§216ΘΕΟ. κατὰ τὴν χθὲς ὁμολογίαν, ὦ Σώκρατες, ἥκομεν αὐτοί τε κοσμίως καὶ τόνδε τινὰ ξένον ἄγομεν, τὸ μὲν γένος ἐξ Ἐλέας, ἑταῖρον δὲ τῶν ἀμφὶ Παρμενίδην καὶ Ζήνωνα, μάλα δὲ ἄνδρα φιλόσοφον.
테오도로스: 어제의 합의에 따라, 소크라테스여, 우리 자신도 단정하게 왔으며, 여기 이 이방인 한 분을 모셔왔습니다. 태생은 엘레아이며, 파르메니데스와 제논 학파의 동료이고, 대단히 철학적인 인물입니다.
ΣΩ. ἆρʼ οὖν, ὦ Θεόδωρε, οὐ ξένον ἀλλά τινα θεὸν ἄγων κατὰ τὸν Ὁμήρου λόγον λέληθας;
소크라테스: 그렇다면 테오도로스여, 그대는 이방인이 아니라 호메로스의 말대로 어떤 신을 모셔오고도 깨닫지 못하고 있는 것은 아닙니까?
ὅς φησιν ἄλλους τε θεοὺς τοῖς ἀνθρώποις ὁπόσοι μετέχουσιν αἰδοῦς δικαίας, καὶ δὴ καὶ τὸν ξένιον οὐχ ἥκιστα θεὸν συνοπαδὸν γιγνόμενον ὕβρεις τε καὶ εὐνομίας τῶν ἀνθρώπων καθορᾶν.
호메로스는 다른 신들도 올바른 경외심을 가진 인간들과 동행하며, 특히 손님을 대접하는 신이 동반자가 되어 인간들의 오만과 좋은 질서를 지켜본다고 말합니다.
τάχʼ οὖν ἂν καὶ σοί τις οὗτος τῶν κρειττόνων συνέποιτο, φαύλους ἡμᾶς ὄντας ἐν τοῖς λόγοις ἐποψόμενός τε καὶ ἐλέγξων, θεὸς ὤν τις ἐλεγκτικός.
그러니 아마도 이분 역시 더 뛰어난 존재들 중 하나로서, 논박하는 신이 되어, 논변에서 보잘것없는 우리를 살피고 또 심판하기 위해 그대와 동행하여 왔을지도 모릅니다.
ΘΕΟ. οὐχ οὗτος ὁ τρόπος, ὦ Σώκρατες, τοῦ ξένου, ἀλλὰ μετριώτερος τῶν περὶ τὰς ἔριδας ἐσπουδακότων.
테오도로스: 소크라테스여, 이 이방인의 방식은 그렇지 않으며, 논쟁에 열중하는 이들보다 훨씬 더 온화합니다.
καί μοι δοκεῖ θεὸς μὲν ἁνὴρ οὐδαμῶς εἶναι, θεῖος μήν·
그리고 제게는 이분이 결코 신은 아니지만, 신적인 존재로는 보입니다.
πάντας γὰρ ἐγὼ τοὺς φιλοσόφους τοιούτους προσαγορεύω.
왜냐하면 저는 모든 철학자들을 그렇게 부르기 때문입니다.
ΣΩ. καὶ καλῶς γε, ὦ φίλε.
소크라테스: 참으로 옳은 말이네, 친구여.
τοῦτο μέντοι κινδυνεύει τὸ γένος οὐ πολύ τι ῥᾷον ὡς ἔπος εἰπεῖν εἶναι διακρίνειν ἢ τὸ τοῦ θεοῦ·
하지만 이 부류를 구별해내는 것은, 말하자면 신의 부류를 구별해내는 것보다 결코 훨씬 쉬운 일은 아닐 걸세.
πάνυ γὰρ ἇνδρες οὗτοι παντοῖοι φανταζόμενοι διὰ τὴν τῶν ἄλλων ἄγνοιαν
"ἐπιστρωφῶσι πόληας"
, οἱ μὴ πλαστῶς ἀλλʼ ὄντως φιλόσοφοι, καθορῶντες ὑψόθεν τὸν τῶν κάτω βίον, καὶ τοῖς μὲν δοκοῦσιν εἶναι τοῦ μηδενὸς, τοῖς δʼ ἄξιοι τοῦ παντός·
왜냐하면 다른 이들의 무지 때문에, 거짓이 아니라 참으로 철학자인 이 사람들은 온갖 모습으로 나타나며, "나라들의 도시들을 두루 돌아다니기" 때문이네. 그들은 저 높은 곳에서 아래 사람들의 삶을 굽어보는데, 어떤 이들에게는 아무 가치도 없는 존재로 보이고, 다른 이들에게는 모든 가치를 지닌 존재로 보이지.
καὶ τοτὲ μὲν πολιτικοὶ φαντάζονται, τοτὲ δὲ σοφισταί, τοτὲ δʼ ἔστιν οἷς δόξαν παράσχοιντʼ ἂν ὡς παντάπασιν ἔχοντες μανικῶς.
그리고 어떤 때에는 정치가로 나타나고, 어떤 때에는 소피스트로 보이며, 또 어떤 때에는 어떤 이들에게는 완전히 미친 듯한 인상을 주기도 하네.
τοῦ μέντοι ξένου ἡμῖν ἡδέως ἂν πυνθανοίμην, εἰ φίλον αὐτῷ, τί ταῦθʼ οἱ περὶ τὸν ἐκεῖ τόπον ἡγοῦντο καὶ ὠνόμαζον.
하지만 우리의 이방인에게 기꺼이 묻고 싶네, 만일 그에게 괜찮다면, 그곳 사람들은 이것들을 어떻게 생각하고 불렀는지 말일세.
§217ΘΕΟ. τὰ ποῖα δή;
테오도로스: 구체적으로 어떤 것들을 말씀하십니까?
ΣΩ. σοφιστήν, πολιτικόν, φιλόσοφον.
소크라테스: 소피스트, 정치가, 철학자이네.
ΘΕΟ. τί δὲ μάλιστα καὶ τὸ ποῖόν τι περὶ αὐτῶν διαπορηθεὶς ἐρέσθαι διενοήθης;
테오도로스: 구체적으로 그것들에 대해 어떤 의문을 품고 질문하시려고 생각하셨습니까?
ΣΩ. τόδε·
소크라테스: 이것이네.
πότερον ἓν πάντα ταῦτα ἐνόμιζον ἢ δύο, ἢ καθάπερ τὰ ὀνόματα τρία, τρία καὶ τὰ γένη διαιρούμενοι καθʼ ἓν ὄνομα ἑκάστῳ προσῆπτον;
그들은 이것들을 모두 하나로 여겼는가, 아니면 둘로 여겼는가, 아니면 이름이 셋인 것처럼 그 부류도 셋으로 나누어 각각의 이름에 하나씩 갖다 붙였는가?
ΘΕΟ. ἀλλʼ οὐδείς, ὡς ἐγᾦμαι, φθόνος αὐτῷ διελθεῖν αὐτά·
테오도로스: 하지만 제가 보기에, 그가 그것들을 설명해 주는 것을 아까워하지는 않을 것입니다.
ἢ πῶς, ὦ ξένε, λέγωμεν;
그렇지 않습니까, 이방인이여?
ΞΕ. οὕτως, ὦ Θεόδωρε.
이방인: 그렇습니다, 테오도로스여.
φθόνος μὲν γὰρ οὐδεὶς οὐδὲ χαλεπὸν εἰπεῖν ὅτι γε τρίʼ ἡγοῦντο·
아까워하지도 않으며, 그들이 그것을 셋으로 여겼다고 말하는 것 자체는 어렵지 않습니다.
καθʼ ἕκαστον μὴν διορίσασθαι σαφῶς τί ποτʼ ἔστιν, οὐ σμικρὸν οὐδὲ ῥᾴδιον ἔργον.
하지만 각각이 도대체 무엇인지를 명확하게 규정하는 것은 결코 작지도 쉽지도 않은 일입니다.
ΘΕΟ. καὶ μὲν δὴ κατὰ τύχην γε, ὦ Σώκρατες, λόγων ἐπελάβου παραπλησίων ὧν καὶ πρὶν ἡμᾶς δεῦρʼ ἐλθεῖν διερωτῶντες αὐτὸν ἐτυγχάνομεν, ὁ δὲ ταὐτὰ ἅπερ πρὸς σὲ νῦν καὶ τότε ἐσκήπτετο πρὸς ἡμᾶς·
테오도로스: 그리고 소크라테스여, 그대는 우연히도 우리가 이곳에 오기 전에 그에게 질문하고 있던 것과 매우 비슷한 논변을 붙잡았군요. 그는 지금 그대에게 핑계를 대는 것과 똑같은 핑계를 그때도 우리에게 대었습니다.
ἐπεὶ διακηκοέναι γέ φησιν ἱκανῶς καὶ οὐκ ἀμνημονεῖν.
왜냐하면 그는 그것을 충분히 들어서 알고 있으며 잊지 않고 있다고 말하기 때문입니다.
ΣΩ. μὴ τοίνυν, ὦ ξένε, ἡμῶν τήν γε πρώτην αἰτησάντων χάριν ἀπαρνηθεὶς γένῃ, τοσόνδε δʼ ἡμῖν φράζε.
소크라테스: 그렇다면 이방인이여, 우리의 첫 번째 청을 거절하여 우리를 실망시키지 말고, 이만큼이라도 우리에게 말해주시오.
πότερον εἴωθας ἥδιον αὐτὸς ἐπὶ σαυτοῦ μακρῷ λόγῳ διεξιέναι λέγων τοῦτο ὃ ἂν ἐνδείξασθαί τῳ βουληθῇς, ἢ διʼ ἐρωτήσεων, οἷόν ποτε καὶ Παρμενίδῃ χρωμένῳ καὶ διεξιόντι λόγους παγκάλους παρεγενόμην ἐγὼ νέος ὤν, ἐκείνου μάλα δὴ τότε ὄντος πρεσβύτου;
그대는 누군가에게 보여주고자 하는 바가 있을 때, 그대 스스로 긴 논변을 펼쳐 설명하는 것을 더 즐겨 하는 편이오, 아니면 질문을 통해서 하는 편이오? 마치 내가 젊고 그가 매우 연로하셨던 시절, 파르메니데스께서 질문을 사용하시며 아주 훌륭한 논변들을 이끌어가실 때 내가 그 자리에 있었던 것처럼 말이오.
ΞΕ. τῷ μέν, ὦ Σώκρατες, ἀλύπως τε καὶ εὐηνίως προσδιαλεγομένῳ ῥᾷον οὕτω, τὸ πρὸς ἄλλον·
이방인: 소크라테스여, 괴롭히지 않고 온순하게 응대해 주는 대화 상대가 있다면 그렇게 타인과 대화하는 편이 더 쉽습니다.
εἰ δὲ μή, τὸ καθʼ αὑτόν.
하지만 그렇지 않다면 혼자서 하는 편이 낫습니다.
ΣΩ. ἔξεστι τοίνυν τῶν παρόντων ὃν ἂν βουληθῇς ἐκλέξασθαι, πάντες γὰρ ὑπακούσονταί σοι πρᾴως·
소크라테스: 그렇다면 여기 있는 이들 중에서 그대가 원하는 누구든 선택해도 좋소, 모두가 그대에게 온순하게 따를 터이니 말이오.
συμβούλῳ μὴν ἐμοὶ χρώμενος τῶν νέων τινὰ αἱρήσῃ, Θεαίτητον τόνδε, ἢ καὶ τῶν ἄλλων εἴ τίς σοι κατὰ νοῦν.
내 조언을 따른다면 젊은이들 중 한 명을 선택하는 것이 좋을 것이오, 여기 이 테아이테토스나 다른 이들 중 그대 마음에 드는 누구라도 말이오.
ΞΕ. ὦ Σώκρατες, αἰδώς τίς μʼ ἔχει τὸ νῦν πρῶτον συγγενόμενον ὑμῖν μὴ κατὰ σμικρὸν ἔπος πρὸς ἔπος ποιεῖσθαι τὴν συνουσίαν, ἀλλʼ ἐκτείναντα ἀπομηκύνειν λόγον συχνὸν κατʼ ἐμαυτόν, εἴτε καὶ πρὸς ἕτερον, οἷον ἐπίδειξιν ποιούμενον·
이방인: 소크라테스여, 여러분과 이제 처음 만났는데, 짧은 문답식으로 대화를 나누지 않고, 마치 시연을 하는 것처럼 혼자서 혹은 타인을 향해 길게 이야기를 늘여놓는 것에 대해 일종의 쑥스러움이 생깁니다.
τῷ γὰρ ὄντι τὸ νῦν ῥηθὲν οὐχ ὅσον ὧδε ἐρωτηθὲν ἐλπίσειεν ἂν αὐτὸ εἶναί τις, ἀλλὰ τυγχάνει λόγου παμμήκους ὄν.
왜냐하면 사실 지금 언급된 주제는 이렇게 질문을 받았을 때 예상할 수 있는 만큼의 크기가 아니라, 극히 긴 논변을 필요로 하는 것이기 때문입니다.
τὸ δὲ αὖ σοὶ μὴ χαρίζεσθαι καὶ τοῖσδε, ἄλλως τε καὶ σοῦ λέξαντος ὡς εἶπες, ἄξενόν τι καταφαίνεταί μοι καὶ ἄγριον.
하지만 다른 한편으로 그대와 이분들의 청을 들어주지 않는 것은, 특히 그대가 그렇게 말씀하신 뒤에는 야만스럽고 무례한 짓처럼 보입니다.
ἐπεὶ Θεαίτητόν γε τὸν προσδιαλεγόμενον εἶναι δέχομαι παντάπασιν ἐξ ὧν αὐτός τε πρότερον διείλεγμαι καὶ σὺ τὰ νῦν μοι διακελεύῃ.
저 역시 대화 상대자로 테아이테토스를 전적으로 받아들이겠습니다. 저 자신이 이전에 대화를 나누어 보았고, 그대 또한 지금 제게 권하고 있기 때문입니다.