§305ΞΕ. οὐκοῦν ἄρχουσαν ταύτης αὐτὴν ἀποφανούμεθα, εἴπερ τοῖς ἔμπροσθέν γε ὑποληψόμεθα ὁμοίως;
이방인: 그렇다면 만일 우리가 앞서 말한 바에 똑같이 따르고자 한다면, 우리는 이 지식이 저 지식을 지배한다고 선언하겠는가?
ΝΕ. ΣΩ. φημί.
젊은 소크라테스: 그렇다고 말하겠습니다.
ΞΕ. τίνʼ οὖν ποτε καὶ ἐπιχειρήσομεν οὕτω δεινῆς καὶ μεγάλης τέχνης συμπάσης τῆς πολεμικῆς δεσπότιν ἀποφαίνεσθαι πλήν γε δὴ τὴν ὄντως οὖσαν βασιλικήν;
이방인: 그렇다면 이토록 가공할 만하고 거대한 전쟁 기술 전체의 주인이라고, 진정 왕의 것인 기술 이외에 대체 어떤 다른 기술을 우리가 선언하려 시도하겠는가?
ΝΕ. ΣΩ. οὐδεμίαν ἄλλην.
젊은 소크라테스: 다른 어떤 것도 없습니다.
ΞΕ. οὐκ ἄρα πολιτικὴν θήσομεν, ὑπηρετικήν γε οὖσαν, τὴν τῶν στρατηγῶν ἐπιστήμην.
이방인: 그렇다면 우리는 장군들의 지식을 봉사하는 것으로서 정치의 지식에 속하는 것으로 두지 않을 것이네.
ΝΕ. ΣΩ. οὐκ εἰκός.
젊은 소크라테스: 그럴 성싶지 않습니다.
ΞΕ. ἴθι δή, καὶ τὴν τῶν δικαστῶν τῶν ὀρθῶς δικαζόντων θεασώμεθα δύναμιν.
이방인: 자, 올바르게 재판하는 재판관들의 능력 역시 살펴보세.
ΝΕ. ΣΩ. πάνυ μὲν οὖν.
젊은 소크라테스: 당연히 그래야지요.
ΞΕ. ἆρʼ οὖν ἐπὶ πλέον τι δύναται τοῦ περὶ τὰ συμβόλαια πάνθʼ ὁπόσα κεῖται νόμιμα παρὰ νομοθέτου βασιλέως παραλαβοῦσα, κρίνειν εἰς ἐκεῖνα σκοποῦσα τά τε δίκαια ταχθέντʼ εἶναι καὶ ἄδικα, τὴν αὑτῆς ἰδίαν ἀρετὴν παρεχομένη τοῦ μήθʼ ὑπό τινων δώρων μήθʼ ὑπὸ φόβων μήτε οἴκτων μήθʼ ὑπό τινος ἄλλης ἔχθρας μηδὲ φιλίας ἡττηθεῖσα παρὰ τὴν τοῦ νομοθέτου τάξιν ἐθέλειν ἂν τἀλλήλων ἐγκλήματα διαιρεῖν;
이방인: 그렇다면 이 능력은, 입법자인 왕으로부터 계약에 관한 모든 기성 법률들을 전달받아 그것들을 바라보며 무엇이 정의롭고 불의한 것으로 규정되어 있는지를 판결하는 것, 그리고 어떠한 뇌물이나 두려움이나 동정심, 혹은 여타의 적대감이나 우호 관계에 굴복하여 입법자의 규정에 반해 서로의 소송을 재결하려 하지 않는 고유한 덕을 선사하는 것, 이것보다 더한 일을 할 수 있겠는가?
ΝΕ. ΣΩ. οὔκ, ἀλλὰ σχεδὸν ὅσον εἴρηκας ταύτης ἐστὶ τῆς δυνάμεως ἔργον.
젊은 소크라테스: 아닙니다, 거의 자네가 말한 것만큼이 이 능력의 일입니다.
ΞΕ. καὶ τὴν τῶν δικαστῶν ἄρα ῥώμην ἀνευρίσκομεν οὐ βασιλικὴν οὖσαν ἀλλὰ νόμων φύλακα καὶ ὑπηρέτιν ἐκείνης.
이방인: 그렇다면 우리는 재판관들의 힘 역시 왕의 것이 아니라, 법률의 파수꾼이자 저 왕의 기술에 봉사하는 것임을 발견하네.
ΝΕ. ΣΩ. ἔοικέν γε.
젊은 소크라테스: 그런 것 같군요.
ΞΕ. τόδε δὴ κατανοητέον ἰδόντι συναπάσας τὰς ἐπιστήμας αἳ εἴρηνται, ὅτι πολιτική γε αὐτῶν οὐδεμία ἀνεφάνη.
이방인: 참으로 언급된 모든 지식을 함께 살펴보는 자는 이것을 깨달아야 하네, 즉 그것들 중 어떤 것도 정치의 기술로 드러나지 않았다는 점을 말이네.
τὴν γὰρ ὄντως οὖσαν βασιλικὴν οὐκ αὐτὴν δεῖ πράττειν ἀλλʼ ἄρχειν τῶν δυναμένων πράττειν, γιγνώσκουσαν τὴν ἀρχήν τε καὶ ὁρμὴν τῶν μεγίστων ἐν ταῖς πόλεσιν ἐγκαιρίας τε πέρι καὶ ἀκαιρίας, τὰς δʼ ἄλλας τὰ προσταχθέντα δρᾶν.
진정 왕의 것인 기술은 스스로 행하는 것이 아니라 행할 수 있는 능력을 가진 것들을 지배해야 하며, 나라 안에서 가장 중대한 일들의 시작과 충동에 관해 적절한 때와 적절하지 못한 때를 인식해야 하고, 다른 것들은 명령받은 바를 행해야 하기 때문이네.
ΝΕ. ΣΩ. ὀρθῶς.
젊은 소크라테스: 올바른 말씀입니다.
ΞΕ. διὰ ταῦτα ἄρα ἃς μὲν ἄρτι διεληλύθαμεν, οὔτʼ ἀλλήλων οὔθʼ αὑτῶν ἄρχουσαι, περὶ δέ τινα ἰδίαν αὑτῆς οὖσα ἑκάστη πρᾶξιν, κατὰ τὴν ἰδιότητα τῶν πράξεων τοὔνομα δικαίως εἴληφεν ἴδιον.
이방인: 그러므로 우리가 방금 살펴본 지식들은, 서로를 지배하지도 스스로를 지배하지도 않으면서, 각각 자신의 고유한 행위에만 관여하므로, 그 행위의 고유성에 따라 합당하게 고유한 이름을 얻었네.
ΝΕ. ΣΩ. εἴξασι γοῦν.
젊은 소크라테스: 적어도 그렇게 보입니다.
ΞΕ. τὴν δὲ πασῶν τε τούτων ἄρχουσαν καὶ τῶν νόμων καὶ συμπάντων τῶν κατὰ πόλιν ἐπιμελουμένην καὶ πάντα συνυφαίνουσαν ὀρθότατα, τοῦ κοινοῦ τῇ κλήσει περιλαβόντες τὴν δύναμιν αὐτῆς, προσαγορεύοιμεν δικαιότατʼ ἄν, ὡς ἔοικε, πολιτικήν.
이방인: 반면에 이 모든 것을 지배하고 법률을 지배하며 나라 안의 모든 일을 돌보고 모든 것을 가장 올바르게 직조해 내는 지식, 그 능력을 공통의 명칭으로 포괄하여, 우리는 가장 공정하게도, 보아하니 '정치(의 기술)'라 부르게 될 것이네.
ΝΕ. ΣΩ. παντάπασι μὲν οὖν.
젊은 소크라테스: 온전히 그렇습니다.
ΞΕ. οὐκοῦν δὴ καὶ κατὰ τὸ τῆς ὑφαντικῆς παράδειγμα βουλοίμεθʼ ἂν ἐπεξελθεῖν αὐτὴν νῦν, ὅτε καὶ πάντα τὰ γένη τὰ κατὰ πόλιν δῆλα ἡμῖν γέγονε;
이방인: 그렇다면 나라 안의 모든 부류가 우리에게 밝혀진 지금, 이제 직조의 비유에 따라 이 지식을 상세히 논해보고자 하겠는가?
ΝΕ. ΣΩ. καὶ σφόδρα γε.
젊은 소크라테스: 아주 그렇습니다.
§306ΞΕ. τὴν δὴ βασιλικὴν συμπλοκήν, ὡς ἔοικε, λεκτέον ποία τέ ἐστι καὶ τίνι τρόπῳ συμπλέκουσα ποῖον ἡμῖν ὕφασμα ἀποδίδωσιν.
이방인: 그렇다면 왕의 직조가 어떤 부류이며 어떤 방식으로 짜 맞춰서 우리에게 어떤 직물을 내놓는지를, 보아하니 논해야 하겠네.
ΝΕ. ΣΩ. δῆλον.
젊은 소크라테스: 분명합니다.
ΞΕ. ἦ χαλεπὸν ἐνδείξασθαι πρᾶγμα ἀναγκαῖον ἄρα γέγονεν, ὡς φαίνεται.
이방인: 그런데 보여주기 어려운 일이 필연적으로 발생한 듯 보이네.
ΝΕ. ΣΩ. πάντως γε μὴν ῥητέον.
젊은 소크라테스: 하지만 아무쪼록 말씀해 주셔야 합니다.
ΞΕ. τὸ γὰρ ἀρετῆς μέρος ἀρετῆς εἴδει διάφορον εἶναί τινα τρόπον τοῖς περὶ λόγους ἀμφισβητητικοῖς καὶ μάλʼ εὐεπίθετον πρὸς τὰς τῶν πολλῶν δόξας.
이방인: 덕의 일부분이 어떤 면에서 덕의 또 다른 부류와 다르다는 것은, 말 속에서 논쟁하기를 좋아하는 자들에게 대중의 의견에 맞서 매우 공격하기 좋은 구실이기 때문이네.
ΝΕ. ΣΩ. οὐκ ἔμαθον.
젊은 소크라테스: 이해하지 못했습니다.
ΞΕ. ἀλλʼ ὧδε πάλιν.
이방인: 그렇다면 다시 이렇게 해 보세.
ἀνδρείαν γὰρ οἶμαί σε ἡγεῖσθαι μέρος ἓν ἀρετῆς ἡμῖν εἶναι.
자네는 용기가 우리에게 덕의 한 부분이라고 생각하겠지?
ΝΕ. ΣΩ. πάνυ γε.
젊은 소크라테스: 물론입니다.
ΞΕ. καὶ μὴν σωφροσύνην γε ἀνδρείας μὲν ἕτερον, ἓν δʼ οὖν καὶ τοῦτο μόριον ἧς κἀκεῖνο.
이방인: 그리고 실로 절제는 용기와는 다르지만, 이것 역시 저것이 속한 것과 동일한 전체의 한 부분이라 생각하겠지?
ΝΕ. ΣΩ. ναί.
젊은 소크라테스: 예.
ΞΕ. τούτων δὴ πέρι θαυμαστόν τινα λόγον ἀποφαίνεσθαι τολμητέον.
이방인: 그렇다면 이것들에 관해 참으로 놀라운 주장을 과감히 개진해야 하겠네.
ΝΕ. ΣΩ. ποῖον;
젊은 소크라테스: 어떤 주장입니까?
ΞΕ. ὡς ἐστὸν κατὰ δή τινα τρόπον εὖ μάλα πρὸς ἀλλήλας ἔχθραν καὶ στάσιν ἐναντίαν ἔχοντε ἐν πολλοῖς τῶν ὄντων.
이방인: 그것들 둘은 어떤 면에서 서로에 대해 아주 강한 적대감과 상반되는 분파를 존재하는 많은 것들 속에서 품고 있다는 주장일세.
ΝΕ. ΣΩ. πῶς λέγεις;
젊은 소크라테스: 무슨 뜻이십니까?
ΞΕ. οὐκ εἰωθότα λόγον οὐδαμῶς·
이방인: 전혀 관습적이지 않은 주장이네.
πάντα γὰρ οὖν δὴ ἀλλήλοις τά γε τῆς ἀρετῆς μόρια λέγεταί που φίλια.
참으로 덕의 모든 부분들은 서로 친한 사이라고 보통 이야기되니 말이네.
ΝΕ. ΣΩ. ναί.
젊은 소크라테스: 예.
ΞΕ. σκοπῶμεν δὴ προσσχόντες τὸν νοῦν εὖ μάλα πότερον οὕτως ἁπλοῦν ἐστι τοῦτο, ἢ παντὸς μᾶλλον αὐτῶν ἔχει διαφορὰν τοῖς συγγενέσιν ἔς τι;
이방인: 그렇다면 정신을 바짝 차려 아주 잘 생각해보세, 이것이 그토록 단순한 것인지, 아니면 그것들이 친족임에도 불구하고 어떤 점에서 그 무엇보다도 큰 차이를 가지고 있는지 말이네.
ΝΕ. ΣΩ. ναί, λέγοις ἂν πῇ σκεπτέον.
젊은 소크라테스: 예, 우리가 어떻게 검토해야 할지 말씀해 주십시오.
ΞΕ. ἐν τοῖς σύμπασι χρὴ ζητεῖν ὅσα καλὰ μὲν λέγομεν, εἰς δύο δὲ αὐτὰ τίθεμεν ἐναντία ἀλλήλων εἴδη.
이방인: 우리가 아름답다고 부르면서도 서로 상반되는 두 부류로 규정하는 모든 존재물 속에서 찾아야 하네.
ΝΕ. ΣΩ. λέγʼ ἔτι σαφέστερον.
젊은 소크라테스: 좀 더 분명하게 말씀해 주십시오.
ΞΕ. ὀξύτητα καὶ τάχος, εἴτε κατὰ σώματα εἴτʼ ἐν ψυχαῖς εἴτε κατὰ φωνῆς φοράν, εἴτε αὐτῶν τούτων εἴτε ἐν εἰδώλοις ὄντων, ὁπόσα μουσικὴ μιμουμένη καὶ ἔτι γραφικὴ μιμήματα παρέχεται, τούτων τινὸς ἐπαινέτης εἴτε αὐτὸς πώποτε γέγονας εἴτε ἄλλου παρὼν ἐπαινοῦντος ᾔσθησαι;
이방인: 예리함과 신속함에 관해, 그것이 신체에 관한 것이든 영혼 속의 것이든 혹은 목소리의 흐름에 관한 것이든, 그것들 자체 속에서든 혹은 음악이 모방하고 회화가 여전히 모방물로 제공하는 모방된 이미지들 속에서든, 자네는 스스로 이것들 중 어떤 것을 예찬해 본 적이 있거나 다른 이가 예찬할 때 곁에서 들어본 적이 있는가?
ΝΕ. ΣΩ. τί μήν;
젊은 소크라테스: 물론입니다.
ΞΕ. ἦ καὶ μνήμην ἔχεις ὅντινα τρόπον αὐτὸ δρῶσιν ἐν ἑκάστοις τούτων;
이방인: 그렇다면 그것들이 이러한 각각의 경우에 어떤 방식으로 그렇게 하는지 기억하고 있는가?
ΝΕ. ΣΩ. οὐδαμῶς.
젊은 소크라테스: 전혀 기억하지 못합니다.
ΞΕ. ἆρʼ οὖν δυνατὸς αὐτὸ ἂν γενοίμην, ὥσπερ καὶ διανοοῦμαι, διὰ λόγων ἐνδείξασθαί σοι;
이방인: 그렇다면 내가 생각하고 있듯이 말로써 그것을 자네에게 보여줄 수 있겠는가?
ΝΕ. ΣΩ. τί δʼ οὔ;
젊은 소크라테스: 어찌 안 되겠습니까?
ΞΕ. ῥᾴδιον ἔοικας ἡγεῖσθαι τὸ τοιοῦτον·
이방인: 그런 일이 쉽다고 생각하는 듯하군.
σκοπώμεθα δʼ οὖν αὐτὸ ἐν τοῖς ὑπεναντίοις γένεσι.
하지만 대립되는 부류들 속에서 그것을 살펴보세.
τῶν γὰρ δὴ πράξεων ἐν πολλαῖς καὶ πολλάκις ἑκάστοτε τάχος καὶ σφοδρότητα καὶ ὀξύτητα διανοήσεώς τε καὶ σώματος, ἔτι δὲ καὶ φωνῆς, ὅταν ἀγασθῶμεν, λέγομεν αὐτὸ ἐπαινοῦντες μιᾷ χρώμενοι προσρήσει τῇ τῆς ἀνδρείας.
참으로 수많은 행위들 속에서 매번, 우리가 생각이나 신체, 그리고 목소리의 신속함과 격렬함, 그리고 예리함에 찬탄할 때, 우리는 '용기'라는 단 하나의 명칭을 사용하여 그것을 예찬해 말하네.
ΝΕ. ΣΩ. πῶς;
젊은 소크라테스: 어떻게 말입니까?
ΞΕ. ὀξὺ καὶ ἀνδρεῖον πρῶτόν πού φαμεν, καὶ ταχὺ καὶ ἀνδρικόν, καὶ σφοδρὸν ὡσαύτως·
이방인: 우리는 아마 먼저 '예리하고 용감하다'고 말하고, 또 '빠르고 대담하다'고 하며, 격렬한 경우에도 마찬가지로 말하네.
καὶ πάντως ἐπιφέροντες τοὔνομα ὃ λέγω κοινὸν πάσαις ταῖς φύσεσι ταύταις ἐπαινοῦμεν αὐτάς.
그리고 내가 말하는 저 공통의 이름을 이 모든 천성들에 덮어씌움으로써 그것들을 찬탄하는 것이네.
ΝΕ. ΣΩ. ναί.
젊은 소크라테스: 예.