻기를 갈망하거나, 그것을 얻으면서도 괴롭게 여기지 않을 때, 그가 그때 선물로 자신의 영혼을 소중히 여기는 것은 결코 아닙니다—오히려 전혀 그렇지 못합니다—왜냐하면 영혼의 소중하고도 아름다운 부분이 아주 적은 황금에 팔려 가기 때문입니다.
πᾶς γὰρ ὅ τʼ ἐπὶ γῆς καὶ ὑπὸ γῆς χρυσὸς ἀρετῆς οὐκ ἀντάξιος.
지상에 있고 땅속에 있는 모든 황금도 덕과 맞바꿀 만큼의 가치가 없기 때문입니다.
ὡς δὲ εἰπεῖν συλλήβδην, ὃς ἅπερ ἂν νομοθέτης αἰσχρὰ εἶναι καὶ κακὰ διαριθμούμενος τάττῃ καὶ τοὐναντίον ἀγαθὰ καὶ καλά, τῶν μὲν ἀπέχεσθαι μὴ ἐθέλῃ πάσῃ μηχανῇ, τὰ δὲ ἐπιτηδεύειν σύμπασαν κατὰ δύναμιν, οὐκ οἶδεν ἐν τούτοις πᾶσιν πᾶς ἄνθρωπος ψυχὴν θειότατον ὂν ἀτιμότατα καὶ κακοσχημονέστατα διατιθείς.
요약해서 말하자면, 입법자가 수치스럽고 악한 것이라고 열거하여 규정한 것들과 반대로 좋고 아름다운 것이라고 규정한 것들에 대하여, 전자를 온갖 수단을 동원해 피하려 하지 않고 후자를 온 힘을 다해 실천하려 하지 않는 자는 누구나, 이 모든 일에서 자신이 가장 신성한 것인 영혼을 가장 불명예스럽고도 가장 보기 흉하게 다루고 있음을 알지 못합니다.
τὴν γὰρ λεγομένην δίκην τῆς κακουργίας τὴν μεγίστην οὐδεὶς ὡς ἔπος εἰπεῖν λογίζεται, ἔστιν δʼ ἡ μεγίστη τὸ ὁμοιοῦσθαι τοῖς οὖσιν κακοῖς ἀνδράσιν, ὁμοιούμενον δὲ τοὺς μὲν ἀγαθοὺς φεύγειν ἄνδρας καὶ λόγους καὶ ἀποσχίζεσθαι, τοῖς δὲ προσκολλᾶσθαι διώκοντα κατὰ τὰς συνουσίας·
왜냐하면 악행에 대해 소위 '가장 큰 벌'이라 불리는 것을 이른바 아무도 고려하지 않기 때문인데, 그 가장 큰 벌이란 이미 악한 사람들과 닮아가는 것이며, 그들과 닮아가면서 좋은 사람들과 그들의 말을 피해 떨어져 나가고, 악한 자들에게 달라붙어 교제를 추구하는 것입니다.
προσπεφυκότα δὲ τοῖς τοιούτοις ἀνάγκη ποιεῖν καὶ πάσχειν ἃ πεφύκασιν ἀλλήλους οἱ τοιοῦτοι ποιεῖν καὶ λέγειν.
그리고 그러한 자들에게 밀착하게 되면, 그러한 자들이 본성상 서로에게 행하고 말하는 바를 자신도 행하고 겪을 수밖에 없게 됩니다.
τοῦτο οὖν δὴ τὸ πάθος δίκη μὲν οὐκ ἔστιν—καλὸν γὰρ τό γε δίκαιον καὶ ἡ δίκη—τιμωρία δέ, ἀδικίας ἀκόλουθος πάθη, ἧς ὅ τε τυχὼν καὶ μὴ τυγχάνων ἄθλιος, ὁ μὲν οὐκ ἰατρευόμενος, ὁ δέ, ἵνα ἕτεροι πολλοὶ σῴζωνται, ἀπολλύμενος.
그러므로 이러한 상태는 결코 '정의'가 아니라, 불의에 따르는 고통인 '징벌'입니다. 이것을 겪는 자나 겪지 않는 자나 비참한데, 한쪽은 치료받지 못하기 때문이고, 다른 쪽은 다른 많은 이들이 구원받도록 파멸하기 때문입니다.
τιμὴ δʼ ἐστὶν ἡμῖν, ὡς τὸ ὅλον εἰπεῖν, τοῖς μὲν ἀμείνοσιν ἕπεσθαι, τὰ δὲ χείρονα, γενέσθαι δὲ βελτίω δυνατά, τοῦτʼ αὐτὸ ὡς ἄριστα ἀποτελεῖν.
대체로 말해서, 우리에게 있어 소중히 여김이란 더 나은 것을 따르는 것이며, 더 못하지만 더 나아질 가능성이 있는 것을 이 개선 자체를 향해 가장 훌륭한 방식으로 완성하는 것입니다.
ψυχῆς οὖν ἀνθρώπῳ κτῆμα οὐκ ἔστιν εὐφυέστερον εἰς τὸ φυγεῖν μὲν τὸ κακόν, ἰχνεῦσαι δὲ καὶ ἑλεῖν τὸ πάντων ἄριστον, καὶ ἑλόντα αὖ κοινῇ συνοικεῖν τὸν ἐπίλοιπον βίον·
그러므로 인간에게 있어 악을 피하고 모든 것 중에서 가장 좋은 것을 추적하여 획득하고, 그것을 획득한 후 남은 평생을 함께 살아가기 위해 영혼보다 더 본성적으로 타고난 소유물은 없습니다.
διὸ δεύτερον ἐτάχθη τιμῇ, τὸ δὲ τρίτον—πᾶς ἂν τοῦτό γε νοήσειεν—τὴν τοῦ σώματος εἶναι κατὰ φύσιν τιμήν·
그렇기에 영혼은 소중히 여겨야 할 순서에서 두 번째로 배치되었으며, 세 번째는 누구나 이해할 수 있듯이 자연의 본성에 따른 육체의 존중입니다.
τὰς δʼ αὖ τιμὰς δεῖ σκοπεῖν, καὶ τούτων τίνες ἀληθεῖς καὶ ὅσαι κίβδηλοι, τοῦτο δὲ νομοθέτου.
나아가 이러한 존중들을 살펴보아, 이 중에서 어떤 것이 진짜이고 어떤 것이 가짜인지 구분해야 하는데, 이것은 입법자의 일입니다.
μηνύειν δή μοι φαίνεται τάσδε καὶ τοιάσδε τινὰς αὐτὰς εἶναι, τίμιον εἶναι σῶμα οὐ τὸ καλὸν οὐδὲ ἰσχυρὸν οὐδὲ τάχος ἔχον οὐδὲ μέγα, οὐδέ γε τὸ ὑγιεινόν—καίτοι πολλοῖς ἂν τοῦτό γε δοκοῖ—καὶ μὴν οὐδὲ τὰ τούτων γʼ ἐναντία, τὰ δʼ ἐν τῷ μέσῳ ἁπάσης ταύτης τῆς ἕξεως ἐφαπτόμενα σωφρονέστατα ἅμα τε ἀσφαλέστατα εἶναι μακρῷ·
입법자는 그것들이 다음과 같은 것들이라고 말해 주는 것 같습니다. 즉, 소중한 육체란 아름답거나 강하거나 빠르거나 큰 육체가 아니며, 건강한 육체도 아니라는 것입니다. 비록 많은 이들에게는 건강만큼은 그렇게 여겨지겠지만 말입니다. 또한 그것들의 반대되는 것도 아니며, 이 모든 상태의 중간에 위치하여 그것들에 닿아 있는 상태가 단연코 가장 절도 있고 동시에 가장 안전합니다.
τὰ μὲν γὰρ χαύνους τὰς ψυχὰς καὶ θρασείας ποιεῖ, τὰ δὲ ταπεινάς τε καὶ ἀνελευθέρους.
왜냐하면 전자는 영혼을 허황되고 무모하게 만들고, 후자는 영혼을 비굴하고 야비하게 만들기 때문입니다.