§320ΣΩ. ἐπεὶ Περικλῆς, ὁ τουτωνὶ τῶν νεανίσκων πατήρ, τούτους ἃ μὲν διδασκάλων εἴχετο καλῶς καὶ εὖ ἐπαίδευσεν, ἃ δὲ αὐτὸς σοφός ἐστιν οὔτε αὐτὸς παιδεύει οὔτε τῳ ἄλλῳ παραδίδωσιν, ἀλλʼ αὐτοὶ περιιόντες νέμονται ὥσπερ ἄφετοι, ἐάν που αὐτόματοι περιτύχωσιν τῇ ἀρετῇ.
소크라테스: “템페 페리클레스는, 이 젊은이들의 아버지인데, 스승에게 의존하는 일들에 대해서는 이들을 훌륭하고 멋지게 교육했지만, 자신이 지혜로운 부분에 대해서는 스스로 교육하지도 않고 다른 이에게 전수해주지도 않아서, 이들은 마치 고삐 풀린 가축처럼 돌아다니며 풀을 뜯다가 어디선가 스스로 우연히 덕과 마주치기만을 바라는 지경이라네.
εἰ δὲ βούλει, Κλεινίαν, τὸν Ἀλκιβιάδου τουτουῒ νεώτερον ἀδελφόν, ἐπιτροπεύων ὁ αὐτὸς οὗτος ἀνὴρ Περικλῆς, δεδιὼς περὶ αὐτοῦ μὴ διαφθαρῇ δὴ ὑπὸ Ἀλκιβιάδου, ἀποσπάσας ἀπὸ τούτου, καταθέμενος ἐν Ἀρίφρονος ἐπαίδευε· καὶ πρὶν ἓξ μῆνας γεγονέναι, ἀπέδωκε τούτῳ οὐκ ἔχων ὅτι χρήσαιτο αὐτῷ.
또 원한다면, 바로 그 인물인 페리클레스가 여기 있는 알키비아데스의 남동생인 클레이니아스의 후견인 노릇을 할 때, 그가 알키비아데스에게 물들어 망가지지나 않을까 걱정되어 그에게서 떼어내어 아리프론의 집에 맡겨 교육하려 했으나, 여섯 달이 채 지나기도 전에 그를 어떻게 다루어야 할지 몰라 그에게 되돌려 보낸 일도 있네.
καὶ ἄλλους σοι παμπόλλους ἔχω λέγειν, οἳ αὐτοὶ ἀγαθοὶ ὄντες οὐδένα πώποτε βελτίω ἐποίησαν οὔτε τῶν οἰκείων οὔτε τῶν ἀλλοτρίων.
그리고 나는 자네에게, 자신은 훌륭하면서도 집안사람이든 타인이든 그 누구도 결코 더 나은 사람으로 만들지 못한 사람들을 얼마든지 더 말해줄 수 있네.
ἐγὼ οὖν, ὦ Πρωταγόρα, εἰς ταῦτα ἀποβλέπων οὐχ ἡγοῦμαι διδακτὸν εἶναι ἀρετήν·
그러니 프로타고라스여, 나는 이러한 사실들을 지켜보며 덕이란 가르쳐질 수 있는 것이 아니라고 생각하네.
ἐπειδὴ δέ σου ἀκούω ταῦτα λέγοντος, κάμπτομαι καὶ οἶμαί τί σε λέγειν διὰ τὸ ἡγεῖσθαί σε πολλῶν μὲν ἔμπειρον γεγονέναι, πολλὰ δὲ μεμαθηκέναι, τὰ δὲ αὐτὸν ἐξηυρηκέναι.
하지만 자네가 그렇게 말하는 것을 들으니 마음이 흔들려 자네의 말에 일리가 있다고 생각하게 되는데, 자네는 많은 것을 경험했고 많은 것을 배웠으며 또 어떤 것들은 스스로 찾아냈을 것이라 믿기 때문이네.
εἰ οὖν ἔχεις ἐναργέστερον ἡμῖν ἐπιδεῖξαι ὡς διδακτόν ἐστιν ἡ ἀρετή, μὴ φθονήσῃς ἀλλʼ ἐπίδειξον. ἀλλʼ, ὦ Σώκρατες,
ἔφη,
οὐ φθονήσω·
그러니 만약 자네가 우리에게 덕이 가르쳐질 수 있는 것임을 더 명확하게 보여줄 수 있다면, 아끼지 말고 보여주게나.” “아, 소크라테스여,” 그가 말했네. “아끼지 않고 보여주겠네.
ἀλλὰ πότερον ὑμῖν, ὡς πρεσβύτερος νεωτέροις, μῦθον λέγων ἐπιδείξω ἢ λόγῳ διεξελθών; πολλοὶ οὖν αὐτῷ ὑπέλαβον τῶν παρακαθημένων ὁποτέρως βούλοιτο οὕτως διεξιέναι.
그런데 내가 연장자로서 젊은이들에게 하듯이, 신화를 들려주며 보여주는 것이 좋겠는가, 아니면 논증을 통해 설명해나가는 것이 좋겠는가?” 그러자 둘러앉아 있던 많은 이들이 그에게 어느 쪽이든 원하는 방식으로 설명해달라고 입을 모았네.
δοκεῖ τοίνυν μοι,
ἔφη,
χαριέστερον εἶναι μῦθον ὑμῖν λέγειν.
“그렇다면,” 그가 말했네. “자네들에게 신화를 들려주는 편이 더 흥미로울 것 같군.
ἦν γάρ ποτε χρόνος ὅτε θεοὶ μὲν ἦσαν, θνητὰ δὲ γένη οὐκ ἦν.
옛날에 신들은 존재했으나 죽어야 할 종족들은 존재하지 않던 시절이 있었네.
ἐπειδὴ δὲ καὶ τούτοις χρόνος ἦλθεν εἱμαρμένος γενέσεως, τυποῦσιν αὐτὰ θεοὶ γῆς ἔνδον ἐκ γῆς καὶ πυρὸς μείξαντες καὶ τῶν ὅσα πυρὶ καὶ γῇ κεράννυται.
그리고 이 종족들에게도 정해진 탄생의 때가 오자, 신들은 땅속에서 흙과 불, 그리고 불과 흙에 섞이는 온갖 것들을 혼합하여 이들을 빚어내었네.
ἐπειδὴ δʼ ἄγειν αὐτὰ πρὸς φῶς ἔμελλον, προσέταξαν Προμηθεῖ καὶ Ἐπιμηθεῖ κοσμῆσαί τε καὶ νεῖμαι δυνάμεις ἑκάστοις ὡς πρέπει.
그리하여 이들을 지상으로 인도하려 할 때, 신들은 프로메테우스와 에피메테우스에게 각각에게 어울리게 능력을 갖추어주고 나누어주라고 명령했네.
Προμηθέα δὲ παραιτεῖται Ἐπιμηθεὺς αὐτὸς νεῖμαι,
νείμαντος δέ μου,
ἔφη,
ἐπίσκεψαι· καὶ οὕτω πείσας νέμει.
그런데 에피메테우스가 프로메테우스에게 자신이 직접 배분하겠다고 청하며 말했네. ‘내가 배분할 테니, 자네는 검사해 주게나.’ 이처럼 그를 설득하고는 배분을 시작했네.
νέμων δὲ τοῖς μὲν ἰσχὺν ἄνευ τάχους προσῆπτεν, τοὺς δʼ ἀσθενεστέρους τάχει ἐκόσμει·
배분을 하면서 그는 한편에게는 빠르기가 없는 힘을 부여하고, 다른 약한 쪽에는 빠르기를 갖추어 주었네.
τοὺς δὲ ὥπλιζε, τοῖς δʼ ἄοπλον διδοὺς φύσιν ἄλλην τινʼ αὐτοῖς ἐμηχανᾶτο δύναμιν εἰς σωτηρίαν.
또한 어떤 이들에게는 무기를 달아주었고, 무기 없는 천성을 준 이들에게는 생존을 위한 또 다른 능력을 고안해 주었네.
§321ΣΩ.
ἃ μὲν γὰρ αὐτῶν σμικρότητι ἤμπισχεν, πτηνὸν φυγὴν ἢ κατάγειον οἴκησιν ἔνεμεν· ἃ δὲ ηὖξε μεγέθει, τῷδε αὐτῷ αὐτὰ ἔσῳζεν·
그는 몸집이 작게 입혀진 것들에게는 날개를 통한 도피나 지하의 거처를 배분해주었고, 몸집을 크게 키운 것들에게는 바로 그 크기 자체로 이들을 보호해주었네.
καὶ τἆλλα οὕτως ἐπανισῶν ἔνεμεν.
다른 것들도 이처럼 균형을 맞추어가며 배분했네.
ταῦτα δὲ ἐμηχανᾶτο εὐλάβειαν ἔχων μή τι γένος ἀϊστωθείη·
이처럼 고안해낸 것은 어떤 종족도 멸종되지 않도록 조심했기 때문이라네.
ἐπειδὴ δὲ αὐτοῖς ἀλληλοφθοριῶν διαφυγὰς ἐπήρκεσε, πρὸς τὰς ἐκ Διὸς ὥρας εὐμάρειαν ἐμηχανᾶτο ἀμφιεννὺς αὐτὰ πυκναῖς τε θριξὶν καὶ στερεοῖς δέρμασιν, ἱκανοῖς μὲν ἀμῦναι χειμῶνα, δυνατοῖς δὲ καὶ καύματα, καὶ εἰς εὐνὰς ἰοῦσιν ὅπως ὑπάρχοι τὰ αὐτὰ ταῦτα στρωμνὴ οἰκεία τε καὶ αὐτοφυὴς ἑκάστῳ·
그리하여 서로에게 죽임을 당하는 것을 피할 대책을 충분히 마련해주고 나서는, 제우스가 내리는 기후에 대처할 편의를 고안하여 이들에게 촘촘한 털과 질긴 가죽을 덧입혀주었으니, 이는 겨울을 막아내기에 충분할 뿐만 아니라 더위에도 견딜 수 있으며, 잠자리에 들 때에는 바로 이것들이 각자에게 고유하고 천연적인 침구가 되도록 하기 위함이었네.
καὶ ὑποδῶν τὰ μὲν ὁπλαῖς, τὰ δὲ δέρμασιν στερεοῖς καὶ ἀναίμοις.
또한 어떤 것들의 발에는 발굽을 신겨주고, 다른 것들에는 질지고 피가 통하지 않는 가죽을 신겨주었네.
τοὐντεῦθεν τροφὰς ἄλλοις ἄλλας ἐξεπόριζεν, τοῖς μὲν ἐκ γῆς βοτάνην, ἄλλοις δὲ δένδρων καρπούς, τοῖς δὲ ῥίζας·
그다음에는 저마다 다른 먹이를 마련해주었으니, 어떤 것들에게는 땅에서 나는 풀을, 다른 것들에게는 나무 열매를, 또 다른 것들에게는 뿌리를 주었네.
ἔστι δʼ οἷς ἔδωκεν εἶναι τροφὴν ζῴων ἄλλων βοράν·
그리고 어떤 것들에게는 다른 동물을 먹이로 삼도록 해주었네.
καὶ τοῖς μὲν ὀλιγογονίαν προσῆψε, τοῖς δʼ ἀναλισκομένοις ὑπὸ τούτων πολυγονίαν, σωτηρίαν τῷ γένει πορίζων.
그리고 이들에게는 적게 낳는 능력을 준 반면, 이들에게 잡아먹히는 것들에게는 많이 낳는 능력을 주어, 종족의 보존을 꾀했네.
ἅτε δὴ οὖν οὐ πάνυ τι σοφὸς ὢν ὁ Ἐπιμηθεὺς ἔλαθεν αὑτὸν καταναλώσας τὰς δυνάμεις εἰς τὰ ἄλογα·
그러나 에피메테우스는 그다지 지혜롭지 못하여, 자신도 모르는 사이에 능력을 이성 없는 동물들에게 전부 소진해버리고 말았네.
λοιπὸν δὴ ἀκόσμητον ἔτι αὐτῷ ἦν τὸ ἀνθρώπων γένος, καὶ ἠπόρει ὅτι χρήσαιτο.
그리하여 그에게는 인간 종족만이 아직 아무런 치장도 받지 못한 채 남아 있었고, 그는 이를 어떻게 다루어야 할지 쩔쩔매고 있었네.
ἀποροῦντι δὲ αὐτῷ ἔρχεται Προμηθεὺς ἐπισκεψόμενος τὴν νομήν, καὶ ὁρᾷ τὰ μὲν ἄλλα ζῷα ἐμμελῶς πάντων ἔχοντα, τὸν δὲ ἄνθρωπον γυμνόν τε καὶ ἀνυπόδητον καὶ ἄστρωτον καὶ ἄοπλον·
그가 난감해하고 있을 때 프로메테우스가 배분 상태를 검사하러 찾아와서 보니, 다른 동물들은 모든 것을 조화롭게 갖추고 있는데 인간만은 벌거벗고, 신도 신지 못했으며, 깔개도 없고, 무기도 없는 상태였네.
ἤδη δὲ καὶ ἡ εἱμαρμένη ἡμέρα παρῆν, ἐν ᾗ ἔδει καὶ ἄνθρωπον ἐξιέναι ἐκ γῆς εἰς φῶς.
게다가 이미 정해진 날이 닥쳐와, 그날에는 인간 역시 땅속에서 빛이 있는 곳으로 나아가야만 했네.
ἀπορίᾳ οὖν σχόμενος ὁ Προμηθεὺς ἥντινα σωτηρίαν τῷ ἀνθρώπῳ εὕροι, κλέπτει Ἡφαίστου καὶ Ἀθηνᾶς τὴν ἔντεχνον σοφίαν σὺν πυρί—ἀμήχανον γὰρ ἦν ἄνευ πυρὸς αὐτὴν κτητήν τῳ ἢ χρησίμην γενέσθαι—καὶ οὕτω δὴ δωρεῖται ἀνθρώπῳ.
그러므로 어떻게 하면 인간에게 생존 대책을 마련해줄 수 있을지 궁지에 몰린 프로메테우스는, 헤파이토스와 아테나로부터 불과 함께 기술적 지혜를 훔쳐내었네. 불이 없이는 그것이 누군가에게 습득될 수도, 유용하게 쓰일 수도 없기 때문이었지. 그리하여 이를 인간에게 선물로 주었네.
τὴν μὲν οὖν περὶ τὸν βίον σοφίαν ἄνθρωπος ταύτῃ ἔσχεν, τὴν δὲ πολιτικὴν οὐκ εἶχεν· ἦν γὰρ παρὰ τῷ Διί.
이리하여 인간은 생활에 필요한 지혜를 이런 식으로 얻게 되었으나, 정치적 지혜는 가지지 못했으니, 그것은 제우스 곁에 있었기 때문이네.
τῷ δὲ Προμηθεῖ εἰς μὲν τὴν ἀκρόπολιν τὴν τοῦ Διὸς οἴκησιν οὐκέτι ἐνεχώρει εἰσελθεῖν—πρὸς δὲ καὶ αἱ Διὸς φυλακαὶ φοβεραὶ ἦσαν—εἰς δὲ τὸ τῆς Ἀθηνᾶς καὶ Ἡφαίστου οἴκημα τὸ κοινόν, ἐν ᾧ ἐφιλοτεχνείτην, λαθὼν εἰσέρχεται, καὶ κλέψας τήν τε ἔμπυρον τέχνην τὴν τοῦ Ἡφαίστου καὶ τὴν ἄλλην τὴν τῆς Ἀθηνᾶς δίδωσιν ἀνθρώπῳ, καὶ ἐκ τούτου εὐπορία μὲν ἀνθρώπῳ τοῦ βίου γίγνεται, Προμηθέα δὲ διʼ Ἐπιμηθέα ὕστερον, ᾗπερ λέγεται, κλοπῆς δίκη μετῆλθεν.
프로메테우스로서는 제우스의 처소인 아크로폴리스에는 더 이상 들어갈 수 없었고, 게다가 제우스의 경비병들도 두려운 존재들이었으나, 아테나와 헤파이스토스가 함께 기술을 연구하던 공동의 작업장에는 눈에 띄지 않고 들어갈 수 있었네. 그리하여 헤파이스토스의 불을 사용하는 기술과 아테나의 다른 기술을 훔쳐내어 인간에게 주었으니, 이로써 인간에게 삶의 풍요가 생겨나게 되었고, 프로메테우스에게는 나중에 에피메테우스 탓에, 이야기되는 것처럼 절도죄에 대한 처벌이 내려지게 되었다네.”