§12.949ΑΘ. νόμος δὴ κείσθω δικαστὴν μὲν ὀμνύναι δικάζειν μέλλοντα, καὶ τὸν τὰς ἀρχὰς τῷ κοινῷ καθιστάντα διʼ ὅρκων ἢ διὰ φορᾶς ψήφων ἀφʼ ἱερῶν φέροντα δρᾶν ἀεὶ τὸ τοιοῦτον, καὶ κριτὴν αὖ χορῶν καὶ πάσης μουσικῆς καὶ γυμνικῶν τε καὶ ἱππικῶν ἄθλων ἐπιστάτας καὶ βραβέας καὶ ἁπάντων ὁπόσα μὴ φέρει κέρδος κατὰ τὴν ἀνθρωπίνην δόξαν τῷ ἐπιορκοῦντι·
아테나인: 그러므로 판결을 내리려는 재판관은 선서를 해야 하며, 공공을 위해 관직을 임명하는 자는 항상 선서를 통하거나 신전에서 가져온 투표를 던짐으로써 그러한 직무를 수행해야 한다는 법을 제정하도록 하세. 또한 합창단과 모든 음악의 심사원, 체육과 승마 경기의 감독관 및 심판원, 그리고 인간의 생각에 있어 위증하는 자에게 아무런 이익을 가져다주지 않는 모든 사무에 대해서도 마찬가지라네.
τῶν δὲ ὁπόσα ἐξαρνηθέντι καὶ ἐξομοσαμένῳ κέρδος μέγα φανερὸν εἶναι δοκεῖ, ταῦτα δὲ διὰ δικῶν ὅρκων χωρὶς κρίνεσθαι σύμπαντας τοὺς ἐπικαλοῦντας ἀλλήλοις.
그러나 부인하고 위증을 함으로써 분명하고 큰 이익이 되는 것처럼 보이는 모든 사무에 대해서는, 서로 소송을 제기하는 모든 이들이 법정에서 선서 없이 재판을 받아야 하네.
καὶ τὸ παράπαν ἐν δίκῃ τοὺς προέδρους μὴ ἐπιτρέπειν μήτε ὀμνύντι λέγειν πιθανότητος χάριν μήτε ἐπαρώμενον ἑαυτῷ καὶ γένει μήτε ἱκετείαις χρώμενον ἀσχήμοσιν μήτε οἴκτοις γυναικείοις, ἀλλὰ τὸ δίκαιον μετʼ εὐφημίας διδάσκοντα καὶ μανθάνοντα ἀεὶ διατελεῖν, εἰ δὲ μή, καθάπερ ἔξω τοῦ λόγου λέγοντος, τοὺς ἄρχοντας πάλιν ἐπανάγειν εἰς τὸν περὶ τοῦ πράγματος ἀεὶ λόγον.
그리고 소송에서 주재관들은 결코 누군가가 설득력을 얻기 위해 선서를 하며 말하는 것이나, 자신과 가문에 저주를 내리는 것, 혹은 어울리지 않는 탄원이나 여성스러운 애걸을 사용하는 것을 허용해서는 안 되네. 오히려 항상 합당한 언어를 사용하여 무엇이 정의로운지 가르치고 배우는 일을 지속해야 하네. 그렇지 않다면, 사건의 본질을 벗어나 말하는 자로서, 관리들은 그들을 항상 사건 자체에 관한 논의로 다시 이끌어야 하네.
ξένῳ δʼ εἶναι πρὸς ξένους, καθάπερ τὰ νῦν, δέχεσθαί τε ὅρκους παρʼ ἀλλήλων, ἂν ἐθέλωσι, καὶ διδόναι κυρίως—οὐ γὰρ καταγηράσουσιν οὐδʼ ἐννεοττεύοντες ἐν τῇ πόλει ὡς τὸ πολὺ τοιούτους ἄλλους κυρίους τῆς χώρας παρέξονται συντρόφους —δικῶν τε περὶ λήξεως τὸν αὐτὸν τρόπον εἶναι πρὸς ἀλλήλους πᾶσι τὴν κρίσιν.
외국인이 외국인을 상대하는 경우에는, 현재와 마찬가지로, 그들이 원한다면 서로 선서를 받아들이고 합법적으로 제공하도록 하세. 왜냐하면 그들은 폴리스에서 늙어갈 것도 아니며, 이곳에 둥지를 틀어 나라의 주인과 같은 다른 이들을 자신들과 함께 자란 동료로 남겨둘 일도 대개 없기 때문이네. 또한 그들 상호간의 소송 제기에 관한 판결 역시 모두 동일한 방식으로 행해져야 하네.
ὅσα τις ἐλεύθερος ἀπειθεῖ τῇ πόλει, μήτʼ οὖν πληγῶν ἄξια μηδʼ αὖ δεσμῶν μηδὲ θανάτου, περὶ δὲ χορείας τινῶν φοιτήσεων ἢ πομπεύσεων ἢ τοιούτων τινῶν ἄλλων κοινῶν κοσμήσεων ἢ λῃτουργιῶν, ὁπόσα περὶ θυσίας εἰρηνικῆς ἢ πολεμικῶν εἰσφορῶν εἵνεκα, πάντων τῶν τοιούτων τὴν πρώτην ἀνάγκην ἰατὴν εἶναι τῆς ζημίας, τοῖς δὲ μὴ πειθομένοις ἐνεχυρασίαν τούτοις οἷς ἂν πόλις ἅμα καὶ νόμος εἰσπράττειν προστάττῃ, τῶν δὲ ἀπειθούντων ταῖς ἐνεχυρασίαις πρᾶσιν τῶν ἐνεχύρων εἶναι, τὸ δὲ νόμισμα γίγνεσθαι τῇ πόλει·
자유인이 폴리스에 불복종하는 모든 일 중에서, 태형이나 투옥, 혹은 사형에 처할 만한 일이 아닌 경우, 즉 어떠한 합창단의 참여나 행렬, 혹은 그와 같은 다른 공공의 행사나 봉사 활동, 혹은 평화적인 희생 제사나 군사적 기여를 위한 분담금에 관한 모든 사무에 있어서는, 이 모든 일에 대한 첫 번째 강제 조치는 벌과금의 시정이어야 하네. 그리고 복종하지 않는 자들에 대해서는, 폴리스와 법이 함께 징수를 명령하는 것에 대해 압류를 집행해야 하네. 압류에 복종하지 않는 자들에 대해서는 그 압류물을 매각해야 하며, 그 대금은 폴리스의 소유가 되네.
ἐὰν δὲ ζημίας δέωνται πλείονος, τὰς ἀρχὰς ἑκάστας τοῖς ἀπειθοῦσι τὰς πρεπούσας ζημίας ἐπιβαλλούσας εἰσάγειν εἰς τὸ δικαστήριον, ἕως ἂν ἐθελήσωσι δρᾶν τὸ προσταχθέν.
만약 그들에게 더 큰 벌이 필요하다면, 각각의 관직은 불복종하는 자들에게 합당한 벌을 부과하여, 그들이 명령받은 일을 하기를 원할 때까지 그들을 법정에 넘겨야 하네.
πόλει δέ, ἥτις ἂν μήτε χρηματίζηται πλὴν τὸν ἐκ γῆς χρηματισμὸν μήτʼ ἐμπορεύηται, περὶ ἀποδημίας ἑαυτῶν ἔξω τῆς χώρας καὶ ξένων ὑποδοχῆς ἄλλοθεν ἀνάγκη βεβουλεῦσθαι τί χρὴ δρᾶν·
그러나 토지로부터의 수입 외에는 부를 추구하지 않고 상업도 행하지 않는 폴리스의 경우에는, 자신들의 국외 여행과 타국으로부터의 외빈 영접에 대해 어떻게 행동해야 할지 미리 숙고해 두는 것이 필연적이네.
συμβουλεύειν οὖν τὸν νομοθέτην δεῖ τούτων πέρι πρῶτον πείθοντα εἰς δύναμιν.
그러므로 입법자는 이러한 일들에 대해 먼저 가능한 한 설득하면서 조언을 제공해야 하네.
§12.950ΑΘ. πέφυκεν δὲ ἡ πόλεων ἐπιμειξία πόλεσιν ἤθη κεραννύναι παντοδαπά, καινοτομίας ἀλλήλοις ἐμποιούντων ξένων ξένοις·
아테나인: 그런데 폴리스 간의 교류는 외지인들이 다른 외지인들에게 혁신을 가져다줌으로써 폴리스 내에 온갖 풍습을 혼입시키는 성질을 지니고 있네.
ὃ δὴ τοῖς μὲν εὖ πολιτευομένοις διὰ νόμων ὀρθῶν βλάβην ἂν φέροι μεγίστην πασῶν, ταῖς δὲ πλείσταις πόλεσιν, ἅτε οὐδαμῶς εὐνομουμέναις, οὐδὲν διαφέρει φύρεσθαι δεχομένους τε αὐτοῖς ξένους καὶ αὐτοὺς εἰς τὰς ἄλλας ἐπικωμάζοντας πόλεις, ὅταν ἐπιθυμήσῃ τις ἀποδημίας ὁπῃοῦν καὶ ὁπότε, εἴτε νέος εἴτε καὶ πρεσβύτερος ὤν.
이는 올바른 법률에 의해 잘 통치되고 있는 폴리스에게는 모든 해악 중에서 가장 큰 해악을 가져다줄 것이네. 하지만 전혀 좋은 법질서를 지니지 못한 대다수의 폴리스에게는, 외지인들을 자신들 속에 받아들여 혼합되는 것이나, 젊은이든 연장자든 누군가가 언제 어디로든 여행하기를 원할 때 그들 자신이 다른 폴리스로 흘러들어가 섞이는 것이나 아무런 차이가 없네.
τὸ δʼ αὖ μήτε ἄλλους δέχεσθαι μήτε αὐτοὺς ἄλλοσε ἀποδημεῖν ἅμα μὲν οὐκ ἐγχωρεῖ τό γε παράπαν, ἔτι δὲ ἄγριον καὶ ἀπηνὲς φαίνοιτʼ ἂν τοῖς ἄλλοις ἀνθρώποις, ὀνόμασίν τε χαλεποῖς ταῖσιν λεγομέναις ξενηλασίαις χρωμένους καὶ τρόποις αὐθάδεσι καὶ χαλεποῖς, ὡς δοκοῖεν ἄν·
그러나 다른 한편으로, 다른 이들을 받아들이지도 않고 자신들이 다른 곳으로 여행하지도 않는 것은 우선 전적으로 불가능한 일이며, 나아가 이른바 '외지인 추방(크세넬라시아)'과 같은 가혹한 명칭을 사용하고 완고하고 가혹한 태도를 취하는 것처럼 보이기 때문에, 다른 인류에게 야만적이고 냉혹하게 보일 것이네.
χρὴ δὲ οὔποτε περὶ σμικροῦ ποιεῖσθαι τὸ δοκεῖν ἀγαθοὺς εἶναι τοῖς ἄλλοις ἢ μὴ δοκεῖν.
하지만 다른 이들에게 선하게 보이는가 그렇지 않은가 하는 평판을 결코 가볍게 여겨서는 안 되네.
οὐ γὰρ ὅσον οὐσίας ἀρετῆς ἀπεσφαλμένοι τυγχάνουσιν οἱ πολλοί, τοσοῦτον καὶ τοῦ κρίνειν τοὺς ἄλλους ὅσοι πονηροὶ καὶ χρηστοί, θεῖον δέ τι καὶ εὔστοχον ἔνεστι καὶ τοῖσιν κακοῖς, ὥστε πάμπολλοι καὶ τῶν σφόδρα κακῶν εὖ τοῖς λόγοις καὶ ταῖς δόξαις διαιροῦνται τοὺς ἀμείνους τῶν ἀνθρώπων καὶ τοὺς χείρονας.
왜냐하면 대다수의 사람들이 진정한 덕을 결여하고 있는 정도만큼, 타인들 중 누가 악하고 선한지를 판단하는 능력마저 결여하고 있는 것은 아니기 때문이네. 오히려 사악한 자들 속에도 어떤 신적인 직관과 정확한 통찰력이 깃들어 있어, 극히 사악한 자들 중 아주 많은 이들조차 말과 의견에 있어서 인간 중 더 나은 자와 더 못한 자를 잘 구별해 낸다네.
διὸ καλὸν ταῖς πολλαῖς πόλεσι τὸ παρακέλευμά ἐστιν, προτιμᾶν τὴν εὐδοξίαν πρὸς τῶν πολλῶν.
그러므로 많은 폴리스에게 대중으로부터의 좋은 평판을 소중히 여겨야 한다는 권고는 참으로 훌륭한 것이네.
τὸ μὲν γὰρ ὀρθότατον καὶ μέγιστον, ὄντα ἀγαθὸν ἀληθῶς οὕτω τὸν εὔδοξον βίον θηρεύειν, χωρὶς δὲ μηδαμῶς, τόν γε τέλεον ἄνδρα ἐσόμενον, καὶ δὴ καὶ τῇ κατὰ Κρήτην οἰκιζομένῃ πόλει πρέπον ἂν εἴη δόξαν πρὸς τῶν ἄλλων ἀνθρώπων ὅτι καλλίστην τε καὶ ἀρίστην παρασκευάζεσθαι πρὸς ἀρετήν·
왜냐하면 가장 올바르고 위대한 일은 진정으로 선한 사람이 되어 그와 같이 평판이 좋은 삶을 쫓는 것이며, 완벽한 인간이 되고자 하는 자에게 이 둘은 결코 분리되어서는 안 되기 때문이네. 그리고 특히 크레타에 건립되고 있는 폴리스의 경우, 다른 인류에 대하여 덕에 있어 가장 아름답고 훌륭한 평판을 확립하는 것이 합당할 것이네.
πᾶσα δʼ ἐλπὶς αὐτὴν ἐκ τῶν εἰκότων, ἄνπερ κατὰ λόγον γίγνηται, μετʼ ὀλίγων ἥλιον ὄψεσθαι καὶ τοὺς ἄλλους θεοὺς ἐν ταῖς εὐνόμοις πόλεσι καὶ χώραις.
그리고 만약 이치에 맞게 진행된다면, 그 폴리스가 법치주의가 잘 서 있는 폴리스들과 지역들 중에서 태양과 다른 신들을 우러러보게 될 소수의 폴리스 중 하나가 되리라는 것은 온당한 기대라네.
ὧδε οὖν χρὴ ποιεῖν περὶ ἀποδημίας εἰς ἄλλας χώρας καὶ τόπους καὶ περὶ ὑποδοχῆς ξένων.
그러므로 다른 나라와 지역으로의 여행 및 외지인의 영접에 관해서는 다음과 같이 행해야 하네.
πρῶτον μὲν νεωτέρῳ ἐτῶν τετταράκοντα μὴ ἐξέστω ἀποδημῆσαι μηδαμῇ μηδαμῶς, ἔτι τε ἰδίᾳ μηδενί, δημοσίᾳ δʼ ἔστω κήρυξιν ἢ πρεσβείαις ἢ καί τισι θεωροῖς·
첫째로, 마흔 살 미만의 사람은 어떤 방식으로든 어디로든 국외 여행을 해서는 안 되며, 나아가 개인적으로는 그 누구도 여행해서는 안 되고, 공적으로는 전령사나 사절단, 혹은 어떤 신성한 사절단에게만 허용되어야 하네.
τὰς δὲ κατὰ πόλεμον καὶ στρατείας ἀποδημίας οὐκ ἐν ἐκδημίαις πολιτικαῖς ἄξιον ἀγορεύειν ὡς τούτων οὔσας.
다만 전쟁과 군사 원정으로 인한 이동은 시민들의 국외 여행에 포함시켜 이야기할 성질의 것이 아니네.