§4.419καὶ ὁ Ἀδείμαντος ὑπολαβών, τί οὖν, ἔφη, ὦ Σώκρατες, ἀπολογήσῃ, ἐάν τίς σε φῇ μὴ πάνυ τι εὐδαίμονας ποιεῖν τούτους τοὺς ἄνδρας, καὶ ταῦτα διʼ ἑαυτούς, ὧν ἔστι μὲν ἡ πόλις τῇ ἀληθείᾳ, οἱ δὲ μηδὲν ἀπολαύουσιν ἀγαθὸν τῆς πόλεως, οἷον ἄλλοι ἀγρούς τε κεκτημένοι καὶ οἰκίας οἰκοδομούμενοι καλὰς καὶ μεγάλας, καὶ ταύταις πρέπουσαν κατασκευὴν κτώμενοι, καὶ θυσίας θεοῖς ἰδίας θύοντες, καὶ ξενοδοκοῦντες, καὶ δὴ καὶ ἃ νυνδὴ σὺ ἔλεγες, χρυσόν τε καὶ ἄργυρον κεκτημένοι καὶ πάντα ὅσα νομίζεται τοῖς μέλλουσιν μακαρίοις εἶναι;
그러자 아데이만토스가 말을 가로채며 말했네. “소크라테스여, 만약 누군가가 당신이 이 사람들을 전혀 행복하게 만들지 않고 있으며, 더구나 그것이 그들 자신과 관련된 일임에도 그러하다고 말한다면, 당신은 어떻게 변명하겠습니까? 실제로 국가가 그들의 것인데도, 그들은 국가로부터 아무런 좋은 것도 누리지 못하고 있습니다. 다른 사람들이 땅을 소유하고, 아름답고 커다란 집을 지으며, 거기에 어울리는 가재도구를 갖추고, 신들에게 개인적인 제사를 지내며, 손님을 대접하고, 또한 방금 당신이 말했던 것처럼 금과 은을 소유하며, 장차 행복해지려는 사람들에게 관습적으로 여겨지는 모든 것을 소유하고 있는 것과는 달리 말입니다.
§4.420ἀλλʼ ἀτεχνῶς, φαίη ἄν, ὥσπερ ἐπίκουροι μισθωτοὶ ἐν τῇ πόλει φαίνονται καθῆσθαι οὐδὲν ἄλλο ἢ φρουροῦντες. ναί, ἦν δʼ ἐγώ, καὶ ταῦτά γε ἐπισίτιοι καὶ οὐδὲ μισθὸν πρὸς τοῖς σιτίοις λαμβάνοντες ὥσπερ οἱ ἄλλοι, ὥστε οὐδʼ ἂν ἀποδημῆσαι βούλωνται ἰδίᾳ, ἐξέσται αὐτοῖς, οὐδʼ ἑταίραις διδόναι, οὐδʼ ἀναλίσκειν ἄν ποι βούλωνται ἄλλοσε, οἷα δὴ οἱ εὐδαίμονες δοκοῦντες εἶναι ἀναλίσκουσι.
오히려 전적으로” 그가 말할 것이네, “마치 고용된 조력자들처럼, 그들은 국가 안에서 단지 보초만 서며 앉아 있는 것처럼 보입니다.” “그렇다네,” 내가 말했네. “게다가 그들은 식량만을 제공받을 뿐, 다른 사람들처럼 식량 외에 급료를 받지도 못하네. 그리하여 만약 그들이 사적으로 여행을 떠나고 싶어 하더라도 허용되지 않으며, 헤타이라에게 선물을 줄 수도 없고, 행복하다고 여겨지는 사람들이 소비하듯이 그들이 원하는 다른 어떤 곳에도 돈을 쓸 수가 없네.
ταῦτα καὶ ἄλλα τοιαῦτα συχνὰ τῆς κατηγορίας ἀπολείπεις. ἀλλʼ, ἦ δʼ ὅς, ἔστω καὶ ταῦτα κατηγορημένα. τί οὖν δὴ ἀπολογησόμεθα, φῄς; ναί. τὸν αὐτὸν οἶμον, ἦν δʼ ἐγώ, πορευόμενοι εὑρήσομεν, ὡς ἐγᾦμαι, ἃ λεκτέα.
자네는 이러한 일들과 그와 유사한 수많은 고발의 항목들을 빼놓고 있네.” “그렇다면” 그가 말했네, “그것들 또한 고발된 것으로 해둡시다.” “그렇다면 우리가 어떻게 변명해야 하겠는가, 자네 뜻은 그러한가?” “그렇습니다.” “우리가 같은 길을 걸어간다면, 내가 생각하기에 우리가 해야 할 말을 발견하게 될 것이네.” 내가 말했네.
ἐροῦμεν γὰρ ὅτι θαυμαστὸν μὲν ἂν οὐδὲν εἴη εἰ καὶ οὗτοι οὕτως εὐδαιμονέστατοί εἰσιν, οὐ μὴν πρὸς τοῦτο βλέποντες τὴν πόλιν οἰκίζομεν, ὅπως ἕν τι ἡμῖν ἔθνος ἔσται διαφερόντως εὔδαιμον, ἀλλʼ ὅπως ὅτι μάλιστα ὅλη ἡ πόλις.
“왜냐하면 만약 이들 또한 이와 같은 방식으로 가장 행복하다고 할지라도 그것은 전혀 놀라운 일이 아닐 것이라고 우리가 말할 것이기 때문이네. 하지만 우리가 국가를 건설하는 것은 우리 안의 어떤 한 계층이 유달리 행복해지도록 하려는 것이 아니라, 국가 전체가 가능한 한 행복해지도록 하려는 것이라네.
ᾠήθημεν γὰρ ἐν τῇ τοιαύτῃ μάλιστα ἂν εὑρεῖν δικαιοσύνην καὶ αὖ ἐν τῇ κάκιστα οἰκουμένῃ ἀδικίαν, κατιδόντες δὲ κρῖναι ἂν ὃ πάλαι ζητοῦμεν.
그러한 국가에서라면 정의를 가장 잘 발견할 수 있을 것이고, 반대로 가장 나쁘게 다스려지는 국가에서는 불의를 발견할 수 있을 것이며, 이를 관찰한 뒤에 우리가 오랫동안 찾아 헤매던 것을 판가름할 수 있을 것이라 생각했기 때문이네.
νῦν μὲν οὖν, ὡς οἰόμεθα, τὴν εὐδαίμονα πλάττομεν οὐκ ἀπολαβόντες ὀλίγους ἐν αὐτῇ τοιούτους τινὰς τιθέντες, ἀλλʼ ὅλην·
그리하여 지금 우리는, 우리가 생각하는 대로, 국가의 일부분만을 떼어내어 그 안의 소수의 사람들을 그렇게 행복하게 만드는 것이 아니라, 국가 전체를 행복하게 빚어내고 있네.
αὐτίκα δὲ τὴν ἐναντίαν σκεψόμεθα.
그리고 이어서 우리는 곧바로 그 반대의 국가를 살펴볼 것이네.
ὥσπερ οὖν ἂν εἰ ἡμᾶς ἀνδριάντα γράφοντας προσελθών τις ἔψεγε λέγων ὅτι οὐ τοῖς καλλίστοις τοῦ ζῴου τὰ κάλλιστα φάρμακα προστίθεμεν—οἱ γὰρ ὀφθαλμοὶ κάλλιστον ὂν οὐκ ὀστρείῳ ἐναληλιμμένοι εἶεν ἀλλὰ μέλανι—μετρίως ἂν ἐδοκοῦμεν πρὸς αὐτὸν ἀπολογεῖσθαι λέγοντες·
그러므로 만약 우리가 조각상에 채색을 하고 있을 때 누군가 다가와서, 그 생물의 가장 아름다운 부분에 가장 아름다운 안료를 칠하지 않는다고 비난하면서, 예컨대 가장 아름다운 부분인 눈이 자줏빛 안료 대신 검은색으로 칠해져 있다고 말한다면, 그에게 다음과 같이 말하며 변명하는 것이 꽤나 적절해 보일 것이네.
ὦ θαυμάσιε, μὴ οἴου δεῖν ἡμᾶς οὕτω καλοὺς ὀφθαλμοὺς γράφειν, ὥστε μηδὲ ὀφθαλμοὺς φαίνεσθαι, μηδʼ αὖ τἆλλα μέρη, ἀλλʼ ἄθρει εἰ τὰ προσήκοντα ἑκάστοις ἀποδιδόντες τὸ ὅλον καλὸν ποιοῦμεν·
‘여보게, 우리가 눈을 너무 아름답게 그려야 한답시고 눈이 눈으로 보이지도 않게 만들거나, 다른 부분들도 마찬가지가 되게 그려야 한다고 생각지 말아주게. 오히려 우리가 각 부분에 어울리는 것을 부여함으로써 전체를 아름답게 만들고 있는지 살펴보게나.
καὶ δὴ καὶ νῦν μὴ ἀνάγκαζε ἡμᾶς τοιαύτην εὐδαιμονίαν τοῖς φύλαξι προσάπτειν, ἣ ἐκείνους πᾶν μᾶλλον ἀπεργάσεται ἢ φύλακας.
그와 마찬가지로 지금 우리에게도 수호자들에게 그러한 행복을 안겨주라고 강요하지 말게나. 그것은 그들을 수호자 이외의 다른 온갖 것으로 만들어버릴 그런 행복이라네.
ἐπιστάμεθα γὰρ καὶ τοὺς γεωργοὺς ξυστίδας ἀμφιέσαντες καὶ χρυσὸν περιθέντες πρὸς ἡδονὴν ἐργάζεσθαι κελεύειν τὴν γῆν, καὶ τοὺς κεραμέας κατακλίναντες ἐπὶ δεξιὰ πρὸς τὸ πῦρ διαπίνοντάς τε καὶ εὐωχουμένους, τὸν τροχὸν παραθεμένους, ὅσον ἂν ἐπιθυμῶσι κεραμεύειν, καὶ τοὺς ἄλλους πάντας τοιούτῳ τρόπῳ μακαρίους ποιεῖν, ἵνα δὴ ὅλη ἡ πόλις εὐδαιμονῇ.
우리 역시 농부들에게 화려한 겉옷을 입히고 금을 장식해 준 채로 즐거움을 위해 땅을 갈라고 명령할 수도 있고, 옹기장이들을 불가에 오른편으로 눕혀두고 술을 마시며 연회를 즐기게 하되, 그들 앞에 물레를 두고서 원하는 만큼만 옹기를 빚게 할 수도 있으며, 다른 모든 이들도 그런 방식으로 행복하게 만들어서 국가 전체가 참으로 행복해지도록 할 수도 있다는 것을 알고 있으니 말일세.’”