§37ΤΙ. καὶ τὸ μὲν δὴ σῶμα ὁρατὸν οὐρανοῦ γέγονεν, αὐτὴ δὲ ἀόρατος μέν, λογισμοῦ δὲ μετέχουσα καὶ ἁρμονίας ψυχή, τῶν νοητῶν ἀεί τε ὄντων ὑπὸ τοῦ ἀρίστου ἀρίστη γενομένη τῶν γεννηθέντων.
티마이오스: 그리하여 하늘의 신체는 보이는 것으로 태어났으나, 혼 자체는 보이지 않으면서도 이성과 조화에 관여하는 것이니, 영원히 존재하는 지적인 것들 중 가장 훌륭한 분에 의해, 태어난 것들 중 가장 훌륭한 것으로 만들어졌다.
ἅτε οὖν ἐκ τῆς ταὐτοῦ καὶ τῆς θατέρου φύσεως ἔκ τε οὐσίας τριῶν τούτων συγκραθεῖσα μοιρῶν, καὶ ἀνὰ λόγον μερισθεῖσα καὶ συνδεθεῖσα, αὐτή τε ἀνακυκλουμένη πρὸς αὑτήν, ὅταν οὐσίαν σκεδαστὴν ἔχοντός τινος ἐφάπτηται καὶ ὅταν ἀμέριστον, λέγει κινουμένη διὰ πάσης ἑαυτῆς ὅτῳ τʼ ἄν τι ταὐτὸν ᾖ καὶ ὅτου ἂν ἕτερον, πρὸς ὅτι τε μάλιστα καὶ ὅπῃ καὶ ὅπως καὶ ὁπότε συμβαίνει κατὰ τὰ γιγνόμενά τε πρὸς ἕκαστον ἕκαστα εἶναι καὶ πάσχειν καὶ πρὸς τὰ κατὰ ταὐτὰ ἔχοντα ἀεί.
그리하여 혼은 '동일함'과 '다름'의 본성 및 '실재'라는 이 세 가지 부분으로부터 섞이고, 비율에 따라 나누어지고 결합되어, 스스로 자신을 향해 회전하면서, 분산된 실재를 가진 어떤 것에 닿을 때나 분할되지 않는 것에 닿을 때나, 스스로의 온 존재를 움직여 가며, 어떤 것이 무엇과 동일하고 무엇과 다른지, 또한 생성되는 것 각각과 항상 동일한 상태를 유지하는 것 각각에 대하여, 무엇에 대하여, 어디서, 어떻게, 언제 각자가 존재하고 겪게 되는지를 말한다.
λόγος δὲ ὁ κατὰ ταὐτὸν ἀληθὴς γιγνόμενος περί τε θάτερον ὂν καὶ περὶ τὸ ταὐτόν, ἐν τῷ κινουμένῳ ὑφʼ αὑτοῦ φερόμενος ἄνευ φθόγγου καὶ ἠχῆς, ὅταν μὲν περὶ τὸ αἰσθητὸν γίγνηται καὶ ὁ τοῦ θατέρου κύκλος ὀρθὸς ἰὼν εἰς πᾶσαν αὐτοῦ τὴν ψυχὴν διαγγείλῃ, δόξαι καὶ πίστεις γίγνονται βέβαιοι καὶ ἀληθεῖς, ὅταν δὲ αὖ περὶ τὸ λογιστικὸν ᾖ καὶ ὁ τοῦ ταὐτοῦ κύκλος εὔτροχος ὢν αὐτὰ μηνύσῃ, νοῦς ἐπιστήμη τε ἐξ ἀνάγκης ἀποτελεῖται·
그리고 '다름'에 대해서나 '동일함'에 대해서나 똑같이 참되게 이루어지는 등가적인 말씀이, 스스로에 의해 움직이는 것 안에서 소리도 울림도 없이 전해질 때, 그것이 감각적인 것에 관한 것이고 '다름'의 원이 바르게 돌아가며 그의 혼 전체에 이를 알릴 때에는, 확고하고 참된 의견과 신념들이 생겨난다. 반면에 그것이 이성적인 것에 관한 것이고 '동일함'의 원이 부드럽게 돌아가며 그것들을 지시할 때에는, 지성과 학문이 필연적으로 성취된다.
τούτω δὲ ἐν ᾧ τῶν ὄντων ἐγγίγνεσθον, ἄν ποτέ τις αὐτὸ ἄλλο πλὴν ψυχὴν εἴπῃ, πᾶν μᾶλλον ἢ τἀληθὲς ἐρεῖ.
존재하는 것들 중에서 이 두 가지가 생겨나는 자리를 혼 외에 다른 어떤 것이라고 말하는 사람이 있다면, 그는 참된 것을 말하기보다 완전히 딴소리를 하는 것이다.
ὡς δὲ κινηθὲν αὐτὸ καὶ ζῶν ἐνόησεν τῶν ἀιδίων θεῶν γεγονὸς ἄγαλμα ὁ γεννήσας πατήρ, ἠγάσθη τε καὶ εὐφρανθεὶς ἔτι δὴ μᾶλλον ὅμοιον πρὸς τὸ παράδειγμα ἐπενόησεν ἀπεργάσασθαι.
그것을 낳은 아버지가 그것이 움직이고 살아 숨 쉬는 것을, 영원한 신들의 태어난 모상으로서 알아보았을 때, 감탄하고 크게 기뻐하며 그것을 본틀에 더욱 닮은 것으로 완성해야겠다고 생각하셨다.
καθάπερ οὖν αὐτὸ τυγχάνει ζῷον ἀίδιον ὄν, καὶ τόδε τὸ πᾶν οὕτως εἰς δύναμιν ἐπεχείρησε τοιοῦτον ἀποτελεῖν.
그리하여 본틀 자체가 영원한 생물인 것과 마찬가지로, 이 온 누리도 가능한 한 그와 같은 것으로 완성하려고 시도하셨다.
ἡ μὲν οὖν τοῦ ζῴου φύσις ἐτύγχανεν οὖσα αἰώνιος, καὶ τοῦτο μὲν δὴ τῷ γεννητῷ παντελῶς προσάπτειν οὐκ ἦν δυνατόν·
그런데 그 생물의 본성은 영원한 것이었으나, 이 성질을 태어난 것에 완전히 부여하는 것은 불가능했다.
εἰκὼ δʼ ἐπενόει κινητόν τινα αἰῶνος ποιῆσαι, καὶ διακοσμῶν ἅμα οὐρανὸν ποιεῖ μένοντος αἰῶνος ἐν ἑνὶ κατʼ ἀριθμὸν ἰοῦσαν αἰώνιον εἰκόνα, τοῦτον ὃν δὴ χρόνον ὠνομάκαμεν.
그리하여 신은 영원의 움직이는 모상을 만들고자 생각하셨고, 하늘을 정돈하심과 동시에, 일자 안에 머무르는 영원으로부터 수에 따라 나아가는 영원한 모상을 만드셨으니, 이것이 바로 우리가 '시간'이라고 이름 부른 것이다.
ἡμέρας γὰρ καὶ νύκτας καὶ μῆνας καὶ ἐνιαυτούς, οὐκ ὄντας πρὶν οὐρανὸν γενέσθαι, τότε ἅμα ἐκείνῳ συνισταμένῳ τὴν γένεσιν αὐτῶν μηχανᾶται·
왜냐하면 낮과 밤, 달과 해 등은 하늘이 태어나기 전에는 존재하지 않았으나, 신은 하늘이 구축됨과 동시에 그것들의 생성을 고안하셨기 때문이다.
ταῦτα δὲ πάντα μέρη χρόνου, καὶ τό τʼ ἦν τό τʼ ἔσται χρόνου γεγονότα εἴδη, ἃ δὴ φέροντες λανθάνομεν ἐπὶ τὴν ἀίδιον οὐσίαν οὐκ ὀρθῶς.
이것들은 모두 시간의 부분들이며, '~였다'와 '~일 것이다' 역시 시간의 태어난 형태들인데, 우리는 깨닫지 못하는 사이에 이를 영원한 실재에 잘못 적용하고 있다.
§38ΤΙ. λέγομεν γὰρ δὴ ὡς ἦν ἔστιν τε καὶ ἔσται, τῇ δὲ τὸ ἔστιν μόνον κατὰ τὸν ἀληθῆ λόγον προσήκει, τὸ δὲ ἦν τό τʼ ἔσται περὶ τὴν ἐν χρόνῳ γένεσιν ἰοῦσαν πρέπει λέγεσθαι—κινήσεις γάρ ἐστον, τὸ δὲ ἀεὶ κατὰ ταὐτὰ ἔχον ἀκινήτως οὔτε πρεσβύτερον οὔτε νεώτερον προσήκει γίγνεσθαι διὰ χρόνου οὐδὲ γενέσθαι ποτὲ οὐδὲ γεγονέναι νῦν οὐδʼ εἰς αὖθις ἔσεσθαι, τὸ παράπαν τε οὐδὲν ὅσα γένεσις τοῖς ἐν αἰσθήσει φερομένοις προσῆψεν, ἀλλὰ χρόνου ταῦτα αἰῶνα μιμουμένου καὶ κατʼ ἀριθμὸν κυκλουμένου γέγονεν εἴδη—καὶ πρὸς τούτοις ἔτι τὰ τοιάδε, τό τε γεγονὸς εἶναι γεγονὸς καὶ τὸ γιγνόμενον εἶναι γιγνόμενον, ἔτι τε τὸ γενησόμενον εἶναι γενησόμενον καὶ τὸ μὴ ὂν μὴ ὂν εἶναι, ὧν οὐδὲν ἀκριβὲς λέγομεν.
티마이오스: 왜냐하면 우리는 실로 그것이 '~였다', '~이다', '~일 것이다'라고 말하지만, 참된 말씀에 따르면 그것에는 '~이다'라는 말만이 어울리며, '~였다'와 '~일 것이다'는 시간 속에서 흘러가는 생성에 대하여 말하는 것이 마땅하기 때문이다. 왜냐하면 그것들은 운동이기 때문이며, 움직임 없이 항상 동일한 상태를 유지하는 것은 시간을 통해 더 늙거나 젊어질 수도 없고, 과거에 그렇게 된 적도 없으며, 현재 그렇게 된 상태도 아니고, 미래에 그렇게 될 수도 없고, 요컨대 생성이 감각 속에서 움직이는 것들에 부여한 그 어떤 성질도 가질 수 없기 때문이다. 오히려 이것들은 영원을 모방하고 수에 따라 순환하는 시간의 태어난 형태들로 생겨난 것에 불과하다. 그리고 이것들에 더하여 다음과 같은 진술들, 즉 태어난 것은 '태어난 것'이고, 태어나고 있는 것은 '태어나고 있는 것'이며, 장차 태어날 것은 '장차 태어날 것'이고, 존재하지 않는 것은 '존재하지 않는 것'이라고 하는 것 역시 마찬가지인데, 우리는 이것들을 어느 하나도 정확하게 말하고 있지 않다.
περὶ μὲν οὖν τούτων τάχʼ ἂν οὐκ εἴη καιρὸς πρέπων ἐν τῷ παρόντι διακριβολογεῖσθαι.
다만 이 문제들에 관해서는 아마도 현재가 정밀하게 따지기에 적절한 때는 아닐 것이다.
χρόνος δʼ οὖν μετʼ οὐρανοῦ γέγονεν, ἵνα ἅμα γεννηθέντες ἅμα καὶ λυθῶσιν, ἄν ποτε λύσις τις αὐτῶν γίγνηται, καὶ κατὰ τὸ παράδειγμα τῆς διαιωνίας φύσεως, ἵνʼ ὡς ὁμοιότατος αὐτῷ κατὰ δύναμιν ᾖ·
어쨌든 시간은 하늘과 함께 생겨났으니, 이는 함께 태어난 그것들이 만약 해체될 일이 생긴다면 동시에 해체되도록 하기 위함이며, 또한 영원한 본성의 본틀에 따라 만들어져 가능한 한 그것과 닮도록 하기 위함이었다.
τὸ μὲν γὰρ δὴ παράδειγμα πάντα αἰῶνά ἐστιν ὄν, ὁ δʼ αὖ διὰ τέλους τὸν ἅπαντα χρόνον γεγονώς τε καὶ ὢν καὶ ἐσόμενος.
왜냐하면 본틀은 모든 영원에 걸쳐 존재하는 것인 반면, 시간은 다른 한편으로 끝까지 모든 시간을 통틀어 태어났고, 존재하며, 존재할 것이기 때문이다.
ἐξ οὖν λόγου καὶ διανοίας θεοῦ τοιαύτης πρὸς χρόνου γένεσιν, ἵνα γεννηθῇ χρόνος, ἥλιος καὶ σελήνη καὶ πέντε ἄλλα ἄστρα, ἐπίκλην ἔχοντα πλανητά, εἰς διορισμὸν καὶ φυλακὴν ἀριθμῶν χρόνου γέγονεν·
그리하여 시간의 생성을 향한 신의 이러한 의도와 사유로부터, 시간이 태어나도록 하기 위해 해와 달, 그리고 '행성'이라는 이름을 가진 다섯 개의 다른 별들이 시간의 수를 구분하고 지키기 위해 태어났다.
σώματα δὲ αὐτῶν ἑκάστων ποιήσας ὁ θεὸς ἔθηκεν εἰς τὰς περιφορὰς ἃς ἡ θατέρου περίοδος ᾔειν, ἑπτὰ οὔσας ὄντα ἑπτά, σελήνην μὲν εἰς τὸν περὶ γῆν πρῶτον, ἥλιον δὲ εἰς τὸν δεύτερον ὑπὲρ γῆς, ἑωσφόρον δὲ καὶ τὸν ἱερὸν Ἑρμοῦ λεγόμενον εἰς τάχει μὲν ἰσόδρομον ἡλίῳ κύκλον ἰόντας, τὴν δὲ ἐναντίαν εἰληχότας αὐτῷ δύναμιν·
신은 이것들 각각의 신체를 만드신 후, '다름'의 순환이 지나가는 궤도들(그것들은 일곱 개였고 별도 일곱 개였다)에 그것들을 배치하셨다. 달은 지구 주위의 첫 번째 궤도에, 해는 지구 위쪽의 두 번째 궤도에, 그리고 샛별과 헤르메스의 신성한 별이라 불리는 것은 속도에 있어서는 해와 나란히 달리는 원을 돌지만, 그와는 반대되는 힘을 부여받은 궤도에 두셨다.
ὅθεν καταλαμβάνουσίν τε καὶ καταλαμβάνονται κατὰ ταὐτὰ ὑπʼ ἀλλήλων ἥλιός τε καὶ ὁ τοῦ Ἑρμοῦ καὶ ἑωσφόρος.
그리하여 해와 헤르메스의 별과 샛별은 동일한 방식으로 서로를 따라잡고 따라잡히게 된다.
τὰ δʼ ἄλλα οἷ δὴ καὶ διʼ ἃς αἰτίας ἱδρύσατο, εἴ τις ἐπεξίοι πάσας, ὁ λόγος πάρεργος ὢν πλέον ἂν ἔργον ὧν ἕνεκα λέγεται παράσχοι.
다른 별들에 대해서는, 신이 그것들을 정확히 어디에 무슨 이유로 배치하셨는지 만일 누군가가 모두 다 밝히고자 한다면, 그 이야기는 곁가지임에도 그것이 전해지는 목적이 되는 본론보다 더 많은 노력을 요구하게 될 것이다.
ταῦτα μὲν οὖν ἴσως τάχʼ ἂν κατὰ σχολὴν ὕστερον τῆς ἀξίας τύχοι διηγήσεως·
이것들은 나중에 여유가 있을 때 합당한 설명을 얻는 것이 아마도 나을 것이다.