§220πρῶτον μὲν οὖν τοῖς πόνοις οὐ μόνον ἐμοῦ περιῆν, ἀλλὰ καὶ τῶν ἄλλων ἁπάντων—ὁπότʼ ἀναγκασθεῖμεν ἀποληφθέντες που, οἷα δὴ ἐπὶ στρατείας, ἀσιτεῖν, οὐδὲν ἦσαν οἱ ἄλλοι πρὸς τὸ καρτερεῖν—ἔν τʼ αὖ ταῖς εὐωχίαις μόνος ἀπολαύειν οἷός τʼ ἦν τά τʼ ἄλλα καὶ πίνειν οὐκ ἐθέλων, ὁπότε ἀναγκασθείη, πάντας ἐκράτει, καὶ ὃ πάντων θαυμαστότατον, Σωκράτη μεθύοντα οὐδεὶς πώποτε ἑώρακεν ἀνθρώπων.
"먼저, 고초를 겪는 일에 있어서 그는 나뿐만 아니라 다른 모든 이들보다 뛰어났소. 행군 중에 으레 겪는 일이듯 어딘가에 고립되어 식사를 거를 수밖에 없었을 때, 다른 이들은 그 고통을 견디는 데 있어서 그와 비교조차 되지 않았소. 또한 반대로 축제 때에는 그가 다른 이들보다 유독 즐길 줄 아는 유일한 사람이었으며, 마시기 싫은데도 억지로 마셔야 할 때면 모든 이들을 압도했소. 그리고 무엇보다 놀라운 것은, 소크라테스가 취한 모습을 본 사람은 지금까지 아무도 없다는 점이오.
τούτου μὲν οὖν μοι δοκεῖ καὶ αὐτίκα ὁ ἔλεγχος ἔσεσθαι.
이에 대해서는 내 생각에 머지않아 시험해 볼 기회가 있을 것이오.
πρὸς δὲ αὖ τὰς τοῦ χειμῶνος καρτερήσεις —δεινοὶ γὰρ αὐτόθι χειμῶνες—θαυμάσια ἠργάζετο τά τε ἄλλα, καί ποτε ὄντος πάγου οἵου δεινοτάτου, καὶ πάντων ἢ οὐκ ἐξιόντων ἔνδοθεν, ἢ εἴ τις ἐξίοι, ἠμφιεσμένων τε θαυμαστὰ δὴ ὅσα καὶ ὑποδεδεμένων καὶ ἐνειλιγμένων τοὺς πόδας εἰς πίλους καὶ ἀρνακίδας, οὗτος δʼ ἐν τούτοις ἐξῄει ἔχων ἱμάτιον μὲν τοιοῦτον οἷόνπερ καὶ πρότερον εἰώθει φορεῖν, ἀνυπόδητος δὲ διὰ τοῦ κρυστάλλου ῥᾷον ἐπορεύετο ἢ οἱ ἄλλοι ὑποδεδεμένοι, οἱ δὲ στρατιῶται ὑπέβλεπον αὐτὸν ὡς καταφρονοῦντα σφῶν.
또한 겨울의 추위를 견디는 일에 관해서도—그곳의 겨울은 참으로 혹독했기에—그는 다른 면에서도 놀라운 일들을 해냈소. 한번은 극심한 얼음판이 형성되어 모두가 안에서 밖으로 나오지 않거나, 혹 밖으로 나오는 자가 있더라도 믿을 수 없을 만큼 많이 껴입고 신발을 신고 발을 양털과 모피로 감싸고 있었는데, 그는 이러한 상황 속에서 평소에 입던 것과 다름없는 외투를 입고 밖으로 나갔으며, 맨발로 얼음 위를 신발을 신은 다른 이들보다 더 수월하게 걸어 다녔소. 군사들은 그가 자신들을 경멸하는 듯이 여겨 그를 흘겨보았소.
καὶ ταῦτα μὲν δὴ ταῦτα·
이 일들은 참으로 그러했소.
"
οἷον δʼ αὖ τόδʼ ἔρεξε καὶ ἔτλη καρτερὸς ἀνὴρ
"
ἐκεῖ ποτε ἐπὶ στρατιᾶς, ἄξιον ἀκοῦσαι.
'또한 이 강인한 사내가 그곳에서, 행군 중에 행하고 견뎌낸 일은 어떠했던가' 하는 것도 들을 만한 가치가 있소.
συννοήσας γὰρ αὐτόθι ἕωθέν τι εἱστήκει σκοπῶν, καὶ ἐπειδὴ οὐ προυχώρει αὐτῷ, οὐκ ἀνίει ἀλλὰ εἱστήκει ζητῶν.
그는 그곳에서 아침부터 무언가를 생각하며 꼼짝 않고 서서 사색에 잠겨 있었는데, 해결이 되지 않자 포기하지 않고 계속해서 탐구하며 서 있었소.
καὶ ἤδη ἦν μεσημβρία, καὶ ἅνθρωποι ᾐσθάνοντο, καὶ θαυμάζοντες ἄλλος ἄλλῳ ἔλεγεν ὅτι Σωκράτης ἐξ ἑωθινοῦ φροντίζων τι ἕστηκε.
이미 한낮이 되었고, 사람들은 이를 알아차렸소. 그들은 신기해하며 소크라테스가 아침부터 무언가를 궁리하며 서 있다고 서로 이야기했소.
τελευτῶντες δέ τινες τῶν Ἰώνων, ἐπειδὴ ἑσπέρα ἦν, δειπνήσαντες—καὶ γὰρ θέρος τότε γʼ ἦν—χαμεύνια ἐξενεγκάμενοι ἅμα μὲν ἐν τῷ ψύχει καθηῦδον, ἅμα δʼ ἐφύλαττον αὐτὸν εἰ καὶ τὴν νύκτα ἑστήξοι.
마침내 이오니아인들 중 몇몇이 저녁이 되어 식사를 마치고— 그때는 여름이었기에—돗자리를 밖으로 가지고 나와 시원한 곳에서 잠을 자는 동시에, 그가 밤새도록 서 있을지 지켜보았소.
ὁ δὲ εἱστήκει μέχρι ἕως ἐγένετο καὶ ἥλιος ἀνέσχεν·
그런데 그는 아침이 오고 해가 뜰 때까지 서 있었소.
ἔπειτα ᾤχετʼ ἀπιὼν προσευξάμενος τῷ ἡλίῳ.
그러고 나서 해를 향해 기도를 드린 뒤 떠나갔소.
εἰ δὲ βούλεσθε ἐν ταῖς μάχαις—τοῦτο γὰρ δὴ δίκαιόν γε αὐτῷ ἀποδοῦναι—ὅτε γὰρ ἡ μάχη ἦν ἐξ ἧς ἐμοὶ καὶ τἀριστεῖα ἔδοσαν οἱ στρατηγοί, οὐδεὶς ἄλλος ἐμὲ ἔσωσεν ἀνθρώπων ἢ οὗτος, τετρωμένον οὐκ ἐθέλων ἀπολιπεῖν, ἀλλὰ συνδιέσωσε καὶ τὰ ὅπλα καὶ αὐτὸν ἐμέ.
만일 여러분이 전투에서의 그의 모습을 알고자 한다면—이것은 참으로 그에게 당연히 돌려주어야 할 증언이오—장군들이 내게 무공 훈장을 주었던 그 전투가 있었을 때, 나를 구한 사람은 이 사내 외에는 아무도 없었소. 그는 부상당한 나를 버려두려 하지 않고, 내 무구와 나 자신을 함께 구해냈소.
καὶ ἐγὼ μέν, ὦ Σώκρατες, καὶ τότε ἐκέλευον σοὶ διδόναι τἀριστεῖα τοὺς στρατηγούς, καὶ τοῦτό γέ μοι οὔτε μέμψῃ οὔτε ἐρεῖς ὅτι ψεύδομαι·
소크라테스여, 나는 그때도 장군들에게 당신에게 무공 훈장을 주라고 요구했소. 이 점에 관해서는 당신도 나를 비난하지 않을 것이며 내가 거짓말을 한다고 말하지도 못할 것이오.
ἀλλὰ γὰρ τῶν στρατηγῶν πρὸς τὸ ἐμὸν ἀξίωμα ἀποβλεπόντων καὶ βουλομένων ἐμοὶ διδόναι τἀριστεῖα, αὐτὸς προθυμότερος ἐγένου τῶν στρατηγῶν ἐμὲ λαβεῖν ἢ σαυτόν.
하지만 장군들이 나의 가문을 고려하여 내게 무공 훈장을 주고자 했을 때, 당신 스스로 장군보다 더 열성적으로 내가 그것을 받도록 힘썼소, 자신보다 말이오.
§221ἔτι τοίνυν, ὦ ἄνδρες, ἄξιον ἦν θεάσασθαι Σωκράτη, ὅτε ἀπὸ Δηλίου φυγῇ ἀνεχώρει τὸ στρατόπεδον·
나아가 여러분, 델리온에서 군대가 패주하여 물러날 때 소크라테스의 모습은 참으로 볼만했소.
ἔτυχον γὰρ παραγενόμενος ἵππον ἔχων, οὗτος δὲ ὅπλα.
나는 마침 말을 타고 있었고 그는 중장보병으로 그 자리에 있었소.
ἀνεχώρει οὖν ἐσκεδασμένων ἤδη τῶν ἀνθρώπων οὗτός τε ἅμα καὶ Λάχης·
이미 군사들이 뿔뿔이 흩어졌을 때 그와 라케스가 함께 물러나고 있었소.
καὶ ἐγὼ περιτυγχάνω, καὶ ἰδὼν εὐθὺς παρακελεύομαί τε αὐτοῖν θαρρεῖν, καὶ ἔλεγον ὅτι οὐκ ἀπολείψω αὐτώ.
내가 마침 그들과 맞닥뜨렸는데, 이들을 보자마자 곧바로 안심하라고 격려하며 내가 이들을 버려두지 않겠다고 말했소.
ἐνταῦθα δὴ καὶ κάλλιον ἐθεασάμην Σωκράτη ἢ ἐν Ποτειδαίᾳ—αὐτὸς γὰρ ἧττον ἐν φόβῳ ἦ διὰ τὸ ἐφʼ ἵππου εἶναι—πρῶτον μὲν ὅσον περιῆν Λάχητος τῷ ἔμφρων εἶναι·
그곳에서 나는 포테이다이아에서보다 더욱 훌륭한 소크라테스를 관찰할 수 있었소—나 자신은 말을 타고 있었기에 두려움이 덜했소—첫째로, 냉철함을 유지하는 데 있어서 그가 얼마나 라케스를 압도했는지 말이오.
ἔπειτα ἔμοιγʼ ἐδόκει, ὦ Ἀριστόφανες, τὸ σὸν δὴ τοῦτο, καὶ ἐκεῖ διαπορεύεσθαι ὥσπερ καὶ ἐνθάδε,
"βρενθυόμενος καὶ τὠφθαλμὼ παραβάλλων"
, ἠρέμα παρασκοπῶν καὶ τοὺς φιλίους καὶ τοὺς πολεμίους, δῆλος ὢν παντὶ καὶ πάνυ πόρρωθεν ὅτι εἴ τις ἅψεται τούτου τοῦ ἀνδρός, μάλα ἐρρωμένως ἀμυνεῖται.
둘째로, 아리스토파네스여, 내게는 바로 당신의 그 구절대로, 그가 그곳에서도 이곳에서와 마찬가지로 '으스대며 눈을 굴리며' 조용히 아군과 적군을 살피며 걷는 것처럼 보였소. 누구에게나, 그리고 아주 멀리서도, 이 사내에게 손을 대기만 하면 매우 강력하게 반격당할 것이라는 점이 분명해 보였소.
διὸ καὶ ἀσφαλῶς ἀπῄει καὶ οὗτος καὶ ὁ ἑταῖρος·
그리하여 그와 그의 동료는 안전하게 물러날 수 있었소.
σχεδὸν γάρ τι τῶν οὕτω διακειμένων ἐν τῷ πολέμῳ οὐδὲ ἅπτονται, ἀλλὰ τοὺς προτροπάδην φεύγοντας διώκουσιν.
왜냐하면 전쟁에서는 그러한 태도를 취하는 자들에게는 거의 손도 대지 않으며, 오히려 머리를 앞세워 달아나는 자들을 추격하기 마련이기 때문이오.
πολλὰ μὲν οὖν ἄν τις καὶ ἄλλα ἔχοι Σωκράτη ἐπαινέσαι καὶ θαυμάσια·
이처럼 소크라테스에 대해 찬사하고 경탄할 만한 다른 일들이 많이 있소.
ἀλλὰ τῶν μὲν ἄλλων ἐπιτηδευμάτων τάχʼ ἄν τις καὶ περὶ ἄλλου τοιαῦτα εἴποι, τὸ δὲ μηδενὶ ἀνθρώπων ὅμοιον εἶναι, μήτε τῶν παλαιῶν μήτε τῶν νῦν ὄντων, τοῦτο ἄξιον παντὸς θαύματος.
그러나 그의 다른 성품들에 관해서는 아마 다른 사람에 대해서도 그와 같은 말을 할 수 있을지 모르나, 과거의 사람이나 현재의 사람을 막론하고 그 어떤 인간과도 닮지 않았다는 것, 이것이야말로 온갖 경탄을 자아내기에 충분하오.
οἷος γὰρ Ἀχιλλεὺς ἐγένετο, ἀπεικάσειεν ἄν τις καὶ Βρασίδαν καὶ ἄλλους, καὶ οἷος αὖ Περικλῆς, καὶ Νέστορα καὶ Ἀντήνορα—εἰσὶ δὲ καὶ ἕτεροι— καὶ τοὺς ἄλλους κατὰ ταὔτʼ ἄν τις ἀπεικάζοι·
가령 아킬레우스와 같은 인물에게는 브라시다스나 다른 이들을 비유할 수 있고, 페리클레스와 같은 인물에게는 네스토르나 안테노르를 비유할 수 있으며—그 밖의 이들도 마찬가지요— 다른 이들도 그와 같은 방식으로 비유할 수 있을 것이오.
οἷος δὲ οὑτοσὶ γέγονε τὴν ἀτοπίαν ἅνθρωπος, καὶ αὐτὸς καὶ οἱ λόγοι αὐτοῦ, οὐδʼ ἐγγὺς ἂν εὕροι τις ζητῶν, οὔτε τῶν νῦν οὔτε τῶν παλαιῶν, εἰ μὴ ἄρα εἰ οἷς ἐγὼ λέγω ἀπεικάζοι τις αὐτόν, ἀνθρώπων μὲν μηδενί, τοῖς δὲ σιληνοῖς καὶ σατύροις, αὐτὸν καὶ τοὺς λόγους.
그러나 이 사내가 그 독특함에 있어서 어떠한 인물인지, 그 자신과 그의 언론들은 현재의 인물이나 과거의 인물 속에서 아무리 찾아보아도 근접한 사람조차 찾을 수 없을 것이오. 다만 내가 말하는 바대로 그를 비유한다면 예외인데, 인간의 그 누구와도 비유하지 않고 실레노스들과 사티로스들에게 그 자신과 그의 언론들을 비유하는 것이오.
καὶ γὰρ οὖν καὶ τοῦτο ἐν τοῖς πρώτοις παρέλιπον, ὅτι καὶ οἱ λόγοι αὐτοῦ ὁμοιότατοί εἰσι τοῖς σιληνοῖς τοῖς διοιγομένοις.
실로 나 역시 처음에 이 점을 빠뜨렸는데, 그의 언론들 또한 열어젖혀지는 실레노스 상들과 매우 닮아 있기 때문이오.
εἰ γὰρ ἐθέλοι τις τῶν Σωκράτους ἀκούειν λόγων, φανεῖεν ἂν πάνυ γελοῖοι τὸ πρῶτον·
왜냐하면 만일 누군가 소크라테스의 언론을 듣고자 한다면, 처음에는 매우 우스꽝스럽게 보일 것이기 때문이오.
τοιαῦτα καὶ ὀνόματα καὶ ῥήματα ἔξωθεν περιαμπέχονται, σατύρου δή τινα ὑβριστοῦ δοράν.
겉으로는 사나운 사티로스의 가죽처럼 그러한 명사들과 동사들로 둘러싸여 있기 때문이오."