§70ΦΑΙΔ. εἰπόντος δὴ τοῦ Σωκράτους ταῦτα, ὑπολαβὼν ὁ Κέβης ἔφη·
파이돈: 소크라테스가 이와 같이 말하자, 케베스가 말을 받아 말했습니다.
ὦ Σώκρατες, τὰ μὲν ἄλλα ἔμοιγε δοκεῖ καλῶς λέγεσθαι, τὰ δὲ περὶ τῆς ψυχῆς πολλὴν ἀπιστίαν παρέχει τοῖς ἀνθρώποις μή, ἐπειδὰν ἀπαλλαγῇ τοῦ σώματος, οὐδαμοῦ ἔτι ᾖ, ἀλλ’ ἐκείνῃ τῇ ἡμέρᾳ διαφθείρηταί τε καὶ ἀπολλύηται ᾗ ἂν ὁ ἄνθρωπος ἀποθνῄσκῃ, εὐθὺς ἀπαλλαττομένη τοῦ σώματος, καὶ ἐκβαίνουσα ὥσπερ πνεῦμα ἢ καπνὸς διασκεδασθεῖσα οἴχηται διαπτομένη καὶ οὐδὲν ἔτι οὐδαμοῦ ᾖ.
"소크라테스여, 다른 것들은 저에게 잘 이야기된 것으로 보입니다만, 혼에 관한 일은 사람들에게 큰 의구심을 불러일으킵니다. 즉, 혼이 몸에서 벗어났을 때 더 이상 아무 데도 존재하지 않고, 사람이 죽는 바로 그날에 몸에서 벗어나자마자 숨결이나 연기처럼 흩어져 날아가 버려 더 이상 어디에도 존재하지 않게 되는 것은 아닐까 하는 의구심입니다.
ἐπεί, εἴπερ εἴη που αὐτὴ καθ’ αὑτὴν συνηθροισμένη καὶ ἀπηλλαγμένη τούτων τῶν κακῶν ὧν σὺ νυνδὴ διῆλθες, πολλὴ ἂν εἴη ἐλπὶς καὶ καλή, ὦ Σώκρατες, ὡς ἀληθῆ ἐστιν ἃ σὺ λέγεις·
왜냐하면 만일 혼이 그 자체로 한데 모여 자네가 방금 열거한 그 재앙들로부터 벗어난 채 어딘가에 존재하고 있다면, 소크라테스여, 자네가 말하는 바가 참되다는 크고 아름다운 희망이 있을 것이기 때문이네.
ἀλλὰ τοῦτο δὴ ἴσως οὐκ ὀλίγης παραμυθίας δεῖται καὶ πίστεως, ὡς ἔστι τε ψυχὴ ἀποθανόντος τοῦ ἀνθρώπου καί τινα δύναμιν ἔχει καὶ φρόνησιν. ἀληθῆ, ἔφη, λέγεις, ὁ Σωκράτης, ὦ Κέβης·
하지만 정작 이 점, 즉 사람이 죽은 뒤에도 혼이 존재하며 어떤 힘과 지혜를 지니고 있다는 것은 아마도 적잖은 설득과 확증을 필요로 할 걸세." 소크라테스가 말했습니다. "케베스여, 자네 말이 맞네.
ἀλλὰ τί δὴ ποιῶμεν;
그렇다면 우리는 무엇을 해야 하겠는가?
ἢ περὶ αὐτῶν τούτων βούλει διαμυθολογῶμεν, εἴτε εἰκὸς οὕτως ἔχειν εἴτε μή; ἐγὼ γοῦν, ἔφη ὁ Κέβης, ἡδέως ἂν ἀκούσαιμι ἥντινα δόξαν ἔχεις περὶ αὐτῶν.
이 일들에 대해 그렇게 되는 것이 그럴법한지 그렇지 않은지 이야기를 나누어 보고 싶은가?" 케베스가 말했습니다. "저로서는 그것들에 대해 자네가 어떤 의견을 가지고 있는지 기꺼이 듣고 싶네." 소크라테스가 말했습니다.
οὔκουν γ’ ἂν οἶμαι, ἦ δ’ ὃς ὁ Σωκράτης, εἰπεῖν τινα νῦν ἀκούσαντα, οὐδ’ εἰ κωμῳδοποιὸς εἴη, ὡς ἀδολεσχῶ καὶ οὐ περὶ προσηκόντων τοὺς λόγους ποιοῦμαι.
"적어도 지금 듣고 있는 사람은 설령 그가 희극 작가라 할지라도, 내가 실없는 소리를 지껄이며 합당하지 않은 일들에 대해 논하고 있다고 말하지는 못할 걸세.
εἰ οὖν δοκεῖ, χρὴ διασκοπεῖσθαι.
그러니 그렇게 생각한다면, 면밀히 검토해 보아야 하네.
σκεψώμεθα δὲ αὐτὸ τῇδέ πῃ, εἴτ’ ἄρα ἐν Ἅιδου εἰσὶν αἱ ψυχαὶ τελευτησάντων τῶν ἀνθρώπων εἴτε καὶ οὔ.
그러면 이 점을 다음과 같은 방식으로 검토해 보세. 과연 죽은 사람들의 혼이 하데스에 존재하는지 그렇지 않은지를 말이네.
παλαιὸς μὲν οὖν ἔστι τις λόγος οὗ μεμνήμεθα, ὡς εἰσὶν ἐνθένδε ἀφικόμεναι ἐκεῖ, καὶ πάλιν γε δεῦρο ἀφικνοῦνται καὶ γίγνονται ἐκ τῶν τεθνεώτων·
우리가 기억하는 오래된 전설이 하나 있는데, 혼들이 이곳으로부터 저곳으로 가고, 다시 그곳으로부터 이곳으로 돌아와 죽은 자들로부터 태어난다는 것이네.
καὶ εἰ τοῦθ’ οὕτως ἔχει, πάλιν γίγνεσθαι ἐκ τῶν ἀποθανόντων τοὺς ζῶντας, ἄλλο τι ἢ εἶεν ἂν αἱ ψυχαὶ ἡμῶν ἐκεῖ;
그리고 만일 이것이 사실이어서 죽은 자들로부터 다시 산 자들이 태어난다면, 우리 혼들이 그곳에 존재하고 있다는 것 외에 다른 무엇이겠는가?
οὐ γὰρ ἄν που πάλιν ἐγίγνοντο μὴ οὖσαι, καὶ τοῦτο ἱκανὸν τεκμήριον τοῦ ταῦτ’ εἶναι, εἰ τῷ ὄντι φανερὸν γίγνοιτο ὅτι οὐδαμόθεν ἄλλοθεν γίγνονται οἱ ζῶντες ἢ ἐκ τῶν τεθνεώτων·
왜냐하면 만일 존재하지 않았다면 결코 다시 태어나는 일은 없을 것이기 때문이네. 그리고 만일 산 자들이 죽은 자들 외에 다른 어디에서도 태어나지 않는다는 점이 실제로 명백해진다면, 이것이 그 점을 증명하는 충분한 증거가 될 것이네.
εἰ δὲ μὴ ἔστι τοῦτο, ἄλλου ἄν του δέοι λόγου. πάνυ μὲν οὖν, ἔφη ὁ Κέβης. μὴ τοίνυν κατ᾽ ἀνθρώπων, ἦ δ’ ὅς, σκόπει μόνον τοῦτο, εἰ βούλει ῥᾷον μαθεῖν, ἀλλὰ καὶ κατὰ ζῴων πάντων καὶ φυτῶν, καὶ συλλήβδην ὅσαπερ ἔχει γένεσιν περὶ πάντων ἴδωμεν ἆρ’ οὑτωσὶ γίγνεται πάντα, οὐκ ἄλλοθεν ἢ ἐκ τῶν ἐναντίων τὰ ἐναντία, ὅσοις τυγχάνει ὂν τοιοῦτόν τι, οἷον τὸ καλὸν τῷ αἰσχρῷ ἐναντίον που καὶ δίκαιον ἀδίκῳ, καὶ ἄλλα δὴ μυρία οὕτως ἔχει.
하지만 만일 그렇지 않다면 우리는 다른 논변이 필요할 걸세." 케베스가 말했습니다. "정말 그렇습니다." "그렇다면," 하고 그가 말했습니다. "자네가 더 쉽게 이해하고자 한다면, 사람에 대해서만 이것을 살피지 말고, 모든 동물과 식물에 대해서도, 요컨대 생성(생겨남)을 겪는 모든 것들에 대해 살펴보세. 과연 모든 것이 이런 식으로, 즉 반대되는 것들로부터 반대되는 것들이 생겨나는지 말이네. 그런 대립 관계를 가지는 모든 것에 있어서 말이네. 이를테면 아름다운 것은 추한 것의 반대이고, 올바른 것은 올바르지 않은 것의 반대이며, 그 밖에도 수없이 많은 그런 것들이 있네.
τοῦτο οὖν σκεψώμεθα, ἆρα ἀναγκαῖον ὅσοις ἔστι τι ἐναντίον, μηδαμόθεν ἄλλοθεν αὐτὸ γίγνεσθαι ἢ ἐκ τοῦ αὐτῷ ἐναντίου.
그러므로 반대되는 것을 가지는 모든 것에 있어서, 그것이 자신의 반대되는 것 외에 다른 어디에서도 생겨나지 않는다는 점이 필연적인지 살펴보세.
οἷον ὅταν μεῖζόν τι γίγνηται, ἀνάγκη που ἐξ ἐλάττονος ὄντος πρότερον ἔπειτα μεῖζον γίγνεσθαι; ναί.
예를 들어, 어떤 것이 더 커질 때, 그것은 이전에 더 작은 상태였다가 그 뒤에 더 커지게 되는 것이 필연적이지 않겠는가?" "그렇습니다."