§108ΚΡΙ. ταῦτα δὴ βουλόμενος ὑμᾶς ὑπομνῆσαι, καὶ τὸ τῆς συγγνώμης οὐκ ἔλαττον ἀλλὰ μεῖζον αἰτῶν περὶ τῶν μελλόντων ῥηθήσεσθαι, πάντα ταῦτα εἴρηκα, ὦ Σώκρατες.
크리티아스: 소크라테스여, 이러한 일들을 당신들에게 상기시키고, 앞으로 말해질 것들에 대해 덜하는 것이 아니라 더 큰 양해를 구하고자 하여 나는 이 모든 것을 말했습니다.
εἰ δὴ δικαίως αἰτεῖν φαίνομαι τὴν δωρεάν, ἑκόντες δίδοτε.
만일 내가 그 선물을 정당하게 청하는 것으로 보인다면, 기꺼이 베풀어 주십시오.
ΣΩ. τί δʼ οὐ μέλλομεν, ὦ Κριτία, διδόναι;
소크라테스: 크리티아스여, 우리가 어찌 주지 않으려 하겠습니까?
καὶ πρός γε ἔτι τρίτῳ δεδόσθω ταὐτὸν τοῦτο Ἑρμοκράτει παρʼ ἡμῶν.
그리고 게다가 이와 똑같은 것이 우리에 의해 세 번째 사람인 헤르모크라테스에게도 미리 허락되도록 합시다.
δῆλον γὰρ ὡς ὀλίγον ὕστερον, ὅταν αὐτὸν δέῃ λέγειν, παραιτήσεται καθάπερ ὑμεῖς·
왜냐하면 조금 뒤에 그가 말해야 할 때가 오면, 당신들과 똑같이 양해를 청할 것임이 분명하기 때문입니다.
ἵνʼ οὖν ἑτέραν ἀρχὴν ἐκπορίζηται καὶ μὴ τὴν αὐτὴν ἀναγκασθῇ λέγειν, ὡς ὑπαρχούσης αὐτῷ συγγνώμης εἰς τότε οὕτω λεγέτω.
그러므로 그가 다른 시초를 마련할 수 있게 하고, 똑같은 말을 하도록 강요받지 않게 하기 위해, 그때까지의 양해가 그에게 이미 갖추어져 있는 것으로 치고 그렇게 말하도록 합시다.
προλέγω γε μήν, ὦ φίλε Κριτία, σοὶ τὴν τοῦ θεάτρου διάνοιαν, ὅτι θαυμαστῶς ὁ πρότερος ηὐδοκίμηκεν ἐν αὐτῷ ποιητής, ὥστε τῆς συγγνώμης δεήσει τινός σοι παμπόλλης, εἰ μέλλεις αὐτὰ δυνατὸς γενέσθαι παραλαβεῖν.
하지만 친애하는 크리티아스여, 나는 당신에게 이 청중의 심중을 미리 일러두고자 합니다. 앞선 시인이 그들 사이에서 놀랍도록 찬사를 받았기에, 당신이 그의 일을 이어받을 수 있으려면 아주 막대한 양해가 필요할 것입니다.
ΕΡ. ταὐτὸν μήν, ὦ Σώκρατες, κἀμοὶ παραγγέλλεις ὅπερ τῷδε.
헤르모크라테스: 소크라테스여, 참으로 당신은 저 사람에게 하신 것과 똑같은 일을 저에게도 당부하시는군요.
ἀλλὰ γὰρ ἀθυμοῦντες ἄνδρες οὔπω τρόπαιον ἔστησαν, ὦ Κριτία·
하지만 크리티아스여, 기가 죽은 자들이 승전비를 세운 적은 아직 없습니다.
προϊέναι τε οὖν ἐπὶ τὸν λόγον ἀνδρείως χρή, καὶ τὸν Παίωνά τε καὶ τὰς μούσας ἐπικαλούμενον τοὺς παλαιοὺς πολίτας ἀγαθοὺς ὄντας ἀναφαίνειν τε καὶ ὑμνεῖν.
그러므로 담론을 향해 용기 있게 나아가야 하며, 파이온과 뮤즈들을 불러 모아 옛 시민들이 훌륭한 사람들이었음을 밝히고 찬양해야 합니다.
ΚΡΙ. ὦ φίλε Ἑρμόκρατες, τῆς ὑστέρας τεταγμένος, ἐπίπροσθεν ἔχων ἄλλον, ἔτι θαρρεῖς.
크리티아스: 친애하는 헤르모크라테스여, 당신은 후열에 배치되어 앞에 다른 사람을 두고 있으니 아직도 기세가 좋군요.
τοῦτο μὲν οὖν οἷόν ἐστιν, αὐτό σοι τάχα δηλώσει·
그러나 이 일이 어떤 것인지는 사태 자체가 곧 당신에게 보여줄 것입니다.
παραμυθουμένῳ δʼ οὖν καὶ παραθαρρύνοντί σοι πειστέον, καὶ πρὸς οἷς θεοῖς εἶπες τούς τε ἄλλους κλητέον καὶ δὴ καὶ τὰ μάλιστα Μνημοσύνην.
어쨌든 나를 위로하고 격려해 주는 당신의 말을 따라야 하며, 당신이 말한 신들에 더하여 다른 신들, 특히 무엇보다도 므네모시네를 불러야 합니다.
σχεδὸν γὰρ τὰ μέγιστα ἡμῖν τῶν λόγων ἐν ταύτῃ τῇ θεῷ πάντʼ ἐστίν·
왜냐하면 우리 담론의 가장 중요한 부분의 거의 모든 것이 이 여신에게 달려 있기 때문입니다.
μνησθέντες γὰρ ἱκανῶς καὶ ἀπαγγείλαντες τά ποτε ῥηθέντα ὑπὸ τῶν ἱερέων καὶ δεῦρο ὑπὸ Σόλωνος κομισθέντα σχεδὸν οἶδʼ ὅτι τῷδε τῷ θεάτρῳ δόξομεν τὰ προσήκοντα μετρίως ἀποτετελεκέναι.
신관들에 의해 한때 말해지고 솔론에 의해 이곳으로 전해진 것들을 우리가 충분히 기억해 내고 전한다면, 이 청중에게 우리가 합당한 임무를 그런대로 완수해 낸 것으로 보일 것임을 거의 확신합니다.
τοῦτʼ οὖν αὔτʼ ἤδη δραστέον, καὶ μελλητέον οὐδὲν ἔτι.
그러므로 이제 이것을 바로 실행해야 하며, 더 이상 지체해서는 안 됩니다.
πάντων δὴ πρῶτον μνησθῶμεν ὅτι τὸ κεφάλαιον ἦν ἐνακισχίλια ἔτη, ἀφʼ οὗ γεγονὼς ἐμηνύθη πόλεμος τοῖς θʼ ὑπὲρ Ἡρακλείας στήλας ἔξω κατοικοῦσιν καὶ τοῖς ἐντὸς πᾶσιν·
우선 무엇보다도, 헤라클레스의 기둥 밖에 거주하는 자들과 그 안에 있는 모든 자들 사이에 전쟁이 일어났다고 전해진 지 구천 년이 되었다는 요점을 기억합시다.
ὃν δεῖ νῦν διαπεραίνειν.
우리는 이제 이 전쟁을 완수해야 합니다.
τῶν μὲν οὖν ἥδε ἡ πόλις ἄρξασα καὶ πάντα τὸν πόλεμον διαπολεμήσασα ἐλέγετο, τῶν δʼ οἱ τῆς Ἀτλαντίδος νήσου βασιλῆς, ἣν δὴ Λιβύης καὶ Ἀσίας μείζω νῆσον οὖσαν ἔφαμεν εἶναί ποτε, νῦν δὲ ὑπὸ σεισμῶν δῦσαν ἄπορον πηλὸν τοῖς ἐνθένδε ἐκπλέουσιν ἐπὶ τὸ πᾶν πέλαγος, ὥστε μηκέτι πορεύεσθαι, κωλυτὴν παρασχεῖν.
한편으로는 이 도시가 주도권을 쥐고 전쟁의 전 기간을 싸워냈다고 전해지며, 다른 한편으로는 아틀란티스 섬의 왕들이 주도했다고 합니다. 그 섬은 리비아와 아시아를 합친 것보다 더 큰 섬이었다고 우리가 한때 말한 적이 있으나, 지금은 지진으로 침몰하여 이곳에서 대양으로 배를 타고 나아가려는 자들에게 통행을 가로막는 진흙이 되어 항해할 수 없게 만들었다고 합니다.
§109ΚΡΙ. τὰ μὲν δὴ πολλὰ ἔθνη βάρβαρα, καὶ ὅσα Ἑλλήνων ἦν γένη τότε, καθʼ ἕκαστα ἡ τοῦ λόγου διέξοδος οἷον ἀνειλλομένη τὸ προστυχὸν ἑκασταχοῦ δηλώσει·
크리티아스: 수많은 야만인 부족들과 당시 그리스인들의 여러 종족에 대해서는, 담론의 전개가 마치 실타래를 풀듯이 각처에서 마주치는 대로 밝혀줄 것입니다.
τὸ δὲ Ἀθηναίων τε τῶν τότε καὶ τῶν ἐναντίων, οἷς διεπολέμησαν, ἀνάγκη κατʼ ἀρχὰς διελθεῖν πρῶτα, τήν τε δύναμιν ἑκατέρων καὶ τὰς πολιτείας.
그러나 당시의 아테나이인들과 그들이 싸웠던 상대방에 대해서는, 무엇보다 먼저 양자의 전력과 국제에 관해 처음에 상술해야만 합니다.
αὐτῶν δὲ τούτων τὰ τῇδε ἔμπροσθεν προτιμητέον εἰπεῖν.
그리고 이 중에서도 이곳의 예전 상황을 우선적으로 말해야 합니다.
θεοὶ γὰρ ἅπασαν γῆν ποτε κατὰ τοὺς τόπους διελάγχανον—οὐ κατʼ ἔριν·
왜냐하면 옛날에 신들은 온 땅을 지역에 따라 나누어 가졌기 때문입니다. 다툼에 의해서가 아니라 말입니다.
οὐ γὰρ ἂν ὀρθὸν ἔχοι λόγον θεοὺς ἀγνοεῖν τὰ πρέποντα ἑκάστοις αὑτῶν, οὐδʼ αὖ γιγνώσκοντας τὸ μᾶλλον ἄλλοις προσῆκον τοῦτο ἑτέρους αὑτοῖς διʼ ἐρίδων ἐπιχειρεῖν κτᾶσθαι—δίκης δὴ κλήροις τὸ φίλον λαγχάνοντες κατῴκιζον τὰς χώρας, καὶ κατοικίσαντες, οἷον νομῆς ποίμνια, κτήματα καὶ θρέμματα ἑαυτῶν ἡμᾶς ἔτρεφον, πλὴν οὐ σώμασι σώματα βιαζόμενοι, καθάπερ ποιμένες κτήνη πληγῇ νέμοντες, ἀλλʼ ᾗ μάλιστα εὔστροφον ζῷον, ἐκ πρύμνης ἀπευθύνοντες, οἷον οἴακι πειθοῖ ψυχῆς ἐφαπτόμενοι κατὰ τὴν αὐτῶν διάνοιαν, οὕτως ἄγοντες τὸ θνητὸν πᾶν ἐκυβέρνων.
신들이 자신들 각자에게 합당한 것을 알지 못한다거나, 혹은 다른 이들에게 더 합당한 것임을 알면서도 다툼을 통해 그것을 자신들의 것으로 삼으려 했다는 것은 이치에 맞지 않기 때문입니다. 그들은 정의의 추첨을 통해 자신들이 사랑하는 땅을 나누어 받아 정착했습니다. 그리고 정착한 뒤에는, 목자가 양 떼를 기르듯이 자신들의 소유물이자 피육물인 우리를 길렀습니다. 다만 그들은 육체로 육체를 힘으로 지배한 것이 아니라, 마치 목자가 매질로 가축을 몰듯이 한 것이 아니라, 동물이 가장 조종하기 쉬운 방식에 따라, 선미에서 조종하듯이 자신들의 생각에 따라 설득이라는 키로 영혼을 쥐고서, 그렇게 필멸의 모든 것을 이끌고 조타했던 것입니다.
ἄλλοι μὲν οὖν κατʼ ἄλλους τόπους κληρουχήσαντες θεῶν ἐκεῖνα ἐκόσμουν, Ἥφαιστος δὲ κοινὴν καὶ Ἀθηνᾶ φύσιν ἔχοντες, ἅμα μὲν ἀδελφὴν ἐκ ταὐτοῦ πατρός, ἅμα δὲ φιλοσοφίᾳ φιλοτεχνίᾳ τε ἐπὶ τὰ αὐτὰ ἐλθόντες, οὕτω μίαν ἄμφω λῆξιν τήνδε τὴν χώραν εἰλήχατον ὡς οἰκείαν καὶ πρόσφορον ἀρετῇ καὶ φρονήσει πεφυκυῖαν, ἄνδρας δὲ ἀγαθοὺς ἐμποιήσαντες αὐτόχθονας ἐπὶ νοῦν ἔθεσαν τὴν τῆς πολιτείας τάξιν·
이리하여 다른 신들은 서로 다른 지역에 영지를 나누어 받아 그곳을 정돈하였으나, 헤파이스토스와 아테나는 공통의 성정을 지녀, 한편으로는 같은 아버지에게서 난 남매이면서 다른 한편으로는 지혜와 기술을 사랑하여 같은 길을 지향하였기에, 이 땅을 덕과 지혜에 본성적으로 적합하고 부합하는 자신들만의 고유한 단 하나의 영지로 함께 나누어 가졌습니다. 그리고 이 땅에 토착의 훌륭한 인간들을 생겨나게 하여 그들의 마음에 국제의 질서를 심어주었습니다.
ὧν τὰ μὲν ὀνόματα σέσωται, τὰ δὲ ἔργα διὰ τὰς τῶν παραλαμβανόντων φθορὰς καὶ τὰ μήκη τῶν χρόνων ἠφανίσθη.
그들의 이름은 보존되어 있으나, 그들의 업적은 그것을 이어받은 자들의 파멸과 오랜 세월 때문에 사라져 버렸습니다.
τὸ γὰρ περιλειπόμενον ἀεὶ γένος, ὥσπερ καὶ πρόσθεν ἐρρήθη, κατελείπετο ὄρειον καὶ ἀγράμματον, τῶν ἐν τῇ χώρᾳ δυναστῶν τὰ ὀνόματα ἀκηκοὸς μόνον καὶ βραχέα πρὸς αὐτοῖς τῶν ἔργων.
왜냐하면 앞서 말했듯이, 매번 살아남는 종족은 산속에 사는 문맹들이어서, 그 땅의 지배자들의 이름과 그들의 업적 중 극히 일부분만을 전해 들었기 때문입니다.
τὰ μὲν οὖν ὀνόματα τοῖς ἐκγόνοις ἐτίθεντο ἀγαπῶντες, τὰς δὲ ἀρετὰς καὶ τοὺς νόμους τῶν ἔμπροσθεν οὐκ εἰδότες, εἰ μὴ σκοτεινὰς περὶ ἑκάστων τινὰς ἀκοάς, ἐν ἀπορίᾳ δὲ τῶν ἀναγκαίων ἐπὶ πολλὰς γενεὰς ὄντες αὐτοὶ καὶ παῖδες, πρὸς οἷς ἠπόρουν τὸν νοῦν ἔχοντες, τούτων πέρι καὶ τοὺς λόγους ποιούμενοι, τῶν ἐν τοῖς πρόσθεν καὶ πάλαι ποτὲ γεγονότων ἠμέλουν.
그리하여 그들은 자손들에게 그 이름을 기꺼이 물려주었으나, 선조들의 덕과 법률에 대해서는 각 사안에 대한 불확실한 소문 외에는 알지 못했습니다. 또한 여러 세대에 걸쳐 생활필수품의 결핍 속에 처해 있었기 때문에, 그들 자신도 그들의 자녀들도 부족한 것에만 온 정신을 쏟았고, 오직 그것에 관해서만 담론을 나누었을 뿐 그 이전에 아주 먼 옛날에 일어났던 일들에 대해서는 무관심했던 것입니다.