§10.600ἀλλὰ δή τις πόλεμος ἐπὶ Ὁμήρου ὑπʼ ἐκείνου ἄρχοντος ἢ συμβουλεύοντος εὖ πολεμηθεὶς μνημονεύεται; οὐδείς. ἀλλʼ οἷα δὴ εἰς τὰ ἔργα σοφοῦ ἀνδρὸς πολλαὶ ἐπίνοιαι καὶ εὐμήχανοι εἰς τέχνας ἤ τινας ἄλλας πράξεις λέγονται, ὥσπερ αὖ Θάλεώ τε πέρι τοῦ Μιλησίου καὶ Ἀναχάρσιος τοῦ Σκύθου; οὐδαμῶς τοιοῦτον οὐδέν.
"그런데 호메로스 시절에 그의 지휘나 조언에 따라 치러진 전쟁 중에 훌륭하게 승리한 전쟁이 하나라도 기억되는 것이 있는가?" "없습니다." "그렇다면, 밀레토스의 탈레스나 스키티아의 아나카르시스의 경우처럼, 지혜로운 사람의 업적에 걸맞은 기술이나 다른 활동들을 위한 많은 발명과 기발한 고안들이 호메로스에 대해 전해지는가?" "전혀 그런 것이 없습니다." "그렇다면 공적인 일은 아닐지라도, 사적인 생활에서 호메로스 본인이 생전에 동반자 관계를 사랑하고 후세에 '호메로스식' 삶의 방식을 전해 준 어떤 사람들에게 교육의 인도자가 되었다는 말이 있는가?
ἀλλὰ δὴ εἰ μὴ δημοσίᾳ, ἰδίᾳ τισὶν ἡγεμὼν παιδείας αὐτὸς ζῶν λέγεται Ὅμηρος γενέσθαι, οἳ ἐκεῖνον ἠγάπων ἐπὶ συνουσίᾳ καὶ τοῖς ὑστέροις ὁδόν τινα παρέδοσαν βίου Ὁμηρικήν, ὥσπερ Πυθαγόρας αὐτός τε διαφερόντως ἐπὶ τούτῳ ἠγαπήθη, καὶ οἱ ὕστεροι ἔτι καὶ νῦν Πυθαγόρειον τρόπον ἐπονομάζοντες τοῦ βίου διαφανεῖς πῃ δοκοῦσιν εἶναι ἐν τοῖς ἄλλοις;
예컨대 피타고라스 자신도 이 일로 특별히 사랑받았고, 그의 후예들은 아직도 자신들의 삶의 방식을 피타고라스식이라 부르며 다른 이들 사이에서 어떤 면으로든 두드러져 보이는 것처럼 말일세." "소크라테스여," 그가 말했네.
οὐδʼ αὖ, ἔφη, τοιοῦτον οὐδὲν λέγεται.
"그러한 것 또한 전혀 전해지지 않습니다.
ὁ γὰρ Κρεώφυλος, ὦ Σώκρατες, ἴσως, ὁ τοῦ Ὁμήρου ἑταῖρος, τοῦ ὀνόματος ἂν γελοιότερος ἔτι πρὸς παιδείαν φανείη, εἰ τὰ λεγόμενα περὶ Ὁμήρου ἀληθῆ.
호메로스의 동반자였던 크레오필로스는, 만일 호메로스에 관해 전해지는 이야기들이 참이라면, 교육이라는 면에서 그의 이름보다 훨씬 더 우스꽝스럽게 보일 것입니다.
λέγεται γὰρ ὡς πολλή τις ἀμέλεια περὶ αὐτὸν ἦν ἐπʼ αὐτοῦ ἐκείνου, ὅτε ἔζη. λέγεται γὰρ οὖν, ἦν δʼ ἐγώ.
왜냐하면 그가 살아 있을 때 그에 대해 엄청난 무관심이 있었다고 전해지기 때문입니다." "참으로 그렇게 전해지는군"하고 내가 말했네.
ἀλλʼ οἴει, ὦ Γλαύκων, εἰ τῷ ὄντι οἷός τʼ ἦν παιδεύειν ἀνθρώπους καὶ βελτίους ἀπεργάζεσθαι Ὅμηρος, ἅτε περὶ τούτων οὐ μιμεῖσθαι ἀλλὰ γιγνώσκειν δυνάμενος, οὐκ ἄρʼ ἂν πολλοὺς ἑταίρους ἐποιήσατο καὶ ἐτιμᾶτο καὶ ἠγαπᾶτο ὑπʼ αὐτῶν, ἀλλὰ Πρωταγόρας μὲν ἄρα ὁ Ἀβδηρίτης καὶ Πρόδικος ὁ Κεῖος καὶ ἄλλοι πάμπολλοι δύνανται τοῖς ἐφʼ ἑαυτῶν παριστάναι ἰδίᾳ συγγιγνόμενοι ὡς οὔτε οἰκίαν οὔτε πόλιν τὴν αὑτῶν διοικεῖν οἷοί τʼ ἔσονται, ἐὰν μὴ σφεῖς αὐτῶν ἐπιστατήσωσιν τῆς παιδείας, καὶ ἐπὶ ταύτῃ τῇ σοφίᾳ οὕτω σφόδρα φιλοῦνται, ὥστε μόνον οὐκ ἐπὶ ταῖς κεφαλαῖς περιφέρουσιν αὐτοὺς οἱ ἑταῖροι·
"하지만 글라우콘, 만일 호메로스가 실제로 사람들을 교육하고 더 훌륭하게 만들 수 있었다면, 즉 이것들에 대해 단순한 모방이 아니라 앎을 가질 능력이 있었다면, 그가 많은 동반자를 얻고 그들에게 존경과 사랑을 받지 않았겠는가? 아브데라의 프로타고라스나 케오스의 프로디코스, 그리고 그 밖의 아주 많은 사람들은 사적으로 만나는 동대인들에게, 자신들이 교육을 감독하지 않는다면 자신들의 집도 국가도 다스릴 수 없을 것이라고 설득할 수 있으며, 이 지혜 덕분에 그들의 동반자들에게 머리 위에 얹고 다닐 정도로 극진한 사랑을 받지 않는가.
Ὅμηρον δʼ ἄρα οἱ ἐπʼ ἐκείνου, εἴπερ οἷός τʼ ἦν πρὸς ἀρετὴν ὀνῆσαι ἀνθρώπους, ἢ Ἡσίοδον ῥαψῳδεῖν ἂν περιιόντας εἴων, καὶ οὐχὶ μᾶλλον ἂν αὐτῶν ἀντείχοντο ἢ τοῦ χρυσοῦ καὶ ἠνάγκαζον παρὰ σφίσιν οἴκοι εἶναι, ἢ εἰ μὴ ἔπειθον, αὐτοὶ ἂν ἐπαιδαγώγουν ὅπῃ ᾖσαν, ἕως ἱκανῶς παιδείας μεταλάβοιεν; παντάπασιν, ἔφη, δοκεῖς μοι, ὦ Σώκρατες, ἀληθῆ λέγειν.
그런데 만일 호메로스가 사람들을 덕으로 이끄는 데 이로움을 줄 수 있었다면, 혹은 헤시오도스가 그러했다면, 그들의 시대 사람들이 그들이 서사시를 읊으며 돌아다니도록 내버려 두었겠는가? 오히려 그들을 황금보다 더 소중히 여기며 자신들 곁에 머물도록 강제했거나, 설득하지 못했다면 그들이 어디를 가든 교육을 충분히 나누어 가질 때까지 자신들이 직접 따라다니며 시중을 들지 않았겠는가?" "소크라테스여, 자네는 완전히 참된 말씀을 하시는 것 같네"하고 그가 말했네.
§10.601οὐκοῦν τιθῶμεν ἀπὸ Ὁμήρου ἀρξαμένους πάντας τοὺς ποιητικοὺς μιμητὰς εἰδώλων ἀρετῆς εἶναι καὶ τῶν ἄλλων περὶ ὧν ποιοῦσιν, τῆς δὲ ἀληθείας οὐχ ἅπτεσθαι, ἀλλʼ ὥσπερ νυνδὴ ἐλέγομεν, ὁ ζωγράφος σκυτοτόμον ποιήσει δοκοῦντα εἶναι, αὐτός τε οὐκ ἐπαΐων περὶ σκυτοτομίας καὶ τοῖς μὴ ἐπαΐουσιν, ἐκ τῶν χρωμάτων δὲ καὶ σχημάτων θεωροῦσιν; πάνυ μὲν οὖν. οὕτω δὴ οἶμαι καὶ τὸν ποιητικὸν φήσομεν χρώματα ἄττα ἑκάστων τῶν τεχνῶν τοῖς ὀνόμασι καὶ ῥήμασιν ἐπιχρωματίζειν αὐτὸν οὐκ ἐπαΐοντα ἀλλʼ ἢ μιμεῖσθαι, ὥστε ἑτέροις τοιούτοις ἐκ τῶν λόγων θεωροῦσι δοκεῖν, ἐάντε περὶ σκυτοτομίας τις λέγῃ ἐν μέτρῳ καὶ ῥυθμῷ καὶ ἁρμονίᾳ, πάνυ εὖ δοκεῖν λέγεσθαι, ἐάντε περὶ στρατηγίας ἐάντε περὶ ἄλλου ὁτουοῦν·
"그렇다면 호메로스를 시작으로 모든 시적 모방자들은 덕의 영상과 자신들이 창작하는 다른 대상들의 모방자일 뿐이고, 진리에는 전혀 닿지 못한다고 정해 두기로 하세. 방금 우리가 말한 것처럼, 화가는 자신도 구두 수선에 대해 아무것도 모르면서, 마찬가지로 아무것도 모른 채 색채와 형태만 보고 판단하는 사람들에게 진짜 구두 수선공처럼 보이는 것을 만들어 내는 것과 같지 않은가?" "전적으로 그렇습니다." "이와 마찬가지로 시인에 대해서도, 그 자신은 모방하는 것 외에는 아무것도 모르면서 명사와 동사로 각각의 기술에 말하자면 일종의 색칠을 한다고 우리는 말할 것이네. 그리하여 그와 마찬가지로 말만 보고 판단하는 다른 이들에게는, 누군가 구두 수선에 대해 운율과 리듬과 조화에 맞추어 말하든, 장수의 책략에 대해 말하든, 혹은 다른 어떤 일에 대해 말하든, 지극히 훌륭하게 말하는 것처럼 보이게 하네.
οὕτω φύσει αὐτὰ ταῦτα μεγάλην τινὰ κήλησιν ἔχειν.
이처럼 이 조화와 리듬 등은 본성상 매우 커다란 매혹의 힘을 지니고 있네.
ἐπεὶ γυμνωθέντα γε τῶν τῆς μουσικῆς χρωμάτων τὰ τῶν ποιητῶν, αὐτὰ ἐφʼ αὑτῶν λεγόμενα, οἶμαί σε εἰδέναι οἷα φαίνεται.
시인들의 작품에서 음악의 색채를 벗겨 내고 말 자체만 남겨 두었을 때 그것이 어떻게 보이는지 자네도 알고 있을 것이라 생각하네.
τεθέασαι γάρ που. ἔγωγʼ, ἔφη.
분명 본 적이 있을 테니 말일세." "본 적이 있습니다"하고 그가 말했네.
οὐκοῦν, ἦν δʼ ἐγώ, ἔοικεν τοῖς τῶν ὡραίων προσώποις, καλῶν δὲ μή, οἷα γίγνεται ἰδεῖν ὅταν αὐτὰ τὸ ἄνθος προλίπῃ; παντάπασιν, ἦ δʼ ὅς.
"그것은"하고 내가 말했네, "젊음의 한창때가 떠나 버렸을 때, 젊지만 아름답지는 않은 얼굴이 어떻게 보이는가와 닮지 않았는가?" "완전히 그렇습니다"하고 그가 말했네.
ἴθι δή, τόδε ἄθρει·
"자, 이제 이것을 검토해 보세.
ὁ τοῦ εἰδώλου ποιητής, ὁ μιμητής, φαμέν, τοῦ μὲν ὄντος οὐδὲν ἐπαΐει, τοῦ δὲ φαινομένου·
영상의 제작자이자 모방자는 실재에 대해서는 아무것도 모르고 현상에 대해서만 안다고 우리가 말했네.
οὐχ οὕτως; ναί. μὴ τοίνυν ἡμίσεως αὐτὸ καταλίπωμεν ῥηθέν, ἀλλʼ ἱκανῶς ἴδωμεν. λέγε, ἔφη.
그렇지 않은가?" "그렇습니다." "그렇다면 이것을 반쯤 말한 상태로 남겨 두지 말고, 충분히 검토해 보세." "말씀해 보십시오"하고 그가 말했네.
ζωγράφος, φαμέν, ἡνίας τε γράψει καὶ χαλινόν; ναί. ποιήσει δέ γε σκυτοτόμος καὶ χαλκεύς; πάνυ γε. ἆρʼ οὖν ἐπαΐει οἵας δεῖ τὰς ἡνίας εἶναι καὶ τὸν χαλινὸν ὁ γραφεύς; ἢ οὐδʼ ὁ ποιήσας, ὅ τε χαλκεὺς καὶ ὁ σκυτεύς, ἀλλʼ ἐκεῖνος ὅσπερ τούτοις ἐπίσταται χρῆσθαι, μόνος ὁ ἱππικός;
"화가는 고삐와 말의 재갈을 그릴 것이라 우리가 말하네, 그렇지 않은가?" "그렇습니다." "하지만 그것을 만드는 것은 구두 수선공과 대장장이일 것이네, 그렇지 않은가?" "물론입니다." "그렇다면 고삐와 재갈이 어떠해야 하는지에 대해 화가가 아는가?
ἀληθέστατα. ἆρʼ οὖν οὐ περὶ πάντα οὕτω φήσομεν ἔχειν; πῶς; περὶ ἕκαστον ταύτας τινὰς τρεῖς τέχνας εἶναι, χρησομένην, ποιήσουσαν, μιμησομένην; ναί. οὐκοῦν ἀρετὴ καὶ κάλλος καὶ ὀρθότης ἑκάστου σκεύους καὶ ζῴου καὶ πράξεως οὐ πρὸς ἄλλο τι ἢ τὴν χρείαν ἐστίν, πρὸς ἣν ἂν ἕκαστον ᾖ πεποιημένον ἢ πεφυκός; οὕτως. πολλὴ ἄρα ἀνάγκη τὸν χρώμενον ἑκάστῳ ἐμπειρότατόν τε εἶναι καὶ ἄγγελον γίγνεσθαι τῷ ποιητῇ οἷα ἀγαθὰ ἢ κακὰ ποιεῖ ἐν τῇ χρείᾳ ᾧ χρῆται· οἷον αὐλητής που αὐλοποιῷ ἐξαγγέλλει περὶ τῶν αὐλῶν, οἳ ἂν ὑπηρετῶσιν ἐν τῷ αὐλεῖν, καὶ ἐπιτάξει οἵους δεῖ ποιεῖν, ὁ δʼ ὑπηρετήσει. πῶς δʼ οὔ; οὐκοῦν ὁ μὲν εἰδὼς ἐξαγγέλλει περὶ χρηστῶν καὶ πονηρῶν αὐλῶν, ὁ δὲ πιστεύων ποιήσει; ναί.
아니면 제작자인 대장장이나 구두 수선공조차 아는 것이 아니라, 그것을 사용할 줄 아는 사람, 즉 오직 승마자만이 아는 것이 아닌가?" "가장 참된 말씀이십니다." "그렇다면 모든 것에 대해서도 이와 같다고 말해야 하지 않겠는가?" "무슨 뜻이십니까?" "각각의 사물에 대해 세 가지 기술, 즉 사용하는 기술, 만드는 기술, 모방하는 기술이 있다는 뜻이네." "그렇습니다." "그렇다면 개별 도구, 생물, 행위의 덕과 아름다움, 올바름은 각각이 제작되거나 태어난 본래의 목적인 사용 외에 다른 어떤 것을 향해 있지 않지 않은가?" "그렇습니다." "따라서 각각을 사용하는 사람이 가장 경험이 풍부할 수밖에 없고, 자신이 사용하는 물건이 사용될 때 어떤 좋은 효과나 나쁜 효과를 내는지 제작자에게 전하는 보고자가 되는 것은 필연적이네. 예컨대 피리 연주자는 피리 제작자에게 자신이 연주하는 데 쓰이는 피리에 대해 보고할 것이고, 어떤 피리를 만들어야 하는지 지시할 것이며, 제작자는 그것에 따를 것이네." "어찌 그렇지 않겠습니까?" "그렇다면 아는 사람이 좋은 피리와 나쁜 피리에 대해 보고하고, 그를 신뢰하는 사람이 그것을 만드는 것이 되겠군, 그렇지 않은가?" "그렇습니다."