§3.701ΑΘ. τοιαῦτα δὴ ποιοῦντες ποιήματα, λόγους τε ἐπιλέγοντες τοιούτους, τοῖς πολλοῖς ἐνέθεσαν παρανομίαν εἰς τὴν μουσικὴν καὶ τόλμαν ὡς ἱκανοῖς οὖσιν κρίνειν·
아테네인: 실로 이와 같은 시들을 짓고 이러한 주장들을 덧봄으로써, 그들은 대중에게 음악에서의 무법과 자신들에게 판정할 능력이 있다는 불손한 오만을 심어 주었습니다.
ὅθεν δὴ τὰ θέατρα ἐξ ἀφώνων φωνήεντʼ ἐγένοντο, ὡς ἐπαΐοντα ἐν μούσαις τό τε καλὸν καὶ μή, καὶ ἀντὶ ἀριστοκρατίας ἐν αὐτῇ θεατροκρατία τις πονηρὰ γέγονεν.
그리하여 극장들은 말 못 하던 것에서, 마치 자신들이 뮤즈의 예술에서 무엇이 아름답고 무엇이 그렇지 않은지를 이해하는 양 목소리를 높이는 것으로 변했으며, 음악에서의 귀족정 대신에 일종의 해로운 '극장 지배정'이 생겨났습니다.
εἰ γὰρ δὴ καὶ δημοκρατία ἐν αὐτῇ τις μόνον ἐγένετο ἐλευθέρων ἀνδρῶν, οὐδὲν ἂν πάνυ γε δεινὸν ἦν τὸ γεγονός·
왜냐하면 만약 음악 속에서 자유인들만의 일종의 민주정만이 생겨났었라면, 일어난 일이 전혀 그렇게 끔찍하지는 않았을 것이기 때문입니다.
νῦν δὲ ἦρξε μὲν ἡμῖν ἐκ μουσικῆς ἡ πάντων εἰς πάντα σοφίας δόξα καὶ παρανομία, συνεφέσπετο δὲ ἐλευθερία.
하지만 이제는 음악에서 시작하여, 우리에게 모든 것에 대해 모두가 지혜롭다는 자만과 무법이 생겨났고, 자유가 그 뒤를 따랐습니다.
ἄφοβοι γὰρ ἐγίγνοντο ὡς εἰδότες, ἡ δὲ ἄδεια ἀναισχυντίαν ἐνέτεκεν·
왜냐하면 그들은 아는 것처럼 두려움이 없어졌고, 이러한 두려움 없음은 뻔뻔스러움을 낳았기 때문입니다.
τὸ γὰρ τὴν τοῦ βελτίονος δόξαν μὴ φοβεῖσθαι διὰ θράσος, τοῦτʼ αὐτό ἐστιν σχεδὸν ἡ πονηρὰ ἀναισχυντία, διὰ δή τινος ἐλευθερίας λίαν ἀποτετολμημένης.
왜냐하면 대담함으로 인해 더 나은 사람의 의견을 두려워하지 않는 것, 이것 자체가 거의 일종의 지나치게 과감해진 자유로 인해 생겨난 사악한 뻔뻔스러움이기 때문입니다.
ΜΕ. ἀληθέστατα λέγεις.
메길로스: 참으로 옳은 말씀입니다.
ΑΘ. ἐφεξῆς δὴ ταύτῃ τῇ ἐλευθερίᾳ ἡ τοῦ μὴ ἐθέλειν τοῖς ἄρχουσι δουλεύειν γίγνοιτʼ ἄν, καὶ ἑπομένη ταύτῃ φεύγειν πατρὸς καὶ μητρὸς καὶ πρεσβυτέρων δουλείαν καὶ νουθέτησιν, καὶ ἐγγὺς τοῦ τέλους οὖσιν νόμων ζητεῖν μὴ ὑπηκόοις εἶναι, πρὸς αὐτῷ δὲ ἤδη τῷ τέλει ὅρκων καὶ πίστεων καὶ τὸ παράπαν θεῶν μὴ φροντίζειν, τὴν λεγομένην παλαιὰν Τιτανικὴν φύσιν ἐπιδεικνῦσι καὶ μιμουμένοις, ἐπὶ τὰ αὐτὰ πάλιν ἐκεῖνα ἀφικομένους, χαλεπὸν αἰῶνα διάγοντας μὴ λῆξαί ποτε κακῶν.
아테네인: 이 자유의 뒤를 이어 통치자들에게 복종하기를 원치 않는 자유가 생겨날 것이고, 이에 뒤따라 아버지와 어머니, 그리고 연장자들의 지배와 훈계로부터 벗어나려는 자유가 생겨날 것입니다. 그리고 종말에 가까워지면 법률에 복종하지 않으려 할 것이고, 바로 그 종말에 이르러서는 맹세와 신의, 나아가 신들을 전적으로 불신하게 될 것입니다. 소위 고대의 타이탄적인 본성을 드러내고 흉내 내어, 다시 그 옛날의 상태로 되돌아가, 결코 불행이 그치지 않는 고달픈 일생을 보내게 되는 것입니다.
τίνος δὴ καὶ ταῦθʼ ἡμῖν αὖ χάριν ἐλέχθη;
그런데 우리는 또 도대체 무엇을 위해 이 일들을 말한 것일까요?
δεῖν φαίνεται ἔμοιγε οἷόνπερ ἵππον τὸν λόγον ἑκάστοτε ἀναλαμβάνειν, καὶ μὴ καθάπερ ἀχάλινον κεκτημένον τὸ στόμα, βίᾳ ὑπὸ τοῦ λόγου φερόμενον, κατὰ τὴν παροιμίαν ἀπό τινος ὄνου πεσεῖν, ἀλλʼ ἐπανερωτᾶν τὸ νυνδὴ λεχθέν, τὸ τίνος δὴ χάριν ἕνεκα ταῦτα ἐλέχθη;
제게는 말을 제어하듯 논의를 매번 다시 다잡아야 할 것처럼 보입니다. 고삐 풀린 입을 가진 것처럼 논의의 힘에 이끌려 억지로 끌려가다가 속담대로 '나귀에서 떨어지는' 일이 없도록 해야 하며, 방금 한 말, 즉 '도대체 무엇 때문에 이 일들이 말해졌는가'라는 질문을 다시 던져야 합니다.
ΜΕ. καλῶς.
메길로스: 좋습니다.
ΑΘ. ταῦτα τοίνυν εἴρηται ἐκείνων ἕνεκα.
아테네인: 그렇다면 이 일들은 바로 저 일들을 위해 말해진 것입니다.
ΜΕ. τίνων;
메길로스: 어떤 일들 말입니까?
ΑΘ. ἐλέξαμεν ὡς τὸν νομοθέτην δεῖ τριῶν στοχαζόμενον νομοθετεῖν, ὅπως ἡ νομοθετουμένη πόλις ἐλευθέρα τε ἔσται καὶ φίλη ἑαυτῇ καὶ νοῦν ἕξει.
아테네인: 우리는 입법자가 세 가지를 목표로 삼아 입법해야 한다고 말했으니, 즉 입법의 대상이 되는 국가가 자유롭고, 스스로에 대해 우애가 있으며, 지성을 갖추도록 해야 한다는 것이었습니다.
ταῦτʼ ἦν· ἦ γάρ;
이것이었지요, 그렇지 않습니까?
ΜΕ. πάνυ μὲν οὖν.
메길로스: 완전히 그렇습니다.
ΑΘ. τούτων ἕνεκα δὴ πολιτείας τήν τε δεσποτικωτάτην προελόμενοι καὶ τὴν ἐλευθερικωτάτην, ἐπισκοποῦμεν νυνὶ ποτέρα τούτων ὀρθῶς πολιτεύεται·
아테네인: 참으로 이 일들을 위해, 우리는 가장 전제적인 정체와 가장 자유로운 정체를 선택하여, 현재 이 둘 중 어느 쪽이 올바르게 다스려지고 있는지를 검토하고 있는 것입니다.
λαβόντες δὲ αὐτῶν ἑκατέρας μετριότητά τινα, τῶν μὲν τοῦ δεσπόζειν, τῶν δὲ τοῦ ἐλευθεριάσαι, κατείδομεν ὅτι τότε διαφερόντως ἐν αὐταῖς ἐγένετο εὐπραγία, ἐπὶ δὲ τὸ ἄκρον ἀγαγόντων ἑκατέρων, τῶν μὲν δουλείας, τῶν δὲ τοὐναντίου, οὐ συνήνεγκεν οὔτε τοῖς οὔτε τοῖς.
그리고 그것들 각각의 일정한 절도, 즉 한쪽에서는 지배의 절도를, 다른 쪽에서는 자유의 절도를 취했을 때, 당시 그 나라들에서 탁월한 번영이 일어났음을 우리는 보았습니다. 그러나 각자가 극단으로 몰고 가, 한쪽은 예속으로, 다른 쪽은 그 반대로 이끌었을 때에는, 이쪽에게도 저쪽에게도 이롭지 못했음을 보았습니다.
§3.702ΜΕ. ἀληθέστατα λέγεις.
메길로스: 참으로 옳은 말씀입니다.
ΑΘ. καὶ μὴν αὐτῶν γʼ ἕνεκα καὶ τὸ Δωρικὸν ἐθεασάμεθα κατοικιζόμενον στρατόπεδον καὶ τὰς τοῦ Δαρδάνου ὑπωρείας τε καὶ τὴν ἐπὶ θαλάττῃ κατοίκισιν, καὶ τοὺς πρώτους δὴ τοὺς περιλιπεῖς γενομένους τῆς φθορᾶς, ἔτι δὲ τοὺς ἔμπροσθεν τούτων γενομένους ἡμῖν λόγους περί τε μουσικῆς καὶ μέθης καὶ τὰ τούτων ἔτι πρότερα.
아테네인: 게다가 참으로 바로 그것들을 위해, 우리는 도리스인 진영의 정착과 다르다노스의 산기슭 및 해안가의 정착, 그리고 그 파멸에서 살아남은 최초의 사람들을 고찰했으며, 이보다 앞서 행해진 음악과 만취에 관한 논의 및 그보다 더 이전의 논의들도 살펴보았던 것입니다.
ταῦτα γὰρ πάντα εἴρηται τοῦ κατιδεῖν ἕνεκα πῶς ποτʼ ἂν πόλις ἄριστα οἰκοίη, καὶ ἰδίᾳ πῶς ἄν τις βέλτιστα τὸν αὑτοῦ βίον διαγάγοι·
왜냐하면 이 모든 것은 국가가 어떻게 해야 가장 잘 운영될 수 있는지, 그리고 개인적으로 어떻게 해야 자신의 삶을 가장 잘 영위할 수 있는지를 알아보기 위해 말해진 것이기 때문입니다.
εἰ δὲ δή τι πεποιήκαμεν προὔργου, τίς ποτʼ ἂν ἔλεγχος γίγνοιτο ἡμῖν πρὸς ἡμᾶς αὐτοὺς λεχθείς, ὦ Μέγιλλέ τε καὶ Κλεινία;
그런데 만약 우리가 실제로 무언가 유익한 일을 해낸 것이라면, 메길로스와 클레이니아스여, 우리 자신에 대해 말해지는 어떤 검증이 우리에게 가능하겠습니까?
ΚΛ. ἐγώ τινα, ὦ ξένε, μοι δοκῶ κατανοεῖν.
클레이니아스: 이방인이여, 저는 무언가 깨달아지는 바가 있는 듯합니다.
ἔοικεν κατὰ τύχην τινὰ ἡμῖν τὰ τῶν λόγων τούτων πάντων ὧν διεξήλθομεν γεγονέναι·
우리가 나눈 이 모든 논의들의 결과는 어떤 행운에 따른 것처럼 보입니다.
σχεδὸν γὰρ εἰς χρείαν αὐτῶν ἔγωγʼ ἐλήλυθα τὰ νῦν, καὶ κατά τινα αὖ καιρὸν σύ τε παραγέγονας ἅμα καὶ Μέγιλλος ὅδε.
왜냐하면 저는 마침 지금 그것들을 필요로 하는 처지에 이르렀고, 때마침 당신과 여기 메길로스가 함께 와 주었기 때문입니다.
οὐ γὰρ ἀποκρύψομαι σφὼ τὸ νῦν ἐμοὶ συμβαῖνον, ἀλλὰ καὶ πρὸς οἰωνόν τινα ποιοῦμαι.
저는 지금 저에게 일어나고 있는 일을 여러분 두 분께 숨기지 않겠으며, 도리어 이를 어떤 길조로 삼고자 합니다.
ἡ γὰρ πλείστη τῆς Κρήτης ἐπιχειρεῖ τινα ἀποικίαν ποιήσασθαι, καὶ προστάττει τοῖς Κνωσίοις ἐπιμεληθῆναι τοῦ πράγματος, ἡ δὲ τῶν Κνωσίων πόλις ἐμοί τε καὶ ἄλλοις ἐννέα·
크레타의 대부분 지역이 어떤 식민 도시를 건설하려 하고 있으며, 크노소스인들에게 그 일의 관리를 명했는데, 크노소스 시는 저와 다른 아홉 명에게 그 일을 맡겼기 때문입니다.
ἅμα δὲ καὶ νόμους τῶν τε αὐτόθι, εἴ τινες ἡμᾶς ἀρέσκουσιν, τίθεσθαι κελεύει, καὶ εἴ τινες ἑτέρωθεν, μηδὲν ὑπολογιζομένους τὸ ξενικὸν αὐτῶν, ἂν βελτίους φαίνωνται.
아울러 그곳의 법률들 중 우리 마음에 드는 것이 있다면 그것을 세우고, 다른 곳의 법률이라도 더 훌륭해 보인다면 외래의 것이라는 점을 전혀 개의치 말고 제정하라고 지시하고 있습니다.
νῦν οὖν ἐμοί τε καὶ ὑμῖν ταύτην δῶμεν χάριν·
그러니 이제 저와 여러분을 위해 이러한 성의를 베풀어 주십시오.
ἐκ τῶν εἰρημένων ἐκλέξαντες, τῷ λόγῳ συστησώμεθα πόλιν, οἷον ἐξ ἀρχῆς κατοικίζοντες, καὶ ἅμα μὲν ἡμῖν οὗ ζητοῦμεν ἐπίσκεψις γενήσεται, ἅμα δὲ ἐγὼ τάχʼ ἂν χρησαίμην εἰς τὴν μέλλουσαν πόλιν ταύτῃ τῇ συστάσει.
지금까지 말해진 것들 중에서 선택하여, 말 속에서 마치 처음부터 정착하는 것처럼 국가를 건설해 보는 것입니다. 그리하면 한편으로는 우리가 찾고 있는 검토가 이루어질 것이고, 다른 한편으로는 제가 장차 세워질 국가에 이 구성을 즉시 활용할 수 있을 것입니다.
ΑΘ. οὐ πόλεμόν γε ἐπαγγέλλεις, ὦ Κλεινία·
아테네인: 클레이니아스여, 당신이 선포하는 것은 결코 전쟁이 아니군요.
ἀλλʼ εἰ μή τι Μεγίλλῳ πρόσαντες, τὰ παρʼ ἐμοῦ γε ἡγοῦ σοι πάντα κατὰ νοῦν ὑπάρχειν εἰς δύναμιν.
메길로스에게 불합리한 점이 없다면, 저로서는 제 능력이 닿는 한 당신의 뜻대로 온전히 협력할 준비가 되어 있다고 생각하십시오.
ΚΛ. εὖ λέγεις.
클레이니아스: 고맙습니다.
ΜΕ. καὶ μὴν καὶ τὰ παρʼ ἐμοῦ.
메길로스: 저 역시 마찬가지입니다.
ΚΛ. κάλλιστʼ εἰρήκατον.
클레이니아스: 두 분 모두 가장 훌륭하게 말씀하셨습니다.
ἀτὰρ πειρώμεθα λόγῳ πρῶτον κατοικίζειν τὴν πόλιν.
그렇다면 먼저 말 속에서 국가를 건설하도록 노력해 봅시다.