§248ΣΩ. ὅτῳ γὰρ ἀνδρὶ εἰς ἑαυτὸν ἀνήρτηται πάντα τὰ πρὸς εὐδαιμονίαν φέροντα ἢ ἐγγὺς τούτου, καὶ μὴ ἐν ἄλλοις ἀνθρώποις αἰωρεῖται ἐξ ὧν ἢ εὖ ἢ κακῶς πραξάντων πλανᾶσθαι ἠνάγκασται καὶ τὰ ἐκείνου, τούτῳ ἄριστα παρεσκεύασται ζῆν, οὗτός ἐστιν ὁ σώφρων καὶ οὗτος ὁ ἀνδρεῖος καὶ φρόνιμος·
소크라테스: 행복으로 이끄는 모든 것, 혹은 그에 가까운 것들이 자기 자신에게 결부되어 있고, 타인의 흥망성쇠에 따라 자신의 처지도 휩쓸려 다니도록 강요받을 만큼 타인에게 매여 있지 않은 사람이야말로, 살아갈 가장 훌륭한 준비를 갖춘 사람입니다. 이 사람이야말로 절제 있고 용감하며 지혜로운 사람입니다.
οὗτος γιγνομένων χρημάτων καὶ παίδων καὶ διαφθειρομένων μάλιστα πείσεται τῇ παροιμίᾳ·
이 사람은 재물과 자녀들이 생겨나거나 사라질 때에도, 그 격언에 가장 잘 따를 것입니다.
οὔτε γὰρ χαίρων οὔτε λυπούμενος ἄγαν φανήσεται διὰ τὸ αὑτῷ πεποιθέναι.
자기 자신을 신뢰하기 때문에 과도하게 기뻐하지도, 과도하게 슬퍼하지도 않는 모습을 보일 것이기 때문입니다.
τοιούτους δὲ ἡμεῖς γε ἀξιοῦμεν καὶ τοὺς ἡμετέρους εἶναι καὶ βουλόμεθα καὶ φαμέν, καὶ ἡμᾶς αὐτοὺς νῦν παρέχομεν τοιούτους, οὐκ ἀγανακτοῦντας οὐδὲ φοβουμένους ἄγαν εἰ δεῖ τελευτᾶν ἐν τῷ παρόντι.
우리 역시 우리 편 사람들도 그러하기를 요구하며, 그렇게 바라고 주장하며, 우리 자신 또한 지금 이 순간에 죽어야 할지라도 과도하게 분개하거나 두려워하지 않고 그러한 모습을 보여주고 있습니다.
δεόμεθα δὴ καὶ πατέρων καὶ μητέρων τῇ αὐτῇ ταύτῃ διανοίᾳ χρωμένους τὸν ἐπίλοιπον βίον διάγειν, καὶ εἰδέναι ὅτι οὐ θρηνοῦντες οὐδὲ ὀλοφυρόμενοι ἡμᾶς ἡμῖν μάλιστα χαριοῦνται, ἀλλʼ εἴ τις ἔστι τοῖς τετελευτηκόσιν αἴσθησις τῶν ζώντων, οὕτως ἀχάριστοι εἶεν ἂν μάλιστα, ἑαυτούς τε κακοῦντες καὶ βαρέως φέροντες τὰς συμφοράς·
그러므로 우리는 아버지들과 어머니들께도 이와 똑같은 마음가짐으로 남은 생을 보내시기를, 그리고 그저 탄식하고 슬피 우는 것으로 우리를 애도하는 것이 우리를 가장 기쁘게 하는 것은 아님을 아시기를 간곡히 구합니다. 오히려 만약 죽은 이들에게 살아 있는 자들에 대한 어떤 감각이 있다면, 그들이 자기 자신을 해치고 불행을 무겁게 받아들이는 것이야말로 그들에게 가장 은혜를 모르는(은혜를 원수로 갚는) 일이 될 것입니다.
κούφως δὲ καὶ μετρίως μάλιστʼ ἂν χαρίζοιντο.
반대로 가볍고 절제 있게 견뎌내는 것이야말로 가장 그들을 기쁘게 하는 일일 것입니다.
τὰ μὲν γὰρ ἡμέτερα τελευτὴν ἤδη ἕξει ἥπερ καλλίστη γίγνεται ἀνθρώποις, ὥστε πρέπει αὐτὰ μᾶλλον κοσμεῖν ἢ θρηνεῖν·
우리의 일은 이제 인간에게 일어날 수 있는 가장 아름다운 결말을 맞이하게 될 것이니, 이를 슬퍼하기보다는 오히려 드높여 기리는 것이 마땅하기 때문입니다.
γυναικῶν δὲ τῶν ἡμετέρων καὶ παίδων ἐπιμελούμενοι καὶ τρέφοντες καὶ ἐνταῦθα τὸν νοῦν τρέποντες τῆς τε τύχης μάλιστʼ ἂν εἶεν ἐν λήθῃ καὶ ζῷεν κάλλιον καὶ ὀρθότερον καὶ ἡμῖν προσφιλέστερον.
그리고 우리의 아내들과 자녀들을 돌보고 부양하며 그곳으로 마음을 돌림으로써, 그들은 불행을 가장 잘 잊게 될 것이고, 더 아름답고 바르며 우리에게도 더 사랑스럽게 살아가게 될 것입니다.
ταῦτα δὴ ἱκανὰ τοῖς ἡμετέροις παρʼ ἡμῶν ἀγγέλλειν·
이것이 우리 사람들에게 전할 우리로부터의 충분한 전언입니다.
τῇ δὲ πόλει παρακελευοίμεθʼ ἂν ὅπως ἡμῖν καὶ πατέρων καὶ ὑέων ἐπιμελήσονται, τοὺς μὲν παιδεύοντες κοσμίως, τοὺς δὲ γηροτροφοῦντες ἀξίως·
다른 한편으로, 국가에 대해서는 우리의 아버지들과 아들들을 돌보아 주기를, 아들들에게는 단정하게 교육을 베풀고, 아버지들에게는 그 노후를 걸맞게 부양해 주기를 권고하고자 합니다.
νῦν δὲ ἴσμεν ὅτι καὶ ἐὰν μὴ ἡμεῖς παρακελευώμεθα, ἱκανῶς ἐπιμελήσεται.
다만 우리가 권고하지 않더라도 국가가 충분히 돌보아 줄 것임을 우리는 알고 있습니다.
ταῦτα οὖν, ὦ παῖδες καὶ γονῆς τῶν τελευτησάντων, ἐκεῖνοί τε ἐπέσκηπτον ἡμῖν ἀπαγγέλλειν, καὶ ἐγὼ ὡς δύναμαι προθυμότατα ἀπαγγέλλω·
자녀들이여, 그리고 죽은 이들의 부모들이여, 이것이 그들이 우리에게 전하라고 당부한 말이며, 나 역시 내가 할 수 있는 한 가장 열성적으로 이를 전합니다.
καὶ αὐτὸς δέομαι ὑπὲρ ἐκείνων, τῶν μὲν μιμεῖσθαι τοὺς αὑτῶν, τῶν δὲ θαρρεῖν ὑπὲρ αὑτῶν, ὡς ἡμῶν καὶ ἰδίᾳ καὶ δημοσίᾳ γηροτροφησόντων ὑμᾶς καὶ ἐπιμελησομένων, ὅπου ἂν ἕκαστος ἑκάστῳ ἐντυγχάνῃ ὁτῳοῦν τῶν ἐκείνων.
그리고 나 자신도 그들을 대신하여 청합니다. 자녀들은 자신의 조상들을 모방하기를, 부모들은 스스로에 대해 기가 꺾이지 않기를. 왜냐하면 공적으로나 사적으로나, 우리의 누군가가 여러분 중 그들에게 속한 누구를 만나든 항상 여러분을 부양하고 돌볼 것이기 때문입니다.
§249ΣΩ. τῆς δὲ πόλεως ἴστε που καὶ αὐτοὶ τὴν ἐπιμέλειαν, ὅτι νόμους θεμένη περὶ τοὺς τῶν ἐν τῷ πολέμῳ τελευτησάντων παῖδάς τε καὶ γεννήτορας ἐπιμελεῖται, καὶ διαφερόντως τῶν ἄλλων πολιτῶν προστέτακται φυλάττειν ἀρχῇ ἥπερ μεγίστη ἐστίν, ὅπως ἂν οἱ τούτων μὴ ἀδικῶνται πατέρες τε καὶ μητέρες·
소크라테스: 국가의 돌봄에 대해서는 아마 여러분 자신도 알고 있을 것입니다. 국가는 전쟁에서 목숨을 바친 이들의 자녀와 부모에 관한 법률을 제정하여 그들을 돌보고 있으며, 다른 시민들과는 달리, 이들의 아버지와 어머니가 부당한 일을 당하지 않도록 최고위 관직, 즉 가장 중대한 관직에 그 감시를 특별히 지시해 두었습니다.
τοὺς δὲ παῖδας συνεκτρέφει αὐτή, προθυμουμένη ὅτι μάλιστʼ ἄδηλον αὐτοῖς τὴν ὀρφανίαν γενέσθαι, ἐν πατρὸς σχήματι καταστᾶσα αὐτοῖς αὐτὴ ἔτι τε παισὶν οὖσιν, καὶ ἐπειδὰν εἰς ἀνδρὸς τέλος ἴωσιν, ἀποπέμπει ἐπὶ τὰ σφέτερʼ αὐτῶν πανοπλίᾳ κοσμήσασα, ἐνδεικνυμένη καὶ ἀναμιμνῄσκουσα τὰ τοῦ πατρὸς ἐπιτηδεύματα ὄργανα τῆς πατρῴας ἀρετῆς διδοῦσα, καὶ ἅμα οἰωνοῦ χάριν ἄρχεσθαι ἰέναι ἐπὶ τὴν πατρῴαν ἑστίαν ἄρξοντα μετʼ ἰσχύος ὅπλοις κεκοσμημένον.
또한 자녀들을 공동으로 부양하여 그들의 고아 됨이 스스로에게 최대한 드러나지 않도록 애쓰며, 그들이 아직 아이일 동안에는 스스로 아버지의 모습으로 서 주고, 그들이 성인에 이르게 될 때에는 그 아버지의 덕의 도구인 갑주 일체를 입혀 장식해 주어 배웅합니다. 동시에 길한 징조를 바라며 무기로 무장한 힘 있는 모습으로 조상의 화로를 향해 집안을 다스리러 나아가기 시작하게 합니다.
αὐτοὺς δὲ τοὺς τελευτήσαντας τιμῶσα οὐδέποτε ἐκλείπει, καθʼ ἕκαστον ἐνιαυτὸν αὐτὴ τὰ νομιζόμενα ποιοῦσα κοινῇ πᾶσιν ἅπερ ἑκάστῳ ἰδίᾳ γίγνεται, πρὸς δὲ τούτοις ἀγῶνας γυμνικοὺς καὶ ἱππικοὺς τιθεῖσα καὶ μουσικῆς πάσης, καὶ ἀτεχνῶς τῶν μὲν τελευτησάντων ἐν κληρονόμου καὶ ὑέος μοίρᾳ καθεστηκυῖα, τῶν δὲ ὑέων ἐν πατρός, γονέων δὲ τῶν τούτων ἐν ἐπιτρόπου, πᾶσαν πάντων παρὰ πάντα τὸν χρόνον ἐπιμέλειαν ποιουμένη.
또한 죽은 이들 자체를 기리는 일도 결코 거르지 않고, 매년 국가가 공동으로 모든 이를 위해 개인이 각자 치러야 할 관례적인 일들을 행하며, 이에 더하여 체육, 승마, 그리고 모든 음악 경연을 개최합니다. 참으로 죽은 이들에 대해서는 상속인과 아들의 처지에 서고, 아들들에 대해서는 아버지의 처지에, 그 부모들에 대해서는 후견인의 처지에 서서, 항상 모든 이들에게 온갖 돌봄을 다하고 있습니다.
ὧν χρὴ ἐνθυμουμένους πρᾳότερον φέρειν τὴν συμφοράν·
여러분은 이 점을 마음에 새겨 불행을 더 온화하게 견뎌내야 합니다.
τοῖς τε γὰρ τελευτήσασι καὶ τοῖς ζῶσιν οὕτως ἂν προσφιλέστατοι εἶτε καὶ ῥᾷστοι θεραπεύειν τε καὶ θεραπεύεσθαι.
그렇게 해야만 여러분이 죽은 이들에게도 살아 있는 이들에게도 가장 사랑스러운 존재가 될 것이고, 가장 수월하게 돌봄을 베풀고 또한 받을 수 있을 것이기 때문입니다.
νῦν δὲ ἤδη ὑμεῖς τε καὶ οἱ ἄλλοι πάντες κοινῇ κατὰ τὸν νόμον τοὺς τετελευτηκότας ἀπολοφυράμενοι ἄπιτε.
이제 여러분과 다른 모든 이들은 법에 따라 공동으로 죽은 이들을 충분히 애도한 후에 떠나십시오.
οὗτός σοι ὁ λόγος, ὦ Μενέξενε, Ἀσπασίας τῆς Μιλησίας ἐστίν.
메네크세노스여, 이것이 밀레토스 출신 아스파시아가 그대를 위해 지은 연설입니다.
ΜΕΝ. νὴ Δία, ὦ Σώκρατες, μακαρίαν γε λέγεις τὴν Ἀσπασίαν, εἰ γυνὴ οὖσα τοιούτους λόγους οἵα τʼ ἐστὶ συντιθέναι.
메네: 제우스에 맹세코, 소크라테스, 아스파시아는 참으로 훌륭한 여성이군요. 여성이면서 어떻게 이런 연설을 지어낼 수 있단 말입니까.
ΣΩ. ἀλλʼ εἰ μὴ πιστεύεις, ἀκολούθει μετʼ ἐμοῦ, καὶ ἀκούσῃ αὐτῆς λεγούσης.
소크: 하지만 믿지 못하겠다면 나를 따라오십시오, 그녀가 직접 말하는 것을 들을 수 있을 것입니다.
ΜΕΝ. πολλάκις, ὦ Σώκρατες, ἐγὼ ἐντετύχηκα Ἀσπασίᾳ, καὶ οἶδα οἵα ἐστίν.
메네: 소크라테스, 나는 여러 번 아스파시아를 만난 적이 있고 그녀가 어떤 사람인지 알고 있습니다.
ΣΩ. τί οὖν;
소크: 그렇다면 어떻습니까?
οὐκ ἄγασαι αὐτὴν καὶ νῦν χάριν ἔχεις τοῦ λόγου αὐτῇ;
그녀를 찬탄하지 않고, 지금 이 연설에 대해 그녀에게 감사하지 않습니까?
ΜΕΝ. καὶ πολλήν γε, ὦ Σώκρατες, ἐγὼ χάριν ἔχω τούτου τοῦ λόγου ἐκείνῃ ἢ ἐκείνῳ ὅστις σοι ὁ εἰπών ἐστιν αὐτόν·
메네: 물론이죠, 소크라테스, 나는 이 연설에 대해 그녀에게, 혹은 그 연설을 당신에게 해 준 사람이 누구든 그에게 매우 감사합니다.
καὶ πρός γε ἄλλων πολλῶν χάριν ἔχω τῷ εἰπόντι.
그리고 더 나아가 이를 말해 준 당신에게도 감사합니다.
ΣΩ. εὖ ἂν ἔχοι·
소크: 좋군요.
ἀλλʼ ὅπως μου μὴ κατερεῖς, ἵνα καὶ αὖθίς σοι πολλοὺς καὶ καλοὺς λόγους παρʼ αὐτῆς πολιτικοὺς ἀπαγγέλλω.
하지만 내가 그녀로부터 들은 아름다운 정치적 연설을 다시금 그대에게 전할 수 있도록, 나를 고발하진 마십시오.
ΜΕΝ. θάρρει, οὐ κατερῶ·
메네: 걱정 마십시오, 고발하지 않겠습니다.
μόνον ἀπάγγελλε.
그저 전해 주기만 하십시오.
ΣΩ. ἀλλὰ ταῦτʼ ἔσται.
소크: 좋습니다, 그리하도록 하지요.