§17ΣΩ. εἷς, δύο, τρεῖς·
소크라테스: 하나, 둘, 셋.
ὁ δὲ δὴ τέταρτος ἡμῖν, ὦ φίλε Τίμαιε, ποῦ τῶν χθὲς μὲν δαιτυμόνων, τὰ νῦν δὲ ἑστιατόρων;
그런데 친애하는 티마이오스여, 어제는 손님이었고 이제는 대접하는 이들인 우리 중 네 번째 사람은 대체 어디에 있습니까?
ΤΙ. ἀσθένειά τις αὐτῷ συνέπεσεν, ὦ Σώκρατες·
티마이오스: 소크라테스여, 그에게 어떤 병이 생겼습니다.
οὐ γὰρ ἂν ἑκὼν τῆσδε ἀπελείπετο τῆς συνουσίας.
기꺼이 원해서 이 모임에 빠졌을 리는 없기 때문입니다.
ΣΩ. οὐκοῦν σὸν τῶνδέ τε ἔργον καὶ τὸ ὑπὲρ τοῦ ἀπόντος ἀναπληροῦν μέρος;
소크라테스: 그렇다면 부재중인 사람을 대신하여 그 몫을 채우는 것이 당신과 이분들의 임무이겠군요?
ΤΙ. πάνυ μὲν οὖν, καὶ κατὰ δύναμίν γε οὐδὲν ἐλλείψομεν·
티마이오스: 참으로 그렇습니다. 저희가 할 수 있는 한 조금도 빠뜨리지 않을 것입니다.
οὐδὲ γὰρ ἂν εἴη δίκαιον, χθὲς ὑπὸ σοῦ ξενισθέντας οἷς ἦν πρέπον ξενίοις, μὴ οὐ προθύμως σὲ τοὺς λοιποὺς ἡμῶν ἀνταφεστιᾶν.
어제 당신에게서 마땅히 대접받아야 할 대접을 받은 우리가, 남은 이들로서 열정적으로 당신을 되돌려 대접하지 않는 것은 결코 옳지 않을 테니까요.
ΣΩ. ἆρʼ οὖν μέμνησθε ὅσα ὑμῖν καὶ περὶ ὧν ἐπέταξα εἰπεῖν;
소크라테스: 그렇다면 내가 여러분에게 이야기하도록 당부한 것이 얼마나 많았고 또 무엇에 관한 것인지 기억하십니까?
ΤΙ. τὰ μὲν μεμνήμεθα, ὅσα δὲ μή, σὺ παρὼν ὑπομνήσεις·
티마이오스: 어떤 것은 기억하고 있으며, 기억나지 않는 것은 당신이 곁에 계시니 일깨워 주실 것입니다.
μᾶλλον δέ, εἰ μή τί σοι χαλεπόν, ἐξ ἀρχῆς διὰ βραχέων πάλιν ἐπάνελθε αὐτά, ἵνα βεβαιωθῇ μᾶλλον παρʼ ἡμῖν.
그보다 더 좋기로는, 번거로우시지 않다면 처음부터 간단히 그것들을 다시 한 번 짚어 주시겠습니까? 우리 안에 더 확실히 다져지도록 말입니다.
ΣΩ. ταῦτʼ ἔσται.
소크라테스: 기꺼이 그렇게 하지요.
χθές που τῶν ὑπʼ ἐμοῦ ῥηθέντων λόγων περὶ πολιτείας ἦν τὸ κεφάλαιον οἵα τε καὶ ἐξ οἵων ἀνδρῶν ἀρίστη κατεφαίνετʼ ἄν μοι γενέσθαι.
어제 국가 체제에 관해 내가 했던 이야기의 요점은, 어떤 성격의 체제와 어떤 사람들로 이루어진 체제가 나에게 가장 훌륭한 것으로 보였는가 하는 점이었습니다.
ΤΙ. καὶ μάλα γε ἡμῖν, ὦ Σώκρατες, ῥηθεῖσα πᾶσιν κατὰ νοῦν.
티마이오스: 참으로 그렇습니다, 소크라테스여. 그것은 저희 모두의 마음에 쏙 들게 이야기되었습니다.
ΣΩ. ἆρʼ οὖν οὐ τὸ τῶν γεωργῶν ὅσαι τε ἄλλαι τέχναι πρῶτον ἐν αὐτῇ χωρὶς διειλόμεθα ἀπὸ τοῦ γένους τοῦ τῶν προπολεμησόντων;
소크라테스: 그렇다면 그 나라에서 먼저 농부들이나 그 밖의 모든 기술을 가진 이들의 부류를 국가를 위해 싸울 이들의 부류로부터 따로 떼어 구분하지 않았던가요?
ΤΙ. ναί.
티마이오스: 예.
ΣΩ. καὶ κατὰ φύσιν δὴ δόντες τὸ καθʼ αὑτὸν ἑκάστῳ πρόσφορον ἓν μόνον ἐπιτήδευμα, μίαν ἑκάστῳ τέχνην, τούτους οὓς πρὸ πάντων ἔδει πολεμεῖν, εἴπομεν ὡς ἄρʼ αὐτοὺς δέοι φύλακας εἶναι μόνον τῆς πόλεως, εἴτε τις ἔξωθεν ἢ καὶ τῶν ἔνδοθεν ἴοι κακουργήσων, δικάζοντας μὲν πρᾴως τοῖς ἀρχομένοις ὑπʼ αὐτῶν καὶ φύσει φίλοις οὖσιν, χαλεποὺς δὲ ἐν ταῖς μάχαις τοῖς ἐντυγχάνουσιν τῶν ἐχθρῶν γιγνομένους.
소크라테스: 그리고 자연적인 본성에 따라 각자에게 가장 알맞은 단 하나의 전념할 일, 즉 각자에게 하나의 기술을 배정해 주면서, 다른 무엇보다도 싸워야만 하는 이 사람들에 관해 우리는 다음과 같이 말했습니다. 즉 외부에서든 혹은 내부의 사람들 중에서든 해를 끼치러 오는 자가 있을 경우에 대비하여 그들은 오직 국가의 수호자여야만 하며, 자신들의 지배를 받는 이들이자 본성상 친구인 이들에게는 온화하게 재판을 해 주고, 전투에서는 마주치는 원수들에게 사납게 대해야 한다고 말입니다.
§18ΤΙ. παντάπασι μὲν οὖν.
티마이오스: 참으로 그렇습니다.
ΣΩ. φύσιν γὰρ οἶμαί τινα τῶν φυλάκων τῆς ψυχῆς ἐλέγομεν ἅμα μὲν θυμοειδῆ, ἅμα δὲ φιλόσοφον δεῖν εἶναι διαφερόντως, ἵνα πρὸς ἑκατέρους δύναιντο ὀρθῶς πρᾷοι καὶ χαλεποὶ γίγνεσθαι.
소크라테스: 왜냐하면 내 생각에 수호자들의 영혼의 본성은 한편으로는 격정적이면서도 다른 한편으로는 유별나게 지혜를 사랑하는 것이어야만 한다고 우리가 말했던 것 같기 때문입니다. 그래야 그들이 양쪽 모두에 대해 올바르게 온화해지거나 사나워질 수 있을 테니까요.
ΤΙ. ναί.
티마이오스: 예.
ΣΩ. τί δὲ τροφήν;
소크라테스: 육성은 어떠합니까?
ἆρʼ οὐ γυμναστικῇ καὶ μουσικῇ μαθήμασίν τε ὅσα προσήκει τούτοις, ἐν ἅπασι τεθράφθαι;
체육과 문예, 그리고 이들에 어울리는 배움들을 통해 온갖 면에서 육성되어야 한다고 하지 않았습니까?
ΤΙ. πάνυ μὲν οὖν.
티마이오스: 참으로 그렇습니다.
ΣΩ. τοὺς δέ γε οὕτω τραφέντας ἐλέχθη που μήτε χρυσὸν μήτε ἄργυρον μήτε ἄλλο ποτὲ μηδὲν κτῆμα ἑαυτῶν ἴδιον νομίζειν δεῖν, ἀλλʼ ὡς ἐπικούρους μισθὸν λαμβάνοντας τῆς φυλακῆς παρὰ τῶν σῳζομένων ὑπʼ αὐτῶν, ὅσος σώφροσιν μέτριος, ἀναλίσκειν τε δὴ κοινῇ καὶ συνδιαιτωμένους μετὰ ἀλλήλων ζῆν, ἐπιμέλειαν ἔχοντας ἀρετῆς διὰ παντός, τῶν ἄλλων ἐπιτηδευμάτων ἄγοντας σχολήν.
소크라테스: 그리고 그렇게 육성된 이들은 금이나 은, 또는 다른 어떤 사유 재산도 자기 소유로 여겨서는 안 된다고 이야기되었습니다지요? 오히려 국가를 지키는 보답으로서 자신들에 의해 보호받는 이들로부터, 절제 있는 사람들에게 적절한 만큼의 급료를 받는 보조자들로서, 그것을 공동으로 소비하고 서로 동고동락하며 살아가야 하며, 평생 덕을 돌보고 다른 모든 활동으로부터는 여유를 가져야 한다고 말입니다.
ΤΙ. ἐλέχθη καὶ ταῦτα ταύτῃ.
티마이오스: 그 일도 확실히 그렇게 이야기되었습니다.
ΣΩ. καὶ μὲν δὴ καὶ περὶ γυναικῶν ἐπεμνήσθημεν, ὡς τὰς φύσεις τοῖς ἀνδράσιν παραπλησίας εἴη συναρμοστέον, καὶ τὰ ἐπιτηδεύματα πάντα κοινὰ κατά τε πόλεμον καὶ κατὰ τὴν ἄλλην δίαιταν δοτέον πάσαις.
소크라테스: 그리고 실로 여성들에 관해서도 언급했는데, 그들의 본성을 남성들의 본성과 유사하게 조화시켜야 하며, 전쟁에서나 그 밖의 생활 방식에서나 모든 활동을 여성들 전체에게 공동의 것으로 부여해야 한다고 말입니다.
ΤΙ. ταύτῃ καὶ ταῦτα ἐλέγετο.
티마이오스: 그 일도 역시 그렇게 이야기되었습니다.
ΣΩ. τί δὲ δὴ τὸ περὶ τῆς παιδοποιίας;
소크라테스: 그렇다면 출산에 관한 것은 어떠합니까?
ἢ τοῦτο μὲν διὰ τὴν ἀήθειαν τῶν λεχθέντων εὐμνημόνευτον, ὅτι κοινὰ τὰ τῶν γάμων καὶ τὰ τῶν παίδων πᾶσιν ἁπάντων ἐτίθεμεν, μηχανωμένους ὅπως μηδείς ποτε τὸ γεγενημένον αὐτῶν ἰδίᾳ γνώσοιτο, νομιοῦσιν δὲ πάντες πάντας αὐτοὺς ὁμογενεῖς, ἀδελφὰς μὲν καὶ ἀδελφοὺς ὅσοιπερ ἂν τῆς πρεπούσης ἐντὸς ἡλικίας γίγνωνται, τοὺς δʼ ἔμπροσθεν καὶ ἄνωθεν γονέας τε καὶ γονέων προγόνους, τοὺς δʼ εἰς τὸ κάτωθεν ἐκγόνους παῖδάς τε ἐκγόνων;
아니면 이것은 이야기된 것들의 기이함 때문에 기억하기 쉬울까요? 즉 우리가 혼인과 아이들을 모든 이에게 공동의 것으로 정해 두었고, 아무도 자신이 낳은 아이를 개인적으로 알아보지 못하도록 방책을 꾸몄다는 것 말입니다. 그리하여 모두가 서로를 모두 일가친척으로 여겨서, 마땅한 나이 범위 안에 태어나는 이들은 누구나 자매나 형제로 여기고, 그 이전의 윗사람들은 부모와 부모의 조상들로 여기며, 아래쪽 사람들은 자손들과 자손들의 아이들로 여기게 된다는 것 말입니다.
ΤΙ. ναί, καὶ ταῦτα εὐμνημόνευτα ᾗ λέγεις.
티마이오스: 예, 그것들 역시 말씀하신 대로 기억하기 쉽습니다.
ΣΩ. ὅπως δὲ δὴ κατὰ δύναμιν εὐθὺς γίγνοιντο ὡς ἄριστοι τὰς φύσεις, ἆρʼ οὐ μεμνήμεθα ὡς τοὺς ἄρχοντας ἔφαμεν καὶ τὰς ἀρχούσας δεῖν εἰς τὴν τῶν γάμων σύνερξιν λάθρᾳ μηχανᾶσθαι κλήροις τισὶν ὅπως οἱ κακοὶ χωρὶς οἵ τʼ ἀγαθοὶ ταῖς ὁμοίαις ἑκάτεροι συλλήξονται, καὶ μή τις αὐτοῖς ἔχθρα διὰ ταῦτα γίγνηται, τύχην ἡγουμένοις αἰτίαν τῆς συλλήξεως;
소크라테스: 그리고 그들이 태어날 때부터 본성상 가능한 한 가장 훌륭한 자들이 되도록 하기 위해, 통치자들인 남녀가 혼인의 결합에 있어서 남몰래 어떤 제비뽑기들을 책략으로 꾸며서, 열등한 이들은 열등한 이들끼리 훌륭한 이들은 훌륭한 이들끼리 각각 짝을 짓도록 해야 하며, 이 일로 인해 그들 사이에 어떤 원망도 생기지 않도록 그 짝짓기의 원인을 행운 탓으로 돌리게 해야 한다고 우리가 말했던 것을 기억하십니까?
ΤΙ. μεμνήμεθα.
티마이오스: 기억합니다.