§5Τί δὴ τοῦτ’ ἔστι πανταχόθεν καὶ πανταχόσε, σαφέστερον ἔτι διαιρήσω σοι.
"사방으로부터" 그리고 "사방으로"라는 것이 대체 무슨 뜻인지, 내가 그대에게 더욱 명확하게 설명해 주겠다.
πάμπολλοι πόροι ταῖς ἀρτηρίαις, οἱ μὲν ἐν αὐτοῖς τοῖς χιτῶσιν οἷον ὀπαί τινες, ἄλλοι δὲ δίκην στομάτων εἰς ἔντερα καὶ γαστέρα καὶ τοῦτο δὴ τὸ ἐκτὸς δέρμα περαίνονται.
동맥에는 아주 많은 통로가 있는데, 어떤 것들은 막 자체에 있어서 일종의 구멍 같고, 다른 것들은 입의 형태로 창자와 위, 그리고 이 바깥쪽 피부로 통한다.
ἀλλὰ καὶ συνεχεῖς ἀλλήλαις τε καὶ τῇ καρδίᾳ κατὰ μεγίστους εἰσὶ πόρους, κατὰ τὰς αὐτὰς ἀρτηρίας, μᾶλλον δὲ εὐρυχωρίας ἁπάσας.
또한 그것들은 서로, 그리고 심장과도 가장 큰 통로를 통해, 즉 동일한 동맥들을 통해, 혹은 오히려 모든 넓은 공간들을 통해 이어져 있다.
ταῖς γε φλεψὶν οὔπω κατὰ μεγάλας, ἀλλ’ ἐκφεύγουσι μὲν τὰς αἰσθήσεις αἱ συναναστομώσεις αὐτῶν.
하지만 정맥들과는 큰 통로를 통해 이어져 있지 않고, 그것들의 문합은 감각을 벗어나 있다.
ὥστε, κᾂν ἀπιστοίης δικαίως, ὡς οὐκ οὔσαις, πιστεύσαις ἂν διὰ τὰ ἄλλα τὰ πρὸς τῶν παλαιῶν εἰρημένα, καὶ οὐχ ἥκιστα διὰ τόδε τὸ φαινόμενον.
따라서 설령 그대들이 그것이 존재하지 않는다고 여겨 정당하게 불신할지라도, 고대인들이 말한 다른 일들 덕분에, 그리고 무엇보다도 다음과 같은 현상 덕분에 믿게 될 것이다.
εἰ γάρ τις λαβὼν ζῶον ὁτιοῦν τούτων δὴ τῶν μεγάλας τε καὶ σαφεῖς τὰς φλέβας τε καὶ τὰς ἀρτηρίας ἐχόντων, οἷον βοῦν, ἢ σῦν, ἢ ὄνον, ἢ ἵππον, ἢ πρόβατον, ἢ ἄρκτον, ἢ πίθηκον, ἢ πάρδαλιν, ἢ ἄνθρωπον αὐτὸν, ἤ τι τῶν ἄλλων τῶν παραπλησίων, κατὰ μεγάλας καὶ πολλὰς ἀρτηρίας τρώσειεν, ἐκκενώσει δι’ αὐτὰς ἅπαν τοῦ ζώου τὸ αἷμα.
왜냐하면 만약 누군가가 황소, 돼지, 당나귀, 말, 양, 곰, 원숭이, 표범, 또는 인간 자신, 혹은 다른 비슷한 동물들처럼 크고 분명한 정맥과 동맥을 가진 동물 중 아무거나 골라 잡아, 여러 개의 크고 많은 동맥에 상처를 낸다면, 그것들을 통해 그 동물의 모든 피를 다 비우게 될 것이기 때문이다.
τούτου πολλάκις τοῦ φαινομένου ἡμεῖς πεῖραν ἐποιησάμεθα, καὶ διαπαντὸς εὑρίσκοντες ἐκκενουμένας τὰς φλέβας ἅμα ταῖς ἀρτηρίαις ἀληθὲς τὸ τῶν συναναστομωσεών ἐκ τούτων ἐπείσθημεν δόγμα.
우리는 이 현상을 여러 번 시험해 보았고, 항상 정맥이 동맥과 함께 비워지는 것을 발견함으로써, 이것들로부터 문합의 교의가 참되다는 것을 확신하게 되었다.
διὰ γοῦν τούτων τῶν ἀναστομώσεων ἐκ τῶν φλεβῶν ἕλκουσι μὲν ἐν ταῖς διαστολαῖς ἀρτηρίαι, ἐκθλίβουσι δὲ εἰς αὐτὰς ἐν ταῖς συστολαῖς, ὥσπερ διὰ τῶν εἰς τὸ δέρμα περαινομένων στομάτων ἐκκρίνουσι μὲν ἔξω πᾶν ὅσον ἀτμῶδές τε καὶ καπνῶδες περίττωμα, μεταλαμβάνουσι δὲ εἰς ἑαυτὰς ἐκ τοῦ περιέχοντος ἡμᾶς ἀέρος οὐκ ὀλίγην μοῖραν.
아무튼 이러한 문합들을 통해 동맥들은 확장기에는 정맥들로부터 끌어당기고, 수축기에는 그것들 안으로 짜내어 밀어 넣는다. 이는 피부로 통하는 구멍들을 통해 증기 같고 연기 같은 모든 노폐물을 바깥으로 내보내는 한편, 우리를 둘러싼 공기로부터 적지 않은 부분을 자신 속으로 받아들이는 것과 마찬가지이다.
καὶ τοῦτ’ ἔστι τὸ πρὸς Ἱπποκράτους λεγόμενον, ὡς ἔκπνουν καὶ εἴσπνουν ἐστὶν ὅλον τὸ σῶμα.
그리고 이것이 바로 히포크라테스에 의해 일컬어진, 몸 전체가 숨을 내쉬고 들이쉰다는 것이다.
κατὰ δὲ τὸν αὐτὸν τρόπον ἔκ τε τῆς γαστρὸς καὶ τῶν ἐντέρων ἕλκουσί τε καὶ αὖθις ἐκκρίνουσιν.
또한 이와 같은 방식으로 위와 창자로부터도 끌어당기고 다시 내보낸다.
οὕτω δὲ καὶ ἐκ τῶν περιεχουσῶν αὐτὰς χωρῶν διὰ τῶν οἷον ὀπῶν τῶν καθ’ ὅλους τοὺς χιτῶνας αὐτῶν ἐν μέρει μὲν ἕλκουσιν, ἐν μέρει δ’ ἐκκρίνουσι.
이처럼 그것들을 둘러싸고 있는 영역들로부터도, 막 전체에 걸쳐 있는 일종의 구멍들을 통해 한편으로는 끌어당기고 한편으로는 내보낸다.
παρὰ δὲ τῆς καρδίας λαμβάνουσι μὲν πλεῖον, διδόασι δ’ ἔλαττον.
반면 심장으로부터는 더 많이 받아들이고, 더 적게 준다.
αἰτία δὲ αἱ τῶν ὑμένων ἐπιφύσεις, ὑπὲρ ὧν αὐτάρκως Ἐρασιστράτου διειλεγμένου, περιττὸν ἡμᾶς νῦν γράφειν.
그 원인은 막들의 부착 구조인데, 이에 대해서는 에라시스트라투스가 충분히 논했으므로 우리가 지금 다시 쓰는 것은 불필요하다.
ἀλλ’ ἐκεῖνος μὲν ἔοικεν ὑπολαμβάνειν, μηδὲν ὅλως εἰς τὴν καρδίαν ἐκ τῶν ἀρτηριῶν μεταλαμβάνεσθαι, πλήν γε διὰ τῶν ἐν πνεύμονι· τὸ δὲ οὐχ οὕτως ἔχει.
하지만 그는 폐에 있는 것들을 통해서가 아니면 동맥으로부터 심장으로 아무것도 전혀 되돌아가지 않는다고 가정한 듯하나, 사실은 그렇지 않다.
τάχα μὲν γὰρ καὶ τὰ κατ’ αὐτὸν τὸν τῆς φύσεως νόμον διοικουμένου τοῦ ζώου μεταλαμβάνεταί τι μικρόν.
왜냐하면 아마도 자연의 법칙 자체에 따라 동물이 조절되고 있을 때에도 어떤 작은 양은 되돌아가기 때문이다.
οὐχ οὕτως γάρ μοι δοκοῦσιν ἀκριβῶς ἀποφράττειν τὸ στόμα τῆς μεγάλης ἀρτηρίας οἱ ὑμένες, ὡς μηδὲν ἐξ αὐτῆς εἰς τὴν καρδίαν παλινδρομεῖν·
왜냐하면 판막들이 대동맥의 구멍을 아주 완벽하게 가로막고 있어서 그것으로부터 심장으로 아무것도 역류하지 못할 () 정도인 것 같지는 않기 때문이다.
εἰ δὲ μὴ, ἀλλά τοί γε, βιαίας τινὸς περιστάσεως καταλαβούσης τὸ ζῶον, ἀναγκαῖον οὕτως γίνεσθαι.
설령 그렇지 않다 하더라도, 적어도 어떤 강제적인 상황이 동물에게 닥쳤을 때에는 그렇게 되는 것이 불가피하다.
πάντως δὲ μᾶλλον ἀληθὲς εἶναί μοι δοκεῖ.
어쨌든 그것이 더 참되다고 나에게는 여겨진다.
τοῦτο δὲ καὶ δι’ ἑτέρων ἡμῖν γραμμάτων ἀποδέδεικται, καὶ οὐ μεγάλη τις αὐτοῦ χρεία πρὸς τὸν ἐνεστῶτα λόγον.
그리고 이것은 우리의 다른 저작들을 통해 증명되었으며, 현재의 논의를 위해 그것이 아주 많이 필요한 것은 아니다.
εἰ μὲν γάρ τι καὶ τῇ καρδίᾳ μεταδιδόασιν αἱ ἀρτηρίαι, πανταχόθεν ἂν οὕτως ἕλκοιέν τε καὶ αὖθις ἀντιπέμποιεν· εἰ δὲ μὴ, πανταχόθεν μὲν ἕλξουσιν, ἐπιπέμψουσιν δὲ καὶ, πλὴν εἰς τὴν καρδίαν, πανταχόσε.
왜냐하면 만약 동맥들이 심장에도 무언가를 나누어 준다면, 그것들은 이런 식으로 사방으로부터 끌어당기기도 하고 다시 되돌려 보내기도 할 것이기 때문이며, 설령 그렇지 않다 하더라도, 사방으로부터 끌어당기고, 심장을 제외하고는 사방으로 내보낼 것이기 때문이다.
καί μοι δοκεῖ πολλῷ βέλτιον εἶναι τοῦτο τὸ δόγμα τῶν Ἐρασιστρατείων ὑποθέσεων·
그리고 이 설은 에라시스트라투스의 가설들보다 훨씬 더 훌륭하다고 나에게는 생각된다.
οὐδὲ γὰρ οὐδὲ σύμπνουν οὐδὲ σύῤῥουν εἶναι τὸ σῶμα δυνατὸν ἑαυτῷ, τῶν ἀρτηριῶν ἑλκουσῶν μὲν πανταχόθεν, μὴ ἐκπεμπουσῶν δὲ πανταχόσε.
왜냐하면 동맥들이 사방으로부터 끌어당기기만 하고 사방으로 내보내지 않는다면, 몸이 스스로에 대해 조화롭게 호흡하고 함께 흐르는 것이 결코 불가능하기 때문이다.
καὶ μὲν δὴ τὸ τῆς ἐνεργείας αὐτῶν χρηστὸν ᾧδ’ ἂν μᾶλλον εἰς ἅπαν ἐκταθείη τὸ ζῶον.
그리고 참으로 그것들의 활동이 지닌 유익함은 이러한 방식을 통해 동물 전체로 더욱 확장될 것이다.
οὕτω γὰρ ἅπαν μόνον ἀναψύχεσθαί τε καὶ καθαίρεσθαι δυνήσεται ταῖς τῶν ἀρτηριῶν διαφόροις κινήσεσι ἐπιστατούμενον.
왜냐하면 이와 같은 방식으로만 전체가 동맥들의 다양한 운동에 의해 지배받으면서 식혀지고 정화될 수 있을 것이기 때문이다.
ὡς δ’ Ἐρασίστρατος ὑπελάμβανεν, ὀχετῶν ἀψύχων ἔργον, οὐκ ὀργάνων ζωτικῶν, αἱ ἀρτηρίαι τοῖς ζώοις ὑπηρετοῦσιν.
그러나 에라시스트라투스가 가정한 방식대로라면, 동맥들은 동물들에게 생명의 기관으로서가 아니라 생명 없는 수로의 역할로 봉사하는 셈이 된다.
ἡμεῖς δὲ καὶ δι’ ἑτέρου τινὸς ὅλου βιβλίου πολυειδῶς ἀπεδείξαμεν, αἷμα κᾀν τῷ κατὰ φύσιν ἔχειν τὸ ζῶον ἐν αὐταῖς ταῖς ἀρτηρίαις περιέχεσθαι.
하지만 우리는 다른 온전한 한 권의 저작을 통해서도 다양한 방식으로, 동물이 자연스러운 상태에 있을 때에도 동맥 자체 안에 피가 포함되어 있다는 것을 증명했다.
εἰ δὲ τοῦτο, παντί που δῆλον, ὡς οὐχ, ὅτι πληροῦνται τοῦ παρὰ τῆς καρδίας ἐπιπεμπομένου πνεύματος, ὡς Ἐρασίστρατος ἐνόμιζε, διὰ τοῦτο διαστέλλονται μᾶλλον, ἢ, ὅτι διαστέλλονται, διὰ τοῦτο πληροῦνται.
그리고 만약 이것이 사실이라면, 에라시스트라투스가 생각했던 것처럼 심장으로부터 전해지는 정기로 채워지기 때문에 확장하는 것이 아니라, 오히려 확장하기 때문에 채워진다는 것은 누구에게나 분명할 것이다.
κενῶν μὲν γὰρ αἵματος οὐσῶν, ἐνδέχοιτ’ ἂν ἴσως ἐν ὀλίγῳ χρόνῳ τὸ ἀπὸ τῆς καρδίας ἐπιῤῥυὲν ἐξικέσθαι μέχρι τῶν περάτων· αἷμα δὲ εἴπερ ἔχοιεν, οὐδαμῶς ἐγχωρεῖ τὸ τάχος τῆς κινήσεως ὁμολογεῖν τῷ παρὰ τῆς καρδίας πληρουμένας αὐτὰς διαστέλλεσθαι.
왜냐하면 만약 동맥들이 피가 없어 비어 있다면, 아마도 짧은 시간 안에 심장으로부터 흘러나온 것이 끝부분까지 도달하는 것이 가능할지 모르나, 피를 포함하고 있다면, 운동의 신속함은 그것들이 심장으로부터 채워짐으로써 확장된다는 생각과 결코 일치할 수 없기 때문이다.
οὐ γὰρ, ὅτι πληροῦνται, διὰ τοῦτο διαστέλλονται, ἀλλ’ ὅτι διαστέλλονται, διὰ τοῦτο πληροῦνται.
왜냐하면 채워지기 때문에 확장하는 것이 아니라, 확장하기 때문에 채워지는 것이기 때문이다.
τοῦτο μὲν δὴ πολλάκις τε καὶ πανταχοῦ καὶ ἡμῖν καὶ πολλοῖς τῶν ἔμπροσθεν ἀποδέδεικται, τὸ τὰς ἀρτηρίας ἐνεργεῖν αὐτὰς, ὡς καὶ ἡ καρδία, συστελλομένας τε καὶ διαστελλομένας ἐν μέρει κατὰ τὴν αὐτὴν ἐκείνῃ δύναμιν, ἣν ἐκ τῆς καρδίας ὁρμωμένην διὰ τῶν χιτώνων αὐτῶν ἐλέγομεν πέμπεσθαι.
이 일, 즉 동맥들 자체가 심장과 마찬가지로, 심장으로부터 시작되어 그것들의 막들을 통해 전해진다고 우리가 말했던 그와 동일한 힘()에 따라 번갈아 수축하고 확장하며 스스로 활동한다는 것은, 우리에 의해서도 그리고 우리 이전의 많은 이들에 의해서도 여러 번 그리고 도처에서 증명되었다.