§218ἔτι δὲ τὸ τοῦ δηχθέντος ὑπὸ τοῦ ἔχεως πάθος κἄμʼ ἔχει.
"나아가, 독사에게 물린 자의 그 고통이 나 또한 사로잡고 있소.
φασὶ γάρ πού τινα τοῦτο παθόντα οὐκ ἐθέλειν λέγειν οἷον ἦν πλὴν τοῖς δεδηγμένοις, ὡς μόνοις γνωσομένοις τε καὶ συγγνωσομένοις εἰ πᾶν ἐτόλμα δρᾶν τε καὶ λέγειν ὑπὸ τῆς ὀδύνης.
왜냐하면 사람들이 말하길, 이를 겪은 자는 자신이 어떠했는지를 물려본 적이 있는 자들 외에는 말하려 하지 않는다고 하기 때문이오. 고통 속에서 온갖 일을 감히 행하고 말했을지라도 그것을 이해하고 용서해 줄 사람은 그들뿐이기 때문이라는 이유에서 말이오.
ἐγὼ οὖν δεδηγμένος τε ὑπὸ ἀλγεινοτέρου καὶ τὸ ἀλγεινότατον ὧν ἄν τις δηχθείη—τὴν καρδίαν γὰρ ἢ ψυχὴν ἢ ὅτι δεῖ αὐτὸ ὀνομάσαι πληγείς τε καὶ δηχθεὶς ὑπὸ τῶν ἐν φιλοσοφίᾳ λόγων, οἳ ἔχονται ἐχίδνης ἀγριώτερον, νέου ψυχῆς μὴ ἀφυοῦς ὅταν λάβωνται, καὶ ποιοῦσι δρᾶν τε καὶ λέγειν ὁτιοῦν—καὶ ὁρῶν αὖ Φαίδρους, Ἀγάθωνας, Ἐρυξιμάχους, Παυσανίας, Ἀριστοδήμους τε καὶ Ἀριστοφάνας·
그리하여 나 역시 더 고통스러운 것에 물렸고, 누구나 물릴 수 있는 가장 고통스러운 상처를 입었소—왜냐하면 젊고 재능이 없는 편이 아닌 영혼을 사로잡았을 때 독사보다 더 사납게 달라붙어 온갖 일을 행하고 말하게 만드는, 철학의 언론들에 의해 내 심장인지 영혼인지 혹은 무엇이라 불러야 할지 모를 곳을 찔리고 물렸기 때문이오—그리고 다른 한편으로 파이도스들, 아가톤들, 에뤽시마코스들, 파우사니아스들, 아리스토데모스들, 그리고 아리스토파네스들을 보며, 소크라테스 그 자신은 말할 필요도 없고 그 밖의 다른 모든 이들을 보았기 때문이오.
Σωκράτη δὲ αὐτὸν τί δεῖ λέγειν, καὶ ὅσοι ἄλλοι; πάντες γὰρ κεκοινωνήκατε τῆς φιλοσόφου μανίας τε καὶ βακχείας—διὸ πάντες ἀκούσεσθε·
여러분 모두가 철학적인 광기와 바코스적 열광에 동참해 왔기 때문에—그러므로 여러분 모두는 듣게 될 것이오.
συγγνώσεσθε γὰρ τοῖς τε τότε πραχθεῖσι καὶ τοῖς νῦν λεγομένοις.
당시 행해진 일들과 지금 말하는 일들에 대해 모두 용서해 줄 터이니 말이오.
οἱ δὲ οἰκέται, καὶ εἴ τις ἄλλος ἐστὶν βέβηλός τε καὶ ἄγροικος, πύλας πάνυ μεγάλας τοῖς ὠσὶν ἐπίθεσθε.
그러나 종들이나 그 밖에 속되고 교양 없는 자가 있다면, 귀에 아주 커다란 문을 걸어 잠그시오.
ἐπειδὴ γὰρ οὖν, ὦ ἄνδρες, ὅ τε λύχνος ἀπεσβήκει καὶ οἱ παῖδες ἔξω ἦσαν, ἔδοξέ μοι χρῆναι μηδὲν ποικίλλειν πρὸς αὐτόν, ἀλλʼ ἐλευθέρως εἰπεῖν ἅ μοι ἐδόκει·
왜냐하면, 여러분, 등불이 꺼지고 시종들이 밖에 나갔을 때, 나는 그에게 아무것도 꾸며대지 않고 내 생각을 솔직하게 말해야겠다고 생각했기 때문이오.
καὶ εἶπον κινήσας αὐτόν, Σώκρατες, καθεύδεις;
그리하여 나는 그를 흔들며 말했소.
οὐ δῆτα, ἦ δʼ ὅς.
'소크라테스여, 자고 있소?' '아니오, 전혀.' 그가 말했소.
οἶσθα οὖν ἅ μοι δέδοκται; τί μάλιστα, ἔφη.
'그렇다면 내가 무엇을 결심했는지 알고 있소?' '그게 구체적으로 무엇이오?' 그가 물었소.
σὺ ἐμοὶ δοκεῖς, ἦν δʼ ἐγώ, ἐμοῦ ἐραστὴς ἄξιος γεγονέναι μόνος, καί μοι φαίνῃ ὀκνεῖν μνησθῆναι πρός με.
'당신은 내게' 내가 말했소. '나의 유일하게 가치 있는 애인이 된 것 같소. 그런데 당신은 내게 그 이야기를 꺼내기를 망설이는 것처럼 보이오.
ἐγὼ δὲ οὑτωσὶ ἔχω·
하지만 내 생각은 이렇소.
πάνυ ἀνόητον ἡγοῦμαι εἶναι σοὶ μὴ οὐ καὶ τοῦτο χαρίζεσθαι καὶ εἴ τι ἄλλο ἢ τῆς οὐσίας τῆς ἐμῆς δέοιο ἢ τῶν φίλων τῶν ἐμῶν.
당신에게 이것을 들어주지 않을 뿐만 아니라, 내 재산이나 친구들의 일로 당신이 다른 어떤 것을 필요로 하든 그것을 들어주지 않는 것은 매우 어리석은 일이라고 말이오.
ἐμοὶ μὲν γὰρ οὐδέν ἐστι πρεσβύτερον τοῦ ὡς ὅτι βέλτιστον ἐμὲ γενέσθαι, τούτου δὲ οἶμαί μοι συλλήπτορα οὐδένα κυριώτερον εἶναι σοῦ.
나에게는 내가 가능한 한 가장 훌륭한 사람이 되는 것보다 더 중한 일은 없으며, 이 일에 당신보다 더 유능한 조력자는 내게 없다고 생각하기 때문이오.
ἐγὼ δὴ τοιούτῳ ἀνδρὶ πολὺ μᾶλλον ἂν μὴ χαριζόμενος αἰσχυνοίμην τοὺς φρονίμους, ἢ χαριζόμενος τούς τε πολλοὺς καὶ ἄφρονας. καὶ οὗτος ἀκούσας μάλα εἰρωνικῶς καὶ σφόδρα ἑαυτοῦ τε καὶ εἰωθότως ἔλεξεν ὦ φίλε Ἀλκιβιάδη, κινδυνεύεις τῷ ὄντι οὐ φαῦλος εἶναι, εἴπερ ἀληθῆ τυγχάνει ὄντα ἃ λέγεις περὶ ἐμοῦ, καί τις ἔστʼ ἐν ἐμοὶ δύναμις διʼ ἧς ἂν σὺ γένοιο ἀμείνων·
참으로 나는 이러한 사람에게 호의를 베풀지 않음으로써 현자들 앞에서 느끼게 될 부끄러움이, 호의를 베풂으로써 어리석은 대중 앞에서 느끼게 될 부끄러움보다 훨씬 더 크다고 생각하오.' 그러자 그는 이 말을 듣고 매우 비꼬는 투로, 그에게 지극히 어울리고 익숙한 방식으로 말했소. '사랑하는 알키비아데스여, 만일 당신이 나에 대해 말하는 바가 정말 사실이고, 내 안에 당신을 더 나은 사람으로 만들 수 있는 어떤 힘이 있다면, 당신은 참으로 보통이 아닌 인물인 것 같소.
ἀμήχανόν τοι κάλλος ὁρῴης ἂν ἐν ἐμοὶ καὶ τῆς παρὰ σοὶ εὐμορφίας πάμπολυ διαφέρον.
당신은 내 안에서 당신이 가진 아름다움과는 비교도 되지 않을 정도로 엄청난 아름다움을 보고 있는 셈이니 말이오.
§219εἰ δὴ καθορῶν αὐτὸ κοινώσασθαί τέ μοι ἐπιχειρεῖς καὶ ἀλλάξασθαι κάλλος ἀντὶ κάλλους, οὐκ ὀλίγῳ μου πλεονεκτεῖν διανοῇ, ἀλλʼ ἀντὶ δόξης ἀλήθειαν καλῶν κτᾶσθαι ἐπιχειρεῖς καὶ τῷ ὄντι
"χρύσεα χαλκείων"
διαμείβεσθαι νοεῖς.
만일 당신이 참으로 그것을 꿰뚫어 보고 나와 공유하려 하며, 아름다움을 아름다움과 바꾸려 한다면, 당신은 나를 상대로 적지 않은 이득을 보려는 셈이오. 명성 대신에 진정한 아름다움을 얻으려 하니, 참으로 "황금을 청동과" 바꾸려 하는 것이오.
ἀλλʼ, ὦ μακάριε, ἄμεινον σκόπει, μή σε λανθάνω οὐδὲν ὤν.
하지만, 복받은 친구여, 더 잘 살펴보시오. 내가 아무것도 아닌 존재임을 놓치지 않도록 말이오.
ἥ τοι τῆς διανοίας ὄψις ἄρχεται ὀξὺ βλέπειν ὅταν ἡ τῶν ὀμμάτων τῆς ἀκμῆς λήγειν ἐπιχειρῇ·
마음의 눈은 육신의 눈의 전성기가 쇠하기 시작할 때 예리하게 보이기 시작하는 법이오.
σὺ δὲ τούτων ἔτι πόρρω. κἀγὼ ἀκούσας, τὰ μὲν παρʼ ἐμοῦ, ἔφην, ταῦτά ἐστιν, ὧν οὐδὲν ἄλλως εἴρηται ἢ ὡς διανοοῦμαι·
그런데 당신은 이 단계에 이르기까지는 아직 멀었소.' 이 말을 듣고 내가 말했소. '내 입장에서는 이와 같소. 내가 생각하는 바와 다르게 말한 것은 아무것도 없소.
σὺ δὲ αὐτὸς οὕτω βουλεύου ὅτι σοί τε ἄριστον καὶ ἐμοὶ ἡγῇ. ἀλλʼ, ἔφη, τοῦτό γʼ εὖ λέγεις·
그러니 이제는 당신 스스로 당신과 나 모두에게 최선이라고 생각하는 바를 결정하시오.' '하지만' 그가 말했소. '그 말은 옳소.
ἐν γὰρ τῷ ἐπιόντι χρόνῳ βουλευόμενοι πράξομεν ὃ ἂν φαίνηται νῷν περί τε τούτων καὶ περὶ τῶν ἄλλων ἄριστον. ἐγὼ μὲν δὴ ταῦτα ἀκούσας τε καὶ εἰπών, καὶ ἀφεὶς ὥσπερ βέλη, τετρῶσθαι αὐτὸν ᾤμην·
앞으로 다가올 시간 동안 우리는 함께 의논하여 우리 둘에게 이 일들과 다른 일들에 관해 가장 좋아 보이는 대로 행하도록 합시다.' 나는 이 말을 듣고 또 하면서, 화살을 쏘아 올린 것처럼 그가 상처를 입었으리라 생각했소.
καὶ ἀναστάς γε, οὐδʼ ἐπιτρέψας τούτῳ εἰπεῖν οὐδὲν ἔτι, ἀμφιέσας τὸ ἱμάτιον τὸ ἐμαυτοῦ τοῦτον—καὶ γὰρ ἦν χειμών—ὑπὸ τὸν τρίβωνα κατακλινεὶς τὸν τουτουί, περιβαλὼν τὼ χεῖρε τούτῳ τῷ δαιμονίῳ ὡς ἀληθῶς καὶ θαυμαστῷ, κατεκείμην τὴν νύκτα ὅλην.
그리하여 일어서서 그가 더 이상 아무 말도 하지 못하게 한 채, 내 외투로 그를 감싸고—겨울이었기 때문이오—이 자의 낡은 외투 밑에 누워, 진정으로 신비롭고 경이로운 이 자를 두 팔로 끌어안고 밤새도록 누워 있었소.
καὶ οὐδὲ ταῦτα αὖ, ὦ Σώκρατες, ἐρεῖς ὅτι ψεύδομαι.
그리고 소크라테스여, 이 일에 대해서도 내가 거짓말을 한다고 말하지는 못할 것이오.
ποιήσαντος δὲ δὴ ταῦτα ἐμοῦ οὗτος τοσοῦτον περιεγένετό τε καὶ κατεφρόνησεν καὶ κατεγέλασεν τῆς ἐμῆς ὥρας καὶ ὕβρισεν—καὶ περὶ ἐκεῖνό γε ᾤμην τὶ εἶναι, ὦ ἄνδρες δικασταί·
하지만 내가 이렇게 했음에도 불구하고 이 자는 나를 이겨 먹었고, 내 젊음을 경멸하고 비웃으며 모욕했소—나 또한 그것이 어느 정도 가치 있는 것이라 생각했건만 말이오, 배심원 여러분.
δικασταὶ γάρ ἐστε τῆς Σωκράτους ὑπερηφανίας—εὖ γὰρ ἴστε μὰ θεούς, μὰ θεάς, οὐδὲν περιττότερον καταδεδαρθηκὼς ἀνέστην μετὰ Σωκράτους, ἢ εἰ μετὰ πατρὸς καθηῦδον ἢ ἀδελφοῦ πρεσβυτέρου.
여러분은 소크라테스의 오만함의 재판관들이니 말이오—신들에게 맹세코 잘 알아 두시오, 나는 소크라테스와 함께 누웠다가 일어났을 때, 아버지나 형과 함께 잠을 잔 것과 아무런 차이도 없는 상태로 일어났소.
τὸ δὴ μετὰ τοῦτο τίνα οἴεσθέ με διάνοιαν ἔχειν, ἡγούμενον μὲν ἠτιμάσθαι, ἀγάμενον δὲ τὴν τούτου φύσιν τε καὶ σωφροσύνην καὶ ἀνδρείαν, ἐντετυχηκότα ἀνθρώπῳ τοιούτῳ οἵῳ ἐγὼ οὐκ ἂν ᾤμην ποτʼ ἐντυχεῖν εἰς φρόνησιν καὶ εἰς καρτερίαν;
그러니 그 후에 내 심경이 어떠했으리라 생각하오? 한편으로는 수치심을 느끼면서도, 다른 한편으로는 지혜와 인내에 있어서 내가 일찍이 만나보리라고는 상상도 못 했던 그러한 사람을 만났기에, 이 자의 천성과 절제와 용기에 감탄하지 않을 수 없었소.
ὥστε οὔθʼ ὅπως οὖν ὀργιζοίμην εἶχον καὶ ἀποστερηθείην τῆς τούτου συνουσίας, οὔτε ὅπῃ προσαγαγοίμην αὐτὸν ηὐπόρουν.
그리하여 나는 그에게 화를 내며 관계를 끊을 수도 없었고, 그렇다고 그를 내게로 끌어들일 방도도 찾지 못해 막막해했소.
εὖ γὰρ ᾔδη ὅτι χρήμασί γε πολὺ μᾶλλον ἄτρωτος ἦν πανταχῇ ἢ σιδήρῳ ὁ Αἴας, ᾧ τε ᾤμην αὐτὸν μόνῳ ἁλώσεσθαι, διεπεφεύγει με.
왜냐하면 금전 면에서 그는 아이아스가 철에 대해 그러했던 것보다 훨씬 더 완벽하게 무적이었고, 그를 사로잡을 수 있으리라 믿었던 유일한 무기마저 나를 빗겨 가 버렸음을 잘 알고 있었기 때문이오.
ἠπόρουν δή, καταδεδουλωμένος τε ὑπὸ τοῦ ἀνθρώπου ὡς οὐδεὶς ὑπʼ οὐδενὸς ἄλλου περιῇα.
그리하여 나는 그 누구도 다른 누군가에게 그래 본 적이 없을 만큼 이 자에게 완전히 노예가 된 채 방황하며 막막해했소.
ταῦτά τε γάρ μοι ἅπαντα προυγεγόνει, καὶ μετὰ ταῦτα στρατεία ἡμῖν εἰς Ποτείδαιαν ἐγένετο κοινὴ καὶ συνεσιτοῦμεν ἐκεῖ.
내게는 이 모든 일들이 이미 일어나 있었고, 그 후에 우리에게 포테이다이아로의 공동 군사 행동이 일어나 그곳에서 함께 식사를 하였소."