§19ΣΩ. καὶ μὴν ὅτι γε τὰ μὲν τῶν ἀγαθῶν θρεπτέον ἔφαμεν εἶναι, τὰ δὲ τῶν κακῶν εἰς τὴν ἄλλην λάθρᾳ διαδοτέον πόλιν·
소크라테스: 그리고 참으로 훌륭한 이들의 아이들은 기르고, 열등한 이들의 아이들은 남몰래 국가의 다른 부분으로 분산시켜 보내야 한다고 우리가 말했지요.
ἐπαυξανομένων δὲ σκοποῦντας ἀεὶ τοὺς ἀξίους πάλιν ἀνάγειν δεῖν, τοὺς δὲ παρὰ σφίσιν ἀναξίους εἰς τὴν τῶν ἐπανιόντων χώραν μεταλλάττειν;
그리고 그들이 자라남에 따라 항상 감시하여 합당한 이들은 다시 데려오고, 그들 가운데 부적합한 이들은 돌아오는 이들의 자리로 옮겨 놓아야 한다고도 말입니다.
ΤΙ. οὕτως.
티마이오스: 그렇습니다.
ΣΩ. ἆρʼ οὖν δὴ διεληλύθαμεν ἤδη καθάπερ χθές, ὡς ἐν κεφαλαίοις πάλιν ἐπανελθεῖν, ἢ ποθοῦμεν ἔτι τι τῶν ῥηθέντων, ὦ φίλε Γίμαιε, ὡς ἀπολειπόμενον;
소크라테스: 그렇다면 친애하는 티마이오스여, 우리는 이미 어제처럼 요점들을 다시 짚어 가며 다 논의한 것입니까, 아니면 이야기된 것들 중에 아직 빠진 것으로서 아쉬운 점이 더 있습니까?
ΤΙ. οὐδαμῶς, ἀλλὰ αὐτὰ ταῦτʼ ἦν τὰ λεχθέντα, ὦ Σώκρατες.
티마이오스: 전혀 없습니다, 소크라테스여. 이야기된 것은 바로 그것들이었습니다.
ΣΩ. ἀκούοιτʼ ἂν ἤδη τὰ μετὰ ταῦτα περὶ τῆς πολιτείας ἣν διήλθομεν, οἷόν τι πρὸς αὐτὴν πεπονθὼς τυγχάνω.
소크라테스: 그렇다면 우리가 논의한 국가 체제에 관해 내가 이제 어떤 감정을 느끼고 있는지 들어 보십시오.
προσέοικεν δὲ δή τινί μοι τοιῷδε τὸ πάθος, οἷον εἴ τις ζῷα καλά που θεασάμενος, εἴτε ὑπὸ γραφῆς εἰργασμένα εἴτε καὶ ζῶντα ἀληθινῶς ἡσυχίαν δὲ ἄγοντα, εἰς ἐπιθυμίαν ἀφίκοιτο θεάσασθαι κινούμενά τε αὐτὰ καί τι τῶν τοῖς σώμασιν δοκούντων προσήκειν κατὰ τὴν ἀγωνίαν ἀθλοῦντα·
나의 이 감정은 다음과 같은 일에 비유할 수 있습니다. 예컨대 어떤 사람이 그림으로 그려졌거나 실제로 살아 있으되 멈춰 서 있는 아름다운 동물들을 어딘가에서 바라본 뒤, 그것들이 움직이고 또 그 몸에 어울리는 경기에서 겨루는 모습을 보고 싶다는 열망에 사로잡히는 것과 같습니다.
ταὐτὸν καὶ ἐγὼ πέπονθα πρὸς τὴν πόλιν ἣν διήλθομεν.
나 역시 우리가 논의한 도시에 대해 똑같은 감정을 느끼고 있습니다.
ἡδέως γὰρ ἄν του λόγῳ διεξιόντος ἀκούσαιμʼ ἂν ἄθλους οὓς πόλις ἀθλεῖ, τούτους αὐτὴν ἀγωνιζομένην πρὸς πόλεις ἄλλας, πρεπόντως εἴς τε πόλεμον ἀφικομένην καὶ ἐν τῷ πολεμεῖν τὰ προσήκοντα ἀποδιδοῦσαν τῇ παιδείᾳ καὶ τροφῇ κατά τε τὰς ἐν τοῖς ἔργοις πράξεις καὶ κατὰ τὰς ἐν τοῖς λόγοις διερμηνεύσεις πρὸς ἑκάστας τῶν πόλεων.
누군가가 이 도시가 겪는 투쟁들에 대해, 즉 다른 도시들을 상대로 경쟁하고, 격식에 맞게 전쟁에 임하며, 전쟁 속에서 그 행동에 있어서나 각 도시들과 나누는 말의 교섭에 있어서 평소의 교육과 육성에 걸맞은 성과를 발휘하는 모습을 말로 풀어 설명해 주는 것을 기쁘게 듣고 싶기 때문입니다.
ταῦτʼ οὖν, ὦ Κριτία καὶ Ἑρμόκρατες, ἐμαυτοῦ μὲν αὐτὸς κατέγνωκα μή ποτʼ ἂν δυνατὸς γενέσθαι τοὺς ἄνδρας καὶ τὴν πόλιν ἱκανῶς ἐγκωμιάσαι.
크리티아스와 헤르모크라테스여, 이 일에 관해 나 자신은 결코 그 인물들과 도시를 충분히 찬양할 능력이 되지 않는다고 자인하고 있습니다.
καὶ τὸ μὲν ἐμὸν οὐδὲν θαυμαστόν·
내가 그런 것은 전혀 놀라운 일이 아닙니다.
ἀλλὰ τὴν αὐτὴν δόξαν εἴληφα καὶ περὶ τῶν πάλαι γεγονότων καὶ περὶ τῶν νῦν ὄντων ποιητῶν, οὔτι τὸ ποιητικὸν ἀτιμάζων γένος, ἀλλὰ παντὶ δῆλον ὡς τὸ μιμητικὸν ἔθνος, οἷς ἂν ἐντραφῇ, ταῦτα μιμήσεται ῥᾷστα καὶ ἄριστα, τὸ δʼ ἐκτὸς τῆς τροφῆς ἑκάστοις γιγνόμενον χαλεπὸν μὲν ἔργοις, ἔτι δὲ χαλεπώτερον λόγοις εὖ μιμεῖσθαι.
하지만 나는 옛날의 시인들이나 지금의 시인들에 대해서도 똑같은 의견을 가지고 있습니다. 시인들의 부류를 멸시하려는 것은 결코 아니지만, 모방하는 종족은 자신들이 자라난 환경의 것들을 가장 쉽고 훌륭하게 모방하는 법이며, 각자의 육성에서 벗어난 일들에 대해서는 행동으로 훌륭히 모방하기 어렵고, 말로는 더욱 어렵다는 것이 모든 이에게 분명하기 때문입니다.
τὸ δὲ τῶν σοφιστῶν γένος αὖ πολλῶν μὲν λόγων καὶ καλῶν ἄλλων μάλʼ ἔμπειρον ἥγημαι, φοβοῦμαι δὲ μή πως, ἅτε πλανητὸν ὂν κατὰ πόλεις οἰκήσεις τε ἰδίας οὐδαμῇ διῳκηκός, ἄστοχον ἅμα φιλοσόφων ἀνδρῶν ᾖ καὶ πολιτικῶν, ὅσʼ ἂν οἷά τε ἐν πολέμῳ καὶ μάχαις πράττοντες ἔργῳ καὶ λόγῳ προσομιλοῦντες ἑκάστοις πράττοιεν καὶ λέγοιεν.
반면에 소피스트들의 부류는 다른 수많은 아름다운 말들에 매우 숙달되어 있다고 생각하지만, 그들은 여러 도시를 떠도는 부류이고 자신들의 거처를 어디에도 정해 두지 않았기 때문에, 철학자이면서 정치인인 이들이 전쟁과 전투 속에서 행동으로 보여 주고 말로 소통할 때 행하고 말할 것들에 대해 어쩌면 과녁을 벗어나 버리지 않을까 두려워집니다.
§20ΣΩ. καταλέλειπται δὴ τὸ τῆς ὑμετέρας ἕξεως γένος, ἅμα ἀμφοτέρων φύσει καὶ τροφῇ μετέχον.
소크라테스: 그렇다면 이제 남은 것은 여러분과 같은 소양을 지닌 부류입니다. 타고난 성품과 교육 모두에서 이 두 가지를 겸비한 분들 말입니다.
Τίμαιός τε γὰρ ὅδε, εὐνομωτάτης ὢν πόλεως τῆς ἐν Ἰταλίᾳ Λοκρίδος, οὐσίᾳ καὶ γένει οὐδενὸς ὕστερος ὢν τῶν ἐκεῖ, τὰς μεγίστας μὲν ἀρχάς τε καὶ τιμὰς τῶν ἐν τῇ πόλει μετακεχείρισται, φιλοσοφίας δʼ αὖ κατʼ ἐμὴν δόξαν ἐπʼ ἄκρον ἁπάσης ἐλήλυθεν·
여기 있는 티마이오스는 이탈리아에서 매우 훌륭한 법을 가진 도시인 로크리 출신으로, 재산과 가문에 있어서 그곳의 누구에게도 뒤지지 않으며, 도시의 가장 큰 관직들과 명예들을 역임했고, 내 생각에는 모든 철학의 정상에 올랐습니다.
Κριτίαν δέ που πάντες οἱ τῇδε ἴσμεν οὐδενὸς ἰδιώτην ὄντα ὧν λέγομεν.
크리티아스에 대해서는, 우리가 이야기하는 부류의 일들에 관해 그가 결코 비전문가가 아니라는 것을 우리 모두가 알고 있습니다.
τῆς δὲ Ἑρμοκράτους αὖ περὶ φύσεως καὶ τροφῆς, πρὸς ἅπαντα ταῦτʼ εἶναι ἱκανὴν πολλῶν μαρτυρούντων πιστευτέον.
그리고 헤르모크라테스의 본성과 교육 또한 이 모든 일에 충분히 감당할 만한 것임을 많은 이들의 증언을 통해 믿어야 할 것입니다.
διὸ καὶ χθὲς ἐγὼ διανοούμενος, ὑμῶν δεομένων τὰ περὶ τῆς πολιτείας διελθεῖν, προθύμως ἐχαριζόμην, εἰδὼς ὅτι τὸν ἑξῆς λόγον οὐδένες ἂν ὑμῶν ἐθελόντων ἱκανώτερον ἀποδοῖεν—εἰς γὰρ πόλεμον πρέποντα καταστήσαντες τὴν πόλιν ἅπαντʼ αὐτῇ τὰ προσήκοντα ἀποδοῖτʼ ἂν μόνοι τῶν νῦν—εἰπὼν δὴ τἀπιταχθέντα ἀντεπέταξα ὑμῖν ἃ καὶ νῦν λέγω.
그렇기에 나 역시 어제 여러분이 국가 체제에 대해 논해 달라고 요청했을 때 기꺼이 응했던 것입니다. 여러분이 원하기만 한다면 그 뒤를 잇는 이야기를 여러분보다 더 충분히 해낼 수 있는 이들이 없다는 것을 잘 알고 있었기 때문입니다. 이 도시를 알맞은 전쟁에 투입하여 그에 어울리는 모든 활약을 펼치게 할 수 있는 이는 오늘날 사람들 중에서 오직 여러분뿐일 것이기 때문입니다. 나에게 부과된 일을 마쳤으니, 이제 내가 말하는 것을 여러분에게 교대로 부과했습니다.
συνωμολογήσατʼ οὖν κοινῇ σκεψάμενοι πρὸς ὑμᾶς αὐτοὺς εἰς νῦν ἀνταποδώσειν μοι τὰ τῶν λόγων ξένια, πάρειμί τε οὖν δὴ κεκοσμημένος ἐπʼ αὐτὰ καὶ πάντων ἑτοιμότατος ὢν δέχεσθαι.
여러분은 서로 의논하여 오늘 나에게 말로써 보답의 대접을 해 주기로 합의해 주셨습니다. 그러니 나 역시 그 보답을 받기 위해 차려입고 모든 이들 중에서 가장 준비된 자세로 이 자리에 나와 있습니다.
ΕΡ. καὶ μὲν δή, καθάπερ εἶπεν Τίμαιος ὅδε, ὦ Σώκρατες, οὔτε ἐλλείψομεν προθυμίας οὐδὲν οὔτε ἔστιν οὐδεμία πρόφασις ἡμῖν τοῦ μὴ δρᾶν ταῦτα·
헤르모크라테스: 참으로 그렇습니다, 소크라테스여. 여기 있는 티마이오스가 말한 대로, 우리는 열성에 있어서 조금도 부족하지 않을 것이며, 이를 실행하지 않을 어떠한 핑계도 없습니다.
ὥστε καὶ χθές, εὐθὺς ἐνθένδε ἐπειδὴ παρὰ Κριτίαν πρὸς τὸν ξενῶνα οὗ καὶ καταλύομεν ἀφικόμεθα, καὶ ἔτι πρότερον καθʼ ὁδὸν αὐτὰ ταῦτʼ ἐσκοποῦμεν.
어제 여기서 떠나 우리가 묵고 있는 크리티아스의 객실에 도착하자마자, 그리고 그 이전 길가에서도 바로 이 일들을 검토하고 있었습니다.
ὅδε οὖν ἡμῖν λόγον εἰσηγήσατο ἐκ παλαιᾶς ἀκοῆς·
그리하여 이분이 우리에게 옛 전해 들은 이야기에 바탕을 둔 이야기를 소개해 주었습니다.
ὃν καὶ νῦν λέγε, ὦ Κριτία, τῷδε, ἵνα συνδοκιμάσῃ πρὸς τὴν ἐπίταξιν εἴτʼ ἐπιτήδειος εἴτε ἀνεπιτήδειός ἐστι.
크리티아스여, 이제 그것을 이분에게 들려주어, 우리에게 주어진 임무에 적합한지 아닌지 함께 검토해 보도록 합시다.
ΚΡ. ταῦτα χρὴ δρᾶν, εἰ καὶ τῷ τρίτῳ κοινωνῷ Τιμαίῳ συνδοκεῖ.
크리티아스: 그렇게 해야겠지요, 제3의 동료인 티마이오도 동의한다면 말입니다.
ΤΙ. δοκεῖ μήν.
티마이오스: 동의합니다.
ΚΡ. ἄκουε δή, ὦ Σώκρατες, λόγου μάλα μὲν ἀτόπου, παντάπασί γε μὴν ἀληθοῦς, ὡς ὁ τῶν ἑπτὰ σοφώτατος Σόλων ποτʼ ἔφη.
크리티아스: 그렇다면 들어 보십시오, 소크라테스여. 극히 기이하지만 전적으로 진실한 이야기를요. 일곱 현인 중 가장 지혜로운 솔론이 언젠가 말했던 것입니다.
ἦν μὲν οὖν οἰκεῖος καὶ σφόδρα φίλος ἡμῖν Δρωπίδου τοῦ προπάππου, καθάπερ λέγει πολλαχοῦ καὶ αὐτὸς ἐν τῇ ποιήσει·
그는 우리의 증조부인 드로피데스의 친척이자 매우 친한 친구였습니다. 그가 자신의 시 여러 곳에서 스스로 그렇게 말하고 있듯이 말입니다.