§6.488εἶεν, εἶπον·
"좋소," 내가 말했네.
σκώπτεις ἐμβεβληκώς με εἰς λόγον οὕτω δυσαπόδεικτον;
"자네는 나를 이토록 증명하기 어려운 논의에 던져 넣고서 나를 놀리는 것인가?
ἄκουε δʼ οὖν τῆς εἰκόνος, ἵνʼ ἔτι μᾶλλον ἴδῃς ὡς γλίσχρως εἰκάζω.
어쨌든 비유를 들어보게나, 내가 얼마나 애써 비유를 만들어내는지 더욱 잘 볼 수 있도록 말이네.
οὕτω γὰρ χαλεπὸν τὸ πάθος τῶν ἐπιεικεστάτων, ὃ πρὸς τὰς πόλεις πεπόνθασιν, ὥστε οὐδʼ ἔστιν ἓν οὐδὲν ἄλλο τοιοῦτον πεπονθός, ἀλλὰ δεῖ ἐκ πολλῶν αὐτὸ συναγαγεῖν εἰκάζοντα καὶ ἀπολογούμενον ὑπὲρ αὐτῶν, οἷον οἱ γραφῆς τραγελάφους καὶ τὰ τοιαῦτα μειγνύντες γράφουσιν.
가장 훌륭한 사람들이 국가에 대해 겪고 있는 처지는 너무나 가혹해서, 그와 똑같은 처지를 겪고 있는 다른 어떤 단 하나의 것도 존재하지 않네. 그래서 그들을 위해 비유를 만들고 그들을 변호하려는 사람은, 화가들이 염소사슴이나 그와 유사한 것들을 섞어서 그리는 것처럼, 여러 가지 원천에서 그것을 모아 엮어내야만 하네.
νόησον γὰρ τοιουτονὶ γενόμενον εἴτε πολλῶν νεῶν πέρι εἴτε μιᾶς·
여러 척의 배에 대해서든 한 척의 배에 대해서든, 다음과 같은 일이 일어나고 있다고 생각해보게나.
ναύκληρον μεγέθει μὲν καὶ ῥώμῃ ὑπὲρ τοὺς ἐν τῇ νηὶ πάντας, ὑπόκωφον δὲ καὶ ὁρῶντα ὡσαύτως βραχύ τι καὶ γιγνώσκοντα περὶ ναυτικῶν ἕτερα τοιαῦτα, τοὺς δὲ ναύτας στασιάζοντας πρὸς ἀλλήλους περὶ τῆς κυβερνήσεως, ἕκαστον οἰόμενον δεῖν κυβερνᾶν, μήτε μαθόντα πώποτε τὴν τέχνην μέτε ἔχοντα ἀποδεῖξαι διδάσκαλον ἑαυτοῦ μηδὲ χρόνον ἐν ᾧ ἐμάνθανεν, πρὸς δὲ τούτοις φάσκοντας μηδὲ διδακτὸν εἶναι, ἀλλὰ καὶ τὸν λέγοντα ὡς διδακτὸν ἑτοίμους κατατέμνειν, αὐτοὺς δὲ αὐτῷ ἀεὶ τῷ ναυκλήρῳ περικεχύσθαι δεομένους καὶ πάντα ποιοῦντας ὅπως ἂν σφίσι τὸ πηδάλιον ἐπιτρέψῃ, ἐνίοτε δʼ ἂν μὴ πείθωσιν ἀλλὰ ἄλλοι μᾶλλον, τοὺς μὲν ἄλλους ἢ ἀποκτεινύντας ἢ ἐκβάλλοντας ἐκ τῆς νεώς, τὸν δὲ γενναῖον ναύκληρον μανδραγόρᾳ ἢ μέθῃ ἤ τινι ἄλλῳ συμποδίσαντας τῆς νεὼς ἄρχειν χρωμένους τοῖς ἐνοῦσι, καὶ πίνοντάς τε καὶ εὐωχουμένους πλεῖν ὡς τὸ εἰκὸς τοὺς τοιούτους, πρὸς δὲ τούτοις ἐπαινοῦντας ναυτικὸν μὲν καλοῦντας καὶ κυβερνητικὸν καὶ ἐπιστάμενον τὰ κατὰ ναῦν, ὃς ἂν συλλαμβάνειν δεινὸς ᾖ ὅπως ἄρξουσιν ἢ πείθοντες ἢ βιαζόμενοι τὸν ναύκληρον, τὸν δὲ μὴ τοιοῦτον ψέγοντας ὡς ἄχρηστον, τοῦ δὲ ἀληθινοῦ κυβερνήτου πέρι μηδʼ ἐπαΐοντες, ὅτι ἀνάγκη αὐτῷ τὴν ἐπιμέλειαν ποιεῖσθαι ἐνιαυτοῦ καὶ ὡρῶν καὶ οὐρανοῦ καὶ ἄστρων καὶ πνευμάτων καὶ πάντων τῶν τῇ τέχνῃ προσηκόντων, εἰ μέλλει τῷ ὄντι νεὼς ἀρχικὸς ἔσεσθαι, ὅπως δὲ κυβερνήσει ἐάντε τινες βούλωνται ἐάντε μή, μήτε τέχνην τούτου μήτε μελέτην οἰόμενοι δυνατὸν εἶναι λαβεῖν ἅμα καὶ τὴν κυβερνητικήν.
선주가 크기와 힘에 있어서 배 안의 모든 사람을 능가하지만, 귀가 약간 먹고 시력 또한 그와 비슷하게 약하며, 항해술에 관한 지식도 마찬가지로 보잘것없네. 그리고 선원들은 조타권을 둘러싸고 서로 다투고 있는데, 각자가 자신이 키를 잡아야 한다고 생각하네. 비록 그 기술을 한 번도 배운 적이 없고, 자신의 스승이 누구인지나 배운 시기가 언제였는지를 제시하지도 못하면서 말이네. 게다가 그들은 그것이 가르칠 수 있는 것조차 아니라고 주장하며, 도리어 그것이 가르칠 수 있는 것이라고 말하는 사람을 갈갈이 찢어 죽일 준비까지 되어 있네. 그리고 그들 자신은 늘 선주 주변에 몰려들어, 조타간을 자신들에게 맡겨달라고 간청하며 온갖 짓을 다하네. 때로 자신들이 설득하지 못하고 다른 이들이 더 설득하게 되면, 그 다른 이들을 죽이거나 배 밖으로 던져버리네. 그리고 그 고귀한 선주를 만드라고라나 술, 혹은 다른 어떤 것으로 묶어 마비시킨 뒤, 배를 지배하고 그 안에 있는 물건들을 사용하며, 술을 마시고 잔치를 벌이며 그런 자들에게 어울리는 방식으로 항해를 해나가네. 더 나아가 그들은 찬사를 보내며, 선주를 설득하거나 강요하여 자신들이 지배권을 잡는 데 도움을 주는 데 뛰어난 자를 '항해사', '조타수', '배의 일을 잘 아는 자'라고 부르고, 그렇지 못한 사람은 쓸모없는 자라고 비난하네. 그리고 진정한 조타수에 대해서는 전혀 이해하지 못하고 있으니, 그가 진정으로 배를 이끌 자격을 갖추려면 일년의 흐름, 계절, 하늘, 별, 바람, 그리고 그 기술에 속하는 모든 것에 관심을 기울여야만 한다는 사실을 알지 못하네. 그리고 어떻게 키를 잡을 것인가에 대해서는, 사람들이 원하든 원하지 않든 간에, 조타술과 함께 이러한 지배 능력을 획득하고 훈련하는 것이 가능하다고 생각하지 않네.
§6.489τοιούτων δὴ περὶ τὰς ναῦς γιγνομένων τὸν ὡς ἀληθῶς κυβερνητικὸν οὐχ ἡγῇ ἂν τῷ ὄντι μετεωροσκόπον τε καὶ ἀδολέσχην καὶ ἄχρηστόν σφισι καλεῖσθαι ὑπὸ τῶν ἐν ταῖς οὕτω κατεσκευασμέναις ναυσὶ πλωτήρων; καὶ μάλα, ἔφη ὁ Ἀδείμαντος.
이처럼 배 주변에서 일어나는 일들 속에서, 참으로 조타 자격을 갖춘 사람이 그렇게 장비된 배 안의 선원들로부터 참으로 별을 보는 자, 쓸데없는 수다쟁이, 그리고 자신들에게 무용한 자로 불리게 될 것이라 생각하지 않는가?" "전적으로 그렇습니다," 아데이만토스가 말했네.
οὐ δή, ἦν δʼ ἐγώ, οἶμαι δεῖσθαί σε ἐξεταζομένην τὴν εἰκόνα ἰδεῖν, ὅτι ταῖς πόλεσι πρὸς τοὺς ἀληθινοὺς φιλοσόφους τὴν διάθεσιν ἔοικεν, ἀλλὰ μανθάνειν ὃ λέγω. καὶ μάλʼ, ἔφη.
"그렇다면," 내가 말했네, "참된 철학자들에 대한 국가의 태도가 이와 닮았다는 것을 보기 위해 이 비유가 상세히 검토되는 것을 지켜볼 필요는 자네에게 없으며, 내가 말하고자 하는 바를 이미 이해하고 있으리라 생각하네." "전적으로 그렇습니다," 그가 말했다.
πρῶτον μὲν τοίνυν ἐκεῖνον τὸν θαυμάζοντα ὅτι οἱ φιλόσοφοι οὐ τιμῶνται ἐν ταῖς πόλεσι δίδασκέ τε τὴν εἰκόνα καὶ πειρῶ πείθειν ὅτι πολὺ ἂν θαυμαστότερον ἦν εἰ ἐτιμῶντο. ἀλλὰ διδάξω, ἔφη.
"그러므로 먼저, 철학자들이 국가에서 존경받지 못하는 것을 이상하게 여기는 저 사람에게 이 비유를 가르쳐주고, 만약 그들이 존경받는다면 훨씬 더 이상한 일이었을 것임을 설득하도록 노력하게나." "가르쳐주겠습니다," 그가 말했다.
καὶ ὅτι τοίνυν τἀληθῆ λέγεις, ὡς ἄχρηστοι τοῖς πολλοῖς οἱ ἐπιεικέστατοι τῶν ἐν φιλοσοφίᾳ·
"그리고 철학에 종사하는 사람들 중 가장 훌륭한 이들이 대중에게 무용하다는 자네의 말이 참되다는 것도 가르쳐주게나.
τῆς μέντοι ἀχρηστίας τοὺς μὴ χρωμένους κέλευε αἰτιᾶσθαι, ἀλλὰ μὴ τοὺς ἐπιεικεῖς.
다만 그 무용함에 대해서는 그들을 쓰지 않는 자들을 탓해야지, 그 훌륭한 사람들을 탓해서는 안 된다고 일러두게나.
οὐ γὰρ ἔχει φύσιν κυβερνήτην ναυτῶν δεῖσθαι ἄρχεσθαι ὑφʼ αὑτοῦ οὐδὲ τοὺς σοφοὺς ἐπὶ τὰς τῶν πλουσίων θύρας ἰέναι, ἀλλʼ ὁ τοῦτο κομψευσάμενος ἐψεύσατο, τὸ δὲ ἀληθὲς πέφυκεν, ἐάντε πλούσιος ἐάντε πένης κάμνῃ, ἀναγκαῖον εἶναι ἐπὶ ἰατρῶν θύρας ἰέναι καὶ πάντα τὸν ἄρχεσθαι δεόμενον ἐπὶ τὰς τοῦ ἄρχειν δυναμένου, οὐ τὸν ἄρχοντα δεῖσθαι τῶν ἀρχομένων ἄρχεσθαι, οὗ ἂν τῇ ἀληθείᾳ τι ὄφελος ᾖ.
조타수가 선원들에게 자신에게 지배받아 달라고 청하는 것은 자연스럽지 않으며, 현자들이 부자들의 문 앞에 가는 것도 자연스럽지 않기 때문이네. 그런 그럴듯한 농담을 한 자는 거짓말을 한 것이네. 자연의 참된 진실은 이렇네. 부자이든 가난한 자이든 병이 들면 의사의 문 앞으로 가야만 하고, 지배받기를 필요로 하는 사람은 누구나 지배할 수 있는 능력이 있는 사람의 문 앞으로 가야 하네. 지배자가 진정으로 어떤 쓸모가 있다면, 피지배자들에게 자신에게 지배받아 달라고 청할 필요는 없는 법이네.
ἀλλὰ τοὺς νῦν πολιτικοὺς ἄρχοντας ἀπεικάζων οἷς ἄρτι ἐλέγομεν ναύταις οὐχ ἁμαρτήσῃ, καὶ τοὺς ὑπὸ τούτων ἀχρήστους λεγομένους καὶ μετεωρολέσχας τοῖς ὡς ἀληθῶς κυβερνήταις. ὀρθότατα, ἔφη.
하지만 지금의 정치적 지배자들을 방금 말한 선원들에 비유하고, 그들에 의해 무용하고 별이나 보는 수다쟁이라 불리는 이들을 참된 조타수들에 비유한다면 자네는 틀리지 않을 것이네." "가장 올바른 말씀입니다," 그가 말했다.
ἔκ τε τοίνυν τούτων καὶ ἐν τούτοις οὐ ῥᾴδιον εὐδοκιμεῖν τὸ βέλτιστον ἐπιτήδευμα ὑπὸ τῶν τἀναντία ἐπιτηδευόντων·
"그러므로 이러한 이유로, 그리고 이러한 상황 속에서 가장 훌륭한 활동이 그와 반대되는 활동을 하는 자들에 의해 높이 평가받기는 쉽지 않네.
πολὺ δὲ μεγίστη καὶ ἰσχυροτάτη διαβολὴ γίγνεται φιλοσοφίᾳ διὰ τοὺς τὰ τοιαῦτα φάσκοντας ἐπιτηδεύειν, οὓς δὴ σὺ φῂς τὸν ἐγκαλοῦντα τῇ φιλοσοφίᾳ λέγειν ὡς παμπόνηροι οἱ πλεῖστοι τῶν ἰόντων ἐπʼ αὐτήν, οἱ δὲ ἐπιεικέστατοι ἄχρηστοι, καὶ ἐγὼ συνεχώρησα ἀληθῆ σε λέγειν.
그러나 철학에 대해 단연코 가장 크고 강력한 비방이 생겨나는 것은, 그러한 활동을 한다고 자처하는 자들 때문이네. 자네가 말하기를 철학을 비난하는 자가 '철학으로 나아가는 자들 대부분이 지극히 사악하며, 가장 훌륭한 자들조차 무용하다'고 말하는 것은 바로 이들을 가리키는 것이라고 했고, 나 역시 자네가 참된 말을 한다고 인정했네.
ἦ γάρ; ναί. οὐκοῦν τῆς μὲν τῶν ἐπιεικῶν ἀχρηστίας τὴν αἰτίαν διεληλύθαμεν; καὶ μάλα. τῆς δὲ τῶν πολλῶν πονηρίας τὴν ἀνάγκην βούλει τὸ μετὰ τοῦτο διέλθωμεν, καὶ ὅτι οὐδὲ τούτου φιλοσοφία αἰτία, ἂν δυνώμεθα, πειραθῶμεν δεῖξαι; πάνυ μὲν οὖν.
그렇지 않은가?" "그렇습니다." "그렇다면 훌륭한 이들의 무용함의 원인에 대해서는 우리가 다 논했지?" "전적으로 그렇습니다." "그렇다면 그 다음으로, 대다수의 사람들이 사악해지는 것의 필연성에 대해 논하고, 가능하다면 이 역시 철학의 책임이 아님을 보여주도록 노력해볼까?" "전적으로 그렇습니다."