§307ΞΕ. τί δέ;
이방인: 그렇다면 이것은 어떠한가?
τὸ τῆς ἠρεμαίας αὖ γενέσεως εἶδος ἆρʼ οὐ πολλάκις ἐπῃνέκαμεν ἐν πολλαῖς τῶν πράξεων;
우리는 온화한 생성의 부류 역시 수많은 행위 속에서 자주 예찬해 오지 않았던가?
ΝΕ. ΣΩ. καὶ σφόδρα γε.
젊은 소크라테스: 아주 그렇습니다.
ΞΕ. μῶν οὖν οὐ τἀναντία λέγοντες ἢ περὶ ἐκείνων τοῦτο φθεγγόμεθα;
이방인: 그렇다면 우리는 저 날카로운 것들에 대해 말했던 것과는 반대되는 것을 말하면서 이것을 입에 담고 있는 것이 아닌가?
ΝΕ. ΣΩ. πῶς;
젊은 소크라테스: 어떻게 말입니까?
ΞΕ. ὡς ἡσυχαῖά πού φαμεν ἑκάστοτε καὶ σωφρονικά, περί τε διάνοιαν πραττόμενα ἀγασθέντες καὶ κατὰ τὰς πράξεις αὖ βραδέα καὶ μαλακά, καὶ ἔτι περὶ φωνὰς γιγνόμενα λεῖα καὶ βαρέα, καὶ πᾶσαν ῥυθμικὴν κίνησιν καὶ ὅλην μοῦσαν ἐν καιρῷ βραδυτῆτι προσχρωμένην, οὐ τὸ τῆς ἀνδρείας ἀλλὰ τὸ τῆς κοσμιότητος ὄνομα ἐπιφέρομεν αὐτοῖς σύμπασιν.
이방인: 즉, 우리가 사유에 관한 행위를 찬탄하여 매번 '온화하다'거나 '절제 있다'고 말하고, 행위에서 '느리다'거나 '부드럽다'고 하며, 나아가 목소리에서 '매끄럽다'거나 '낮다'고 하고, 모든 리듬 있는 움직임과 적절한 때에 느림을 아울러 사용하는 음악 전체에 대해서도, 그것들 모두에 대해 용기의 이름이 아니라 단정함의 이름을 부여하고 있다는 점일세.
ΝΕ. ΣΩ. ἀληθέστατα.
젊은 소크라테스: 아주 지당하십니다.
ΞΕ. καὶ μὴν ὁπόταν αὖ γε ἀμφότερα γίγνηται ταῦθʼ ἡμῖν ἄκαιρα, μεταβάλλοντες ἑκάτερα αὐτῶν ψέγομεν ἐπὶ τἀναντία πάλιν ἀπονέμοντες τοῖς ὀνόμασιν.
이방인: 그리고 실로 이 두 가지가 우리에게 부적절한 것이 될 때마다, 우리는 그것들의 평가를 바꾸어 대립되는 이름을 다시 부여하며 그것들 각각을 비난하지 않는가?
ΝΕ. ΣΩ. πῶς;
젊은 소크라테스: 어떻게 말입니까?
ΞΕ. ὀξύτερα μὲν αὐτὰ γιγνόμενα τοῦ καιροῦ καὶ θάττω καὶ σκληρότερα φαινόμενα ὑβριστικὰ καὶ μανικὰ λέγοντες, τὰ δὲ βαρύτερα καὶ βραδύτερα καὶ μαλακώτερα δειλὰ καὶ βλακικά·
이방인: 즉, 때에 맞지 않게 더 날카로워지고 더 빨라져서 더 거칠어 보이는 것을 우리는 '오만'이나 '광기'라 부르고, 다른 한편 더 무겁고 더 느리며 더 부드러운 것은 '겁 많음'이나 '무기력함'이라 부르니 말이네.
καὶ σχεδὸν ὡς τὸ πολὺ ταῦτά τε καὶ τὴν σώφρονα φύσιν καὶ τὴν ἀνδρείαν τὴν τῶν ἐναντίων, οἷον πολεμίαν διαλαχούσας στάσιν ἰδέας, οὔτʼ ἀλλήλαις μειγνυμένας ἐφευρίσκομεν ἐν ταῖς περὶ τὰ τοιαῦτα πράξεσιν, ἔτι τε τοὺς ἐν ταῖς ψυχαῖς αὐτὰς ἴσχοντας διαφερομένους ἀλλήλοις ὀψόμεθα ἐὰν μεταδιώκωμεν.
그리고 거의 대체로 이 두 가지, 즉 절제 있는 천성과 이와 대립되는 쪽의 용기의 천성은 마치 적대하는 분파의 상반되는 이데아를 나누어 가진 것처럼 그러한 일들에 관한 행위 속에서 서로 섞이지 않음을 우리는 발견하며, 나아가 그것들을 혼 속에 품고 있는 자들 또한 우리가 추궁해 들어간다면 서로 불화하고 있음을 보게 될 것이네.
ΝΕ. ΣΩ. ποῦ δὴ λέγεις;
젊은 소크라테스: 대체 어디서 그렇다고 말씀하십니까?
ΞΕ. ἐν πᾶσί τε δὴ τούτοις οἷς νῦν εἴπομεν, ὡς εἰκός τε ἐν ἑτέροις πολλοῖς.
이방인: 우리가 방금 말한 이 모든 일 속에서, 그리고 당연히 다른 수많은 일 속에서도 그러하네.
κατὰ γὰρ οἶμαι τὴν αὑτῶν ἑκατέροις συγγένειαν τὰ μὲν ἐπαινοῦντες ὡς οἰκεῖα σφέτερα, τὰ δὲ τῶν διαφόρων ψέγοντες ὡς ἀλλότρια, πολλὴν εἰς ἔχθραν ἀλλήλοις καὶ πολλῶν πέρι καθίστανται.
왜냐하면 내가 보기에, 각각이 자신과 동족인 성질에 대한 친근함에 따라 어떤 것은 자신에게 친숙한 것으로 예찬하고 다른 성질을 가진 자들의 것은 이질적인 것으로 비난하기에, 서로에 대해 그리고 많은 일들에 대해 커다란 적대감에 빠지게 되기 때문이네.
ΝΕ. ΣΩ. κινδυνεύουσιν.
젊은 소크라테스: 그럴 위험이 있습니다.
ΞΕ. παιδιὰ τοίνυν αὕτη γέ τις ἡ διαφορὰ τούτων ἐστὶ τῶν εἰδῶν·
이방인: 그렇다면 이러한 부류들 사이의 이러한 차이는 일종의 놀이 같은 것이지만, 가장 중대한 일들에 있어서는 나라들에게 모든 병 중에서 가장 가증스러운 병이 되는 일이 벌어지네.
περὶ δὲ τὰ μέγιστα νόσος συμβαίνει πασῶν ἐχθίστη γίγνεσθαι ταῖς πόλεσιν. ΝΕ. ΣΩ. περὶ δὴ ποῖα φῄς;
젊은 소크라테스: 대체 어떤 일에 관해서입니까?
ΞΕ. περὶ ὅλην, ὥς γε εἰκός, τὴν τοῦ ζῆν παρασκευήν.
이방인: 당연히 삶의 전반적인 예비에 관해서라네.
οἱ μὲν γὰρ δὴ διαφερόντως ὄντες κόσμιοι τὸν ἥσυχον ἀεὶ βίον ἕτοιμοι ζῆν, αὐτοὶ καθʼ αὑτοὺς μόνοι τὰ σφέτερα αὐτῶν πράττοντες, οἴκοι τε αὖ πρὸς ἅπαντας οὕτως ὁμιλοῦντες, καὶ πρὸς τὰς ἔξωθεν πόλεις ὡσαύτως ἕτοιμοι πάντα ὄντες τρόπον τινὰ ἄγειν εἰρήνην·
왜냐하면 유달리 단정한 자들은 언제나 조용한 삶을 살 준비가 되어 있어 자기들끼리만 자신들의 일을 꾸려가며, 집안에서도 모든 이들을 상대로 그렇게 사귀고, 외부의 나라들에 대해서도 마찬가지로 온갖 방법으로 어떤 식으로든 평화를 유지할 준비가 되어 있기 때문이네.
καὶ διὰ τὸν ἔρωτα δὴ τοῦτον ἀκαιρότερον ὄντα ἢ χρή, ὅταν ἃ βούλονται πράττωσιν, ἔλαθον αὐτοί τε ἀπολέμως ἴσχοντες καὶ τοὺς νέους ὡσαύτως διατιθέντες, ὄντες τε ἀεὶ τῶν ἐπιτιθεμένων, ἐξ ὧν οὐκ ἐν πολλοῖς ἔτεσιν αὐτοὶ καὶ παῖδες καὶ σύμπασα ἡ πόλις ἀντʼ ἐλευθέρων πολλάκις ἔλαθον αὑτοὺς γενόμενοι δοῦλοι.
그리고 필요 이상으로 때에 맞지 않게 된 이 집착 때문에, 자신들이 원하는 바를 행하는 동안, 그들 자신은 비전투적이 되고 젊은이들 또한 똑같은 상태로 만들어 버리고 있다는 사실을 깨닫지 못하며, 언제나 침략자들의 처분에 맡겨져 결국 몇 년 지나지 않아 그들 자신도 자식들도 그리고 나라 전체도 자유인에서 종종 자신도 모르는 사이에 노예가 되어 버리는 것이네.
§308ΝΕ. ΣΩ. χαλεπὸν εἶπες καὶ δεινὸν πάθος.
젊은 소크라테스: 고통스럽고 무서운 사태를 말씀하셨습니다.
ΞΕ. τί δʼ οἱ πρὸς τὴν ἀνδρείαν μᾶλλον ῥέποντες;
이방인: 그렇다면 용기 쪽으로 더 기우는 자들은 어떠한가?
ἆρʼ οὐκ ἐπὶ πόλεμον ἀεί τινα τὰς αὑτῶν συντείνοντες πόλεις διὰ τὴν τοῦ τοιούτου βίου σφοδροτέραν τοῦ δέοντος ἐπιθυμίαν εἰς ἔχθραν πολλοῖς καὶ δυνατοῖς καταστάντες ἢ πάμπαν διώλεσαν ἢ δούλας αὖ καὶ ὑποχειρίους τοῖς ἐχθροῖς ὑπέθεσαν τὰς αὑτῶν πατρίδας;
그들은 그러한 삶에 대한 필요 이상의 격렬한 욕망 때문에 언제나 자신들의 나라를 어떤 전쟁으로 내몰아, 수많은 강력한 적들과 적대 관계에 빠짐으로써 자신들의 조국을 완전히 파멸시키거나, 반대로 적들에게 노예이자 종속물로 처하게 만들지 않는가?
ΝΕ. ΣΩ. ἔστι καὶ ταῦτα.
젊은 소크라테스: 그런 일도 있습니다.
ΞΕ. πῶς οὖν μὴ φῶμεν ἐν τούτοις ἀμφότερα ταῦτα τὰ γένη πολλὴν πρὸς ἄλληλα ἀεὶ καὶ τὴν μεγίστην ἴσχειν ἔχθραν καὶ στάσιν;
이방인: 그렇다면 이러한 일들에 있어서 이 두 부류가 서로에 대해 언제나 크고 또 가장 큰 적대감과 불화를 품고 있다고 어찌 선언하지 않을 수 있겠는가?
ΝΕ. ΣΩ. οὐδαμῶς ὡς οὐ φήσομεν.
젊은 소크라테스: 선언하지 않을 방법은 전혀 없습니다.
ΞΕ. οὐκοῦν ὅπερ ἐπεσκοποῦμεν κατʼ ἀρχὰς ἀνηυρήκαμεν, ὅτι μόρια ἀρετῆς οὐ σμικρὰ ἀλλήλοις διαφέρεσθον φύσει καὶ δὴ καὶ τοὺς ἴσχοντας δρᾶτον τὸ αὐτὸ τοῦτο;
이방인: 그렇다면 우리가 처음에 검토하던 바, 즉 덕의 작지 않은 부분들이 본성상 서로 크게 대립하며 실로 그것들을 품은 자들에게도 이 똑같은 대립을 행하게 만든다는 것을 우리는 찾아낸 것이 아닌가?
ΝΕ. ΣΩ. κινδυνεύετον.
젊은 소크라테스: 그럴 위험이 있습니다.
ΞΕ. τόδε τοίνυν αὖ λάβωμεν.
이방인: 그렇다면 이제 이것을 취해 보세.
ΝΕ. ΣΩ. τὸ ποῖον;
젊은 소크라테스: 어떤 것입니까?
ΞΕ. εἴ τίς που τῶν συνθετικῶν ἐπιστημῶν πρᾶγμα ὁτιοῦν τῶν αὑτῆς ἔργων, κἂν εἰ τὸ φαυλότατον, ἑκοῦσα ἐκ μοχθηρῶν καὶ χρηστῶν τινων συνίστησιν, ἢ πᾶσα ἐπιστήμη πανταχοῦ τὰ μὲν μοχθηρὰ εἰς δύναμιν ἀποβάλλει, τὰ δὲ ἐπιτήδεια καὶ χρηστὰ ἔλαβεν, ἐκ τούτων δὲ καὶ ὁμοίων καὶ ἀνομοίων ὄντων, πάντα εἰς ἓν αὐτὰ συνάγουσα, μίαν τινὰ δύναμιν καὶ ἰδέαν δημιουργεῖ.
이방인: 만일 종합의 지식들 중 어떤 것이 자신의 일의 결과물 중 그 어떤 것이든, 설령 그것이 가장 사소한 것일지라도, 나쁜 것들과 좋은 것들로부터 고의로 조립해 내겠는가? 아니면 모든 지식은 어디서나 나쁜 것들은 힘닿는 데까지 버리고 적절하고 좋은 것들을 취하여, 이것들로부터 모든 것을 하나로 모아 어떤 하나의 힘과 이데아를 창조해 내는가?
ΝΕ. ΣΩ. τί μήν;
젊은 소크라테스: 당연히 후자입니다.
ΞΕ. οὐδʼ ἄρα ἡ κατὰ φύσιν ἀληθῶς οὖσα ἡμῖν πολιτικὴ μή ποτε ἐκ χρηστῶν καὶ κακῶν ἀνθρώπων ἑκοῦσα εἶναι συστήσηται πόλιν τινά, ἀλλʼ εὔδηλον ὅτι παιδιᾷ πρῶτον βασανιεῖ, μετὰ δὲ τὴν βάσανον αὖ τοῖς δυναμένοις παιδεύειν καὶ ὑπηρετεῖν πρὸς τοῦτʼ αὐτὸ παραδώσει, προστάττουσα καὶ ἐπιστατοῦσα αὐτή, καθάπερ ὑφαντικὴ τοῖς τε ξαίνουσι καὶ τοῖς τἆλλα προπαρασκευάζουσιν ὅσα πρὸς τὴν πλέξιν αὐτῆς συμπαρακολουθοῦσα προστάττει καὶ ἐπιστατεῖ, τοιαῦτα ἑκάστοις ἐνδεικνῦσα τὰ ἔργα ἀποτελεῖν οἷα ἂν ἐπιτήδεια ἡγῆται πρὸς τὴν αὑτῆς εἶναι συμπλοκήν.
이방인: 그렇다면 우리에게 본성상 참으로 존재하는 정치의 기술 역시 결코 좋은 인간들과 나쁜 인간들로부터 고의로 나라를 조립해 내지는 않을 것이며, 오히려 분명 먼저 놀이를 통해 그들을 시험하고, 시험한 뒤에는 다시 이 목적을 위해 교육하고 봉사할 능력이 있는 자들에게 그들을 넘겨주어, 스스로 명령하고 감독할 것이네. 마치 직조의 기술이 소모를 하는 자들이나 직조를 위한 다른 예비 작업을 하는 자들에 대해 스스로 밀착 동행하며 명령하고 감독하여, 각자에게 자신의 직조에 적절하다고 판단하는 종류의 결과물을 완성하도록 지시하는 것처럼 말이네.
ΝΕ. ΣΩ. πάνυ μὲν οὖν.
젊은 소크라테스: 온전히 그렇습니다.