§258ΣΩ. οὐ μανθάνεις ὅτι ἐν ἀρχῇ ἀνδρὸς πολιτικοῦ πρῶτος ὁ ἐπαινέτης γέγραπται.
소크라테스: 자네는 정치가의 글의 초두에 무엇보다 먼저 그를 찬양하는 기안자의 이름이 적혀 있다는 것을 모르는가?
ΦΑΙ. πῶς;
파이드로스: 어떻게 말입니까?
ΣΩ.
ἔδοξέ
πού φησιν
τῇ βουλῇ
ἢ
τῷ δήμῳ
ἢ ἀμφοτέροις, καὶ
ὃς καὶ ὃς εἶπεν
—τὸν αὑτὸν δὴ λέγων μάλα σεμνῶς καὶ ἐγκωμιάζων ὁ συγγραφεύς—ἔπειτα λέγει δὴ μετὰ τοῦτο, ἐπιδεικνύμενος τοῖς ἐπαινέταις τὴν ἑαυτοῦ σοφίαν, ἐνίοτε πάνυ μακρὸν ποιησάμενος σύγγραμμα·
소크라테스: "평의회나 민회, 혹은 양자 모두에게 결의되었다"라고 어딘가에 적혀 있고, "그리고 아무개가 제안했다"라고 하네. 여기서 집필자는 실로 엄숙하게 자기 자신을 가리키며 찬양하는 것인데, 그런 다음에 그는 자신을 찬양해 주는 이들에게 자신의 지혜를 과시하면서, 때로는 아주 긴 저술을 만들어 말을 이어 나간다네.
ἤ σοι ἄλλο τι φαίνεται τὸ τοιοῦτον ἢ λόγος συγγεγραμμένος;
자네에게 이러한 것이 기록된 연설 이외의 다른 어떤 것으로 보이나?
ΦΑΙ. οὐκ ἔμοιγε.
파이드로스: 저에게는 그렇지 않습니다.
ΣΩ. οὐκοῦν ἐὰν μὲν οὗτος ἐμμένῃ, γεγηθὼς ἀπέρχεται ἐκ τοῦ θεάτρου ὁ ποιητής·
소크라테스: 그러므로 만일 이 결의안이 그대로 유지된다면, 그 시인은 기뻐하며 극장(민회)을 떠난다네.
ἐὰν δὲ ἐξαλειφθῇ καὶ ἄμοιρος γένηται λογογραφίας τε καὶ τοῦ ἄξιος εἶναι συγγράφειν, πενθεῖ αὐτός τε καὶ οἱ ἑταῖροι.
하지만 만일 그것이 지워져 연설 기안의 기회와 저술을 남길 자격을 잃게 된다면, 그 자신과 동료들은 슬퍼한다네.
ΦΑΙ. καὶ μάλα.
파이드로스: 참으로 그렇습니다.
ΣΩ. δῆλόν γε ὅτι οὐχ ὡς ὑπερφρονοῦντες τοῦ ἐπιτηδεύματος, ἀλλʼ ὡς τεθαυμακότες.
소크라테스: 그들이 그렇게 행동하는 것은 분명 그 일을 경멸해서가 아니라, 도리어 찬탄하기 때문이겠군.
ΦΑΙ. πάνυ μὲν οὖν.
파이드로스: 전적으로 그렇습니다.
ΣΩ. τί δέ;
소크라테스: 그렇다면 어떤가?
ὅταν ἱκανὸς γένηται ῥήτωρ ἢ βασιλεύς, ὥστε λαβὼν τὴν Λυκούργου ἢ Σόλωνος ἢ Δαρείου δύναμιν ἀθάνατος γενέσθαι λογογράφος ἐν πόλει, ἆρʼ οὐκ ἰσόθεον ἡγεῖται αὐτός τε αὑτὸν ἔτι ζῶν, καὶ οἱ ἔπειτα γιγνόμενοι ταὐτὰ ταῦτα περὶ αὐτοῦ νομίζουσι, θεώμενοι αὐτοῦ τὰ συγγράμματα;
연설가나 왕이 유능해져서 뤼쿠르고스나 솔론이나 다레이오스의 힘을 손에 넣어 나라에서 불멸의 연설 작가가 될 때, 그는 살아 있는 동안에도 스스로를 신과 같다고 여기지 않겠는가? 그리고 후세에 태어나는 이들 역시 그의 저술들을 바라보며 그에 대해 똑같이 생각하지 않겠는가?
ΦΑΙ. καὶ μάλα.
파이드로스: 참으로 그렇습니다.
ΣΩ. οἴει τινὰ οὖν τῶν τοιούτων, ὅστις καὶ ὁπωστιοῦν δύσνους Λυσίᾳ, ὀνειδίζειν αὐτὸ τοῦτο ὅτι συγγράφει;
소크라테스: 그렇다면 그러한 인물들 가운데 뤼시아스에게 조금이라도 악의를 품은 자가, 그가 저술을 남긴다는 바로 이 사실을 두고 비난하겠는가?
ΦΑΙ. οὔκουν εἰκός γε ἐξ ὧν σὺ λέγεις·
파이드로스: 당신의 말씀으로 보아 그럴 리가 없습니다.
καὶ γὰρ ἂν τῇ ἑαυτοῦ ἐπιθυμίᾳ, ὡς ἔοικεν, ὀνειδίζοι.
그렇게 한다면 그 또한 자기 자신의 욕망을 비난하는 셈이 될 테니까요.
ΣΩ. τοῦτο μὲν ἄρα παντὶ δῆλον, ὅτι οὐκ αἰσχρὸν αὐτό γε τὸ γράφειν λόγους.
소크라테스: 그렇다면 연설을 쓴다는 것 자체는 결코 부끄러운 일이 아니라는 사실이 누구에게나 분명하네.
ΦΑΙ. τί γάρ;
파이드로스: 그렇지요, 당연합니다.
ΣΩ. ἀλλʼ ἐκεῖνο οἶμαι αἰσχρὸν ἤδη, τὸ μὴ καλῶς λέγειν τε καὶ γράφειν ἀλλʼ αἰσχρῶς τε καὶ κακῶς.
소크라테스: 오히려 실로 부끄러운 일은 아름답게 말하고 쓰지 못하고 부끄럽고 서툴게 쓰는 것이라고 나는 생각하네.
ΦΑΙ. δῆλον δή.
파이드로스: 분명 그렇습니다.
ΣΩ. τίς οὖν ὁ τρόπος τοῦ καλῶς τε καὶ μὴ γράφειν;
소크라테스: 그렇다면 아름답게 쓰는 것과 그렇지 못한 것의 방법이란 무엇인가?
δεόμεθά τι, ὦ Φαῖδρε, Λυσίαν τε περὶ τούτων ἐξετάσαι καὶ ἄλλον ὅστις πώποτέ τι γέγραφεν ἢ γράψει, εἴτε πολιτικὸν σύγγραμμα εἴτε ἰδιωτικόν, ἐν μέτρῳ ὡς ποιητὴς ἢ ἄνευ μέτρου ὡς ἰδιώτης;
파이드로스여, 우리는 이에 대해 뤼시아스나 혹은 일찍이 무언가를 썼거나 앞으로 쓸 다른 누군가를 두고, 그것이 정치적인 저술이든 사적인 저술이든, 시인처럼 운율이 있는 것이든 일반인처럼 운율이 없는 것이든 음미해 볼 필요가 있지 않겠는가?
ΦΑΙ. ἐρωτᾷς εἰ δεόμεθα;
파이드로스: 필요가 있느냐고 물으십니까?
τίνος μὲν οὖν ἕνεκα κἄν τις ὡς εἰπεῖν ζῴη, ἀλλʼ ἢ τῶν τοιούτων ἡδονῶν ἕνεκα;
말하자면 이와 같은 즐거움들이 아니라면 도대체 무엇 때문에 살겠습니까?
οὐ γάρ που ἐκείνων γε ὧν προλυπηθῆναι δεῖ ἢ μηδὲ ἡσθῆναι, ὃ δὴ ὀλίγου πᾶσαι αἱ περὶ τὸ σῶμα ἡδοναὶ ἔχουσι·
먼저 고통을 겪어야만 하거나 그렇지 않으면 누릴 수 없는 그런 종류의 즐거움, 즉 육체에 관한 거의 모든 즐거움이 지니고 있는 그런 특징을 가진 것들 때문에 사는 것은 아닐 테니 말입니다.
διὸ καὶ δικαίως ἀνδραποδώδεις κέκληνται.
그렇기에 그것들은 마땅히 노예적이라고 불리는 것이겠지요.
§259ΣΩ. σχολὴ μὲν δή, ὡς ἔοικε·
소크라테스: 보아하니 시간은 충분한 것 같네.
καὶ ἅμα μοι δοκοῦσιν ὡς ἐν τῷ πνίγει ὑπὲρ κεφαλῆς ἡμῶν οἱ τέττιγες ᾁδοντες καὶ ἀλλήλοις διαλεγόμενοι καθορᾶν καὶ ἡμᾶς.
그리고 동시에 이 무더위 속에 우리 머리 위에서 노래하며 서로 이야기를 나누는 매미들이 우리를 내려다보고 있는 듯하네.
εἰ οὖν ἴδοιεν καὶ νὼ καθάπερ τοὺς πολλοὺς ἐν μεσημβρίᾳ μὴ διαλεγομένους ἀλλὰ νυστάζοντας καὶ κηλουμένους ὑφʼ αὑτῶν διʼ ἀργίαν τῆς διανοίας, δικαίως ἂν καταγελῷεν, ἡγούμενοι ἀνδράποδʼ ἄττα σφίσιν ἐλθόντα εἰς τὸ καταγώγιον ὥσπερ προβάτια μεσημβριάζοντα περὶ τὴν κρήνην εὕδειν·
만일 저들이 우리 두 사람마저 대다수 사람들처럼 한낮에 토론하지 않고, 생각의 게으름 탓에 저들의 노랫소리에 홀려 졸고 있는 모습을 본다면 마땅히 비웃을 것이네. 자신들의 휴식처에 찾아온 일종의 노예들이 마치 샘터에서 한낮의 잠에 빠진 양떼처럼 잠들어 있다고 여길 테니 말일세.
ἐὰν δὲ ὁρῶσι διαλεγομένους καὶ παραπλέοντάς σφας ὥσπερ Σειρῆνας ἀκηλήτους, ὃ γέρας παρὰ θεῶν ἔχουσιν ἀνθρώποις διδόναι, τάχʼ ἂν δοῖεν ἀγασθέντες.
하지만 만일 우리가 토론을 이어 나가며, 저들을 마치 세이렌을 홀리지 않고 스쳐 가듯 스쳐 지나가는 것을 본다면, 저들이 신들에게서 받아 인간들에게 나누어 주도록 되어 있는 그 특권을 찬탄한 나머지 우리에게 베풀어 줄지도 모르네.
ΦΑΙ. ἔχουσι δὲ δὴ τί τοῦτο;
파이드로스: 저들이 가지고 있는 그 특권이란 도대체 무엇입니까?
ἀνήκοος γάρ, ὡς ἔοικε, τυγχάνω ὤν.
아무래도 저는 들어 본 적이 없는 것 같습니다.
ΣΩ. οὐ μὲν δὴ πρέπει γε φιλόμουσον ἄνδρα τῶν τοιούτων ἀνήκοον εἶναι.
소크라테스: 무사를 사랑하는 이가 그러한 일을 들어 보지 못했다는 것은 참으로 어울리지 않는군.
λέγεται δʼ ὥς ποτʼ ἦσαν οὗτοι ἄνθρωποι τῶν πρὶν μούσας γεγονέναι, γενομένων δὲ Μουσῶν καὶ φανείσης ᾠδῆς οὕτως ἄρα τινὲς τῶν τότε ἐξεπλάγησαν ὑφʼ ἡδονῆς, ὥστε ᾁδοντες ἠμέλησαν σίτων τε καὶ ποτῶν, καὶ ἔλαθον τελευτήσαντες αὑτούς·
전해지는 바로는, 이들은 무사들이 태어나기 이전의 시대에는 인간들이었다고 하네. 그러나 무사들이 태어나고 노랫소리가 나타나자, 당시의 사람들 중 어떤 이들은 즐거움에 너무나 크게 매료된 나머지 노래 부르느라 먹고 마시는 것도 잊어버렸고, 스스로 죽어 가고 있다는 사실조차 깨닫지 못했다네.
ἐξ ὧν τὸ τεττίγων γένος μετʼ ἐκεῖνο φύεται, γέρας τοῦτο παρὰ Μουσῶν λαβόν, μηδὲν τροφῆς δεῖσθαι γενόμενον, ἀλλʼ ἄσιτόν τε καὶ ἄποτον εὐθὺς ᾁδειν, ἕως ἂν τελευτήσῃ, καὶ μετὰ ταῦτα ἐλθὸν παρὰ μούσας ἀπαγγέλλειν τίς τίνα αὐτῶν τιμᾷ τῶν ἐνθάδε.
그들로부터 그 후에 매미의 종족이 자라났는데, 이들은 무사들로부터 이러한 특권을 받았다네. 즉, 태어나서부터 아무런 양분도 필요로 하지 않고, 먹지도 마시지도 않은 채 죽을 때까지 곧바로 노래할 수 있으며, 죽은 뒤에는 무사들에게로 가서 이곳에 있는 이들 중 누가 누구를 공경하는지 보고하는 것이라네.
Τερψιχόρᾳ μὲν οὖν τοὺς ἐν τοῖς χοροῖς τετιμηκότας αὐτὴν ἀπαγγέλλοντες ποιοῦσι προσφιλεστέρους, τῇ δὲ Ἐρατοῖ τοὺς ἐν τοῖς ἐρωτικοῖς, καὶ ταῖς ἄλλαις οὕτως, κατὰ τὸ εἶδος ἑκάστης τιμῆς·
그리하여 테르프시코레에게는 춤으로 그녀를 공경한 자들을 보고하여 그들을 더 사랑받게 만들고, 에라토에게는 사랑의 일들로 그녀를 공경한 자들을 보고하며, 다른 무사들에게도 각자의 공경의 형태에 따라 이와 같이 보고한다네.
τῇ δὲ πρεσβυτάτῃ Καλλιόπῃ καὶ τῇ μετʼ αὐτὴν Οὐρανίᾳ τοὺς ἐν φιλοσοφίᾳ διάγοντάς τε καὶ τιμῶντας τὴν ἐκείνων μουσικὴν ἀγγέλλουσιν, αἳ δὴ μάλιστα τῶν Μουσῶν περί τε οὐρανὸν καὶ λόγους οὖσαι θείους τε καὶ ἀνθρωπίνους ἱᾶσιν καλλίστην φωνήν.
그리고 가장 나이 많은 칼리오페와 그 다음인 우라니아에게는 철학 속에서 살아가며 그녀들의 문예를 공경하는 자들을 보고한다네. 이 두 무사야말로 무사들 중에서도 특히 하늘과 신적이고 인간적인 말글에 관계하며 가장 아름다운 목소리를 내기 때문이라네.
πολλῶν δὴ οὖν ἕνεκα λεκτέον τι καὶ οὐ καθευδητέον ἐν τῇ μεσημβρίᾳ.
그러니 여러 가지 이유에서 우리는 무언가를 이야기해야지, 한낮에 잠들어서는 안 되네.
ΦΑΙ. λεκτέον γὰρ οὖν.
파이드로스: 참으로 이야기해야 하고말고요.
ΣΩ. οὐκοῦν, ὅπερ νῦν προυθέμεθα σκέψασθαι, τὸν λόγον ὅπῃ καλῶς ἔχει λέγειν τε καὶ γράφειν καὶ ὅπῃ μή, σκεπτέον.
소크라테스: 그렇다면 우리가 방금 검토해 보기로 제안했던 일, 즉 말글이 어떻게 쓰이고 말해져야 아름답고, 어떻게 그렇지 않은지에 대해 검토해 보아야겠군.
ΦΑΙ. δῆλον.
파이드로스: 분명합니다.
ΣΩ. ἆρʼ οὖν οὐχ ὑπάρχειν δεῖ τοῖς εὖ γε καὶ καλῶς ῥηθησομένοις τὴν τοῦ λέγοντος διάνοιαν εἰδυῖαν τὸ ἀληθὲς ὧν ἂν ἐρεῖν πέρι μέλλῃ;
소크라테스: 그렇다면 훌륭하고 아름답게 말해지기 위해서는, 말하는 이의 지성에 자기가 말하고자 하는 바에 대한 진리를 아는 지식이 미리 갖추어져 있어야 하지 않겠는가?