§110ΚΡΙ. μυθολογία γὰρ ἀναζήτησίς τε τῶν παλαιῶν μετὰ σχολῆς ἅμʼ ἐπὶ τὰς πόλεις ἔρχεσθον, ὅταν ἴδητόν τισιν ἤδη τοῦ βίου τἀναγκαῖα κατεσκευασμένα, πρὶν δὲ οὔ.
크리티아스: 왜냐하면 신화와 옛일에 대한 탐구는 여가와 함께 동시에 도시로 찾아오는 법이며, 이는 사람들이 생활의 필수품이 이미 마련되어 있는 것을 그들이 볼 때이고 그 이전에는 그렇지 않기 때문입니다.
ταύτῃ δὴ τὰ τῶν παλαιῶν ὀνόματα ἄνευ τῶν ἔργων διασέσωται.
바로 이러한 이유로 옛사람들의 이름이 그들의 사적(事績) 없이 보존되었던 것입니다.
λέγω δὲ αὐτὰ τεκμαιρόμενος ὅτι Κέκροπός τε καὶ Ἐρεχθέως καὶ Ἐριχθονίου καὶ Ἐρυσίχθονος τῶν τε ἄλλων τὰ πλεῖστα ὅσαπερ καὶ Θησέως τῶν ἄνω περὶ τῶν ὀνομάτων ἑκάστων ἀπομνημονεύεται, τούτων ἐκείνους τὰ πολλὰ ἐπονομάζοντας τοὺς ἱερέας Σόλων ἔφη τὸν τότε διηγεῖσθαι πόλεμον, καὶ τὰ τῶν γυναικῶν κατὰ τὰ αὐτά.
내가 이 일들을 말하는 것은 다음과 같은 사실을 근거로 추론한 것입니다. 즉, 케크롭스, 에레크테우스, 에리크토니오스, 에리시크톤, 그리고 테세우스 이전의 다른 대부분의 이름이 기억되는 이들에 관하여, 신관들이 당시의 전쟁을 설명할 때 그 이름들의 많은 부분을 그들에게 붙여 불렀다고 솔론이 말한 것과, 여성들의 이름도 이와 마찬가지였다는 사실입니다.
καὶ δὴ καὶ τὸ τῆς θεοῦ σχῆμα καὶ ἄγαλμα, ὡς κοινὰ τότʼ ἦν τὰ ἐπιτηδεύματα ταῖς τε γυναιξὶ καὶ τοῖς ἀνδράσι τὰ περὶ τὸν πόλεμον, οὕτω κατʼ ἐκεῖνον τὸν νόμον ὡπλισμένην τὴν θεὸν ἀνάθημα εἶναι τοῖς τότε, ἔνδειγμα ὅτι πάνθʼ ὅσα σύννομα ζῷα θήλεα καὶ ὅσα ἄρρενα, τὴν προσήκουσαν ἀρετὴν ἑκάστῳ γένει πᾶν κοινῇ δυνατὸν ἐπιτηδεύειν πέφυκεν.
또한, 당시에 전쟁에 관한 활동이 여성과 남성 모두에게 공통된 것이었기에, 그 관습에 따라 무장한 여신의 모습과 조각상이 당시 사람들에게 헌납물로 바쳐진 것은, 무리를 지어 사는 모든 암컷과 수컷 동물들이 각 종류에 합당한 덕을 공동으로 실천하는 것이 본성상 가능하다는 증표입니다.
ὤικει δὲ δὴ τότʼ ἐν τῇδε τῇ χώρᾳ τὰ μὲν ἄλλα ἔθνη τῶν πολιτῶν περὶ τὰς δημιουργίας ὄντα καὶ τὴν ἐκ τῆς γῆς τροφήν, τὸ δὲ μάχιμον ὑπʼ ἀνδρῶν θείων κατʼ ἀρχὰς ἀφορισθὲν ᾤκει χωρίς, πάντα εἰς τροφὴν καὶ παίδευσιν τὰ προσήκοντα ἔχον, ἴδιον μὲν αὐτῶν οὐδεὶς οὐδὲν κεκτημένος, ἅπαντα δὲ πάντων κοινὰ νομίζοντες αὑτῶν, πέρα δὲ ἱκανῆς τροφῆς οὐδὲν ἀξιοῦντες παρὰ τῶν ἄλλων δέχεσθαι πολιτῶν, καὶ πάντα δὴ τὰ χθὲς λεχθέντα ἐπιτηδεύματα ἐπιτηδεύοντες, ὅσα περὶ τῶν ὑποτεθέντων ἐρρήθη φυλάκων.
그런데 당시에 이 땅에는 시민들 중 다른 부류들은 수공업과 땅으로부터의 식량 생산에 종사하며 살고 있었으나, 전사 계급은 신적인 사람들에 의해 처음부터 구분되어 따로 살고 있었으며, 양육과 교육에 적합한 모든 것을 갖추고 있었습니다. 그들 중 누구도 사적인 재산을 전혀 소유하지 않았으며, 모든 것을 모두에게 공통된 자신들의 것으로 여겼고, 충분한 식량 이상은 다른 시민들로부터 받는 것을 합당치 않게 생각했으며, 어제 가정된 수호자들에 관해 언급된 모든 활동들을 그대로 실천하고 있었습니다.
καὶ δὴ καὶ τὸ περὶ τῆς χώρας ἡμῶν πιθανὸν καὶ ἀληθὲς ἐλέγετο, πρῶτον μὲν τοὺς ὅρους αὐτὴν ἐν τῷ τότʼ ἔχειν ἀφωρισμένους πρὸς τὸν Ἰσθμὸν καὶ τὸ κατὰ τὴν ἄλλην ἤπειρον μέχρι τοῦ Κιθαιρῶνος καὶ Πάρνηθος τῶν ἄκρων, καταβαίνειν δὲ τοὺς ὅρους ἐν δεξιᾷ τὴν Ὠρωπίαν ἔχοντας, ἐν ἀριστερᾷ δὲ πρὸς θαλάττης ἀφορίζοντας τὸν Ἀσωπόν·
그리고 참으로 우리 땅에 관한 설득력 있고 진실한 이야기가 전해지고 있었습니다. 우선, 당시 그 경계는 이스트모스 쪽으로, 그리고 다른 대륙을 따라서는 키타이론과 파르네스의 봉우리들까지 획정되어 있었고, 그 경계는 우측에 오로피아를 두고 좌측으로는 바다를 향해 아소포스강을 구분하며 내려왔다는 것입니다.
ἀρετῇ δὲ πᾶσαν γῆν ὑπὸ τῆς ἐνθάδε ὑπερβάλλεσθαι, διὸ καὶ δυνατὴν εἶναι τότε τρέφειν τὴν χώραν στρατόπεδον πολὺ τῶν περὶ γῆν ἀργὸν ἔργων.
또한, 비옥함에 있어서는 모든 땅이 이곳의 땅에 의해 능가되었기에, 당시 이 땅은 농사 노동에서 면제된 거대한 군대를 부양할 수 있었다는 것입니다.
§111ΚΡΙ. μέγα δὲ τεκμήριον ἀρετῆς·
크리티아스: 이는 비옥함의 큰 증거입니다.
τὸ γὰρ νῦν αὐτῆς λείψανον ἐνάμιλλόν ἐστι πρὸς ἡντινοῦν τῷ πάμφορον εὔκαρπόν τε εἶναι καὶ τοῖς ζῴοις πᾶσιν εὔβοτον.
왜냐하면 현재 그 남은 흔적조차도 온갖 작물을 풍부하게 결실하고 모든 동물들에게 좋은 목초지가 된다는 점에서 다른 어떤 땅과도 겨룰 만하기 때문입니다.
τότε δὲ πρὸς τῷ κάλλει καὶ παμπλήθη ταῦτα ἔφερεν.
그러나 당시에 이 땅은 그 아름다움에 더하여 이러한 것들을 극히 풍부하게 산출했습니다.
πῶς οὖν δὴ τοῦτο πιστόν, καὶ κατὰ τί λείψανον τῆς τότε γῆς ὀρθῶς ἂν λέγοιτο;
그렇다면 어떻게 이것이 믿을 만한 일이며, 어떤 점에서 그것이 당시 땅의 남은 흔적이라고 올바르게 불릴 수 있겠습니까?
πᾶσα ἀπὸ τῆς ἄλλης ἠπείρου μακρὰ προτείνουσα εἰς τὸ πέλαγος οἷον ἄκρα κεῖται·
땅 전체가 다른 대륙으로부터 대양으로 길게 뻗어 나온 곶처럼 놓여 있습니다.
τὸ δὴ τῆς θαλάττης ἀγγεῖον περὶ αὐτὴν τυγχάνει πᾶν ἀγχιβαθὲς ὄν.
그리고 그 주변의 해분(海盆)은 모두 우연히 해안 가까이에서 급격히 깊어집니다.
πολλῶν οὖν γεγονότων καὶ μεγάλων κατακλυσμῶν ἐν τοῖς ἐνακισχιλίοις ἔτεσι—τοσαῦτα γὰρ πρὸς τὸν νῦν ἀπʼ ἐκείνου τοῦ χρόνου γέγονεν ἔτη—τὸ τῆς γῆς ἐν τούτοις τοῖς χρόνοις καὶ πάθεσιν ἐκ τῶν ὑψηλῶν ἀπορρέον οὔτε χῶμα, ὡς ἐν ἄλλοις τόποις, προχοῖ λόγου ἄξιον ἀεί τε κύκλῳ περιρρέον εἰς βάθος ἀφανίζεται·
따라서 구천 년 동안 많고 큰 홍수들이 일어났는데――그때부터 현재까지 그만큼의 세월이 흘렀기 때문입니다――이 시기들과 재해 속에서 높은 곳으로부터 흘러내린 흙은 다른 지역에서처럼 눈여겨볼 만한 퇴적지를 형성하지 못하고, 언제나 주변을 따라 흘러 깊은 곳으로 사라져 버렸습니다.
λέλειπται δή, καθάπερ ἐν ταῖς σμικραῖς νήσοις, πρὸς τὰ τότε τὰ νῦν οἷον νοσήσαντος σώματος ὀστᾶ, περιερρυηκυίας τῆς γῆς ὅση πίειρα καὶ μαλακή, τοῦ λεπτοῦ σώματος τῆς χώρας μόνου λειφθέντος.
그리하여 작은 섬들에서처럼, 당시에 비해 현재는 비옥하고 부드러운 흙이 모두 쓸려 내려가고 땅의 야윈 뼈대만이 남아, 마치 병든 몸의 뼈와 같이 되었습니다.
τότε δὲ ἀκέραιος οὖσα τά τε ὄρη γηλόφους ὑψηλοὺς εἶχε, καὶ τὰ φελλέως νῦν ὀνομασθέντα πεδία πλήρη γῆς πιείρας ἐκέκτητο, καὶ πολλὴν ἐν τοῖς ὄρεσιν ὕλην εἶχεν, ἧς καὶ νῦν ἔτι φανερὰ τεκμήρια·
그러나 당시에 이 땅은 훼손되지 않은 상태여서, 산들은 높은 흙 언덕을 이루고 있었고, 현재 "펠레우스"라 불리는 평원들은 비옥한 흙으로 가득 차 있었으며, 산속에는 울창한 삼림이 있었는데 그에 대한 분명한 증거가 지금도 남아 있습니다.
τῶν γὰρ ὀρῶν ἔστιν ἃ νῦν μὲν ἔχει μελίτταις μόναις τροφήν, χρόνος δʼ οὐ πάμπολυς ὅτε δένδρων αὐτόθεν εἰς οἰκοδομήσεις τὰς μεγίστας ἐρεψίμων τμηθέντων στεγάσματʼ ἐστὶν ἔτι σᾶ.
산들 중에는 지금은 오직 벌들의 먹이만을 제공하는 곳도 있지만, 그리 오래되지 않은 옛날에 그곳에서 가장 거대한 건축물의 지붕을 얹기 위해 나무들을 벌채한 적이 있고 그 지붕 들보들은 아직도 온전하게 남아 있기 때문입니다.
πολλὰ δʼ ἦν ἄλλʼ ἥμερα ὑψηλὰ δένδρα, νομὴν δὲ βοσκήμασιν ἀμήχανον ἔφερεν.
또한 다른 수많은 키 큰 재배 유실수들이 있었고, 가축들에게는 헤아릴 수 없는 목초를 제공했습니다.
καὶ δὴ καὶ τὸ κατʼ ἐνιαυτὸν ὕδωρ ἐκαρποῦτʼ ἐκ Διός, οὐχ ὡς νῦν ἀπολλῦσα ῥέον ἀπὸ ψιλῆς τῆς γῆς εἰς θάλατταν, ἀλλὰ πολλὴν ἔχουσα καὶ εἰς αὐτὴν καταδεχομένη, τῇ κεραμίδι στεγούσῃ γῇ διαταμιευομένη, τὸ καταποθὲν ἐκ τῶν ὑψηλῶν ὕδωρ εἰς τὰ κοῖλα ἀφιεῖσα κατὰ πάντας τοὺς τόπους παρείχετο ἄφθονα κρηνῶν καὶ ποταμῶν νάματα, ὧν καὶ νῦν ἔτι ἐπὶ ταῖς πηγαῖς πρότερον οὔσαις ἱερὰ λελειμμένα ἐστὶν σημεῖα ὅτι περὶ αὐτῆς ἀληθῆ λέγεται τὰ νῦν.
그리고 매년 제우스가 내리는 비를 누렸는데, 지금처럼 풀 한 포기 없는 맨땅에서 바다로 흘러가 버려 잃어버리는 것이 아니라, 많은 흙을 가지고 그 안에 빗물을 받아들여 빗물을 머금는 점토질 흙으로 이를 저장하고, 높은 곳에서 흡수된 물을 낮은 골짜기로 흘려보냄으로써 모든 지역에 풍부한 샘과 강의 흐름을 제공했습니다. 그 샘들이 예전에 있던 자리에는 지금도 성스러운 흔적들이 남아 있어, 이 땅에 대해 현재 전해지는 말이 진실함을 보여줍니다.
τὰ μὲν οὖν τῆς ἄλλης χώρας φύσει τε οὕτως εἶχε, καὶ διεκεκόσμητο ὡς εἰκὸς ὑπὸ γεωργῶν μὲν ἀληθινῶν καὶ πραττόντων αὐτὸ τοῦτο, φιλοκάλων δὲ καὶ εὐφυῶν, γῆν δὲ ἀρίστην καὶ ὕδωρ ἀφθονώτατον ἐχόντων καὶ ὑπὲρ τῆς γῆς ὥρας μετριώτατα κεκραμένας·
이처럼 다른 지역의 상황은 본성상 그러하였으며, 참된 농부이자 그 일 자체에만 종사하고, 미를 사랑하며 훌륭한 자질을 갖추고, 가장 좋은 땅과 가장 풍부한 물을 가졌으며, 땅 위에는 가장 온화한 계절의 조화를 누린 사람들에 의해 당연하게도 가꾸어져 있었습니다.
τὸ δʼ ἄστυ κατῳκισμένον ὧδʼ ἦν ἐν τῷ τότε χρόνῳ.
한편, 도시는 당시에 다음과 같이 구성되어 있었습니다.