§2.359πεφυκέναι γὰρ δή φασιν τὸ μὲν ἀδικεῖν ἀγαθόν, τὸ δὲ ἀδικεῖσθαι κακόν, πλέονι δὲ κακῷ ὑπερβάλλειν τὸ ἀδικεῖσθαι ἢ ἀγαθῷ τὸ ἀδικεῖν, ὥστʼ ἐπειδὰν ἀλλήλους ἀδικῶσί τε καὶ ἀδικῶνται καὶ ἀμφοτέρων γεύωνται, τοῖς μὴ δυναμένοις τὸ μὲν ἐκφεύγειν τὸ δὲ αἱρεῖν δοκεῖ λυσιτελεῖν συνθέσθαι ἀλλήλοις μήτʼ ἀδικεῖν μήτʼ ἀδικεῖσθαι·
사람들의 말에 따르면, 본성상 불의를 행하는 것은 좋은 일이고 불의를 당하는 것은 나쁜 일이지만, 불의를 당하는 일의 나쁨이 불의를 행하는 일의 좋음보다 훨씬 크다고 하네. 그리하여 사람들이 서로 불의를 행하고 당하며 양쪽을 모두 경험하게 되었을 때, 한쪽을 피하고 다른 쪽을 선택할 힘이 없는 이들에게는, 서로 불의를 행하지도 당하지도 말자는 계약을 맺는 것이 이익이 된다고 생각되었네.
καὶ ἐντεῦθεν δὴ ἄρξασθαι νόμους τίθεσθαι καὶ συνθήκας αὑτῶν, καὶ ὀνομάσαι τὸ ὑπὸ τοῦ νόμου ἐπίταγμα νόμιμόν τε καὶ δίκαιον·
그리고 바로 여기서부터 법을 제정하고 자기들끼리 계약을 맺기 시작했으며, 법의 명령을 '합법적'이고 '정의로운 것'이라 부르게 되었다네.
καὶ εἶναι δὴ ταύτην γένεσίν τε καὶ οὐσίαν δικαιοσύνης, μεταξὺ οὖσαν τοῦ μὲν ἀρίστου ὄντος, ἐὰν ἀδικῶν μὴ διδῷ δίκην, τοῦ δὲ κακίστου, ἐὰν ἀδικούμενος τιμωρεῖσθαι ἀδύνατος ᾖ·
그리고 이것이 바로 정의의 기원이자 실상이며, 이는 불의를 행하면서도 벌을 받지 않는 최선의 상태와, 불의를 당하면서도 보복할 힘이 없는 최악의 상태 사이의 중간에 위치하네.
τὸ δὲ δίκαιον ἐν μέσῳ ὂν τούτων ἀμφοτέρων ἀγαπᾶσθαι οὐχ ὡς ἀγαθόν, ἀλλʼ ὡς ἀρρωστίᾳ τοῦ ἀδικεῖν τιμώμενον·
정의는 이 두 가지 상태의 중간에 존재하면서 사랑받고 있는데, 그것은 어떤 좋은 것이기 때문이 아니라, 불의를 행할 힘이 없음 때문에 존중받는 것이라네.
ἐπεὶ τὸν δυνάμενον αὐτὸ ποιεῖν καὶ ὡς ἀληθῶς ἄνδρα οὐδʼ ἂν ἑνί ποτε συνθέσθαι τὸ μήτε ἀδικεῖν μήτε ἀδικεῖσθαι·
실제로 불의를 행할 능력이 있고 참으로 사내 대장부인 자라면, 누구와도 불의를 행하지도 당하지도 말자는 계약을 결코 맺지 않을 것이기 때문이네.
μαίνεσθαι γὰρ ἄν.
그러는 것은 미친 짓일 터이니 말이네.
ἡ μὲν οὖν δὴ φύσις δικαιοσύνης, ὦ Σώκρατες, αὕτη τε καὶ τοιαύτη, καὶ ἐξ ὧν πέφυκε τοιαῦτα, ὡς ὁ λόγος.
소크라테스여, 정의의 본성이란 참으로 이러하고 이와 같으며, 그것이 생겨난 근원도 이야기하는 바에 따르면 이와 같네.
ὡς δὲ καὶ οἱ ἐπιτηδεύοντες ἀδυναμίᾳ τοῦ ἀδικεῖν ἄκοντες αὐτὸ ἐπιτηδεύουσι, μάλιστʼ ἂν αἰσθοίμεθα, εἰ τοιόνδε ποιήσαιμεν τῇ διανοίᾳ·
또한 정의를 행하는 자들이 불의를 행할 힘이 없어서 마지못해 그것을 행한다는 사실은, 만일 우리가 마음속으로 다음과 같은 생각을 해 본다면 가장 잘 깨달을 수 있을 것이네.
δόντες ἐξουσίαν ἑκατέρῳ ποιεῖν ὅτι ἂν βούληται, τῷ τε δικαίῳ καὶ τῷ ἀδίκῳ, εἶτʼ ἐπακολουθήσαιμεν θεώμενοι ποῖ ἡ ἐπιθυμία ἑκάτερον ἄξει.
즉, 정의로운 자와 불의한 자 양쪽 모두에게 그들이 원하는 것은 무엇이든 행할 수 있는 권능을 부여한 다음, 그 뒤를 쫓아가며 그들의 욕망이 각각을 어디로 인도하는지 관찰해 보는 것이네.
ἐπʼ αὐτοφώρῳ οὖν λάβοιμεν ἂν τὸν δίκαιον τῷ ἀδίκῳ εἰς ταὐτὸν ἰόντα διὰ τὴν πλεονεξίαν, ὃ πᾶσα φύσις διώκειν πέφυκεν ὡς ἀγαθόν, νόμῳ δὲ βίᾳ παράγεται ἐπὶ τὴν τοῦ ἴσου τιμήν.
그렇게 하면 우리는 정의로운 자 역시 더 많이 가지려는 욕망(탐욕) 때문에 불의한 자와 똑같은 곳으로 향하는 것을 현장에서 붙잡을 수 있을 것이네. 이 탐욕이야말로 모든 본성이 좋은 것으로서 추구하게끔 타고난 것이지만, 법에 의해 강제로 평등을 존중하는 쪽으로 방향이 돌려진 것이라네.
εἴη δʼ ἂν ἡ ἐξουσία ἣν λέγω τοιάδε μάλιστα, εἰ αὐτοῖς γένοιτο οἵαν ποτέ φασιν δύναμιν τῷ τοῦ Λυδοῦ προγόνῳ γενέσθαι.
내가 말하는 권능이란 특히 다음과 같은 일이 그들에게 일어났을 때의 권능이네. 옛날에 리디아 사람의 조상에게 그런 힘이 생겼다고 사람들이 말하듯이 말이네.
εἶναι μὲν γὰρ αὐτὸν ποιμένα θητεύοντα παρὰ τῷ τότε Λυδίας ἄρχοντι, ὄμβρου δὲ πολλοῦ γενομένου καὶ σεισμοῦ ῥαγῆναί τι τῆς γῆς καὶ γενέσθαι χάσμα κατὰ τὸν τόπον ᾗ ἔνεμεν.
그는 당시 리디아 통치자 밑에서 일하던 목동이었는데, 큰 비가 내리고 지진이 일어나 그가 양을 치던 곳의 땅의 일부가 갈라져 큰 구멍이 생겼다네.
ἰδόντα δὲ καὶ θαυμάσαντα καταβῆναι καὶ ἰδεῖν ἄλλα τε δὴ ἃ μυθολογοῦσιν θαυμαστὰ καὶ ἵππον χαλκοῦν, κοῖλον, θυρίδας ἔχοντα, καθʼ ἃς ἐγκύψαντα ἰδεῖν ἐνόντα νεκρόν, ὡς φαίνεσθαι μείζω ἢ κατʼ ἄνθρωπον, τοῦτον δὲ ἄλλο μὲν οὐδέν, περὶ δὲ τῇ χειρὶ χρυσοῦν δακτύλιον ὄντα περιελόμενον ἐκβῆναι.
이를 보고 신기하게 여긴 그가 내려가 보니, 신화에서 말하는 다른 신기한 것들과 함께 속이 비고 창문들이 달린 청동 말이 있었네. 그 창문으로 들여다보니 그 안에 사람의 크기보다 더 커 보이는 시체가 놓여 있는 것이 보였는데, 그 시체는 다른 것은 아무것도 걸치지 않은 채, 오직 손에 금반지를 끼고 있었기에 그것을 빼 가지고 밖으로 나왔다네.
συλλόγου δὲ γενομένου τοῖς ποιμέσιν εἰωθότος, ἵνʼ ἐξαγγέλλοιεν κατὰ μῆνα τῷ βασιλεῖ τὰ περὶ τὰ ποίμνια, ἀφικέσθαι καὶ ἐκεῖνον ἔχοντα τὸν δακτύλιον·
목동들이 왕에게 매달 양들의 상태를 보고하기 위해 모이는 정기적인 집회가 열렸을 때, 그 역시 그 반지를 낀 채 그곳에 참석했네.
§2.360καθήμενον οὖν μετὰ τῶν ἄλλων τυχεῖν τὴν σφενδόνην τοῦ δακτυλίου περιαγαγόντα πρὸς ἑαυτὸν εἰς τὸ εἴσω τῆς χειρός, τούτου δὲ γενομένου >ἀφανῆ αὐτὸν γενέσθαι τοῖς παρακαθημένοις, καὶ διαλέγεσθαι ὡς περὶ οἰχομένου.
그가 다른 이들과 함께 앉아 있다가 우연히 반지의 보석 박힌 자리를 자기 손 안쪽으로 돌리게 되었네. 그러자 그는 곁에 앉아 있는 사람들에게 보이지 않게 되었고, 사람들은 그가 마치 자리를 뜬 것처럼 이야기하기 시작했네.
καὶ τὸν θαυμάζειν τε καὶ πάλιν ἐπιψηλαφῶντα τὸν δακτύλιον στρέψαι ἔξω τὴν σφενδόνην, καὶ στρέψαντα φανερὸν γενέσθαι.
그는 깜짝 놀라 다시 반지를 만지작거리며 보석 자리를 바깥쪽으로 돌렸고, 돌리자마자 다시 보이게 되었네.
καὶ τοῦτο ἐννοήσαντα ἀποπειρᾶσθαι τοῦ δακτυλίου εἰ ταύτην ἔχοι τὴν δύναμιν, καὶ αὐτῷ οὕτω συμβαίνειν, στρέφοντι μὲν εἴσω τὴν σφενδόνην ἀδήλῳ γίγνεσθαι, ἔξω δὲ δήλῳ·
이에 알아차린 그가 반지에 그런 힘이 있는지 시험해 보았는데, 그에게 정말 그렇게 되었네. 보석 자리를 안쪽으로 돌리면 보이지 않게 되고, 바깥쪽으로 돌리면 보이게 되었던 것이네.
αἰσθόμενον δὲ εὐθὺς διαπράξασθαι τῶν ἀγγέλων γενέσθαι τῶν παρὰ τὸν βασιλέα, ἐλθόντα δὲ καὶ τὴν γυναῖκα αὐτοῦ μοιχεύσαντα, μετʼ ἐκείνης ἐπιθέμενον τῷ βασιλεῖ ἀποκτεῖναι καὶ τὴν ἀρχὴν οὕτω κατασχεῖν.
이를 알아채자마자 그는 즉시 왕에게 가는 사절단 중 하나가 되도록 주선하였고, 왕궁에 이르러서는 왕비를 유혹해 간통하고, 그녀와 모의하여 왕을 덮쳐 죽인 뒤 왕위를 차지했다네.
εἰ οὖν δύο τοιούτω δακτυλίω γενοίσθην, καὶ τὸν μὲν ὁ δίκαιος περιθεῖτο, τὸν δὲ ὁ ἄδικος, οὐδεὶς ἂν γένοιτο, ὡς δόξειεν, οὕτως ἀδαμάντινος, ὃς ἂν μείνειεν ἐν τῇ δικαιοσύνῃ καὶ τολμήσειεν ἀπέχεσθαι τῶν ἀλλοτρίων καὶ μὴ ἅπτεσθαι, ἐξὸν αὐτῷ καὶ ἐκ τῆς ἀγορᾶς ἀδεῶς ὅτι βούλοιτο λαμβάνειν, καὶ εἰσιόντι εἰς τὰς οἰκίας συγγίγνεσθαι ὅτῳ βούλοιτο, καὶ ἀποκτεινύναι καὶ ἐκ δεσμῶν λύειν οὕστινας βούλοιτο, καὶ τἆλλα πράττειν ἐν τοῖς ἀνθρώποις ἰσόθεον ὄντα.
그러니 만일 이와 같은 반지가 두 개 생겨나서, 하나는 정의로운 자가 끼고 다른 하나는 불의한 자가 낀다면, 사람들이 생각하듯이 정의에 머물며 남의 물건에 손을 대지 않고 삼갈 만큼 금강석처럼 단단한 사람은 아무도 없을 것이네. 두려움 없이 시장에서 자기가 원하는 것은 무엇이든 가질 수 있고, 집안에 들어가 자기가 원하는 누구와도 정을 통할 수 있으며, 원하는 자를 죽이고 원하는 자를 감옥에서 풀어줄 수 있고, 다른 모든 일에 있어서 사람들 사이에서 신처럼 행세할 수 있는데도 말이네.
οὕτω δὲ δρῶν οὐδὲν ἂν διάφορον τοῦ ἑτέρου ποιοῖ, ἀλλʼ ἐπὶ ταὔτʼ ἂν ἴοιεν ἀμφότεροι.
이와 같이 행동한다면, 정의로운 자 역시 다른 한쪽과 전혀 다르지 않은 행동을 할 것이며, 둘 다 똑같은 곳으로 향하게 될 것이네.
καίτοι μέγα τοῦτο τεκμήριον ἂν φαίη τις ὅτι οὐδεὶς ἑκὼν δίκαιος ἀλλʼ ἀναγκαζόμενος, ὡς οὐκ ἀγαθοῦ ἰδίᾳ ὄντος, ἐπεὶ ὅπου γʼ ἂν οἴηται ἕκαστος οἷός τε ἔσεσθαι ἀδικεῖν, ἀδικεῖν.
참으로 이것은 누구도 자발적으로 정의롭지 않고 오직 강요되어서 정의로울 뿐이라는 강력한 증거라고 누군가는 말할 것이네. 정의가 개인에게 사적인 좋은 것이 아니라고 여겨지기 때문이네. 실제로 각자는 자신이 불의를 행할 수 있다고 생각하는 곳이라면 어디서든 불의를 행하네.
λυσιτελεῖν γὰρ δὴ οἴεται πᾶς ἀνὴρ πολὺ μᾶλλον ἰδίᾳ τὴν ἀδικίαν τῆς δικαιοσύνης, ἀληθῆ οἰόμενος, ὡς φήσει ὁ περὶ τοῦ τοιούτου λόγου λέγων·
모든 사람은 불의가 정의보다 개인에게 훨씬 더 이익이 된다고 생각하며, 그런 주장을 펴는 사람에 따르면 그 생각은 옳다네.
ἐπεὶ εἴ τις τοιαύτης ἐξουσίας ἐπιλαβόμενος μηδέν ποτε ἐθέλοι ἀδικῆσαι μηδὲ ἅψαιτο τῶν ἀλλοτρίων, ἀθλιώτατος μὲν ἂν δόξειεν εἶναι τοῖς αἰσθανομένοις καὶ ἀνοητότατος, ἐπαινοῖεν δʼ ἂν αὐτὸν ἀλλήλων ἐναντίον ἐξαπατῶντες ἀλλήλους διὰ τὸν τοῦ ἀδικεῖσθαι φόβον.
왜냐하면 만일 누군가 그런 권능을 손에 넣고서도 결코 불의를 행하려 하지 않고 남의 물건에 손을 대지 않는다면, 이를 눈치챈 사람들에게 그는 가장 비참하고 어리석은 자로 여겨질 것이기 때문이네. 하지만 그들은 서로 불의를 당할까 두려워하는 마음에, 남들 앞에서는 속임수로 그를 찬양할 것이네.
ταῦτα μὲν οὖν δὴ οὕτω.
이 일은 참으로 이러하네.
τὴν δὲ κρίσιν αὐτὴν τοῦ βίου πέρι ὧν λέγομεν, ἐὰν διαστησώμεθα τόν τε δικαιότατον καὶ τὸν ἀδικώτατον, οἷοί τʼ ἐσόμεθα κρῖναι ὀρθῶς· εἰ δὲ μή, οὔ.
한편 우리가 말하는 두 삶의 판정 자체는, 우리가 가장 정의로운 자와 가장 불의한 자를 각각 극단적으로 갈라놓아 볼 때 비로소 바르게 판정할 수 있을 것이며, 그렇지 않으면 불가능하네.
τίς οὖν δὴ ἡ διάστασις;
그렇다면 그 갈라놓음이란 무엇인가?
ἥδε·
그것은 이러하네.
μηδὲν ἀφαιρῶμεν μήτε τοῦ ἀδίκου ἀπὸ τῆς ἀδικίας, μήτε τοῦ δικαίου ἀπὸ τῆς δικαιοσύνης, ἀλλὰ τέλεον ἑκάτερον εἰς τὸ ἑαυτοῦ ἐπιτήδευμα τιθῶμεν.
불의한 자에게서는 그의 불의를 조금도 깎아내리지 말고, 정의로운 자에게서도 그의 정의를 조금도 깎아내리지 말며, 각자를 자기 삶의 방식에서 완벽한 상태로 상정하는 것이네.