§218ΘΕΑΙ. δρᾶ τοίνυν, ὦ ξένε, οὕτω καὶ καθάπερ εἶπε Σωκράτης πᾶσιν κεχαρισμένος ἔσῃ.
테아이테토스: 그렇게 하십시오, 이방인이여. 그렇게 하시면 소크라테스가 말한 것처럼 모두를 기쁘게 할 것입니다.
ΞΕ. κινδυνεύει πρὸς μὲν ταῦτα οὐδὲν ἔτι λεκτέον εἶναι, Θεαίτητε·
이방인: 테아이테토스여, 이 일들에 대해서는 더 이상 아무 말도 할 필요가 없을 것 같소.
πρὸς δὲ σὲ ἤδη τὸ μετὰ τοῦτο, ὡς ἔοικε, γίγνοιτο ἂν ὁ λόγος.
하지만 이제는 그대에게, 보아하니, 다음 논변이 향하게 될 것이오.
ἂν δʼ ἄρα τι τῷ μήκει πονῶν ἄχθῃ, μὴ ἐμὲ αἰτιᾶσθαι τούτων, ἀλλὰ τούσδε τοὺς σοὺς ἑταίρους.
만일 그대가 그 길이에 피로해져서 싫증이 나더라도, 그 원인을 내가 아니라 여기 그대의 동료들에게 돌리시오.
ΘΕΑΙ. ἀλλʼ οἶμαι μὲν δὴ νῦν οὕτως οὐκ ἀπερεῖν·
테아이테토스: 하지만 저는 지금 이런 식으로 포기하지는 않을 것이라 생각합니다.
ἂν δʼ ἄρα τι τοιοῦτον γίγνηται, καὶ τόνδε παραληψόμεθα Σωκράτη, τὸν Σωκράτους μὲν ὁμώνυμον, ἐμὸν δὲ ἡλικιώτην καὶ συγγυμναστήν, ᾧ συνδιαπονεῖν μετʼ ἐμοῦ τὰ πολλὰ οὐκ ἄηθες.
그리고 만일 그와 같은 일이 일어난다면, 여기 소크라테스도 동참시키겠습니다. 그는 소크라테스와 이름이 같지만, 저의 동갑내기이자 체육관 동료이기도 합니다. 그와 함께 대부분의 논변에서 고생을 함께 나누는 것은 제게 전혀 낯선 일이 아닙니다.
ΞΕ. εὖ λέγεις, καὶ ταῦτα μὲν ἰδίᾳ βουλεύσῃ προϊόντος τοῦ λόγου·
이방인: 좋은 말이오. 그 일은 논변이 진행되면서 사적으로 의논하도록 하시오.
κοινῇ δὲ μετʼ ἐμοῦ σοι συσκεπτέον ἀρχομένῳ πρῶτον, ὡς ἐμοὶ φαίνεται, νῦν ἀπὸ τοῦ σοφιστοῦ, ζητοῦντι καὶ ἐμφανίζοντι λόγῳ τί ποτʼ ἔστι.
하지만 저와 공동으로 먼저 검토해야 할 것은, 내가 보기에, 지금 소피스트부터 시작하여, 그가 도대체 무엇인지를 논변으로 탐구하고 밝혀내는 것이오.
νῦν γὰρ δὴ σύ τε κἀγὼ τούτου πέρι τοὔνομα μόνον ἔχομεν κοινῇ, τὸ δὲ ἔργον ἐφʼ ᾧ καλοῦμεν ἑκάτερος τάχʼ ἂν ἰδίᾳ παρʼ ἡμῖν αὐτοῖς ἔχοιμεν·
왜냐하면 현재 그대와 나는 이 자에 관해서 이름만을 공통으로 가지고 있을 뿐, 우리 각자가 어떤 실체에 대해 그 이름을 부르고 있는가는 어쩌면 각자의 마음속에서 다를 수 있기 때문이오.
δεῖ δὲ ἀεὶ παντὸς πέρι τὸ πρᾶγμα αὐτὸ μᾶλλον διὰ λόγων ἢ τοὔνομα μόνον συνωμολογῆσθαι χωρὶς λόγου.
하지만 언제나 모든 것에 대해, 논변 없이 이름만으로 합의하는 것보다는 논변을 통해 그 사물 자체를 합의해야 하오.
τὸ δὲ φῦλον ὃ νῦν ἐπινοοῦμεν ζητεῖν οὐ πάντων ῥᾷστον συλλαβεῖν τί ποτʼ ἔστιν, ὁ σοφιστής·
그런데 우리가 지금 탐구하려고 생각하는 소피스트라는 부류는, 도대체 무엇인지를 파악하기에 가장 쉬운 것이 아니오.
ὅσα δʼ αὖ τῶν μεγάλων δεῖ διαπονεῖσθαι καλῶς, περὶ τῶν τοιούτων δέδοκται πᾶσιν καὶ πάλαι τὸ πρότερον ἐν σμικροῖς καὶ ῥᾴοσιν αὐτὰ δεῖν μελετᾶν, πρὶν ἐν αὐτοῖς τοῖς μεγίστοις.
그리고 무릇 훌륭하게 완수해야 할 위대한 일들에 대해서는, 가장 위대한 것들 자체에 들어가기 전에, 먼저 작고 쉬운 일들 속에서 그것들을 예비 연습해야 한다는 것이 오래전부터 모든 이들에게 동의된 바요.
νῦν οὖν, ὦ Θεαίτητε, ἔγωγε καὶ νῷν οὕτω συμβουλεύω, χαλεπὸν καὶ δυσθήρευτον ἡγησαμένοις εἶναι τὸ τοῦ σοφιστοῦ γένος πρότερον ἐν ἄλλῳ ῥᾴονι τὴν μέθοδον αὐτοῦ προμελετᾶν, εἰ μὴ σύ ποθεν εὐπετεστέραν ἔχεις εἰπεῖν ἄλλην ὁδόν.
그러니 이제 테아이테토스여, 소피스트라는 부류가 포착하기 어렵고 사냥하기 어렵다고 생각하는 나로서는, 우리 두 사람에게 이와 같이 권하고 싶소. 먼저 다른 더 쉬운 일 속에서 그 탐구 방법을 예비 연습해 보자는 것이오, 만일 그대가 어디선가 더 수월한 다른 길을 말할 수 있는 것이 아니라면 말이오.
ΘΕΑΙ. ἀλλʼ οὐκ ἔχω.
테아이테토스: 없습니다.
ΞΕ. βούλει δῆτα περί τινος τῶν φαύλων μετιόντες πειραθῶμεν παράδειγμα αὐτὸ θέσθαι τοῦ μείζονος;
이방인: 그렇다면 사소한 어떤 것을 쫓아가면서 그것을 더 큰 것의 본보기로 삼아보고자 하겠소?
ΘΕΑΙ. ναί.
테아이테토스: 예.
ΞΕ. τί δῆτα προταξαίμεθʼ ἂν εὔγνωστον μὲν καὶ σμικρόν, λόγον δὲ μηδενὸς ἐλάττονα ἔχον τῶν μειζόνων;
이방인: 그렇다면 쉽게 알 수 있고 작으면서도, 더 큰 것들의 설명에 결코 못지않은 설명을 담고 있는 것으로 무엇을 먼저 설정하면 좋겠소?
οἷον ἀσπαλιευτής·
예컨대 낚시꾼이 있소.
ἆρʼ οὐ πᾶσί τε γνώριμον καὶ σπουδῆς οὐ πάνυ τι πολλῆς τινος ἐπάξιον;
이는 모든 이에게 잘 알려져 있고, 그리 대단한 노력을 기울일 만한 가치는 없는 일이 아니오?
§219ΘΕΑΙ. οὕτως.
테아이테토스: 그렇습니다.
ΞΕ. μέθοδον μὴν αὐτὸν ἐλπίζω καὶ λόγον οὐκ ἀνεπιτήδειον ἡμῖν ἔχειν πρὸς ὃ βουλόμεθα.
이방인: 실로 이것이 우리가 원하는 바에 대해 부적절하지 않은 탐구 방법과 논변을 가지고 있을 것이라 나는 기대하오.
ΘΕΑΙ. καλῶς ἂν ἔχοι.
테아이테토스: 그것 참 좋겠습니다.
ΞΕ. φέρε δή, τῇδε ἀρχώμεθα αὐτοῦ.
이방인: 자, 여기서부터 시작합시다.
καί μοι λέγε·
그리고 내게 말해 주시오.
πότερον ὡς τεχνίτην αὐτὸν ἤ τινα ἄτεχνον, ἄλλην δὲ δύναμιν ἔχοντα θήσομεν;
우리는 그를 기술을 가진 자로 설정해야 하겠소, 아니면 기술은 없고 어떤 다른 능력을 가진 자로 설정해야 하겠소?
ΘΕΑΙ. ἥκιστά γε ἄτεχνον.
테아이테토스: 결코 기술이 없는 자는 아닙니다.
ΞΕ. ἀλλὰ μὴν τῶν γε τεχνῶν πασῶν σχεδὸν εἴδη δύο.
이방인: 하지만 실로 모든 기술에는 대략 두 가지 종류가 있소.
ΘΕΑΙ. πῶς;
테아이테토스: 어떻게 그렇습니까?
ΞΕ. γεωργία μὲν καὶ ὅση περὶ τὸ θνητὸν πᾶν σῶμα θεραπεία, τό τε αὖ περὶ τὸ σύνθετον καὶ πλαστόν, ὃ δὴ σκεῦος ὠνομάκαμεν, ἥ τε μιμητική, σύμπαντα ταῦτα δικαιότατʼ ἂν ἑνὶ προσαγορεύοιτʼ ἂν ὀνόματι.
이방인: 농업, 그리고 죽을 수밖에 없는 모든 신체의 보살핌에 관한 것, 또한 조립되고 형성된 것, 즉 우리가 "기구"라고 이름 지은 것에 관한 것, 그리고 모방 기술. 이 모든 것은 가장 올바르게는 하나의 이름으로 불릴 수 있을 것이오.
ΘΕΑΙ. πῶς καὶ τίνι;
테아이테토스: 어떻게, 그리고 무슨 이름으로 말입니까?
ΞΕ. πᾶν ὅπερ ἂν μὴ πρότερόν τις ὂν ὕστερον εἰς οὐσίαν ἄγῃ, τὸν μὲν ἄγοντα ποιεῖν, τὸ δὲ ἀγόμενον ποιεῖσθαί πού φαμεν.
이방인: 이전에 존재하지 않던 모든 것을 나중에 존재로 이끌어 갈 때, 이끄는 자를 "제작한다"고 하고, 이끌려가는 것을 "제작된다"고 우리는 말하오.
ΘΕΑΙ. ὀρθῶς.
테아이테토스: 옳습니다.
ΞΕ. τὰ δέ γε νυνδὴ ἃ διήλθομεν ἅπαντα εἶχεν εἰς τοῦτο τὴν αὑτῶν δύναμιν.
이방인: 그리고 방금 우리가 나열한 것들은 모두 이것에 대해 자신들의 능력을 가지고 있었소.
ΘΕΑΙ. εἶχε γὰρ οὖν.
테아이테토스: 참으로 그러했습니다.
ΞΕ. ποιητικὴν τοίνυν αὐτὰ συγκεφαλαιωσάμενοι προσείπωμεν.
이방인: 그렇다면 그것들을 요약하여 제작술이라 부릅시다.
ΘΕΑΙ. ἔστω.
테아이테토스: 그렇게 하십시다.
ΞΕ. τὸ δὴ μαθηματικὸν αὖ μετὰ τοῦτο εἶδος ὅλον καὶ τὸ τῆς γνωρίσεως τό τε χρηματιστικὸν καὶ ἀγωνιστικὸν καὶ θηρευτικόν, ἐπειδὴ δημιουργεῖ μὲν οὐδὲν τούτων, τὰ δὲ ὄντα καὶ γεγονότα τὰ μὲν χειροῦται λόγοις καὶ πράξεσι, τὰ δὲ τοῖς χειρουμένοις οὐκ ἐπιτρέπει, μάλιστʼ ἄν που διὰ ταῦτα συνάπαντα τὰ μέρη τέχνη τις κτητικὴ λεχθεῖσα ἂν διαπρέψειεν.
이방인: 한편, 배움에 관한 부류 전체와 인식, 그리고 획득, 경쟁, 사냥. 이것들은 아무것도 새로 만들어내지 않고, 이미 존재하거나 생긴 것들을 말과 행동으로 손에 넣거나, 손에 넣으려는 다른 이들을 저지하는 것들이기 때문에, 이 모든 부분들을 통틀어 획득술이라 부르는 것이 가장 어울리고 두드러질 것이오.
ΘΕΑΙ. ναί· πρέποι γὰρ ἄν.
테아이테토스: 예, 어울릴 것입니다.
ΞΕ. κτητικῆς δὴ καὶ ποιητικῆς συμπασῶν οὐσῶν τῶν τεχνῶν ἐν ποτέρᾳ τὴν ἀσπαλιευτικήν, ὦ Θεαίτητε, τιθῶμεν;
이방인: 그렇다면 모든 기술이 획득술과 제작술이라 할 때, 테아이테토스여, 낚시꾼의 기술을 어느 쪽에 두어야 하겠소?
ΘΕΑΙ. ἐν κτητικῇ που δῆλον.
테아이테토스: 획득술에 두는 것이 분명합니다.
ΞΕ. κτητικῆς δὲ ἆρʼ οὐ δύο εἴδη;
이방인: 그런데 획득술에는 두 가지 종류가 있지 않소?
τὸ μὲν ἑκόντων πρὸς ἑκόντας μεταβλητικὸν ὂν διά τε δωρεῶν καὶ μισθώσεων καὶ ἀγοράσεων, τὸ δὲ λοιπόν, ἢ κατʼ ἔργα ἢ κατὰ λόγους χειρούμενον σύμπαν, χειρωτικὸν ἂν εἴη;
하나는 동의하는 이들끼리의 교환으로 선물, 임대, 매매를 통한 것이고, 다른 하나는 남은 것으로서 행동이나 말로써 제압하는 전체이니, 제압술이라 할 수 있지 않겠소?
ΘΕΑΙ. φαίνεται γοῦν ἐκ τῶν εἰρημένων.
테아이테토스: 어쨌든 하신 말씀으로 보아서는 그렇게 보입니다.
ΞΕ. τί δέ; τὴν χειρωτικὴν ἆρʼ οὐ διχῇ τμητέον;
이방인: 그렇다면 제압술은 둘로 나누어야 하지 않겠소?
ΘΕΑΙ. πῇ;
테아이테토스: 어떻게 말입니까?
ΞΕ. τὸ μὲν ἀναφανδὸν ὅλον ἀγωνιστικὸν θέντας, τὸ δὲ κρυφαῖον αὐτῆς πᾶν θηρευτικόν.
이방인: 공공연한 전체를 경쟁술로 설정하고, 은밀한 전체를 모두 사냥술로 설정함으로써 말이오.
ΘΕΑΙ. ναί.
테아이테토스: 예.
ΞΕ. τὴν δέ γε μὴν θηρευτικὴν ἄλογον τὸ μὴ οὐ τέμνειν διχῇ.
이방인: 그런데 사냥술을 둘로 나누지 않는 것은 불합리하오.
ΘΕΑΙ. λέγε ὅπῃ.
테아이테토스: 어떻게 나누는지 말씀해 주십시오.
ΞΕ. τὸ μὲν ἀψύχου γένους διελομένους, τὸ δʼ ἐμψύχου.
이방인: 무생물 부류와 생물 부류로 나눔으로써 말이오.
ΘΕΑΙ. τί μήν; εἴπερ ἔστον γε ἄμφω.
테아이테토스: 당연히 그렇습니다, 둘 다 존재하니까요.