§10.609τί δέ;
"어떤가?" 내가 말했네.
κακὸν ἑκάστῳ τι καὶ ἀγαθὸν λέγεις;
"자네는 각 물건마다 고유한 나쁜 것과 좋은 것이 있다고 말하는가?
οἷον ὀφθαλμοῖς ὀφθαλμίαν καὶ σύμπαντι τῷ σώματι νόσον, σίτῳ τε ἐρυσίβην, σηπεδόνα τε ξύλοις, χαλκῷ δὲ καὶ σιδήρῳ ἰόν, καί, ὅπερ λέγω, σχεδὸν πᾶσι σύμφυτον ἑκάστῳ κακόν τε καὶ νόσημα; ἔγωγʼ, ἔφη.
예컨대 양 눈에는 안질이 있고, 몸 전체에는 질병이 있으며, 곡식에는 맥각이 있고, 목재에는 부식이 있으며, 청동과 철에는 녹이 있고, 내가 말하는 것처럼 거의 모든 것에 저마다 고유한 나쁜 것과 병이 있다고 말인가?" "그렇습니다"라고 그가 말했네.
οὐκοῦν ὅταν τῴ τι τούτων προσγένηται, πονηρόν τε ποιεῖ ᾧ προσεγένετο, καὶ τελευτῶν ὅλον διέλυσεν καὶ ἀπώλεσεν; πῶς γὰρ οὔ; τὸ σύμφυτον ἄρα κακὸν ἑκάστου καὶ ἡ πονηρία ἕκαστον ἀπόλλυσιν, ἢ εἰ μὴ τοῦτο ἀπολεῖ, οὐκ ἂν ἄλλο γε αὐτὸ ἔτι διαφθείρειεν.
"그렇다면 이것들 중 어느 하나가 어떤 것에 생길 때, 그것이 생긴 대상을 나쁘게 만들고, 결국에는 전체를 분해하여 소멸시키는가?" "어찌 그렇지 않겠습니까?" "따라서 각 것에 고유한 나쁜 것과 그 나쁨이 각 것을 소멸시키며, 만약 이것이 소멸시키지 못한다면, 다른 어떤 것도 그것을 파괴하지는 못할 것이네.
οὐ γὰρ τό γε ἀγαθὸν μή ποτέ τι ἀπολέσῃ, οὐδὲ αὖ τὸ μήτε κακὸν μήτε ἀγαθόν. πῶς γὰρ ἄν; ἔφη.
왜냐하면 좋은 것이 무언가를 소멸시키는 일은 결코 없을 것이고, 또한 나쁘지도 좋지도 않은 것이 소멸시키는 일도 없을 것이기 때문일세." "정말로 어찌 그렇겠습니까?" 그가 말했네.
ἐὰν ἄρα τι εὑρίσκωμεν τῶν ὄντων, ᾧ ἔστι μὲν κακὸν ὃ ποιεῖ αὐτὸ μοχθηρόν, τοῦτο μέντοι οὐχ οἷόν τε αὐτὸ λύειν ἀπολλύον, οὐκ ἤδη εἰσόμεθα ὅτι τοῦ πεφυκότος οὕτως ὄλεθρος οὐκ ἦν; οὕτως, ἔφη, εἰκός.
"그렇다면 만약 존재하는 것들 중에서, 그것을 악하게 만드는 나쁜 것을 지니고 있으면서도, 그 나쁜 것이 정작 자신을 분해하여 소멸시키지는 못하는 어떤 것을 우리가 발견한다면, 그러한 성질을 가진 것에는 소멸이 없다는 점을 우리가 즉시 알게 되지 않겠는가?" "그렇게 보입니다"라고 그가 말했네.
τί οὖν; ἦν δʼ ἐγώ·
"어떤가?" 내가 말했네.
ψυχῇ ἆρʼ οὐκ ἔστιν ὃ ποιεῖ αὐτὴν αὐτὴν κακήν; καὶ μάλα, ἔφη·
"영혼에는 영혼을 나쁘게 만드는 것이 존재하지 않는가?" "아주 많이 존재합니다"라고 그가 말했네.
ἃ νυνδὴ διῇμεν πάντα, ἀδικία τε καὶ ἀκολασία καὶ δειλία καὶ ἀμαθία. ἦ οὖν τι τούτων αὐτὴν διαλύει τε καὶ ἀπόλλυσι;
"우리가 방금 열거한 모든 것, 즉 부정과 방종, 겁약, 그리고 무지입니다." "그렇다면 이것들 중 어느 하나가 영혼을 분해하고 소멸시키는가?
καὶ ἐννόει μὴ ἐξαπατηθῶμεν οἰηθέντες τὸν ἄδικον ἄνθρωπον καὶ ἀνόητον, ὅταν ληφθῇ ἀδικῶν, τότε ἀπολωλέναι ὑπὸ τῆς ἀδικίας, πονηρίας οὔσης ψυχῆς.
그리고 혹시라도 우리가 부정하고 어리석은 사람이 나쁜 짓을 하다가 붙잡혔을 때, 영혼의 나쁨인 부정에 의해 그 당시에 소멸되었다고 생각하여 속아 넘어가지 않도록 유의하세.
ἀλλʼ ὧδε ποίει·
오히려 이렇게 생각하게나.
ὥσπερ σῶμα ἡ σώματος πονηρία νόσος οὖσα τήκει καὶ διόλλυσι καὶ ἄγει εἰς τὸ μηδὲ σῶμα εἶναι, καὶ ἃ νυνδὴ ἐλέγομεν ἅπαντα ὑπὸ τῆς οἰκείας κακίας, τῷ προσκαθῆσθαι καὶ ἐνεῖναι διαφθειρούσης, εἰς τὸ μὴ εἶναι ἀφικνεῖται—οὐχ οὕτω;
몸의 경우에는 몸의 나쁨인 질병이 몸을 쇠약하게 만들고 소멸시켜 더 이상 몸이 아니게 이끌며, 우리가 방금 말한 모든 것들도 자신에게 고유한 나쁜 것이 달라붙어 내재함으로써 파괴되어 비존재에 이르게 되네.
ναί. ἴθι δή, καὶ ψυχὴν κατὰ τὸν αὐτὸν τρόπον σκόπει.
그렇지 않은가?" "그렇습니다." "자, 영혼에 대해서도 같은 방식으로 살펴보게나.
ἆρα ἐνοῦσα ἐν αὐτῇ ἀδικία καὶ ἡ ἄλλη κακία τῷ ἐνεῖναι καὶ προσκαθῆσθαι φθείρει αὐτὴν καὶ μαραίνει, ἕως ἂν εἰς θάνατον ἀγαγοῦσα τοῦ σώματος χωρίσῃ; οὐδαμῶς, ἔφη, τοῦτό γε. ἀλλὰ μέντοι ἐκεῖνό γε ἄλογον, ἦν δʼ ἐγώ, τὴν μὲν ἄλλου πονηρίαν ἀπολλύναι τι, τὴν δὲ αὑτοῦ μή. ἄλογον.
영혼 속에 내재하는 부정과 다른 나쁨이, 내재하고 달라붙음으로써 영혼을 파괴하고 시들게 하여, 마침내 죽음으로 이끌어 몸으로부터 분리시키는가?" "결코 그렇지 않습니다"라고 그가 말했네, "그것만큼은 결코 아닙니다." "하지만 다른 것의 나쁨이 어떤 것을 소멸시키는데, 정작 자신의 나쁨은 소멸시키지 못한다는 것은 불합리하네"라고 내가 말했네.
ἐννόει γάρ, ἦν δʼ ἐγώ, ὦ Γλαύκων, ὅτι οὐδʼ ὑπὸ τῆς τῶν σιτίων πονηρίας, ἣ ἂν ᾖ αὐτῶν ἐκείνων, εἴτε παλαιότης εἴτε σαπρότης εἴτε ἡτισοῦν οὖσα, οὐκ οἰόμεθα δεῖν σῶμα ἀπόλλυσθαι·
"불합리합니다." "왜냐하면 글라우콘이여, 생각해 보게나" 내가 말했네. "음식물의 나쁨, 즉 그것들 자체의 나쁨이 오래됨이든 부패든 다른 어떤 것이든 간에, 그것 때문에 몸이 소멸되어야 한다고 우리는 생각하지 않네.
§10.610ἀλλʼ ἐὰν μὲν ἐμποιῇ ἡ αὐτῶν πονηρία τῶν σιτίων τῷ σώματι σώματος μοχθηρίαν, φήσομεν αὐτὸ διʼ ἐκεῖνα ὑπὸ τῆς αὑτοῦ κακίας νόσου οὔσης ἀπολωλέναι·
오히려 음식물 자체의 나쁨이 몸속에 몸의 나쁨인 질병을 발생시킨다면, 우리는 몸이 그것들 때문에 자신의 나쁨인 질병에 의해 소멸되었다고 말할 것이네.
ὑπὸ δὲ σιτίων πονηρίας ἄλλων ὄντων ἄλλο ὂν τὸ σῶμα, ὑπʼ ἀλλοτρίου κακοῦ μὴ ἐμποιήσαντος τὸ ἔμφυτον κακόν, οὐδέποτε ἀξιώσομεν διαφθείρεσθαι. ὀρθότατʼ αὖ, ἔφη, λέγεις.
하지만 다른 것인 음식물의 나쁨 때문에, 다른 것인 몸이, 고유한 나쁜 것을 발생시키지 않은 외래의 나쁜 것에 의해 결코 파괴된다고는 여기지 않을 것이네." "다시금 지극히 올바른 말씀입니다"라고 그가 말했네.
κατὰ τὸν αὐτὸν τοίνυν λόγον, ἦν δʼ ἐγώ, ἐὰν μὴ σώματος πονηρία ψυχῇ ψυχῆς πονηρίαν ἐμποιῇ, μή ποτε ἀξιῶμεν ὑπὸ ἀλλοτρίου κακοῦ ἄνευ τῆς ἰδίας πονηρίας ψυχὴν ἀπόλλυσθαι, τῷ ἑτέρου κακῷ ἕτερον. ἔχει γάρ, ἔφη, λόγον.
"그렇다면 동일한 논리에 따라" 내가 말했네. "몸의 나쁨이 영혼에 영혼의 나쁨을 발생시키지 않는 한, 외래의 나쁜 것에 의해 고유한 나쁨 없이 영혼이 소멸하는 일, 즉 한쪽의 나쁜 것으로 인해 다른 쪽이 소멸하는 일은 결코 인정하지 않도록 하세." "일리 있는 말씀입니다"라고 그가 말했네.
ἢ τοίνυν ταῦτα ἐξελέγξωμεν ὅτι οὐ καλῶς λέγομεν, ἢ ἕως ἂν ᾖ ἀνέλεγκτα, μή ποτε φῶμεν ὑπὸ πυρετοῦ μηδʼ αὖ ὑπʼ ἄλλης νόσου μηδʼ αὖ ὑπὸ σφαγῆς, μηδʼ εἴ τις ὅτι σμικρότατα ὅλον τὸ σῶμα κατατέμοι, ἕνεκα τούτων μηδὲν μᾶλλόν ποτε ψυχὴν ἀπόλλυσθαι, πρὶν ἄν τις ἀποδείξῃ ὡς διὰ ταῦτα τὰ παθήματα τοῦ σώματος αὐτὴ ἐκείνη ἀδικωτέρα καὶ ἀνοσιωτέρα γίγνεται·
"그러니 우리가 이 주장을 잘못된 것이라고 반박하든가, 아니면 이것이 반박되지 않는 한, 열병에 의해서든 다른 질병에 의해서든, 혹은 칼에 베여서든, 설령 누군가가 온몸을 아주 잘게 잘라놓는다고 해도, 그러한 일들 때문에 영혼이 결코 더 소멸한다고는 말하지 않도록 하세. 누군가가 이러한 몸의 수난들로 인해 영혼 그 자체가 더 부정해지고 더 불경해진다는 것을 증명하기 전까지는 말이네.
ἀλλοτρίου δὲ κακοῦ ἐν ἄλλῳ γιγνομένου, τοῦ δὲ ἰδίου ἑκάστῳ μὴ ἐγγιγνομένου, μήτε ψυχὴν μήτε ἄλλο μηδὲν ἐῶμεν φάναι τινὰ ἀπόλλυσθαι. ἀλλὰ μέντοι, ἔφη, τοῦτό γε οὐδείς ποτε δείξει, ὡς τῶν ἀποθνῃσκόντων ἀδικώτεραι αἱ ψυχαὶ διὰ τὸν θάνατον γίγνονται.
외래의 나쁜 것이 다른 것 속에서 생겨날 뿐, 각자에게 고유한 나쁜 것이 그 속에 생겨나지 않는 한, 영혼이든 다른 어떤 것이든 소멸한다고는 누구도 말하지 못하게 하세." "하지만 참으로" 그가 말했네.
ἐὰν δέ γέ τις, ἔφην ἐγώ, ὁμόσε τῷ λόγῳ τολμᾷ ἰέναι καὶ λέγειν ὡς πονηρότερος καὶ ἀδικώτερος γίγνεται ὁ ἀποθνῄσκων, ἵνα δὴ μὴ ἀναγκάζηται ἀθανάτους τὰς ψυχὰς ὁμολογεῖν, ἀξιώσομέν που, εἰ ἀληθῆ λέγει ὁ ταῦτα λέγων, τὴν ἀδικίαν εἶναι θανάσιμον τῷ ἔχοντι ὥσπερ νόσον, καὶ ὑπʼ αὐτοῦ, τοῦ ἀποκτεινύντος τῇ ἑαυτοῦ φύσει, ἀποθνῄσκειν τοὺς λαμβάνοντας αὐτό, τοὺς μὲν μάλιστα θᾶττον, τοὺς δʼ ἧττον σχολαίτερον, ἀλλὰ μὴ ὥσπερ νῦν διὰ τοῦτο ὑπʼ ἄλλων δίκην ἐπιτιθέντων ἀποθνῄσκουσιν οἱ ἄδικοι. μὰ Δίʼ, ἦ δʼ ὅς, οὐκ ἄρα πάνδεινον φανεῖται ἡ ἀδικία, εἰ θανάσιμον ἔσται τῷ λαμβάνοντι—ἀπαλλαγὴ γὰρ ἂν εἴη κακῶν—ἀλλὰ μᾶλλον οἶμαι αὐτὴν φανήσεσθαι πᾶν τοὐναντίον τοὺς ἄλλους ἀποκτεινῦσαν, εἴπερ οἷόν τε, τὸν δʼ ἔχοντα καὶ μάλα ζωτικὸν παρέχουσαν, καὶ πρός γʼ ἔτι τῷ ζωτικῷ ἄγρυπνον·
"죽어가는 사람들의 영혼이 죽음 때문에 더 부정해진다는 것을 증명할 수 있는 사람은 아무도 없을 것입니다." "하지만 만약 누군가가" 내가 말했네. "이 논리에 맞서서, 죽어가는 사람이 더 사악해지고 더 부정해진다고 감히 주장하려 한다면――이는 영혼이 불사한다는 점을 마지못해 인정하지 않기 위해서이겠지만――그렇게 말하는 사람의 말이 참되다면, 우리는 다음과 같이 생각해야 할 것이네. 즉, 부정이라는 것은 그것을 가진 사람에게 질병과 같이 치명적인 것이며, 그 자체의 본성에 의해 죽음을 초래하는 이 부정에 의해, 그것에 걸린 사람들은 죽어가는 것이라고 말이네. 어떤 이는 아주 빨리, 또 어떤 이는 그보다 더 더디게 말이네. 하지만 지금 부정직한 자들이 이 때문에 다른 이들이 벌을 내림으로써 죽어가는 것처럼 죽는 것은 아니라고 말이네." "제우스에 맹세코" 그가 말했네. "그렇다면 부정이라는 것이 그것에 걸린 자에게 치명적인 것이라면 결코 그리 무서운 것으로 보이지 않겠군요. 왜냐하면 그것은 나쁜 것들로부터의 해방이 될 테니까요. 오히려 반대로 부정은 다른 사람들을 죽이는 반면에, 그것을 가진 자에게는 아주 강한 생명력을 부여하고, 그 생명력에 더하여 밤잠을 안 자는 불면까지 선사하는 것으로 보일 것입니다.
οὕτω πόρρω που, ὡς ἔοικεν, ἐσκήνηται τοῦ θανάσιμος εἶναι. καλῶς, ἦν δʼ ἐγώ, λέγεις.
이처럼 부정이 치명적인 것과는 아무래도 아주 멀리 떨어진 곳에 자리를 잡은 것 같습니다." "잘 보았네" 내가 말했네.
ὁπότε γὰρ δὴ μὴ ἱκανὴ ἥ γε οἰκεία πονηρία καὶ τὸ οἰκεῖον κακὸν ἀποκτεῖναι καὶ ἀπολέσαι ψυχήν, σχολῇ τό γε ἐπʼ ἄλλου ὀλέθρῳ τεταγμένον κακὸν ψυχὴν ἤ τι ἄλλο ἀπολεῖ, πλὴν ἐφʼ ᾧ τέτακται. σχολῇ γʼ, ἔφη, ὥς γε τὸ εἰκός.
"왜냐하면 고유한 나쁨과 고유한 악이 영혼을 죽이고 소멸시키기에 충분하지 않다면, 다른 것의 파멸을 위해 설정된 나쁜 것이 영혼이나 다른 것을 소멸시키는 일은, 그것이 설정된 대상이 아닌 한 도저히 있을 수 없기 때문일세." "도저히 있을 수 없지요, 개연성으로 보더라도요"라고 그가 말했네.