§31τοιοῦτος οὖν ἄλλος οὐ ῥᾳδίως ὑμῖν γενήσεται, ὦ ἄνδρες, ἀλλʼ ἐὰν ἐμοὶ πείθησθε, φείσεσθέ μου·
그러므로 배심원 여러분, 저와 같은 다른 사람은 여러분에게 쉽게 나타나지 않을 것입니다. 하지만 만약 여러분이 저의 말을 따른다면, 저를 살려두실 것입니다.
ὑμεῖς δʼ ἴσως τάχʼ ἂν ἀχθόμενοι, ὥσπερ οἱ νυστάζοντες ἐγειρόμενοι, κρούσαντες ἄν με, πειθόμενοι Ἀνύτῳ, ῥᾳδίως ἂν ἀποκτείναιτε, εἶτα τὸν λοιπὸν βίον καθεύδοντες διατελοῖτε ἄν, εἰ μή τινα ἄλλον ὁ θεὸς ὑμῖν ἐπιπέμψειεν κηδόμενος ὑμῶν.
그러나 여러분은 어쩌면 졸다가 깨어난 사람들처럼 짜증이 나서, 아뉘토스에게 설득되어 저를 쳐서 쉽게 죽여버릴지도 모릅니다. 그리고 만약 신이 여러분을 염려하셔서 다른 누군가를 보내주지 않으신다면, 여러분은 남은 인생 동안 계속 잠을 자며 보내게 될 것입니다.
ὅτι δʼ ἐγὼ τυγχάνω ὢν τοιοῦτος οἷος ὑπὸ τοῦ θεοῦ τῇ πόλει δεδόσθαι, ἐνθένδε ἂν κατανοήσαιτε·
제가 신에 의해 우리 도시에 주어진 그와 같은 사람이라는 점은, 다음 사실로부터 이해하실 수 있을 것입니다.
οὐ γὰρ ἀνθρωπίνῳ ἔοικε τὸ ἐμὲ τῶν μὲν ἐμαυτοῦ πάντων ἠμεληκέναι καὶ ἀνέχεσθαι τῶν οἰκείων ἀμελουμένων τοσαῦτα ἤδη ἔτη, τὸ δὲ ὑμέτερον πράττειν ἀεί, ἰδίᾳ ἑκάστῳ προσιόντα ὥσπερ πατέρα ἢ ἀδελφὸν πρεσβύτερον πείθοντα ἐπιμελεῖσθαι ἀρετῆς.
제가 제 자신의 모든 일을 제쳐두고, 제 집안일이 소홀히 여겨진 채 이토록 많은 해가 흘러가는 것을 견디면서도, 항상 여러분의 일을 하며, 마치 아버지나 연장의 형처럼 개인적으로 한 사람 한 사람에게 다가가 덕에 마음을 쓰도록 설득해 온 것은 인간적인 일처럼 보이지 않기 때문입니다.
καὶ εἰ μέν τι ἀπὸ τούτων ἀπέλαυον καὶ μισθὸν λαμβάνων ταῦτα παρεκελευόμην, εἶχον ἄν τινα λόγον·
만약 제가 이러한 일들로부터 어떤 이득을 얻거나 보상을 받으면서 이런 권고를 해온 것이라면, 저에게도 어떤 변명의 여지가 있었을 것입니다.
νῦν δὲ ὁρᾶτε δὴ καὶ αὐτοὶ ὅτι οἱ κατήγοροι τἆλλα πάντα ἀναισχύντως οὕτω κατηγοροῦντες τοῦτό γε οὐχ οἷοί τε ἐγένοντο ἀπαναισχυντῆσαι παρασχόμενοι μάρτυρα, ὡς ἐγώ ποτέ τινα ἢ ἐπραξάμην μισθὸν ἢ ᾔτησα.
하지만 이제 여러분 자신도 보시다시피, 고발자들이 다른 모든 일에 대해서는 그토록 파렴치하게 고발하면서도, 이 일에 대해서만큼은 제가 누군가로부터 보상을 받아내거나 요구했다는 증인을 내세울 만큼 파렴치해질 수는 없었습니다.
ἱκανὸν γάρ, οἶμαι, ἐγὼ παρέχομαι τὸν μάρτυρα ὡς ἀληθῆ λέγω, τὴν πενίαν.
왜냐하면 저는 제가 진실을 말하고 있다는 충분한 증인을 제시하고 있다고 생각하기 때문인데, 그것은 바로 저의 가난입니다.
ἴσως ἂν οὖν δόξειεν ἄτοπον εἶναι, ὅτι δὴ ἐγὼ ἰδίᾳ μὲν ταῦτα συμβουλεύω περιιὼν καὶ πολυπραγμονῶ, δημοσίᾳ δὲ οὐ τολμῶ ἀναβαίνων εἰς τὸ πλῆθος τὸ ὑμέτερον συμβουλεύειν τῇ πόλει.
그렇다면 제가 개인적으로는 이렇게 돌아다니며 조언하고 참견하면서도, 공적으로는 여러분의 대중 앞에 나아가 도시를 위해 조언할 용기를 내지 못하는 것이 어쩌면 이상하게 보일지도 모릅니다.
τούτου δὲ αἴτιόν ἐστιν ὃ ὑμεῖς ἐμοῦ πολλάκις ἀκηκόατε πολλαχοῦ λέγοντος, ὅτι μοι θεῖόν τι καὶ δαιμόνιον γίγνεται, ὃ δὴ καὶ ἐν τῇ γραφῇ ἐπικωμῳδῶν Μέλητος ἐγράψατο.
이에 대한 원인은 여러분이 여러 곳에서 제게 자주 들으셨던 바, 제게 어떤 신적이고 다이몬적인 일이 일어난다는 점 때문입니다. 멜레토스가 고발장에 희극적으로 조롱하며 적은 것도 바로 이것입니다.
ἐμοὶ δὲ τοῦτʼ ἔστιν ἐκ παιδὸς ἀρξάμενον, φωνή τις γιγνομένη, ἣ ὅταν γένηται, ἀεὶ ἀποτρέπει με τοῦτο ὃ ἂν μέλλω πράττειν, προτρέπει δὲ οὔποτε.
이것은 제게 어린 시절부터 시작된 것으로, 어떤 목소리가 들려오는 것인데, 그것이 들릴 때마다 그것은 언제나 제가 하려는 일을 하지 못하게 말리지만, 결코 권장하지는 않습니다.
τοῦτʼ ἔστιν ὅ μοι ἐναντιοῦται τὰ πολιτικὰ πράττειν, καὶ παγκάλως γέ μοι δοκεῖ ἐναντιοῦσθαι·
이것이 제가 정치적인 일을 하는 것에 반대하는 것이며, 제 생각에 그것이 반대하는 것은 참으로 훌륭한 일입니다.
εὖ γὰρ ἴστε, ὦ ἄνδρες Ἀθηναῖοι, εἰ ἐγὼ πάλαι ἐπεχείρησα πράττειν τὰ πολιτικὰ πράγματα, πάλαι ἂν ἀπολώλη καὶ οὔτʼ ἂν ὑμᾶς ὠφελήκη οὐδὲν οὔτʼ ἂν ἐμαυτόν.
왜냐하면 아테네 배심원 여러분, 잘 알아두십시오. 만약 제가 아주 오래전에 정치적인 일들을 하려고 시도했다면, 저는 이미 오래전에 파멸했을 것이고, 여러분에게나 제 자신에게나 아무런 도움도 주지 못했을 것이기 때문입니다.
καί μοι μὴ ἄχθεσθε λέγοντι τἀληθῆ·
그리고 제게 진실을 말한다고 화내지 마십시오.
οὐ γὰρ ἔστιν ὅστις ἀνθρώπων σωθήσεται οὔτε ὑμῖν οὔτε ἄλλῳ πλήθει οὐδενὶ γνησίως ἐναντιούμενος καὶ διακωλύων πολλὰ ἄδικα καὶ παράνομα ἐν τῇ πόλει γίγνεσθαι, ἀλλʼ ἀναγκαῖόν ἐστι τὸν τῷ ὄντι μαχούμενον ὑπὲρ τοῦ δικαίου, καὶ εἰ μέλλει ὀλίγον χρόνον σωθήσεσθαι, ἰδιωτεύειν ἀλλὰ μὴ δημοσιεύειν.
여러분에게든 다른 어떤 대중에게든 진심으로 맞서며 도시 안에서 많은 불의와 불법이 일어나는 것을 막으려 하는 사람은, 그 누구도 살아남을 수 없기 때문입니다. 오히려 참으로 정의를 위해 싸우려는 사람은, 비록 아주 짧은 시간 동안이라도 살아남으려 한다면, 공인이 아닌 개인으로 활동하는 것이 필수적입니다.
§32μεγάλα δʼ ἔγωγε ὑμῖν τεκμήρια παρέξομαι τούτων, οὐ λόγους ἀλλʼ ὃ ὑμεῖς τιμᾶτε, ἔργα.
저는 여러분에게 이것들에 대한 중대한 증거들을 제시할 것인데, 말들이 아니라 여러분이 중히 여기시는 사실들입니다.
ἀκούσατε δή μοι τὰ συμβεβηκότα, ἵνα εἰδῆτε ὅτι οὐδʼ ἂν ἑνὶ ὑπεικάθοιμι παρὰ τὸ δίκαιον δείσας θάνατον, μὴ ὑπείκων δὲ ἀλλὰ κἂν ἀπολοίμην.
그러니 제게 일어난 일들을 들으십시오. 그리하여 제가 죽음을 두려워하여 정의에 반하면서까지 단 한 사람에게도 굴복하지 않을 것임을, 그리고 굴복하지 않음으로써 기꺼이 파멸하기까지 할 것임을 알게 되도록 하십시오.
ἐρῶ δὲ ὑμῖν φορτικὰ μὲν καὶ δικανικά, ἀληθῆ δέ.
저는 여러분에게 다소 투박하고 법정 같은 일들을 말하겠지만, 참된 것들을 말할 것입니다.
ἐγὼ γάρ, ὦ ἄνδρες Ἀθηναῖοι, ἄλλην μὲν ἀρχὴν οὐδεμίαν πώποτε ἦρξα ἐν τῇ πόλει, ἐβούλευσα δέ·
아테네 배심원 여러분, 저는 우리 도시에서 다른 어떤 관직도 결코 맡은 적이 없으나, 평의원은 지냈습니다.
καὶ ἔτυχεν ἡμῶν ἡ φυλὴ Ἀντιοχὶς πρυτανεύουσα ὅτε ὑμεῖς τοὺς δέκα στρατηγοὺς τοὺς οὐκ ἀνελομένους τοὺς ἐκ τῆς ναυμαχίας ἐβουλεύσασθε ἁθρόους κρίνειν, παρανόμως, ὡς ἐν τῷ ὑστέρῳ χρόνῳ πᾶσιν ὑμῖν ἔδοξεν.
그리고 해전에서 건져 올리지 않은 열 명의 장군들을 여러분이 한꺼번에 재판하기로 합의했을 때, 마침 저희 안티오키스 부족이 당번 평의원을 맡고 있었습니다. 그것은 법에 어긋나는 일이었고, 나중에 여러분 모두가 그렇게 생각하신 바와 같습니다.
τότʼ ἐγὼ μόνος τῶν πρυτάνεων ἠναντιώθην ὑμῖν μηδὲν ποιεῖν παρὰ τοὺς νόμους καὶ ἐναντία ἐψηφισάμην·
그때 평의원들 중 오직 저만이 법에 반하는 일을 아무것도 하지 말라고 여러분에게 반대하며 반대 표를 던졌습니다.
καὶ ἑτοίμων ὄντων ἐνδεικνύναι με καὶ ἀπάγειν τῶν ῥητόρων, καὶ ὑμῶν κελευόντων καὶ βοώντων, μετὰ τοῦ νόμου καὶ τοῦ δικαίου ᾤμην μᾶλλόν με δεῖν διακινδυνεύειν ἢ μεθʼ ὑμῶν γενέσθαι μὴ δίκαια βουλευομένων, φοβηθέντα δεσμὸν ἢ θάνατον.
그리고 연설가들이 저를 고발하고 연행하려 준비하고 있었고, 여러분이 그것을 재촉하고 소리를 지르고 있었을 때에도, 저는 감옥이나 죽음을 두려워하여 불의한 일을 합의하는 여러분의 편에 서기보다는, 법과 정의와 함께 위험을 감수해야 한다고 생각했습니다.
καὶ ταῦτα μὲν ἦν ἔτι δημοκρατουμένης τῆς πόλεως·
그리고 이러한 일들은 도시가 아직 민주정이었을 때의 일입니다.
ἐπειδὴ δὲ ὀλιγαρχία ἐγένετο, οἱ τριάκοντα αὖ μεταπεμψάμενοί με πέμπτον αὐτὸν εἰς τὴν θόλον προσέταξαν ἀγαγεῖν ἐκ Σαλαμῖνος Λέοντα τὸν Σαλαμίνιον ἵνα ἀποθάνοι, οἷα δὴ καὶ ἄλλοις ἐκεῖνοι πολλοῖς πολλὰ προσέταττον, βουλόμενοι ὡς πλείστους ἀναπλῆσαι αἰτιῶν.
그러나 과두정이 되었을 때, 이번에는 삼십인 찬탈자들이 저를 다른 네 명과 함께 원형 청사로 불러들여, 사라미스의 레온을 죽이기 위해 그를 사라미스로부터 데려오라고 명령했습니다. 그들은 가능한 한 많은 사람을 죄과로 채우고자 다른 많은 사람들에게도 그와 같은 일들을 많이 명령하곤 했습니다.
τότε μέντοι ἐγὼ οὐ λόγῳ ἀλλʼ ἔργῳ αὖ ἐνεδειξάμην ὅτι ἐμοὶ θανάτου μὲν μέλει, εἰ μὴ ἀγροικότερον ἦν εἰπεῖν, οὐδʼ ὁτιοῦν, τοῦ δὲ μηδὲν ἄδικον μηδʼ ἀνόσιον ἐργάζεσθαι, τούτου δὲ τὸ πᾶν μέλει.
그때 저는 말이 아니라 행동으로 다시금 보여주었습니다. 저에게 죽음이란, 비록 다소 거친 표현이 아닐 수 없겠지만, 털끝만큼도 상관없으나, 어떠한 불의나 부정함도 저지르지 않는 것, 이것에 저의 모든 신경이 쓰이고 있다는 점을 말입니다.
ἐμὲ γὰρ ἐκείνη ἡ ἀρχὴ οὐκ ἐξέπληξεν, οὕτως ἰσχυρὰ οὖσα, ὥστε ἄδικόν τι ἐργάσασθαι, ἀλλʼ ἐπειδὴ ἐκ τῆς θόλου ἐξήλθομεν, οἱ μὲν τέτταρες ᾤχοντο εἰς Σαλαμῖνα καὶ ἤγαγον Λέοντα, ἐγὼ δὲ ᾠχόμην ἀπιὼν οἴκαδε.
참으로 그 정권은 그토록 강력했음에도 저를 공포에 질려 불의한 일을 저지르게 만들지 못했습니다. 우리가 원형 청사에서 나왔을 때, 다른 네 사람은 사라미스로 가서 레온을 데려왔으나, 저는 길을 돌려 집으로 가버렸습니다.
καὶ ἴσως ἂν διὰ ταῦτα ἀπέθανον, εἰ μὴ ἡ ἀρχὴ διὰ ταχέων κατελύθη.
그리고 만약 그 정권이 신속히 붕괴되지 않았더라면 저는 아마 이것 때문에 죽었을 것입니다.
καὶ τούτων ὑμῖν ἔσονται πολλοὶ μάρτυρες.
그리고 이 일들에 대해서는 여러분에게 많은 증인들이 있을 것입니다.
ἆρʼ οὖν ἄν με οἴεσθε τοσάδε ἔτη διαγενέσθαι εἰ ἔπραττον τὰ δημόσια, καὶ πράττων ἀξίως ἀνδρὸς ἀγαθοῦ ἐβοήθουν τοῖς δικαίοις καὶ ὥσπερ χρὴ τοῦτο περὶ πλείστου ἐποιούμην;
그렇다면 만약 제가 공적인 일들을 수행했고, 훌륭한 사람에 걸맞게 행동하여 정의를 도왔으며, 마땅히 그래야 하듯 이것을 가장 중히 여겼다면, 제가 이토록 많은 해를 살아남을 수 있었을 것이라 생각하십니까?
πολλοῦ γε δεῖ, ὦ ἄνδρες Ἀθηναῖοι·
결코 그렇지 않습니다, 아테네 배심원 여러분.
οὐδὲ γὰρ ἂν ἄλλος ἀνθρώπων οὐδείς.
다른 어떤 사람도 그러지 못했을 것입니다.