§3#1Τοῦ μὲν δὴ θερμοῦ νοσήματος ἐν τῷ καθόλου τὰς αἰτίας εἴπομεν, ἐπὶ δὲ τὸ ψυχρὸν ἤδη μεταβῶμεν.
뜨거운 질병의 원인들에 대해서는 총론적으로 논했으니, 이제 차가운 질병으로 넘어가자.
εἰσὶ δὲ καὶ αἱ τοῦδε πλείους τὸν ἀριθμὸν αἰτίαι, οἷον ὁμιλίαι τῶν ψυχόντων, καὶ τῶν ἐσθιομένων καὶ πινομένων τό τε ποσὸν καὶ τὸ ποιὸν, καὶ στέγνωσίς τε καὶ μάνωσις, κᾀπὶ τούτοις ἀργία τε καὶ κίνησις ἄμετρος.
이 질병의 원인들 역시 그 수가 더 많으니, 예컨대 차갑게 하는 것들과의 접촉, 먹고 마시는 것들의 양과 질, 그리고 폐색과 희박화, 그리고 여기에 더해 활동 없음과 과도한 운동이다.
αὗται γὰρ οὖν δὴ καὶ αὐτὸ τὸ πῦρ σβεννύουσιν αἱ προφάσεις.
실제로 이러한 원인들은 불 자체도 꺼버린다.
ἄνθρακι μὲν γὰρ σμικρῷ χιόνα πολλὴν, ἢ κρύσταλλον ἐπιθεὶς, ἢ ὕδωρ ψυχρὸν ἐπιχέας, σβέσεις παραχρῆμα.
왜냐하면 작은 숯불 위에 많은 눈이나 얼음을 얹거나 차가운 물을 부으면 즉시 그것을 끌 것이기 때문이다.
κᾂν εἰ τὸ περιέχον εἴη ἄκρως ψυχρὸν, οἷον μάλιστα περὶ τὸν Ἴστρον χειμῶνος, οὐ μόνον λύχνον ὑπαίθριον ὄψει σβεννύμενον εὐθὺς, ἀλλὰ καὶ πᾶν ἄλλο ὀλίγον πῦρ.
또한 만일 둘러싼 환경이 극도로 차갑다면, 예컨대 겨울철 이스트로스강 주변이 그러하듯, 야외의 등잔불이 즉시 꺼지는 것을 볼 뿐만 아니라 다른 모든 미미한 불도 꺼지는 것을 보게 될 것이다.
οὕτω μὲν ὑπὸ τῆς τῶν ἄγαν ψυχρῶν ὁμιλίας νικᾶται τὸ πῦρ·
이와 같이 불은 너무 차가운 것들과의 접촉에 의해 굴복한다.
ὑπὸ δὲ τῆς τῶν τρέφειν αὐτὸ φύσιν ἐχόντων ὑπερβολῆς, ἢ ἐνδείας, ἢ μὴ προσηκούσης ποιότητος ὡδί πως βλάπτεται.
한편, 불을 기르는 본성을 지닌 것들의 과잉이나 결핍, 혹은 적절하지 못한 질에 의해서는 다음과 같은 방식으로 손상된다.
ξύλα μὲν ἀθρόα καὶ πολλὰ σωρεύσας ἐπὶ σμικρᾶς φλογὸς ἀποπνίξεις αὐτὴν ὑπερβολῇ ποσότητος ἀμέτρου, μὴ παρέχων δὲ ὅλως ἢ παντάπασιν ὀλίγα, μαραινομένην ὄψει δι’ ἔνδειαν, ἢ ὀλιγότητα τροφῆς.
작은 불꽃 위에 땔나무를 한꺼번에 많이 쌓아 올리면 과도하고 무절제한 양에 의해 불꽃을 질식시킬 것이며, 전혀 공급하지 않거나 아주 적게 공급하면 연료의 결핍이나 소량으로 인해 불꽃이 사그라드는 것을 보게 될 것이다.
οὕτω δέ που καὶ τὴν λυχνιαίαν φλόγα θεώμεθα μειουμένην τε καὶ κινδυνεύουσαν σβεσθῆναι ταῖς ἀμετρίαις τῆς οἰκείας τροφῆς.
이와 마찬가지로 우리는 등잔불이 그 자체의 영양 공급의 불절제로 인해 감소하고 꺼질 위험에 처하는 것을 보게 된다.
εἴτε γὰρ μὴ παρέχῃς αὐτῇ τοὔλαιον δαψιλὲς, εἴτε ἀθρόως καταχέοις, πάμπολυ λυπήσεις ἑκατέρως·
왜냐하면 기름을 풍부하게 공급하지 않거나 한꺼번에 쏟아붓는다면 두 가지 방식 모두로 불꽃을 크게 해칠 것이기 때문이다.
εἰ δὲ καὶ παρέχεις μὲν ἄφθονον αὐτῇ τὴν ὕλην, ἀλλ’ ἤτοι μηδ’ ὅλως καίεσθαι πεφυκυῖαν, ἢ σὺν πολλῷ καμάτῳ, καὶ ταύτην εὐθέως ἐλάττονα ποιήσεις τὴν φλόγα, καθάπερ εἰ καὶ τοὔλαιον ἀναμίξας ὕδατι καταχέεις τοῦ πυρός.
또한 비록 풍부한 연료를 공급한다 하더라도, 그것이 전혀 타오르는 본성을 지니지 않았거나 혹은 많은 힘을 들여야만 타오르는 것이라면 이 불꽃을 즉시 더 작게 만들 것이니, 이는 마치 기름에 물을 섞어 불 위에 붓는 것과 같다.
καὶ μὲν δὴ καὶ στεγνώσας τὸ περιέχον τὴν φλόγα καὶ μανώσας ἀμέτρως, ὄψει καὶ οὕτως ἐλάττονά τε γιγνομένην ἐν τάχει καὶ κινδυνεύουσαν σβεσθῆναι.
그리고 불꽃을 둘러싼 환경을 폐색하거나 과도하게 희박하게 만드는 경우에도, 불꽃이 이내 더 작아지고 꺼질 위험에 처하는 것을 보게 될 것이다.
στεγνοῦται μὲν οὖν εἰ σικύαν ἰατρικὴν, ἢ πνιγέαν περιθείης, ἤ τι τοιοῦτον ἕτερον· οὕτω δὲ καὶ τῶν καμίνων εἰ τὰς ὀπὰς ἐμφράξαις.
폐색된다는 것은 의료용 흡각이나 소화용 덮개, 혹은 그와 같은 다른 것을 씌우는 경우이며, 가마의 구멍들을 막아버리는 경우에도 그러하다.
εἰ δὲ ἐν ἡλίῳ πολλῷ καὶ θερινῷ καὶ προσηλίῳ χωρίῳ καταθείης, ἢ μείζονα παραθείης ἑτέραν φλόγα, θεάσῃ καὶ τότε τὴν ἐλάττω μαραινομένην ἐκ τοῦ μανοῦσθαί τε καὶ διαφορεῖσθαι σφοδρῶς ὑπὸ τῆς ἔξωθεν φλογὸς ἰσχυροτέρας ὑπαρχούσης.
그러나 만일 강한 여름 햇살 아래나 볕이 잘 드는 곳에 놓아두거나, 혹은 옆에 다른 더 큰 불꽃을 놓아둔다면, 그때에도 작은 불꽃이 외부의 더 강한 불꽃에 의해 격렬하게 희박해지고 흩어짐으로써 사그라드는 것을 보게 될 것이다.
ὅτι δὲ καὶ ῥιπίζων αὐτὴν, ὅπερ ἐστὶ κινῶν, αὐξήσεις μὲν, εἰ μεμετρημένως αὐτὸ ποιήσεις, ἀμέτρως δὲ ῥιπίσας διαλύσεις τε καὶ σκεδάσεις, οὐδὲ τοῦτο ἄδηλον.
또한 불꽃을 부채질하는 것, 즉 움직이는 것이 적절하게 행해지면 불꽃을 키우겠지만, 과도하게 부채질하면 불꽃을 해체하고 흩어버릴 것이라는 점도 자명하다.
οὕτω γοῦν καὶ οἱ ἄνεμοι κατὰ τὸ μέγεθος ἀεὶ τῆς φλογὸς ἐθέλουσιν ὑπάρχειν, εἴ τι μέλλοιεν ὀνήσειν αὐτήν·
그리하여 바람 역시 불꽃을 도우려 한다면 항상 불꽃의 크기에 비례하여 존재해야만 한다.
οἱ δὲ μείζους ἢ κατ’ ἐκείνην σκεδαννύουσιν, οὐ ῥιπίζουσιν.
한편 불꽃보다 더 큰 바람은 불꽃을 흩어버릴 뿐 부채질하지 못한다.
κᾀν τῷδε δῆλον ὡς δεῖται μὲν τῆς ἐπικτήτου κινήσεως ἡ φλὸξ πρὸς αὔξησιν, οὐ μὴν ἀμέτρου γε ταύτης.
이 점에서도 불꽃이 성장하기 위해서는 외부에서 주어지는 운동을 필요로 하지만, 결코 과도해서는 안 됨이 분명하다.
ἀῤῥωστεῖ μὲν γὰρ οὐδ’ ὅλως ῥιπιζομένη, σκεδάννυται δὲ καὶ διαφορεῖται πρὸς τῆς ἔξωθεν κινήσεως ἐπιπιπτούσης.
전혀 부채질 되지 않을 때는 약해지지만, 외부의 운동이 덮쳐올 때는 흩어지고 사라지기 때문이다.
κατὰ μὲν δὴ τὸ πρῶτον εἶδος τῆς αἰτίας ὑπὸ παντὸς τοῦ προσπίπτοντος ἔξωθεν ψυχροῦ, τοῦ μὲν κατὰ τὴν θίξιν μόνον, τοῦ δὲ κατὰ τὴν δύναμιν ἔσται τι νόσημα ψυχρόν.
우선 원인의 첫 번째 종류에 따르면, 외부에서 닥쳐오는 모든 차가운 것들에 의해(어떤 것은 접촉에 의해서만, 어떤 것은 그 효력에 의해) 차가운 질병이 생기게 된다.
οὕτως ἐν ὕδατι ψυχρῷ νηξάμενός τις ἐβλάβη, καὶ κακῶς λουσάμενος, καὶ διὰ κρύους ὁδοιπορήσας.
그리하여 차가운 물에서 수영을 하다가 해를 입은 사람이 있고, 잘못 목욕을 하여 해를 입은 사람이 있으며, 추위 속을 여행하다가 해를 입은 사람이 있다.
ἐνίους δὲ καὶ ἀποθανόντας οἶδα πρὶν οἴκαδε παραγενέσθαι.
어떤 이들은 집으로 돌아가기도 전에 사망한 것을 나도 알고 있다.
κατὰ δὲ τὸ δεύτερον ἢ ἀπόπληκτος, ἢ ἐπίληπτος, ἢ κίνησιν ἢ αἴσθησιν βεβλαμμένος, ἤ πως ἄλλως κατεψυγμένος ἐξ οἰνοφλυγίας τις ἐγένετο.
두 번째 종류에 따르면, 어떤 이는 과도한 음주로 인해 졸중풍이나 간질에 걸리거나, 운동이나 감각을 상하게 되거나, 혹은 다른 방식으로 몸이 차가워진다.
καί τοί γε αὔξει τὴν ἔμφυτον θερμασίαν ὁ σύμμετρος οἶνος, ὡς ἂν οἰκειοτάτη τροφή.
비록 적절한 와인은 가장 고유한 영양으로서 선천적인 열을 증가시키지만 말이다.
καὶ μὲν δὴ καὶ ἡ τῶν χρηστοτάτων τε καὶ τροφιμωτάτων τῷ ζώῳ σιτίων ἄμετρος προσφορὰ νοσημάτων ψυχρῶν αἰτία γίγνεται.
그리고 동물에게 가장 좋고 영양이 풍부한 음식이라 할지라도 그것을 무절제하게 섭취하는 것은 차가운 질병의 원인이 된다.
ὅσα δὲ ψυχρότερα φύσει τῶν ἐσθιομένων ἢ πινομένων, καὶ ταῦτα ψυχρῶν νοσημάτων αἴτια.
먹고 마시는 것들 중 본성상 더 차가운 것들 또한 차가운 질병의 원인이 된다.
τῶν τοιούτων δέ ἐστι καὶ μήκων καὶ μανδραγόρα καὶ ὑοσκύαμος καὶ κώνειον, ἃ δὴ καὶ κτείνει τῷ σφοδρῷ τῆς ψύξεως.
그러한 것들 중에는 양귀비, 만드라고라, 사양기풀, 독미나리가 있으며, 이것들은 바로 그 극심한 냉각 작용으로 인해 사람을 죽이기까지 한다.
ἡ δέ γε στέγνωσις ἡ ἐσχάτη, τρίτον γὰρ δὴ τοῦτο νοσημάτων ψυχρῶν αἴτιον ἐτιθέμεθα, κάρους τε καὶ κώματα καὶ ἀποπληξίας ἐργάζεται·
그리고 극도의 폐색은—우리가 차가운 질병의 세 번째 원인으로 설정한 것인데—혼수와 혼몽, 그리고 졸중풍을 일으킨다.
καὶ τοῦτο ἔστι τὸ πρὸς Ἱπποκράτους λεγόμενον, ὡς τῷ ἐξαίφνης ἄφωνον γενέσθαι, φλεβῶν ἀπολήψιες τὸ σῶμα λυπέουσιν, ὀνομάζει μὲν γὰρ ὁμοίως τοῖς ἄλλοις παλαιοῖς τὰ δύο γένη τῶν ἐναίμων ἀγγείων φλέβας, οὐχ ὥσπερ οἱ νεώτεροι τὸ ἕτερον μόνον τὸ μὴ σφύζον.
그리고 이것이 히포크라테스가 말한 바, "갑자기 말문이 막히는 것에 대해서는 맥관의 차단이 신체를 해친다"는 것과 일치한다. 왜냐하면 그는 다른 고대인들과 마찬가지로 피를 담고 있는 두 종류의 혈관을 모두 "맥관(플레프스)"이라 불렀으며, 후대의 이들처럼 맥박이 뛰지 않는 다른 한 종류만을 그렇게 부른 것이 아니기 때문이다.
ἐπειδὰν δὲ ἀποληφθῶσιν αἱ κατὰ τὸ ζῶον ἀρτηρίαι, τοῦτ’ ἔστιν οὕτω πληρωθῶσιν αἵματος, ὡς μηδεμίαν ἔτι κενὴν ἀπολείπεσθαι χώραν ἐν αὐταῖς, εἰς ἣν ἐν τῷ διαστέλλεσθαι τὸν ἔξωθεν ἀέρα ἐπισπᾷν δυνήσονται, καταπνίγεται μὲν ἐν τῷδε καὶ ἔμφυτον θερμὸν, ἀκίνητοι δὲ καὶ ἀναίσθητοι διὰ ταχέων οἱ οὕτω παθόντες ὅλῳ τῷ σώματι γίγνονται.
동물 내의 동맥들이 차단될 때, 즉 동맥들이 피로 가득 차서 확장될 때 외부 공기를 빨아들일 수 있는 빈 공간이 그 안에 더 이상 남아있지 않게 될 때, 이로 인해 선천적인 열도 질식하게 되며, 이렇게 앓게 된 자들은 온몸이 빠르게 움직이지 못하고 감각을 잃게 된다.