§19εἶεν·
좋습니다.
ἀπολογητέον δή, ὦ ἄνδρες Ἀθηναῖοι, καὶ ἐπιχειρητέον ὑμῶν ἐξελέσθαι τὴν διαβολὴν ἣν ὑμεῖς ἐν πολλῷ χρόνῳ ἔσχετε ταύτην ἐν οὕτως ὀλίγῳ χρόνῳ.
아테네 시민 여러분, 참으로 나는 변론해야 하며, 여러분이 오랜 세월 동안 품어온 이 편견을 이처럼 짧은 시간 안에 여러분에게서 걷어내도록 노력해야 합니다.
βουλοίμην μὲν οὖν ἂν τοῦτο οὕτως γενέσθαι, εἴ τι ἄμεινον καὶ ὑμῖν καὶ ἐμοί, καὶ πλέον τί με ποιῆσαι ἀπολογούμενον·
그것이 여러분에게도 나에게도 더 좋은 일이라면, 나로서는 참으로 일이 그렇게 되기를, 그리고 변론을 함으로써 내가 무언가 더 성과를 거두기를 바랍니다.
οἶμαι δὲ αὐτὸ χαλεπὸν εἶναι, καὶ οὐ πάνυ με λανθάνει οἷόν ἐστιν.
하지만 나는 그것이 어려운 일이라고 생각하며, 그것이 어떤 일인지 결코 모르지 않습니다.
ὅμως τοῦτο μὲν ἴτω ὅπῃ τῷ θεῷ φίλον, τῷ δὲ νόμῳ πειστέον καὶ ἀπολογητέον.
그렇지만 이 일은 신께서 원하시는 대로 흘러가게 두고, 나는 법에 복종하여 변론을 해야만 합니다.
ἀναλάβωμεν οὖν ἐξ ἀρχῆς τίς ἡ κατηγορία ἐστὶν ἐξ ἧς ἡ ἐμὴ διαβολὴ γέγονεν, ᾗ δὴ καὶ πιστεύων Μέλητός με ἐγράψατο τὴν γραφὴν ταύτην.
그러므로 내게 대한 편견이 생겨난 고발이 무엇인지, 그리고 참으로 멜레토스가 그것을 믿고 나를 상대로 이 소송을 제기하게 되었는지, 처음부터 다시 짚어봅시다.
εἶεν·
좋습니다.
τί δὴ λέγοντες διέβαλλον οἱ διαβάλλοντες;
비방하는 자들은 참으로 무엇을 말하며 비방했을까요?
ὥσπερ οὖν κατηγόρων τὴν ἀντωμοσίαν δεῖ ἀναγνῶναι αὐτῶν·
그들을 공식적인 고발자라고 보고, 그들의 선서 진술서를 낭독해야 합니다.
Σωκράτης ἀδικεῖ καὶ περιεργάζεται ζητῶν τά τε ὑπὸ γῆς καὶ οὐράνια καὶ τὸν ἥττω λόγον κρείττω ποιῶν καὶ ἄλλους ταὐτὰ ταῦτα διδάσκων. τοιαύτη τίς ἐστιν·
"소크라테스는 부정의를 저지르고 쓸데없는 참견을 한다. 땅 밑의 일들과 하늘 위의 일들을 탐구하고, 약한 논증을 강한 논증으로 만들며, 다른 이들에게 이와 똑같은 것들을 가르치기 때문이다." 그것은 대략 이런 식입니다.
ταῦτα γὰρ ἑωρᾶτε καὶ αὐτοὶ ἐν τῇ Ἀριστοφάνους κωμῳδίᾳ, Σωκράτη τινὰ ἐκεῖ περιφερόμενον, φάσκοντά τε ἀεροβατεῖν καὶ ἄλλην πολλὴν φλυαρίαν φλυαροῦντα, ὧν ἐγὼ οὐδὲν οὔτε μέγα οὔτε μικρὸν πέρι ἐπαΐω.
여러분 자신도 아리스토파네스의 희극에서, 어떤 소크라테스가 거기서 공중으로 들려 올려져 돌아다니며 자신은 '공중을 걷고 있다'고 주장하고 그 밖에 다른 많은 허튼소리를 지껄여대는 것을 보셨기 때문입니다. 나는 그런 것들에 대해 크든 작든 아는 바가 전혀 없습니다.
καὶ οὐχ ὡς ἀτιμάζων λέγω τὴν τοιαύτην ἐπιστήμην, εἴ τις περὶ τῶν τοιούτων σοφός ἐστιν—μή πως ἐγὼ ὑπὸ Μελήτου τοσαύτας δίκας φεύγοιμι— ἀλλὰ γὰρ ἐμοὶ τούτων, ὦ ἄνδρες Ἀθηναῖοι, οὐδὲν μέτεστιν.
그리고 나는 만약 어떤 사람이 그런 일들에 대해 지혜가 있다면 그런 지식을 폄하하려는 뜻으로 말하는 것은 아닙니다. —내가 멜레토스로부터 그토록 많은 소송을 당하는 일이 없기를! —하지만 실상 아테네 시민 여러분, 내게는 이런 일들에 대한 아무런 몫이 없습니다.
μάρτυρας δὲ αὖ ὑμῶν τοὺς πολλοὺς παρέχομαι, καὶ ἀξιῶ ὑμᾶς ἀλλήλους διδάσκειν τε καὶ φράζειν, ὅσοι ἐμοῦ πώποτε ἀκηκόατε διαλεγομένου—πολλοὶ δὲ ὑμῶν οἱ τοιοῦτοί εἰσιν— φράζετε οὖν ἀλλήλοις εἰ πώποτε ἢ μικρὸν ἢ μέγα ἤκουσέ τις ὑμῶν ἐμοῦ περὶ τῶν τοιούτων διαλεγομένου, καὶ ἐκ τούτου γνώσεσθε ὅτι τοιαῦτʼ ἐστὶ καὶ τἆλλα περὶ ἐμοῦ ἃ οἱ πολλοὶ λέγουσιν.
게다가 나는 여러분 중 다수를 증인으로 내세우며, 여러분이 서로 가르쳐주고 말해줄 것을 요청합니다. 지금까지 내가 대화하는 것을 들은 적이 있는 분들은 다 말해 주십시오. 여러분 중에 그런 분들이 많이 계십니다. 그러니 여러분 중 누군가가 내가 그런 일들에 대해 조금이라도 혹은 크게 대화하는 것을 들은 적이 있는지 서로에게 말해 주십시오. 그리하면 대중이 나에 대해 말하는 다른 일들도 똑같은 성격의 것임을 알게 될 것입니다.
ἀλλὰ γὰρ οὔτε τούτων οὐδέν ἐστιν, οὐδέ γʼ εἴ τινος ἀκηκόατε ὡς ἐγὼ παιδεύειν ἐπιχειρῶ ἀνθρώπους καὶ χρήματα πράττομαι, οὐδὲ τοῦτο ἀληθές.
하지만 실상 이 일들 중 어느 것도 사실이 아니며, 만약 내가 사람들을 교육하려 시도하고 돈을 받는다는 말을 누군가에게 들으셨다 하더라도 그것 또한 사실이 아닙니다.
ἐπεὶ καὶ τοῦτό γέ μοι δοκεῖ καλὸν εἶναι, εἴ τις οἷός τʼ εἴη παιδεύειν ἀνθρώπους ὥσπερ Γοργίας τε ὁ Λεοντῖνος καὶ Πρόδικος ὁ Κεῖος καὶ Ἱππίας ὁ Ἠλεῖος.
하기야 레온티니의 고르기아스나 케오스의 프로디코스, 엘리스의 히피아스처럼 누군가 사람들을 교육할 수 있다면 그것 또한 내게는 훌륭한 일로 생각됩니다만.